လမ်းလျှောက်ခြင်း အနုပညာ - Forest Park

6.4 miles walking in Forest Park

July 19, 2025. Saturday

Kew Gardens ဘူတာကနေ လမ်းလျှောက်ရင် ၁၀ မိနစ်ပဲဝေးတယ်..သစ်ပင်တွေ အများကြီး ထူထပ်အုပ်ဆိုင်းနေပြီး နေပျောက်မထိုးနိုင်..လူနည်းတယ် လမ်းလျှောက်လို့ အင်မတန်ကောင်းတယ်..Central Park ထက်ကောင်းတယ် hidden gem လေး highly recommended ပါ..

Happy Hiking!

စန်းထွန်း

ဒီဇင်ဘာ ၆၊ ၂၀၂၅။

နှင်းဆီပန်းခင်း ...

မေ ၁၉ တနင်္ဂနွေနေ့ ညနေစောင်းမှာ ၁၁ လမ်းမကြီးနဲ့ ၃၃ လမ်းထောင့်မှာ အသစ်ဖွင့်လိုက်တဲ့ Hudson Yards Vessel ဟတ်ဆန်ရပ်မှာ ဓာတ်ပုံသွားရိုက်ကြတယ်။ ကြိတ်ကြိတ်တိုးစည်းကားတယ် ခေတ်မှီသူတိုင်း ဟတ်ဆန်ရပ်ရောက်ကြသည်။ ဒီဇိုင်းကမိုက်တယ် လေဆင်နှာမောင်းလေပွေနဲ့တူတယ်။ အပေါ်တက်ဖို့ တန်းစီနေတဲ့ လူတန်းကြီးက အရှည်ကြီး။ ဝင်ကြေးအခမဲ့ အွန်လိုင်းကနေ ဘွတ်ရတယ်။ တစ်ရက်တော့ တက်ကြည့်မယ် စိတ်ကူးနေတာ ဝိုင်းက မတက်ချင်ဘူးတဲ့။ သစ်ပင်ပန်းမာန်တွေနဲ့ ဓာတ်ပုံရိုက်ချင်ပေမဲ့ အဆောက်အဥ◌ီးနဲ့ တော့ ဓာတ်ပုံမရိုက်ချင်ဘူးတဲ့။ ပြီးတော့ ကာနယ်ဂျီဟောဆီ လမ်းလျှောက်ကြတယ်။ စန္ဒရားဖျော်ဖြေပွဲက နားထောင်လို့ တကယ်ကောင်းတယ်။ ငယ်ငယ်လေးနဲ့ တော်လိုက်ကြတာ အားကျတယ်။ မေ ၃၁ သောကြနေ့ညက မောင်မောင် မက်ဆင်ဂျာကနေ ဗွီဒီယိုကော်ခေါ်တယ် မြဝတီမှာတဲ့။ တူတော်မောင်က ကြီးလာလို့ ကျောင်းတက်ရမှာ ပျင်းလာတယ်တဲ့။ အဲ့ဒါမောင်မောင်နဲ့ နောက်ဆုံးစကားပြောလိုက်တာပဲ။ ဟုတ်ကဲ့အစ်မ အဲ့ဒါဆို ဒါပဲနော် ဖုန်းချလိုက်တော့မယ်ဆိုတဲ့ အသံလေးကို နားထဲကြားနေတုန်းပဲ။ ဇွန် ၂ စနေနေ့မနက် ဂရမ်းစင်ထရယ်ကနေ နယူးယောက်ဘော်တနစ်ဂါးဒင်းကို ရထားစီးသွားတယ်။ စနေနေ့မနက် ၉ နာရီကနေ ၁၁ မထိ ဝင်ကြေးအခမဲ့။ ဒီတော့ ဝင်ကြေးမပေးရအောင် ၁၁ မထိုးခင် အရောက်သွားကြတယ်။ ဇွန်လအစောပိုင်းက နှင်းဆီတွေပွင့်တဲ့အချိန် ဘော်တနစ်ဂါးဒင်းနှင်းဆီခင်းထဲက နှင်းဆီပန်းတွေ တအားလှလို့ ဓာတ်ပုံရိုက်လို့ အင်မတန်ကောင်းတယ်။ ဝတ်ထားတဲ့ဂါဝန်လေးကတော့ မကြီးဝယ်ပေးခဲ့တာ နှစ်နှစ်ရှိပြီ။ ဒီနှစ်နွေရာသီ အင်္ကီျရှင်းလို့ တွေ့တော့မှ ဝတ်ဥ◌ီးမှပါပဲ။ အဲ့ဒီဂါဝန်လေးကိုကြိုက်တယ် ဘာလို့စောစောက မဝတ်မိပါလိမ့်။

Happy Traveling !
စန်းထွန်း
အောက်တိုဘာ ၉၊ ၂၀၁၉။

ဟက်ဆန်ရပ် Hudson Yard Vessel

လေဆင်နှာမောင်းလေပွေနဲ့တူတယ်

ကာနဂျီ‌ဟောက စန္ဒယား‌ဖျော်ဖြပွဲ

နယူး‌ယောက်‌ဘော်တနစ်ကယ်ဂါးဒင်း

ဇာရာဂါဝန်‌လေးကို ကြိုက်တယ် မကြီးဝယ်‌ပေးခဲ့တာ နှစ်နှစ်ရှိပြီ ဘာလို့မဝတ်မိပါလိမ့်

နွေဦးချယ်ရီ...

