၂၀၂၆ ဧပြီ ၄ စနေနေ့ Central Park ဆီသွားပြီး ချယ်ရီသွားကြည့်တယ်။ အိမ်ကနေ Time Square ထိရထားစီး။ Time Square မှာ ပန်းခြံနားထိရောက်တဲ့ ရထားကို ပြောင်းစီးတာ မြေအောက်ထဲမှာ ၁၀ မိနစ် လမ်းလျှောက်ရတယ်။ လမ်းလျှောက်ရမှာစိုးလို့ ပန်းခြံနားထိရောက်တဲ့ ရထားကိုစီးလည်း လမ်းလျှောက်ရတာပါပဲ။ ချယ်ရီပန်းတွေ အင်မတန်လှတယ်။ Good Friday & Easter Sunday ပိတ်ရက်ဆိုတော့ လူအင်မတန်များတယ်။ ညနေစောင်း တိမ်ကွယ်နေမထွက်တာနဲ့ အေးလာတယ်။ နောက်ဆိုအနွေးထည်ပါးပါး ဆောင်ရမယ်။
စန်းထွန်း
သြဂုတ် ၈၊ ၂၀၂၆။
၂၀၂၅ နိုဝင်ဘာ ၁၅ တချို့တွေက ပြန်ကုန်ပြီ၊ တချို့တွေက လုမ္ပဏီသွားကြပြီ၊ တချို့တွေက နောက် retreat ဆက်ကူး။ မနက်စာစားပြီးတော့ ဟိုတယ်ကနေ တခါတည်း ချက်ကောက်လုပ်ပြီး Spa ၂ နာရီသွားလုပ်တယ်။ Spa ကို တက္ကစီငှားခိုင်းတာ ဆိုင်ကယ်ဖယ်ရီဖြစ်နေတယ်။ အစကတော့ ကြောက်သလိုဖြစ်ပေမယ့် လေထဲလွှင့်ရသလိုဖြစ်ပြီး ပိုကြိုက်တယ်။ ဟိုင်းကြီးမှာ ဆိုင်ကယ်နည်းနည်း မောင်းဖူးတယ်။ ဟိုအပတ်ကရောက်တဲ့ Gompa Meditation Center ကိုရောက်တော့ တရားစခန်းရှိလို့တဲ့ တံခါးပိတ်တယ်။ ကိုယ့်လိုပဲ နိုင်ငံခြားတွေ လာလာမေးကြတယ် နာမည်ကြီးတယ်ထင်တယ်။ တိဘက်ကျောင်းကို ဆယ်မိနစ်လောက်ပဲဝေးတော့ မေးမြန်းပြီး လမ်းလျှောက်သွားတယ်။ လမ်းမှာတွေ့သမျှ နယ်ခံတွေကိုမေး ဆင်းလာတဲ့အဖြူမကို မေးကြည့်တော့ ရဲစခန်းနားကနေ မတွေ့လို့ပြန်လာတာတဲ့။ ကျောင်းက ရဲစခန်းနားမှာ ငါသိတယ်ဆိုပြီး ဦးဆောင်ခေါ်သွားလိုက်တယ်။ အသက် ၆၀ ကျော် ပြင်သစ်သူ NGO မှာတာဝန်ထမ်းဆောင်နေတာ။ တောင်တက်နေကြမို့လို့ သူကမမောဘူး သူ့ထက် အသက် ၂၀ လောက်ငယ်တဲ့ကိုယ် ဟောဟဲဖြစ်နေတယ်။ ကိုယ်နားနေတုန်း သူကဆက်တက်သွားတယ်။ တံခါးတွေပိတ်ထားတယ် အပေါ်တက်တက်ကြည့်တော့လည်း ပိတ်ထားတယ်။ အရင်တခေါက်လိုက်ပြတဲ့ဘုန်းကြီးက ဘုန်းကြီးနှစ်ယောက်နဲ့ မီးကြိုးတွေသွယ်တန်းနေတယ် ပွဲရှိတယ်ထင်ပါရဲ့။ ခဏနေတော့ တံခါးပိတ်ထားတဲ့ တရားစခန်းကိုပြန်သွားတယ်။ ဆိုင်ကယ်ဖယ်ရီစောင့်နေတုန်း အစောင့်နဲ့စကားစမြည်ပြောဖြစ်တော့ နီပေါသူငယ်ချင်းရှိတယ်၊ နီပေါကို နှစ်ခေါက်ရောက်တယ်၊ မြန်မာဆိုတာနဲ့ အထဲကို ခဏဝင်ခွင့်ပြုလိုက်တယ်။
