နွေဦးတော်လှန်‌ရေး - ၁၇

၂၀၂၂ မတ် ၆ စနေနေ့  MAHAA အဖွဲ့ရဲ့လေးကြိမ်မြောက် စျေးရောင်းပွဲတော်ကို  ကွင်းက St. James Church မှာ မနက် ၁၁ နာရီကနေ နေ့လည် ၃ ခွဲအထိ ကျင်းပပါတယ်။ မနက် ၉ နာရီကနေ နေ့လည် ၁ နာရီ နယူးဂျာစီပြည်နယ် ဂျာစီစီးတီးမှာ အိမ် ၈ အိမ်သွားကြည့်ပြီးမှ ပွဲကို နေ့လည် ၂ နာရီလောက်မှ ရောက်တယ်။ နောက်ကျလို့ ဘာစားစရာမှ မရှိတော့ဘူး။ နောက်ကျလည်း သွားအားပေးတယ် မသွားရင် တာဝန်မကျေသလိုပဲ။ လှုငွေထည့် လင်းနစ်သီချင်းဆိုတာ နားထောင်။ ဒီဇင်ဘာညသီချင်းကိုပဲသိပြီး အဆိုတော်ကို မသိကြဘူးတဲ့ အသက် ၂၀ ကျော်အရွယ်ကလေးတွေ။ ကိုယ်ကတော့ လင်းနစ်သီချင်းတွေ သဘောကျတယ်။ ကိုယ်တိုင်ရေးတွေ SoundCloud မှာ follow ထားတယ်။ လင်းနစ်က ဆန္ဒပြတုန်းကလည်း တက်တက်ကြွကြွ သူ live လွှင့်ရင် နားထောင်တယ်။ စတိတ်ရောက်လာတော့ ပိုအားပေးရတာပေါ့။ ဗော်လန်တီယာအကိုကြီးတယောက်ကို ဘာရောင်းလဲလို့ တယောက်ကမေးတော့ လူရောင်းတယ်လို့ ပြောလို့ ပြုံးမိသေးတယ်။

အရေးတော်ပုံ အောင်ရမည်!

စန်းထွန်း

သြဂုတ် ၈၊ ၂၀၂၂။ 

၃၄ နှစ်ပြည့် ၈၈၈၈

April 5, 2022. Bryant Park
၂၀၂၁ ဒီဇင်ဘာလလယ် Anthony Nose တောင်တက်ပြီးကတည်းက ဝိုင်းနဲ့မတွေ့တာ ၃ လကျော်ကြာမှ ကိစရှိလို့ တွေ့တယ်...
အိမ်ရှာ‌ ဗော်လန်တီယာနဲ့ မအားသလို ရာသီဥတုကလည်းအေးလို့ အပြင်မထွက်ဖြစ်ကြ။

Myanmar Spring Revolution Songs

ဒီနေ့မီတင်းအဖွင့် သီချင်းလေးကို ကြိုက်လို့ ရှယ်လိုက်ပါတယ်။ Classical Music ကြိုက်တဲ့သူမို့လို့ orchestral version ကို ပိုကြိုက်နေတယ်။ နားထောင်ပြီး ကြိုက်မကြိုက် ကွန့်မန့်လာမန့်လို့ ရပါတယ်။

စန်းထွန်း

ဇူလှိုင် ၃၀၊ ၂၀၂၂။

ဓာတ်ပုံရိုက်ခြင်း အနုပညာ - ၃

 ၂၀၂၂ မတ် ၂၂ ဘူတာဆီအသွား လမ်းမကြီးနား ပေါက်နေတဲ့ အပင် ၃ ပင်ဟာ ပွင့်ချိန်ရောက်ပြီဆို သိပ်လှတာပဲ။ ချယ်ရီပန်းနဲ့ တူသလိုပဲ ဓာတ်ပုံမရိုက်ဘဲ မနေနိုင်ဘူး နှစ်တိုင်းရိုက်တယ် နှစ်တိုင်း ဖေ့ဘွတ်၊ ဘလော့မှာ တင်တယ်။



ရုံးနားက ဟက်ဆန်မြစ်ကမ်းဘေးမှာ နေ့လည်စာစားပြီး လမ်းလျှောက်ရင်း အောက်မက်ဟန်တန် စကိုင်းလိုင်းကို မြင်ရတဲ့မြင်ကွင်း။ ကိုယ်အနှစ်သက်ဆုံး နေရာလေးပါ။



မနက်တိုင်း အစာကျွှေးနေကျ ငှက်စာအိမ်လေး။ တိုက်ခန်းကို ပြောင်းတော့မှာမို့ ငှက်စာအိမ်လေး ထားခဲ့ရတယ်။ ငှက်စာအိမ်လေးက ချစ်စရာလေးနော်။ ငှက်စာကုန်နေပြီ အိမ်ပြောင်းမှာမို့ ထပ်မဝယ်တော့ဘူး။ ရေပဲတိုက်နေတာ အစာလာစားနေကျ ရှဥ့်တုတ်တုတ်ခဲခဲလေးက အစာလာတောင်းတယ်။ စိတ်မကောင်းပါဘူး ရှဥ့်နဲ့ ငှက်ကလေးတွေရယ် မင်းတို့ကို လွမ်းနေမှာပါ။



