၂၀၁၉ ‌နွေရာသီ ဟိုက်ကင်း - ၂

ဇှုလှိုင် ၂၀ စနေနေ့မှာ နယူးယောက် အပ်စတိတ်ဖက်က Peekskill ကို ဟိုက်ကင်းထွက်ဖြစ်ပါတယ်။ ထုံးစံအတိုင်း ဂရမ်းစင်ထရယ်ကနေ မနက် ၈ နာရီ ၄၅ ထွက်တဲ့ရထားကို တနာရီ ၁၀ မိနစ်လောက်စီးပြီးရင် ရောက်ပါပြီ။ ဘူတာကနေ Blue Mountain Reservation ပန်းခြံကို အူဘာနဲ့ ၁၀ မိနစ်လောက်စီးရတယ်။ သစ်ပင်တွေများ အုပ်ဆိုင်းနေလိုက်တာ နေပျောက်မထိုးနိုင်ဘူး။ စက်ဘီးစီးတဲ့သူ အတော်များတယ်။ ထရေးလမ်း အတိုဆုံးက ၄ မိုင်၊ အလယ်က ၆ မိုင်၊ အခက်ဆုံးက ၁၀ မိုင်။ ၆ မိုင်ကို ရွေးလိုက်တယ်။ အပူချိန်က ၉၀ ဒီဂရီဖာရင်ဟိုက်‌‌ကျော်နေပေမဲ့ သစ်တောအုပ်ထဲမှာ သိပ်မပူဘူး။ ဖုန်းထဲက All Trail map app ရယ်၊ လက်ထဲမှာ မြေပုံကိုင်ပြီး ကြည့်နေတာတောင် လမ်းကနှစ်ကြိမ် မှားလိုက်သေးတယ်။ လမ်းဆုံလမ်းခွရောက်တော့ အမှတ်အသားတွေက မထင်မရှားတော့ လမ်းတွေအကုန်သွားကြည့်ပြီးမှ ရှာတွေ့တယ်။ ကိုယ်တွေဟိုက်‌‌အောင် တက်ရတဲ့တောင်ကုန်းကို အသက် ၆၀ ကျော် အန်ကယ်ကြီးက မောင်တိန်စက်ဘီး အားကုန်နင်းပြီး တက်လာတဲ့အခါ ဘရာဗိုလို့ အားပေးလိုက်ကြတယ်။ ခြောက်မိုင်ခွဲဟိုက်ကင်းထွက်ပြီးပြီဆိုတော့ အမောပြေရေခဲမုန့်စားကြတယ်။ ကိုယ်တို့က ကယ်လိုရီသိပ်မတွက်ဘူး။ စားဖူးသမျှရေခဲမုန့်ထဲမှာတော့ အလာစကာပြည်နယ် Portage မှာစားခဲ့တဲ့ Mountain Huckleberry ရေခဲမုန့်ကို အကြိုက်ဆုံးပဲ။ ဝိုင်းကလည်း ထောက်ခံတယ်။ Peekskill waterfront ဟက်ဆန်မြစ်ဘေးနားမှာ ဓာတ်ပုံရိုက်။ ပင်ပန်းလို့ ရထားပေါ်မှာ အိပ်ပျော်သွားတယ်။ ဒီပို့စ်ကို ဖတ်နေတဲ့အချိန်ဆိုရင် ကိုယ်ဟာ ပီရူး၊ ဘိုလီးဘီးယား၊ ချီလီ တောင်အမေရိကသုံးနိုင်ငံ ၁၅ ရက် ခရီးထွက်နေပါပြီ။ ပြန်လာမှပဲ ခရီးသွားပို့စ်တွေ တင်ပါဥ◌ီးမယ်။ ခရီးသွားနေတဲ့အတွင်းမှာ နွေရာသီတုန်းက ဟိုက်ကင်းထွက်တဲ့အကြောင်း၊ ကော်လိုရာဒိုသွားတောလား၊ ဗာမွန်သွားတောလား ပို့စ်တွေတင်ထားခဲ့ပါတယ်။ အချိန်ရရင် လာဖတ်ကြပါဥ◌ီးနော်။ 

Happy Traveling!
စန်းထွန်း
‌အောက်တိုဘာ ၃၀၊ ၂၀၁၉။

ဖုန်းထဲမှာ All Trail Map app ရယ် မြေပုံကိုင်ထားတာတောင် လမ်းနှစ်ကြိမ် မှားလိုက်သေးတယ်

Water Reflection အပူချိန်က 90 F ေပမဲ့ တောအုပ်ထဲမှာတော့ သိပ်မပူဘူး

၆ မိုင်ခွဲ ဟိုက်ကင်းပြီးတဲ့အခါ ရေခဲမုန့်စားတယ် ….စားဖူးသမျှထဲမှာတော့ အလာစကာပြည်နယ် Portage မှာစားခဲ့တဲ့ Mountain Huckleberry ရေခဲမုန့်က အကောင်းဆုံးပဲ…Peekskill waterfront