 |
| Alexandria Library |
၂၀၂၅ ဇန်နဝါရီ ၉ ကြသပတေးနေ့ Alexandria ကိုသွားကြတယ်။ ကိုင်ရိုကနေ ၃ နာရီခွဲလောက်ဝေးတယ်။ ကားသမားက လမ်းတွေပိတ်လို့ နာရီဝက်လောက် နောက်ကျပြီးမှ ရောက်လာတယ်။
ကိုင်ရိုအပြင်ဖက် ဟိုင်းဝေးလမ်းမှာ ကားတွေအကုန် ရပ်နေကြတယ်။ မေးကြည့်တော့ မြူကျလို့ ပိတ်ထားတာတဲ ၈ ခွဲလောက်ပြန်ဖွင့်မယ်၊ ၉ နာရီ ပြန်ဖွင့်မယ်၊ ၉ ခွဲပြန်ဖွင့်မယ်နဲ့။ ၃ နာရီခွဲလောက်စောင့်လိုက်ရတယ် လူကိုအီစိမ့်နေတာပဲ။ gas station store မှာ အိမ်သာဝင် အိမ်သာကသန့်တယ်။ ကားသမားအမြန်မောင်းပေးတယ်။ နာမည်ကျော် Alexandria Library ကိုဝင်လည်တယ်။ ပြခန်းတွေမှာ ပြထားတာတွေ အင်မတန်လက်ရာမြောက်တယ်။
Citadel of Qaitbay ခံတပ်ကိုသွားလည်တယ်။ ပင်လယ်ကမ်းစပ်ဘေးမှာရှိတဲ့ ခံတပ်လှတယ်။ နေ့လည်စာစားဖို့တောင် အချိန်မရှိဘူး။ ပေါင်မုန့်လေးဝယ်ပြီး ကိုင်ရိုအမြန်ပြန်ပြေးရတယ်။ မကြာခင် ဟိုင်းဝေးလမ်းပြန်ပိတ်တော့မှာမို့လို့ ကားသမားက အမြန်မောင်းတယ်။ ကိုယ်တို့ Alexandria ကနေအထွက်မှာပဲ ကားသမားရဲ့သူငယ်ချင်းက လမ်းပိတ်လိုက်ပြီလို့ ဖုန်းခေါ်ပြောတယ်။ ကားသမားက အီရှလာ ဘုရားသခင် စောင်မတော်မူတယ်လို့ သုံးကြိမ်လောက် ရေရွတ်တယ်။ ဟိုင်းဝေးပေါ်မှာ ၃ နာရီခွဲလောက် ထပ်စောင့်ရရင်တော့ မလွယ်ဘူး။ အီဂျစ်မှာ ခရီးသွားရတာ အဲ့လိုပဲ ဘာမှမသေချာဘူး။
Happy Traveling!
စန်းထွန်း
အောက်တိုဘာ ၁၈၊ ၂၀၂၅။
 |
| Citadel of Qaitbay, Alexandria |
No comments:
Post a Comment