ကိုဂျေမီနဲ့ ကိုဖြိုးဇေယျာသော် အတွက် အတော်ဝမ်းနည်းနေတော။ သတင်းတွေဖတ်ပြီး ငိုလိုက်။  တော်လှန်ရေးကြီး အမြန်ပြီးအောင် တတ်နိုင်သလောက် ကလစ်ကြမယ်၊ လှုကြမယ်၊ စကစကို ပိုဆန့်ကျင်ကြမယ်။


စန်းထွန်း
ဇူလှိုင် ၂၅၊ ၂၀၂၂။

ဆန်းကြယ်တဲ့ စိတ် - ၁

၂၀၂၂ ဇှုလှိုင် ၉ တနင်္ဂနွေနေ့ မနက် ၁၁ ခွဲ သွားဆေးခန်းဆီ အချိန်မှီရောက်ဖို့ ‌လောနေတုန်း မြေအောက်ရထားကနေ မြေပေါ်ဆီ လှေကားအတက် ကိုယ့်ရှေ့မှာ တွန်းလှည်းနဲ့ အဘွားတယောက်။ သူ့နောက်ကနေဆို နောက်ကျမယ် မြန်မြန်ရောက်ချင်ဇောနဲ့ သူ့ဘေးကလမ်းကြောင်းကို ရွေးလိုက်တယ်။ သူ့နောက်ကလူတယောက်က သူ့တွန်းလှည်းကို မြှောက်ပြီး ကူသယ်ပေးလိုက်တဲ့အခါ ဟာ..ခနဲ ဖြစ်သွားတယ်။ ကိုယ်က မကူညီဘဲ မြန်ချင်ဇောနဲ့ ဘေးကနေ ကျော်တက်ဖို့ ကြိုးစားနေချိန်မှာ ကူညီတတ်တဲ့သူက ပေ့ါပေ့ါပါးပါးလေး ကူညီသွားတာကို တွေ့လိုက်ရတဲ့အခါ ရှက်သွားတယ်။ ကူညီတဲ့သူကိုလည်း လေးစားချီးကျူးမိသလို ကြည့်စမ်း ဘာဖြစ်လို့ကူညီဖို့ မတွေးမိပါလိမ့်။ အဲ့ဒီလို ကူညီလို့ရတာပဲ နောက်တခါကျရင် အဲ့လိုကူညီမယ်လို့  တွေးမိတယ်။ အရင်တုန်းက အဲ့လိုအဖြစ်မျိုး မြင်ဖူးပေမဲ့ အဲ့ဒီလိုတွေးမတွေးမိဘူး။ မျက်စိထဲလည်းမမြင် စိတ်ထဲလည်းမရောက်၊ မျက်စိထဲမြင်ရင်တောင် စိတ်ထဲမရောက်တာမျိုး။ ခုတော့လည်း ဘာရယ်မဟုတ်ဘဲ အကျိုးအကြောင်း တိုက်ဆိုင်တဲ့အခါ သင်ခန်းစာ၊ သံဝေဂ၊ စဥ်းစားဆင်ခြင်၊ အတွေးလေးရလို့ ညဏ်လေးတချက် လက်သွားတာမျိုး။ စိတ်ဆိုတာ ဆန်းကြယ်ပါလား။

စန်းထွန်း

ဇူလှိုင် ၁၃၊ ၂၀၂၂။

June 18, 2022, Saturday, Central Park, New York


ဓာတ်ပုံရိုက်ခြင်း အနုပညာ - ၂

အရင်တုန်းကဆို စာတွေသိပ်ရေးနိုင်တာပဲ ရေးစရာတွေချည်းပဲ။ ခုများတော့ ရေးစရာကရှားပါး ရေးချင်စိတ်ကလည်း သိပ်မရှိ။ ဖုန်းထဲမှာ digital cleansing လုပ်ရင်း သိမ်းထားချင်တဲ့ပုံတွေကို အမှတ်တရ တင်လိုက်ပါတယ်။ သည်းခံတော် မူကြပါကုန်။ ပထမဆုံး အဖြူရောင်ဂါဝန် ဝတ်ထားတဲ့ပုံကတော့ ရုံးနားက မြစ်ကမ်းဘေးမှာ ရိုက်ထားတာပါ။ အဲဒီကနားကနေ မြင်ရတဲ့အောက်မက်ဟန်တန်ရှုခင်း အင်မတန်လှတယ်။ ကိုဗစ်ဖြစ်လို့ ရုံးပိတ်ပြီး တနှစ်ခွဲအကြာ ဇူလှိုင် ၆၊ ၂၀၂၁ ပထမဆုံး ရုံးပြန်တက်တဲ့ အမှတ်တရ ရိုက်ထားတဲ့ပုံပါ။ ကိုယ့်ဖုန်း‌အဟောင်းနဲ့ ရိုက်ထားတာဆိုတော့ မှုန်ဝါးဝါး မမြင်ရလေ ပိုကြိုက်လေ။ ဇူလှိုင် ၁၀၊ ၂၀၂၁ ကိုဗစ်ကာကွယ်ဆေးထိုးပြီး တစ်နှစ်ခွဲအကြာမှ စယ်ထရယ်ပါ့ခ်ထဲမှာ ဝိုင်းရယ်၊ အသိညီမလေးရယ်နဲ့ လမ်းသွားလျှောက်တုန်းက ပုံတွေပါ။ ဝိုင်းနဲ့မတွေ့တာ နှစ်နှစ်ကြာပြီးမှ ပထမဆုံးတွေ့တာပါ။ ကိုဗစ်ကာလအတွင်း အပြင်မထွက်ဘဲ အသားကုန် နင်းကန်စားတော့ ဗိုက်ကလေး ထွက်နေပါတယ်။ အသိညီမဖုန်းက အိုင်ဖုန်း ၁၀ ဆိုတော့ ကင်မရာအတော်ကောင်းတယ်။ သစ်ပင်တွေက စိမ်လန်းစိုပြေ ပုံထွက်အတော်ကောင်းတယ်။

Happy July 4th!

