၂၀၂၄ ဇှုလှိုင် ၇ တနင်္ဂနွေနေ့ မက်ဟန်တန်အပေါ်ပိုင်းမှာရှိတဲ့ Inwood Hill Park မှာလမ်းသွားလျှောက်သွားတယ်။ မြို့ထဲကနေ A ရထားစီး ဂိတ်ဆုံးမရောက်ခင်တဘူတာအလို Dyckman St ဘူတာမှာဆင်း။ အမတယောက်နဲ့ ညီမတယောက်ပါ လာလမ်းလျှောက်တယ်။ ဟက်ဆန်မြစ်ဘေးအတိုင်းလျှောက် နယူးယောက်နဲ့နယူးဂျာစီပြည်နယ်ကို ဆက်ထားတဲ့ ဂျော့ဝါရှင်တန်တံတားကို မြင်ရတယ်။ စန်ထရယ်ပါ့ခ်လို လူမရှုပ်ဘူး။ ရထားလမ်းဂုံးကျော်တံတားကိုတက် တောင်ပေါ်ရောက်တော့ တောအုပ်လေးထဲရောက်သွားသလိုပဲ။ သစ်ပင်တွေ ထူထပ်နေတာများ နေပျောက်မထိုးနိုင်းဘူး။ သစ်ပင်ကြီးတွေတွေ့ရင် ပြေးဖက်ပြီး energy တွေကူးယူ။ ဘယ်တောင်တွေ သွားတက်မယ်နဲ့ တိုင်ပင်ကြတယ်။ စကားတွေပြောချင်သေးလို့ ပန်းခြံထဲထိုင်ပြီး စကားတွေပြော။ ကလေးတွေနဲ့အပြိုင် ဒန်းလုပြီးစီး။ ညနေ ၄ နာရီခွဲလောက် အိမ်ပြန်တာ ည ၆ နာရီအိမ်ပြန်ရောက်တယ်။ တောင်တက်တာ ၂ မိုင်ခွဲလောက်ပဲ ရထားကတော့ ၃ နာရီကျော်လောက် စီးရတယ်။ ပင်ပန်းလို့ အဲ့ဒီညက အိပ်ပျော်တယ်။ တောင်တက်တိုင်း ဝိုင်းကိုသတိရ။
စန်းထွန်း
ဇှုလှိုင် ၂၄၊ ၂၀၂၄။
No comments:
Post a Comment