နွေဦးတော်လှန်ရေး - ၁၈

၂၀၂၂ ဧပြီ ၁၆ စနေနေ့ ဝါရှင်ဒီစီမှာ ချီတက်ဆန္ဒပြပွဲ။ နယူးယောက်ကနေ ဘတ်စ်ကားနဲ့သွားရောက်ဖို့  NYCBC စီစဉ်ပေးတယ်။ NYCBC ဆိုတာ နယူးယောက်ဆန္ဒပြပွဲတွေ ဦးဆောင်တဲ့အဖွဲ့။ ဘတ်စ်ကားခ ၄၅ ကျပ်မှာ အသွားအပြန်၊ နေ့လည်စာပါတယ်။ မနက် ၇ နာရီ ကွင်းက ဂျက်ဆင်ဟိုက်ဘူတာနားမှာ ဘတ်စ်ကားစောင့်နေတယ်။ မနှစ်က တယောက်တည်း ဒီနှစ်တော့  ဆန္ဒပြဖော်ပြဖက် ဘော်ဒါတွေ ရနေပြီ။ နန်စီ၊ နန်စီ့အကို၊ နန်စီသူငယ်ချင်း အမတယောက်၊ မက်ဆီကန်လေး အီလန်။ အီလန်က ဆန္ဒပြပွဲတိုင်း၊ ဈေးရောင်းပွဲတော်တိုင်းပါ၊ မြန်မာအကြောင်း အကုန်သိ။ မနက်စာ ခရိုဇွန်နဲ့ လက်ဖက်ရည် ကျွှေးတယ်။ လက်ဖက်ရည်ကောင်းလို့ ထပ်တောင်းသောက်တယ်။ နယူးယောက်ကနေ ဝါရှင်တန်ဒီစီကို လေးနာရီခွဲလောက် မောင်းရတယ်။ မေရီလန်းရပ်နားစခန်းမှာ နေ့လည်စာစားပြီး ၄၅မိနစ် နားကြတယ်။ ဒီနှစ်က ဘတ်စ်ကား ၂ စီး မနှစ်က ၃ စီး။ အိမ်ဖြူတော်ရှေ့မှာ ဝန်ကြီးတွေ၊ အဖွဲ့တွေက မိန့်ခွန်းပြော နေ့လည် ၃ နာရီ ကယ်ပီတန်ဆီ ချီတက်ဆန္ဒပြကြတယ်။ ဒီနှစ်လူနည်းတယ် ၅၀၀ လောက်ပဲ မနှစ်ကဆို ၂၀၀၀။ မနှစ်က စီနီယာဘလော်ဂါ ကလိုစေးထူးနဲ့ ဓာတ်ပုံရိုက်ခဲ့တယ်။ မခိုင် ရောက်လာတော့ ဓာတ်ပုံရိုက်။ အလှုရှင်တွေကျွှေးတာစား ည ၆ နာရီ နယူးယောက်ကို ပြန်တယ်။ ညသန်းခေါင် နယူးယောက်ကို ပြန်ရောက်တယ်။ ပင်ပန်းလို့ နောက်နေ့ နား။


တော်လှန်ရေး မြန်မြန်ပြီးချင်ရင် များများထောက်ပံ့ပါ။ မထောက်ပံ့နိုင်ရင် ကလစ်ပါ နိုင်ရာတာဝန်ယူပါ။ စကစကို နည်းမျိုးစုံနဲ့ ဆန့်ကျင်ပါ။ ဘေးထိုင်ဘုပြော ဖောင်းထုမနေပါနဲ့။ တော်လှန်ရေးမှာ ပါဝင်နေတဲ့ အယောက်စီတိုင်းကို လေးစားချီးကျူးပါတယ်။ တော်လှန်ရေးကို ကိုယ်နဲ့မဆိုင်သလို ခေတ်ဝန်ကိုမထမ်းတဲ့သူတွေကို တတ်နိုင်သလောက် ပါဝင်လာအောင်တော့ တိုက်တွန်းနေပါတယ်။ လူတိုင်းပါဝင်မှ တော်လှန်ရေး မြန်မြန်ပြီးမှာပါ။ PDF တပ်သားတယောက်ကို တလဒေါ်လာနှစ်ဆယ်နဲ့ ထောက်ပံ့ဖို့ PRF member ဝင်လို့ရပါတယ်။ အဆင်မပြေတဲ့လတွေမှာ ရပ်ထားလို့ရပြီး အဆင်ပြေတဲ့လတွေမှာ ပိုလှုလို့ရပါတယ်။ အောက်လင့်ခ်ကနေ သက်ဆိုင်ရာနိုင်ငံက fund raiser တွေဆီကို ဆက်သွယ်ပြီး PRF member ဝင်လို့ရပါတယ်။ လစဉ်မန်ဘာအလှုငွေတွေက PDF တပ်သားတွေရဲ့ စားနပ်ရိက္ခာအတွက်ပါ။ PDFလေးတွေကို ထမင်းတနပ်လှုလို့ရတဲ့ အစီအစဉ်လေးတွေလဲ ရှိပါတယ်။ သဒ္ဓါပေါက်ပြီး လှုချင်စိတ်ပေါက်လာရင်  fund raiser ကို ဆက်သွယ်လိုက်ပါ။ 

https://prf4pdf.org/

အရေးတော်ပုံ အောင်ရမည်!