စန်းထွန်း

ဇူလှိုင် ၃၊ ၂၀၂၂။

ဇူလှိုင် ၆၊ ၂၀၂၁ ရုံးပိတ်တာ တစ်နှစ်အကြာ ပထမဆုံး ရုံးပြန်တက်တဲ့နေ့ အမှတ်တရ
ဇူလှိုင် ၁၀၊ ၂၀၂၁ စယ်ထရယ်ပါ့ခ်

အထီးကျန်ခြင်း အနုပညာ...

လူတွေအများကြီး ပတ်လည်ဝန်းရံထား၊ စကားတွေ ဆူညံပွက်လောရိုက်၊ သီချင်းသံတွေ ဆူညံနေတဲ့ကြားတဲ့မှာ တယောက်တည်း အထီးကျန်တဲ့ ခံစားမှုမျိုး ခံစားဖူးသလား။  ၂၀၂၂ ဇူလှိုင် ၁၉ အမေစုမွေးနေ့ ဆုတောင်းပွဲသွားတော့ လူ၅၀၀လောက်ရှိတဲ့ လူအုပ်ကြားထဲမှာ တယောက်တည်း အထီးကျန်နေသလိုမျိုး ခံစားရတာ။ သူငယ်ချင်းမိတ်ဆွေတွေနဲ့ဆို အတူပျော်စရာကောင်းပေမဲ့ တယောက်တည်း လုပ်ရတဲ့အခါလည်း ရှိတာပဲ။ တယောက်တည်းနေတာကြာတော့ လူများရင်တောင် ရှုပ်သလိုခံစားမိတယ်။ တယောက်တည်း‌နေလို့ ပျင်းနေမလားလို့ ထင်ကြပေမဲ့ ပျင်းဖို့အချိန်မရှိအောင် မအားတဲ့သူမို့ အထီးကျန်တယ်ဆိုတဲ့ ခံစားမှုကို သိပ်မသိဘူး။ အဲ့ဒီနေ့ကတော့ လူအများကြီးဝန်းရံထားရဲ့ကို အထီးကျန်နေတာ။ ခံစားဖူးတဲ့သူကတော့ နားလည်လိမ့်မယ် ထင်ပါတယ်။

စန်းထွန်း

ဇွန် ၂၉၊ ၂၀၂၂။

May 2, 2022. Orchid in Wat Chai Thararam, Phukhet, Thailand



ဓာတ်ပုံရိုက်ခြင်း အနုပညာ - ၁

ဓာတ်ပုံရိုက်ခြင်း အနုပညာဆိုလို့  ‌ပရော်ဖက်ရှင်နယ် ရိုက်ချက်တွေလို့ မထင်လိုက်ပါနဲ့။ ကင်မရာအကြီးကိုတောင် အော်တိုမုတ်နဲ့ပဲ ရိုက်တဲ့သူပါ။ အိုင်ဖုန်းအသစ်က ကင်မရာကောင်းတော့ ဟိုရိုက်ဒီရိုက် ရိုက်ဖြစ်တာလေးတွေထဲက ကိုယ်ကြိုက်တဲ့ပုံတွေကို တင်မှာပါ။ ရုံးမှာ နေ့လည်ထမင်းစားပြီးချိန် လမ်းသွားလျှောက်လေ့ရှိတဲ့နေရာကနေ မက်ဟန်တန်စကိုင်းလမ်းကို မြင်ရတယ်။ ပင်လယ်ပြာပြာ၊ ကောင်းကင်ပြာပြာ ‌နောက်ခံမှာ တိမ်ဖြူဖြူလွလွတွေ လွင့်မျောနေတာ အင်မတန်လှတယ်။ နေရောင်နွေးနွေးလေးတွေ ဖြာကျတဲ့အခါ၊ လှိုင်းပုတ်သံကို ကြားရတဲ့အခါ၊ ငှက်ကလေးတွေ အော်မြည်သံကို ကြားရတဲ့အခါ၊ ရေထဲငှပ်လျှိုးပြီး အစာရှာနေကြတဲ့ ငှက်ကလေးတွေကို မြင်ရတဲ့အခါ ရင်ထဲငြိမ်းချမ်းတယ်။ ဓာတ်ပုံရိုက်ချင်တဲ့အခါ stand နဲ့ အပုံတထောင်လောက်ရိုက်ပြီး အလှဆုံးပုံတပုံလောက် တင်မယ်နော်။  အိမ်ရှေ့က daffodil အဝါရောင်လေးတွေ ပွင့်ပြီဆိုတာနဲ့ နွေဦးရောက်ပြီ။ 

စန်းထွန်း

ဇွန် ၂၆၊ ၂၀၂၂။


ဝိုးတဝါး...

