ချီကာဂိုသွား တောလား - ၃

ဇှုလှိုင် ၆ ရက် စနေနေ့ မနက်စာစာပြီးတာနဲ့ ဟိုတယ်ကနေ ချက်ကောက်လုပ်။ ဒီနေ့သွားလည်မဲ့နေရာကတော့ ချီကာဂိုဘော်တနစ်ဂါးဒင်း။ ဟိုတယ်ကနေ ရထားဘူတာကို မိနစ် ၄၀ လောက် လမ်းလျှောက်ရတယ်။ ဘူတာရောက်တော့ လက်မှတ်ဝယ် ဂိတ်ကဖွင့်တောင် မဖွင့်သေးဘူး။ ရထား Track နံပါတ်မှန်နေ ရထားတစီးတည်း ရှိနေတာတောင် မှားမှာစိုးလို့ ရထားပေါ်ကလူတွေကို မေးရသေးတယ် သေချာအောင်လို့။ တနာရီလောက် စီးပြီးတဲ့အခါမှာ ဘော်တနစ်ဂါးဒင်းဘူတာကို ရောက်တယ်။ ထရေးလမ်းကို ရှာဖွေပြီး မိနစ် ၂၀ လောက် လမ်းလျှောက်ရတယ်။ ဟမ်မလေး … ဘော်တနစ်ဂါးဒင်ကိုတောင် မရောက်သေးဘူး ၂ မိုင်လောက် လမ်းလျှောက်ပြီးနေပြီ။ စက်ဘီးအုပ်စုလိုက် စီးနေကြတာတွေ့တယ်။ လမ်းလျှောက်တဲ့သူ၊ စက်ဘီးစီးတဲ့သူ၊ ပြေးတဲ့သူတွေနဲ့ လူမပြတ်ဘူး။ ဝိုင်းက ဂါဝန်လေးနဲ့ ဓာတ်ပုံရိုက်ချင်လို့ အိမ်သာမှာသွားလဲတယ်။ ကောင်တာမှာ လေဆိပ်ကိုသွားတဲ့ ရှယ်တယ်ဘတ်စ်ရှိလားလို့ မေးကြည့်တော့ မရှိဘူး တက္ကစီ၊ အူဘာ ငှားစီးရမယ်တဲ့။ ကျောပိုးအိတ် အပ်လို့ရမဲ့နေရာရှိလား မေးကြည့်တော့ မရှိဘူး ဒါပေမဲ့ ကိုယ်တို့အိတ်တွေကို သိမ်းထားပေးမယ်တဲ့။ သဘောကောင်းလိုက်တာ ကူညီတတ်တယ် တော်သေးတာပေါ့ ကျောပိုးအိတ်သယ်ပြီး ပန်းခြံအနှံ့လျှောက်ဖို့ဆိုတာ အတော့်ကိုမလွယ်တာ။ ဘော်တနစ်ဂါးဒင်း အများစုက ဝင်ကြေးပေးရတယ် ချီကာဂိုဘော်တနစ်ဂါးဒင်းကတော့ ဝင်ကြေးအခမဲ့။ ပန်းချီ၊ ပန်းပု၊ အိုးထည်ပြခန်း ဆိုင်လေးတွေကို ဝင်ကြည့်ကြတယ်။ လက်ရာအတော်မြောက်တယ် ဘော်တနစ်ဂါးဒင်းက အကျယ်ကြီး အင်မတန်လှတယ်။ တနေရာအရောက်မှာတော့ နားရင်ထိုင်ကြတော့ ကိုယ်ကပင်ပန်းလို့ အိပ်ငိုက်တယ်။ မျက်မှန်တပ်ပြီး အိပ်ငိုက်နေတဲ့ကိုယ့်ကို ဝိင်းက မင်းအိပ်ငိုက်နေတာလား ဟုတ်တယ် ပင်ပန်းတယ်။ ဒါဆို ဖြေးဖြေးသွားမယ် အကုန်လုံးလျှောက်သွားဖို့ မဖြစ်ဘူး တချို့နေရာတွေ ချန်ထားခဲ့မယ်။ ကြာကန်၊ မီးဖိုချောင်စိုက်ခင်း၊ နှင်းဆီခင်း အင်မတန်လှတယ်။ ဗိုက်ဆာလာလို့ ဆန်းဒွတ်ဝယ်စားကြတယ်။ ပြီးတော့ ဂျပန်ပန်းခြံ အကုန်နီးပါးပါပဲ။ အူဘာခေါ်တော့ ကြိုမဲ့နေရာမပေါ်လို့ ဝန်ထမ်းတယောက်ကို မေးကြည့်လိုက်တော့ တက္ကစီ၊ အူဘာ၊ ဝှီးချဲတွေ ကြိုရတဲ့နေရာ ရှိတယ်တဲ့။ အဲ့ဒီနေရာရောက်မှ ကြိုရမဲ့လိပ်စာ ပေါ်လာတယ်။ ပန်းခြံထဲဝင်တဲ့ကားတွေ ပိတ်နေလို့ အတော်လေးကြာမှ ရောက်လာတယ်။ ပန်းခြံမှာ မင်္ဂလာဆောင်ရှိလို့ ကားတွေပိတ်နေတာ။ ပန်းခြံကနေ လေဆိပ်ကို မိနစ် ၂၀ လောက်ပဲ ဝေးတယ်။ ချီကာဂိုကနေ နယူးယောက်ကို လေယာဥ◌်နှစ်နာရီပဲ စီးရတယ်။ ချီကာဂိုသွားတောလားခရီး ဒီမှာပဲပြီးဆုံးပါပြီ။ စက်တင်ဘာလလယ် ကော်လိုရာဒိုပြည်နယ် ဒန်ဗာသွားတောလားကတော့ နောက်ပို့စ်မှပဲ တင်ပါတော့မယ်။

Happy Traveling !
စန်းထွန်း
‌အောက်တိုဘာ ၂၃၊ ၂၀၁၉။