တရားဖြုတ်တဲ့အချိန်မို့လို့နဲ့တူတယ် အဖြူငယ်ငယ်လေးတွေ စကားပြောနေတာတွေ့တယ်။ တရားစခန်းက တလကျော်၊ နိုင်ငံခြားသားအရမ်းများတယ်တဲ့။ ဆိုင်ကယ်ဖယ်ရီရောက်နေလို့ ခဏလေးနဲ့ ပြန်လှည့်ခဲ့တယ်။ဟိုတယ်မှာခဏနား စျေးမှာမုန့်အချိုသွားတယ်။ လမ်းမှာပြောင်းဖူးဖုတ်တဲ့ဆိုင်တွေ့လို့ ဖုတ်ပေးမလားမေးတာ ဖုတ်ပေးမယ်တဲ့။ အင်္ဂလိပ်မဟုတ်ဘူးနော် လက်ဟန်ခြေဟန်နဲ့ဖြေတာ။ ကိုယ်ဝယ်လာတဲ့ အချိုမှုန့်တွေကျွှေးတော့ စားတယ်။ မနှစ်က အများကြီးဝယ်ခဲ့လို့ ဒီနှစ်သိပ်မဝယ်။ ဒါတောင် လက်ကလေးတလုံးထပ်တိုးတယ်။ ရာမားညီမက ရာမားအတွက် ဝတ်စုံ၂စုံ နားကပ် ၂စုံလာပေးတယ်။ ဟိုတယ်ကနေ လိုက်ပို့မယ်ထင်နေတာ ဘယ်လိုဖြစ်ပြီးစာရင်းမှာ မပါသွားတာလဲ မသိတော့ဘူး။ ဟိုတယ်ဝန်ထမ်းကောင်လေးကိုပဲ Patao App ကနေငှားခိုင်း ဖုန်းလာရင်ဖြေခိုင်းရတယ်။ လက်ကေ့အိတ်ချက်ကင်ပြီးရင် အဝမှာခဏစောင့်နေရတယ် ငါးမိနစ်နေလို့မှ ကိုယ့်အိတ်ပြန်ထွက်မလာရင် အိုကေတယ်တဲ့။ တခြားလေဆိပ်နဲ့မတူဘူး။ စောနေသေးလို့ lounge မှာသွားနားတယ်။ Chase Shappire Credit Card ရှိတော့ Priority Member ဝင်လို့ရတယ်။ Priority Member ဆိုရင် lounge ကိုအလကားဝင်လို့ရတယ်။ ကိုယ့်ရှေ့မှာ လာထိုင်တာက အမေရိကန်တွေ သူတို့လေယာဥ်က ကိုယ့်လေယာဥ်ထက် နာရီဝက်နောက်ကျတယ် LA ကိုသွားတာ။ ၆ နာရီလေယာဥ်က နည်းနည်းနောက်ကျတယ်။ ဟောခန်းထဲမှာစောင့်နေရပြီး လေယာဥ်ထွက်ခွာနီး နာရီဝက်အလိုမှ ဂိတ်နံပါတ်ပေါ်တာ။ ဂိတ်ကနေ ဘတ်စ်ကားစီးပြီး လေယာဥ်ပေါ်တက်ရတာ။ ကျောပိုးအိတ်ပဲဆိုတော့ အဆင်ပြေတယ်။
နန်းနွယ်လာတုန်းက ညဖက်လေယာဥ် မြူဆိုင်နေပြီး လေယာဥ်ဆင်းလို့မရလို့ ကောင်းကင်မှာ နှစ်နာရီလောက် ဝဲနေရတာတဲ့။ ခက်မနဒူကနေ ကာတာကို ၆ နာရီစီးရတယ်။ ဒိုဟာရောက်တော့ ညသန်းခေါင် Tom Ford ရေမွှေးဝယ်ပြီး မွေးနေ့လက်ဆောင် ကိုယ့်ကိုကိုယ်ပေးလိုက်တယ်။ ထရန်စစ်က ငါးနာရီဆိုတော့ lounge မှာသွားနားတယ်။ နယူးယောက်သွားဖို့တန်းစီတော့ လူဝင်မှုကြီးကြပ်ရေးက ပတ်စ်ပို့စ်ကြည့်ပြီး ဘယ်ကနေပြန်လာတာလဲမေးတယ်။ ဒိုဟာ - နယူးယောက် ၁၂ နာရီ လေယာဥ်ပေါ်မှာအိပ်တာ မနက်စာလွတ်သွားတယ်။ နယူးယောက်ကို မနက် ၇ နာရီရောက်တယ် Priority Pass ရှိတော့ တန်းစီစရာမလိုဘူး။ လက်ကေ့အိတ်ကိုတော့ နာရီဝက်လောက် စောင့်လိုက်ရတယ်။ တနင်္ဂနွေဆိုတော့ အိမ်ရောက်ကတည်းကအိပ်လိုက် ဗိုက်ဆာရင်ထစားလိုက်။ တနင်္လာနေ့ အလုပ်များလို့ နေ့လည်ခိုးအိပ်ချိန်မရှိနဲ့ jet leg ဖြစ်ချိန်မရှိလိုက်ဘူး။ ညီမလေးတယောက်ကို တပတ်လောက်ခံရတယ်တဲ့။
Happy Traveling!