လွန်ခဲ့တဲ့သုံးနှစ်က သူပြောပြဖူးတဲ့ ရုပ်ရှင်ကို မထင်မှတ်ဘဲ ကြည့်ဖြစ်တဲ့အခါ သူ့ကို ထူးထူးခြားခြား သတိရမိတယ်။ သင်တန်းတခုကို သုံးလလောက် အတူတူတက်ခဲ့လို့ သူ့အကြောင်း နည်းနည်းပါးပါး သိရုံကလွဲလို့ ဘာအမှတ်တရမှလည်းမရှိ။ ရုပ်ရည်က သာမန်ပေမဲ့ စိတ်ဓာတ်က လူကြီးလူကောင်းဆန်ကာ စကားပြောလို့ အတော်အဆင်ပြေတဲ့သူ။ သူ့ချစ်သူရည်းစား၊ မိန်းမကတော့ အတော်ကံကောင်းတဲ့သူပဲလို့ ကိုယ်တို့တညီတညွှတ်တည်း မှတ်ချက်ပြုရသူ။ ချစ်မြတ်နိုးတာလည်းမဟုတ်၊ ရင်ခုန်တာလည်းမဟုတ်၊ မျှော်လင့်တာလည်းမဟုတ်၊ တွယ်တာတာလည်းမဟုတ်၊ အကြောင်းတိုက်ဆိုင်လို့ သဘောကျနှစ်သက်သူတယောက်ကို သတိရမိတင်ထင်ပါရဲ့။ ရှားရှားပါးပါး ကိုယ်သဘောကျ လေးစားအားကျရတဲ့သူတယောက်။ သေသေချာချာ ပြန်တွေးမိရင်တောင် သူ့မျက်နှာကို ဝိုးတဝါးလေးပဲ မျက်မိနေတော့တယ်။

စန်းထွန်း
ဇွန် ၂၃၊ ၂၀၂၂။

06/18/2022 Saturday Central Park ထဲက နှင်းဆီ
အခုတလော နားထောင်ဖြစ်တဲ့ သီချင်းလေးတွေ

နွေဦးတော်လှန်ရေး - ၁၆

၂၀၂၂ ဖေဖေါ်ဝါရီ ၁ အင်္ဂါနေ့ ညနေ ၅ - ၆ နယူးယောက် တိုင်းစကွဲယားမှာ အာဏာသိမ်းတာ တစ်နှစ်ပြည့် ဆန္ဒပြပွဲလုပ်တယ်။ အဲ့ဒီနေ့က ရာသီဥတု အတော်အေးတယ်။ ရုံးကနေ တနာရီစောထွက်ပြီး ဆန္ဒပြပွဲသွားတယ်။ ဆန္ဒပြပွဲတိုင်း ပါနေကြသူတွေကို တွေ့ရတယ်။ နောက်ဆုံးတန်းဖက်မှာ အီလန်ကို တွေ့လိုက်သား။  Gen Z ၊ မြန်မာပြည်ကသူတွေက အသက်ပေးပြီးတောင် တိုက်ပွဲဝင်နေတာ။ ကိုယ်တွေလုပ်တယ်ဆိုတာ သူတို့နဲ့ယှဥ်လိုက်ရင် မြူမှုန်တောင်မရှိဘူး။ တိုက်သူကတိုက်၊ ကလစ်သူကလစ်၊ တတ်နိုင်တဲ့သူငွေလှု၊ လုပ်အား၊ ညဏ်အားလှု၊ အာဏာရှင်ကို နည်းမျိုးစုံနဲ့ တော်လှန်နေကြတာ သိပ်ချစ်ဖို့ကောင်းတဲ့ ပြည်သူတွေ။

အရေးတော်ပုံ‌ အောင်ရမည်!

စန်းထွန်း

ဇွန် ၁၉၊ ၂၀၂၂။

Photo Credit - Wayne Chin

Dyker Heights သွားတောလား ...