ဆောင်းတွင်းမှာ ရာသီဥတုကအေး လုပက်စ်ကလည်း ပြန်ဖြစ်နေတော့ ပိတ်ရက်တွေဆို ဘယ်မှမသွားဖြစ်ဘူး။ ခုရာသီဥတု နည်းနည်းနွေးလာတဲ့အပြင် ကိုက်ခဲတာတွေ နည်းနည်းသက်သာလို့ ဧပြီ ၁၂ စနေနေ့ နယူးယောက်ဘော်ဒနစ်ကယ်ဂါးဒင်းမှာ ဓာတ်ပုံသွားရိုက်ဖြစ်တယ်။ ဂရမ်းစင်ထရယ်ကနေ နယူးယောက်ဘော်ဒနစ်ကယ်ဂါးဒင်းကို မတ်ထရိုနော့ရထား နာရီဝက်လောက် စီးရတယ်။ နယူးယောက်ဘော်ဒနစ်ကယ်ဂါးဒင်းက စနေနေ့မနက် ၉  နာရီကနေ မနက် ၁၀ နာရီအထိ အခမဲ့ ပုံမှန်ဝင်ကြေးက ၂၅ ကျပ်။ အရင်တုန်းက ဘရွှတ်ကလင်းဘော်ဒနစ်ကယ်ဂါးဒင်းလည်း စနေနေ့မနက်ဖက်ဆို အခမဲ့။ ခုအခမဲ့မဟုတ်တော့ မသွားဖြစ်တော့ဘူး။ ကင်မရာကောင်းရင် ပုံကောင်းကောင်းလေးတွေ ရတယ်။ ဒီပို့စ်တင်တဲ့အချိန်ဆို ကိုယ်ဟာ ကျူးဘားနိုင်ငံရဲ့မြိ ု့တော် ဟာဗားနားဆီ သွားနေတဲ့လေယာဉ်ပေါ်မှာပါ။ ခရီးကပြန်ရောက်မှပဲ ကျူးဘားသွားတောလားပို့စ်တွေ တင်ပါဦးမယ်။

စန်းထွန်း
မေ ၄၊ ၂၀၁၉ ။

ဒီအနီရောင်ပုဝါလေးက စကော့တလန် အက်ဒင်ဘာ့ခ်ကို သွားတုန်းက ဝယ်ခဲ့တာ...
မခိုင်ကတော့ပြောတယ် ပုဝါက စကော့ရုပ်ကို ပေါက်နေတာပဲတဲ့...

နွေဦး...

အေးစက်လှတဲ့ ဆောင်းရက်ရှည်တွေ လွန်မြောက်ပါစေဖို့ ဆုတောင်းရင်း နွေဦးရောက်ခဲ့ပြီ။ သစ်ပင်ပန်းမန်တွေ ပွင့်အာနုသစ်ပြီး နေရောင်ခြည်နွေးလေးတွေ ဖျန်းပက်နေတော့ သြကာသတခုလုံး လှချင်တိုင်းလှ။ ဆောင်းတွင်းမှာ အအေးဒဏ်ကို ကြံ့ကြံ့ခံပြီး မြေအောက်ငုံ့လျှိုးနေကြတဲ့ သစ်ပင်လေးတွေ ပြူထွက်လာပြီ။ ဘယ်နေရာကြည့်ကြည့် သစ်ရွက်နုလေးတွေ တဝေဝေ ပန်းရောင်စုံတွေ ဖူးပွင့်လို့ ကိုယ်ချစ်တဲ့ နွေဦးရောက်ပြီ။ လှလိုက်တဲ့ ပန်းကလေးတွေ မြင်မြင်သမျှ လှနေတော့ ဓာတ်ပုံမရိုက်ဘဲ မနေနိုင်။ ဝေလိုက် ကြွေလိုက် ဒီလိုနဲ့ပဲ နွေဦး၊ နွေ၊ ဆောင်းဦး၊ ဆောင်း အချိန်ရာသီစက်ဝန်း တရွေ့ရွေ့ လည်ပတ်ဦးမည်။

စန်းထွန်း

ဧပြီ ၂၈၊ ၂၀၁၉ ။

Joe Hisaishi ရဲ့ Summer ကို နားဆင်ကြည့်ပါနော်။ Spritied Away ၊ Princess Mononoke ၊ Ponyo ၊ Totoro ၊ Ki Ki's Delivery Service စတဲ့ နာမည်ကျော် Studio Ghibli ကာတွန်းဇာတ်လမ်းတွေရဲ့ နောက်ခံတီးလုံး၊ သီချင်းတွေကို ဖန်တီးခဲ့တဲ့ ကမ္ဘာကျော်စန္ဒရားပညာရှင်။

(ဧပြီ ၁၂ ရက် စနေနေ့ နယူးယောက် ဘော်ဒနစ်ကယ်ဂါးဒင်းမှာ ရိုက်ခဲ့တဲ့ ဓာတ်ပုံတွေပါ။ )

ဂျပန်လို Summer လို့ အမည်ရတဲ့ Natsu .... ကိုယ့် summer လေး... မတွေ့တာ ၄ နှစ်ရှိပေမဲ့
ခွေးလေးတွေကြောင်လေးတွေမြင်တိုင်း နတ်ဆုနဲ့ မိုချီကို သတိရနေတုန်း...

ခွျှဲနွဲ့တတ်၊ ဘုကြည့်ကြည့်တတ်၊ အိပ်ခန်းတံခါးကို ကုတ်ခြစ်ပြီး လာအိပ်တတ်တဲ့ မိုချီ