စန်းထွန်း
သြဂုတ် ၅၊ ၂၀၂၅။
၂၀၂၅ နိုဝင်ဘာ ၁၄ Himalayan Sound Healing သွားတယ်။ Bowl ထဲ မက်တပ်ရပ်ပြီး တီးတာ vibration ရတယ်။ မနှစ်ကလဲ အဲ့မှာ ၂ ကြိမ်လုပ်တယ် ကြိုက်တယ်။ ပြီးတော့ Shiva temple နဲ့ နေဝင်တာသွားကြည့်တယ်။ နေဝင်ချိန် တောင်ထိပ်ဆိုတော့ အင်မတန်အေးတာ အနွေးထည်နှစ်ခုယူသွားတာတောင် အေးလို့ခိုက်ခိုက်တုန်။ Farewell dinner မှာ sensei၊ တီချယ်ကြီးတို့နဲ့ အတူထိုင်ရတယ်။ sensei က သူ reiki သင်ခဲ့တဲ့အကြောင်းတွေ ပြောပြတာ စိတ်ဝင်စားဖို့ကောင်း၊ ပညာရ၊ မှတ်သားရတယ်။
Happy Traveling!
စန်းထွန်း
သြဂုတ် ၁၊ ၂၀၂၅။
၂၀၂၅ နိုဝင်ဘာ ၁၃ Monkey temple၊ Patan Square သွားလည်တယ်။ ၂ ခေါက်ရောက်ဖူးပေမယ့် reiki group နဲ့ သွားချင်လို့ ထပ်သွားတယ်။
Happy Traveling!
စန်းထွန်း
ဇှုလှိုင် ၂၉၊ ၂၀၂၅။
 |
| Swayambhunath - Monkey Temple |
 |
| Pathan Square |
 |
| Buddha stupa |
 |
| 2024 Nepal retreat မှာခင်တဲ့ Shinhan ညီမလေး |
 |
| 2024 Mero Yatra retreat reunion - ကိုယ်နဲ့မီး နှစ်ယောက်က Okuden ကျောင်းသား.. ကျန်တဲ့သူတွေက Shinhan ဆရာတွေ |
 |
| တီချယ်ကြီးနဲ့ sensei ကြားက ကိုယ် |
၂၀၂၅ နိုဝင်ဘာ ၁၂ Shihan Candidate - Shinpiden နဲ့ Shihan ကျောင်းသားတွေ ကျောင်းတက်နေချိန်မှာ Okuden ကျောင်းသားနှစ်ယောက် ကိုယ်နဲ့အိကေက လျှောက်လည်တယ်။ ဘုရားကျောင်းတွေ၊ ပန်းပုထုတဲ့နေရာတွေ၊ ပြတိုက်လိုက်ပြတယ်။ နေ့လည်စာစားပြီးတော့ တနေရာကို သွားလည်ဖို့ကို ညနေ ၄ နာရီ ဆရာကြီးကိုကန်တော့တာ မမှီမှာစိုးလို့ အစောကြီးပြန်ခဲ့တယ်။ ဆရာကြီးနဲ့ တီချယ်ကြီးကို ကန်တော့တော့ မျက်ရည်လည်တယ်။
Happy Traveling!
စန်းထွန်း
ဇှုလှိုင် ၂၅၊ ၂၀၂၅။
 |
| Tali ထမင်းပုံ အသားကလွဲရင် ကျန်တာထပ်တောင်းလို့ရတယ် |
 |
| Mo Mo |
 |
| ပြတိုက်ရှေ့ |