ခရီးတွေ မသွားဖြစ်လို့ အားလပ်ရက်ခွင့်တွေ အများကြီး။ ကိုဗစ်ကြောင့် ‌ရှေ့နှစ်ကို ၁၀ ရက် သယ်ယူခွင့်ပေးထားတယ်။ ‌နိုဝင်ဘာကတည်းက တပတ်တရက် သောကြာနေ့တိုင်း ခွင့်ယူပြီး ခွင့်တွေရှင်းနေတာ။ ဒီဇင်ဘာကျမှ အားလပ်ရပ်ခွင့်တွေကို အပြတ်ရှင်းကြတော့ သူတို့နဲ့မတိုက်အောင် ဒီဇင်ဘာ ၁ ရက်နေ့ ဦးဂိုအင်ကာ တရားစခန်းမှာ လုပ်အားသွားပေးမယ်လို့  စီစဥ်ထားတာ application ကို accept မလုပ်။ အိမ်မပြန်တာ ၃ နှစ်ရှိပြီးဆိုပြီး ၃ ပတ်ခွင့်ယူသွားတဲ့ အိန္ဒိယသူလေးက တလနီးပါးယူသွားတော့ ခွင့်ယူလို့မရပြန်ဘူး။ ကိုယ်တို့နှစ်ယောက်မရှိရင် လေဆိပ်ဝက်ဆိုဒ်တွေကို ပြင်ပေးမဲ့သူမရှိတော့ နှစ်ယောက်တပြိုင်တည်း ခွင့်ယူလို့မရဘူး။ အသိအမမိသားစု နယူးယောက်ကို လာလည်တော့ ၄ ရက်ခွင့်ယူပြီး လိုက်ပို့ဖြစ်တယ်။ ၃ ရက်နဲ့ အတော်အနှံ့ လိုက်ပို့ဖြစ်တယ်။ သူတို့မိသားစုကလည်း အတော်လမ်းလျှောက်နိုင်တယ်။ ကိုယ်တိုးဂိုက်လုပ်ဖူးသမျှ မိသားစုထဲမှာ လမ်းအလျှောက်နိုင်ဆုံးပဲ။ ၂၀၂၁ ဒီဇင်ဘာ ၂၄ သောကြာနေ့ကတော့ အမတို့မိသားစုကို သူ့သူငယ်ချင်းက လိုက်ပို့ပေးတော့ ကိုယ်က မကြီးသူငယ်ချင်း ညီမလေးတယောက်ကို ဘရွှတ်ကလင်းက နာမည်ကျော် ဒိုက်ကာဟိုက်ရပ်ကွက်က မီးထွန်းတာတွေ လိုက်ပို့ဖြစ်တယ်။ ဒိုက်ကာဟိုက်ကို အိမ်ကနေ တနာရီခွဲလောက် ရထားစီးရပြီး ဘူတာကနေ မိနစ် ၂၀ လောက် လမ်းလျှောက်ရတယ်။ မက်ဟက်တန်ကနေ တိုးရှိတယ် တယောက် ၄၅ ကျပ်ပေးရတယ်။ ဒိုက်ကာဟိုက်က သူဌေးရပ်ကွက် မီး‌တွေထွန်းတာ အရမ်းလှတယ်။ လျှပ်စစ်ဘေလ်တွေကို အတော်ကုန်မှာ။ ဒိုက်ကာဟိုက်ကို ပထမဆုံးရောက်ဖူးတာက ဂျွှန်လမ်းလျှောက်အဖွဲ့နဲ့။ လမ်းလျှောက်အဖွဲ့ကလူတွေက လမ်းလျှောက်တာ အရမ်းမြန်တော့ ဓာတ်ပုံရိုက်ချိန်မရှိဘူး။ ဝိုင်းနဲ့ပြန်လာပြီး ကင်မရာကြီးနဲ့ ဓာတ်ပုံရိုက်တော့လည်း  ကိုယ်ကလည်း manual နဲ့မရိုက်တတ်။ အော်တိုမုတ်နဲ့ပဲရိုက်တတ်၊ ထရိုင်ပေါ့လည်းမရှိတော့ မီးရောင်စုံနဲ့ ဓာတ်ပုံတပုံမှကို မရှိဘူး။ ခုအိုင်ဖုန်းအသစ်နဲ့မှပဲ ဓာတ်ပုံ‌တွေရတော့တယ်။ 