စန်းထွန်း

ဩဂုတ် ၂၀၊ ၂၀၂၂။

Photo Credit - Wayne Chin



ဓာတ်ပုံရိုက်ခြင်း အနုပညာ - ၄

၂၀၂၂ မတ် ဧပြီ အတွင်း ဟိုရိုက်ဒီရိုက် ရိုက်ဖြစ်တဲ့ ဓာတ်ပုံလေးတွေပါ။

ရုံးနားက ဟက်ဆန်မြစ်ကမ်းဘေး...နေ့လည်ထမင်းစားပြီးချိန် လမ်းလျှောက်ရင် အောက်မက်ဟန်တန် စကိုင်းလိုင်းကို မြင်ရတဲ့နေရာလေး..One of my favorite place
ဆီမီးခွက်ဝယ်ပြီး သဘောတွေကျနေတာ..
ရုံးနားမှာ
ရုံးနားက မြစ်ကမ်းဘေးမှာ ဘဲတွေ ဖင်ထောင်ပြီး အစာငုံ့ရှာနေကြတယ်
အိမ်နား ကောင်းကင်ပြာ ရွက်သစ်နု
အိမ်ဘေးက ကျူးလစ်
အိမ်ဘေးမှာ ဘာပင်လည်းတော့ မသိဘူး
ရုံးနားမှာ နွေရာသီဆို အဲ့ဒီအပင်တွေ ပွင့်ပြီ ချယ်ရီလိုလို

ရုံးနားမှာပဲ ချယ်ရီနဲ့တူတယ်နော် ပန်းရောင်လေး လှတယ်
အိမ်ဘေးက ကျူးလစ် နှစ်တိုင်း သူ့ဘာသာပွင့်



ဓာတ်ပုံလေးတွေကြည့်ပြီး ကြည်နူးနှစ်သက်စိတ်နဲ့ ခဏကလေးဖြစ်ဖြစ် စိတ်ချမ်းသာပါစေ။

စန်းထွန်း
ဩဂုတ် ၁၄၊ ၂၀၂၂။

နွေဦးတော်လှန်‌ရေး - ၁၇

၂၀၂၂ မတ် ၆ စနေနေ့  MAHAA အဖွဲ့ရဲ့လေးကြိမ်မြောက် စျေးရောင်းပွဲတော်ကို  ကွင်းက St. James Church မှာ မနက် ၁၁ နာရီကနေ နေ့လည် ၃ ခွဲအထိ ကျင်းပပါတယ်။ မနက် ၉ နာရီကနေ နေ့လည် ၁ နာရီ နယူးဂျာစီပြည်နယ် ဂျာစီစီးတီးမှာ အိမ် ၈ အိမ်သွားကြည့်ပြီးမှ ပွဲကို နေ့လည် ၂ နာရီလောက်မှ ရောက်တယ်။ နောက်ကျလို့ ဘာစားစရာမှ မရှိတော့ဘူး။ နောက်ကျလည်း သွားအားပေးတယ် မသွားရင် တာဝန်မကျေသလိုပဲ။ လှုငွေထည့် လင်းနစ်သီချင်းဆိုတာ နားထောင်။ ဒီဇင်ဘာညသီချင်းကိုပဲသိပြီး အဆိုတော်ကို မသိကြဘူးတဲ့ အသက် ၂၀ ကျော်အရွယ်ကလေးတွေ။ ကိုယ်ကတော့ လင်းနစ်သီချင်းတွေ သဘောကျတယ်။ ကိုယ်တိုင်ရေးတွေ SoundCloud မှာ follow ထားတယ်။ လင်းနစ်က ဆန္ဒပြတုန်းကလည်း တက်တက်ကြွကြွ သူ live လွှင့်ရင် နားထောင်တယ်။ စတိတ်ရောက်လာတော့ ပိုအားပေးရတာပေါ့။ ဗော်လန်တီယာအကိုကြီးတယောက်ကို ဘာရောင်းလဲလို့ တယောက်ကမေးတော့ လူရောင်းတယ်လို့ ပြောလို့ ပြုံးမိသေးတယ်။

အရေးတော်ပုံ အောင်ရမည်!

စန်းထွန်း

သြဂုတ် ၈၊ ၂၀၂၂။ 

၃၄ နှစ်ပြည့် ၈၈၈၈

April 5, 2022. Bryant Park
၂၀၂၁ ဒီဇင်ဘာလလယ် Anthony Nose တောင်တက်ပြီးကတည်းက ဝိုင်းနဲ့မတွေ့တာ ၃ လကျော်ကြာမှ ကိစရှိလို့ တွေ့တယ်...
အိမ်ရှာ‌ ဗော်လန်တီယာနဲ့ မအားသလို ရာသီဥတုကလည်းအေးလို့ အပြင်မထွက်ဖြစ်ကြ။