အသိအမတို့ လစ်ဘာတီကို သွားနေတုန်း ကိုဗစ်ူစတာ ပြေးထိုးလိုက်သေးတယ်။ သတ်မှတ်ထားတဲ့ ဆေးရုံမှာထိုးရင် ၁၀၀ ပေးမယ်ဆိုလို့ သွားထိုးတယ်။ အသိအမမိသားစုကို လေးရက်လိုက်ပို့တုန်းက မနက် ၇ နာရီခွဲ အိမ်ကနေထွက်လိုက်တာ အိမ်ကို ည ၁၁ နာရီမှ ပြန်ရောက်တာဆို‌တော့ လည်ပင်းနာနေတာ အအေးမိတာလားပေါ့။ ဝိုင်းက သူ့ရုံးကလူတွေ ကိုဗစ်ဖြစ်ကြတာ အဲ့လိုလက္ခဏာပဲ နင်ကိုဗစ်ဖြစ်နေတာ ကိုဗစ်စစ်ကြည့်ဦးဆိုမှပဲ ဘူတာရုံနားမှာ သွားစစ်တယ်။ ၅ ရက်ကြာတဲ့အထိ အဖြေမရဘူး။ အင်း ... ကိုဗစ်ဖြစ်တယ်ဆိုရင်ပဲ ကိုဗစ်ပျောက်တဲ့အချိန်ကျမှ ကိုဗစ်စစ်တဲ့အဖြေ ရမလားမသိဘူး။ ကိုဗစ်ဖြစ်တယ်လို့ သဘောထားပြီး ကွာရန်တင်းတယ်။ အပတ်တိုင်း ဝယ်စားတဲ့ဟင်းတွေကို ၅၀ ကျော်ဖိုးဝယ်ပြီး အိမ်ကိုလာပို့ခိုင်းတယ်။ ဗီတာမင်စီ၊ ဒီ အားဆေးအစုံသောက်တယ်။ ဆန္ဒပြပွဲမှာသိတဲ့အမက အလုပ်ရတဲ့အထိမ်းအမှတ်ကျွှေးလို့ သွားစားတယ်။ အပြန်မှာ ကိုဗစ် antigen test နဲ့ PCR test စစ်တယ်။ antigen test က မိနစ် ၂၀ နဲ့ အဖြေရတယ် နက်ဂစ်တစ်။ ပီစီအာက ၃ ရက်နေမှ အဖြေရတယ် ပေါ့စစ်တစ်။ ရုံးကိုပြောပြီး အိမ်ကနေအလုပ်လုပ် ရုံးက test kit ပို့ပေးတယ်။ နေ့လည်စာအတူစားခဲ့တဲ့သူနှစ်ယောက်က နှစ်ခါစစ်တာ နှစ်ခေါက်စလုံး နက်ကစ်တစ်။ ကြည့်ရတာ PCR test မှာ ပေါ့စ်စစ်တစ်ဆိုပေမဲ့ ပိုးကောင်နည်း သူများကိုမကူးတော့တဲ့ အခြေအနေ နေနော။ ဖြစ်ခါစ ငါးရက်အတွင်းမှာ သူများကိုကူးနိုင်တယ်။ ဘူစတာထိုးထားတာကြောင့် သိပ်မခံရတာနေမှာ။ ခရစ်စမတ်ပါတီမှာ လူတွေကအများကြီး အဲ့ဒီမှာကူးတာနေမှာ။ ကိုဗစ်ဖြစ်ပြီးတော့မှ အရင်ကထက် သတိမေ့လာတယ်၊ ပြောနေရင်းနဲ့ကို စောစောက ငါဘာပြောတာပါလိမ့်လို့ ပြန်မေးရတဲ့အဖြစ်။ ကိုယ့်ကိုကိုယ်ပါ မေ့သွားမှဒုက္ခ။ ဝိုင်းအမနဲ့ အဖေလည်း ကိုဗစ်ဖြစ်ပြီးမှ ပိုမေ့လို့တဲ့။ ကိုယ်တယောက်တည်း မဟုတ်ဘူး ပျော်စရာကြီးဟေ့ ။ အရင်ကလောက် ခံနိုင်ရည်မရှိဘူး၊ ပန်းနံ့မွှေးရင် နှာချီနေတာ့တာပဲ။ ခုဆို မတ်စ်တောင် သိပ်မတပ်ကြတော့ဘူး။ ကိုယ်ကတော့ ကိုယ်ခံအားချထားရသူမို့ မတ်စ်တပ် လက်ဆေး သတိထားနေတုန်း။ သတိဆိုတာ ပိုတယ်မရှိ။


စန်းထွန်း

ဇွန် ၁၅၊ ၂၀၂၂။

Arden Point and Glenclyffe သွားတောလား...

၂၀၂၁ ဒီဇင်ဘာ ၁၉ တနင်္ဂနွေနေ့ မနက် ၉ နာရီ ဂရမ်းစင်ထရမ်ဘူတာကနေ Upstate ဖက် Poughkeepise ဆီသွားတဲ့ရထားကိုစီး တနာရီလောက်ကြာတဲ့အခါ Garrison ဘူတာမှာဆင်း။ ဆင်းတဲ့သူနည်းတယ် Good Maps၊ AllTrails ကြည့်ပြီး ထရေးလမ်းရှာ။ ဆောင်းတွင်းဆိုတော့ သစ်ရွက်တွေမရှိ ရထားလမ်းဘေးအတိုင်းလမ်းလျှောက်။ ဟိုဖက်ကမ်းက နာမည်ကျော် West Point စစ်တက္ကသိုလ်ကို ထင်ထင်ရှားရှား မြင်ရတယ်။ ဟက်ဆန်မြစ်က တငြိမ့်ငြမ့်စီးဆင်းနေတယ်။ အောက်ဖက်မှာ ဝက်ဝံတောင်၊ တံတားကို ပျပျလေး မြင်ရတယ်။ ရှူခင်းက လှတယ် နေရောင်လင်းလက်ပေမဲ့ အင်မတန်အေးတာ။ လေတိုက်ရင် ခဲသွားမလား ထင်ရတယ်။ ထရေးလမ်းရှာ မသိရင် တကယ့်တောတောင်ထဲ ရောက်သွားသလားထင်ရတယ်။ နွေရာသီ ပြန်လာချင်သေးတယ်။ မခိုင်ပြောလို့ Strava Apps သုံးတယ်။ ကိုယ်ဘယ်လျှောက်ခဲ့တယ်ဆိုတာ ပြတယ်။ ထရေးလမ်းဆုံးတော့ တခြားဘယ်နေရာသွားကြမလဲလို့ ရှာကြသေးတယ်။ မတွေ့တော့ ၅ မိုင်ပဲ လမ်းလျှောက်ပြီး ပြန်ခဲ့ကြတယ်။ အဲ့ဒီဟိုက်ကင်းကတော့ ၂၀၂၁ ရဲ့နောက်ဆုံးဟိုက်ကင်းပါပဲ။ ဇွန် ၃ ရက်နေ့က မောင်မောင်ဆုံးတာ သုံးနှစ်ပြည့် ရွှေမင်းဝံတရားစခန်းမှာ အာရုဏ်ဆွမ်း လှုဖြစ်တယ်။ သုံးနှစ်တောင်ရှိပြီ မနေ့တနေ့ကလိုပဲ။

Happy Hiking!

စန်းထွန်း

ဇွန် ၄၊ ၂၀၂၂။







Prestigious West Point Military Academy



Anthony Nose သွား တောလား

၂၀၂၁ ဒီဇင်ဘာ ၁၂ တနင်္ဂနွေနေ့ မနက် ၉ နာရီ ဂရမ်းစင်ထရမ်ဘူတာနေ နယူးယောက် အပ်စတိတ်ဖက်သွားတဲ့ ရထားစီး။ တနာရီကျော်လောက်စီး Cold Springs ဘူတာမှာ တော််တော်များများ ဆင်းသွားကြတယ်။ ကိုယ်တို့ဆင်းရတဲ့ဘူတာက Manitou တဲ့။ နောက်ဆုံးတွဲကနေ ဆင်းရတယ် ဘူတာလေးက တကယ့်သေးသေးလေး။ ကိုယ်ရောက်ဖူးသမျှဘူတာထဲမှာ အသေးဆုံးပဲ။ ဆင်းတဲ့သူကလည်း ကိုယ်တို့နှစ်ယောက်တည်း။ တောင်ပေါ်တက်တဲ့လမ်းမှာ ခွေးတကောင်နဲ့လမ်းလျှောက်လာတဲ့ အန်ကယ်ကြီးက ရင်းနှီးဖော်‌ရွေစွာ နှုတ်ဆက်ပြီး ကားလမ်းမပေါ်အထိ လမ်းပြပေးတယ်။ ဘေးမှာတောင် ကားလမ်းဘေး တောင်စွန်းက လူသွားလမ်းလေးက တယောက်တည်း လျှောက်လို့ရတယ်။ အောက်မှာလူနေအိမ် အပါလာချိန်းတောင်တက်လမ်းမှာ လူတွေအများကြီးတွေ့တယ်။ တံတားအထိလမ်းလျှောက်ပြီး တောင်တက်လမ်းမတွေ့လို့ ပြန်လှည့်။ ကားနဲ့လာတဲ့သူတွေကလည်း အပါလာချိန်းတောင်တက်နေရာကို ဦးတည်နေတော့ အဲ့ဒီလိုသွားလိုက်တယ်။ မေးလိုက်တော့ ဒီကနေပဲတက်ရတာတဲ့ အဖြူရောင်အမှတ်အသားလမ်းအတိုင်းလိုက်။ လမ်းအတိုင်းမဟုတ်ဘဲ ရှေးကလူတွေသွားတဲ့အတိုင်းတက်တာ ဝိုင်းကတော်တော်မတက်နိုင်ဘူး။ သူကမြေပြန့်သာ တော််တော်လျှောက်နိုင်တာ အဆင်းဆိုဒုက္ခရောက်တယ်။ ကိုယ်ကတော့ အတက်ကိုသာ နည်းနည်းမောတာ အဆင်းကျရင် တရွှတ်တိုက်ကြီး ဆင်းသွားတတ်တယ်။ မညီမညာတဲ့လမ်း ကျောက်တုံးအချွှန်တွေနဲ့လမ်း ရွှံ့တွေနဲ့ချော်နေတဲ့ကမ်းခြေဆိုလည်း ကိုယ်ကလျှောက်တတ်တယ် ဟိုင်းကြီးသူကိုး။ အတက် မိုင်ဝက်ကတော့ တော်တော်မတ်တယ် ဟိုက်နေအောင် တက်ရတယ်။ ၂၀၁၃ မေရီလန်းပြည်နယ် ရှယ်နယ်ဒိုးဝါး ၂၀၂၁ ဒီဇင်ဘာ Mt. Tammy တက်တုန်းကလိုပဲ တော်တော်တက်ယူရတယ်။ တောင်ပေါ််ရောက်တော့ ပြေပြေလေး ဗျူးဗွိုင့်မှာဓာတ်ပုံရောက်တော့ လေကတဝူးဝူး။ လူတောင်လွှင့်ထွက်သွားမလား ထင်ရတယ်။ ကိုယ်တို့ဘေးကတအုပ်က ဖိလစ်ပိုင်တွေထင်တယ် ဓာတ်ပုံအသားကုန်ရိုက်။ ရှုခင်းကလှပေးမဲ့ လေတအားတိုက်လို့ ခဏပဲနေနိုင်တယ်။ မျက်နှာချင်းဆိုင်မှာ Bear Mountain ဟတ်ဆန်ဖြစ် တံတားလေးနဲ့ အင်မတန်လှတယ်။ ဆောင်းဦးရာသီဆိုရင် တော်တော်လှမှာ ပြန်လာဦးမယ်။ 

လမ်းမှာတွေ့ခဲ့တဲ့ အန်ကယ်ကြီးက Camp Smith Trail လမ်းအတိုင်း Garrison ဘူတာအထိ ဟိုက်ကင်းကြတယ်။ ဂယ်ရီဆင်ဘူတာနားက တာကိုးဆိုင် သိပ်ကောင်းတယ်တဲ့။ Camp Smith Trail ရှာတာ All Trails Maps မှာ တွေ့ပေမဲ့ အပြင်မှာမတွေ့  အပြာရောင်အမှတ်အသားတော့တွေ့တယ်။ ဒါပေမဲ့ Camp Smith Trail လို့မတွေ့ ရှေ့ဆက်သွားလိုက် နောက်ပြန်ဆုတ်လိုက် ဘေးကိုသွားကြည့်လိုက်နဲ့။ တောင်တက်သမားတွေကို မေးကြည့်တော့ မသိဘူးတဲ့။ အဲ့ဒီဘလူးမာ့ခ်အမှတ်အသားအတိုင်း လျှောက်ကြည့်မယ်ဆိုပြီး လျှောက်ကြည့်တော့မှ Camp Smith Trail လမ်းပေါ််ရောက်တယ်။ ထရေးလမ်းက ဟက်ဆန်မြစ်ဘေးအတိုင်းလေး သာယာတယ် လူပြတ်တယ်။ ဒီနေ့က အပါလာချိန်းထရေးလမ်းအတိုင်း သွားမှာဆိုတော့ အပါလာချိန်းထရေးဆီ ဆက်သွားတယ်။ Appalachian Trail က မြောက်ဖက် မိန်း၊ နယူးဟမ်ရှိုင်းယား၊ ဗာမွန်၊ မက်ဆာချူးဆက်၊ ကွန်နက်တီကပ်၊ နယူးယော့ခ်၊ နယူးဂျာဆီ၊ ပန်ဆယ်ဗေးနီးယား၊ မေရီလန်း၊ အနောက်ဗာဂျီးနီးယား၊ ဗာဂျီးနီးယား၊ တန်နက်ဆီ၊ မြောက်ကာရိုလိုင်းနားပြည်နယ်တွေက တောင်ဖက်ဂျော်ဂျာပြည်နယ်အထိ မိုင် ၂၀၀၀ ကျော်ရှည်တယ်။ ‌တောင်တက်သမားတွေအကြား အပါလာချိန်းထရေးလမ်း အစအဆုံးပြီးတဲ့သူတွေဆို လေးစားအထင်ကြီးကြတယ်။ ‌အနောက်ဖက်မှာဆို PCT လို့ အတိုကောက်ခေါ်််် တဲ့ Pacific Crest Trail နာမည်ကြီးတယ်။ ရစ်နေးဝှစ်သာစပွန်း သရုပ်ဆောင်ထားတဲ့ PCT ရုပ်ရှင်တောင်ရှိတယ်။ အပါလာချိန်းထရေးလမ်းက အဖြူရောင်အမှတ်အသားတွေ သေချာမှတ်ထားတယ်။ တချို့နေရာတွေမှာ တောင်စောင်းတွေကို ခက်ခက်ခဲခဲဆင်းရတယ်။ လူပြတ်တော့ ကြောက်တာ‌ပေါ့ အင်တာနက်မိလို့ ‌တော််သေးတယ်။ Mt. Tammy လမ်းမှားတဲ့အကြောင်းပြောပြီး မကြာပါဘူး ဝိုင်းက အဖြူရောင်ဆိုင်းမတွေ့ဘူးနော်လို့ သတိပေးလို့ ဂူဂယ်မတ်မှာ ကြည့်လိုက်တော့မှ လမ်းမှားနေတယ်။ ဒီလောက် All Trails Maps၊ Google Maps ၂ ခုနဲ့ကြည့်နေတာတောင် လမ်းမှားလိုက်သေးတယ်။

ကြောက်နေတဲ့ဝိုင်းကို မကြာဘူးရောက်တော့မယ်လို့ အားပေးရင် တောင်တက်လမ်းမှာ လူတချို့တွေ့မှ စိတ်အေးသွားတယ်။ အပြန်လမ်းဘေးမှာ စာတိုက်ပုံးတွေ စုံပြုံထားတာတွေ့တော့ အလာစကာကို သတိရသွားတယ်။ အလာစကာမှာ အိမ်တွေက လမ်းမကြီးနဲ့အဝေးမှာဆိုတော့ စာတိုက်တွေကို လမ်းမကြီးဘေးမှာထားတယ်။ တောင်ကုန်း‌မြင့်ကအိမ်ကလေးတွေနဲ့ လူနေကျဲတိတ်ဆိတ် အေးချမ်းတယ်။ နယူးယောက်နဲ့လည်းမဝေး အငြိမ်းစားယူဖို့ကောင်းတဲ့‌နေရာလေး။ မျှော်လင့်ထားတာထက် တနာရီလောက်စောနေတော့ ရထားမှီအောင် ပြေးကြသေးတယ်။ အိုင်ဖုန်း ၁၃ ပရိုမတ်ဖုန်းအသစ်ဆိုတော့ ကင်မရာကောင်းလို့ ဓာတ်ပုံတွေကလှတယ်။ ဆောင်းဦးရာသီတုန်းက မဝယ်မိတာကို နောင်တရတယ်။ အရင်ဖုန်းက အိုင်ဖုန်း ၇ ပလပ် ၄ နှစ်ခွဲကိုင်တယ်။

Happy Hiking!

စန်းထွန်း

မေ ၂၅၊ ၂၀၂၂။

ဝက်ဝံတောင်၊ ဟက်ဆန်မြစ်
အလာစကာမှာလိုပဲ စာတိုက်ပုံးတွေ လမ်းမကြီးဘေးမှာ စုပြုံထား
အသေးဆုံးဘူတာ
၂.၂ လမ်းက အပါလာချိန်းထရေးလမ်း အဖြူရောင်ကားလမ်းကနေ
Manitou လမ်းအတိုင်းဆင်းပြီး ဘူတာအထိလျှောက်တယ်