ယူအန်သွား တောလား ...

ကျူးဘားကနေ မေ ၈ ဗုဒ္ဓဟူးနေ့ ပြန်ရောက်တော့ စနေနေ့ပြန်ဖို့လုပ်နေတဲ့ဆူနမ်ကို တနင်္ဂနွေနေ့မှပြန်လို့ ဝိုင်းဆွယ်ကြတာနဲ့ တနင်္ဂနွေနေ့မှ ပြန်ဖြစ်သွားတယ်။ စနေနေ့ ဘယ်ကိုလိုက်ပို့ကြမလဲ ဆူနမ်က ပန်းခြံ၊ ပြတိုက်မကြိုက်တဲ့သူ ဘယ်ကိုသွားရင်ကောင်းမလဲလို့ ခေါင်းချင်းဆိုင် တိုင်ပင်လိုက်ကြတော့ ကိုနီအိုင်လန်လို့ ထွကျလာတယ်။ ကိုယ်က နယူးယောက်မှာနေတာ ငါးနှစ်ရှိပြီ ကိုနီအိုင်လန် တခါမှမရောက်ဖူးဘူး။ ဝိုင်းက ရေသူမပွဲတော်တုန်းက ရောက်ဖူးတယ်။ ဒီလိုနဲ့မေ ၁၁ စနေနေ့မှာ ကိုနီအိုင်လန်သွားကြတယ် ကမ်းခြေမှာ ကစားကွင်းရှိတယ်။ မေရီလန်းပြည်နယ်က အိုရှင်းစီးတီးနဲ့တူတယ် အိုရှင်းစီးတီးကတော့ ကိုနီအိုင်လန်ထက် ပိုလှတာပေါ့။ ကိုနီအိုင်လန်ရောက်တာနဲ့ ဗိုက်ဆာလာတာနဲ့ တရုတ်ဆိုင်မှာ ဝင်စားကြတယ်။ ပြီးတော့ ကမ်းခြေတပတ် ၇ မိုင် လမ်းလျှောက်တယ်။ ဆူနမ်က သူ့တသက်မှာ လမ်းလျှောက်ရဆုံနေ့ပဲတဲ့။ ပန်းလှလှ‌တွေမြင်တိုင်း ဓာတ်ပုံရိုက်ကြတဲ့ ဝိုင်းနဲ့ကိုယ့်ကို ဆူနမ်က ယူတို့နှစ်ယောက် အတော်တူတယ်တဲ့။ အင်း .. ဒါကြောင့်လည်း ပြသနာမရှိ အမြဲတတွဲတွဲ အချစ်ဆုံးသူငယ်ချင်း ဖြစ်နေတာ ငါးနှစ်ရှိပြီ။ တိမ်အုပ်ပြီး နေရောင်ပျောက် လေတိုက်တာနဲ့ အေးလာတယ်။ ဆူနမ်က အုပ်စုလိုက်ဆယ်ဖီပုံရိုက်ပြီး ကိုယ်တောင်းရင် မပေးဘူး။ ဝိုင်းတောင်းရင်တော့ ပေးတယ်။ သူငယ်ချင်းအရင်းခေါက်ခေါက်ရဲ့စကားကိုတော့ အလေးမထားဘူး။ သူငယ်ချင်းအသစ်ရဲ့စကားကိုတော့ အလေးထားတယ်။ ဆူနမ်က ဝိုင်းနဲ့စကားပြောရတာ ကြိုက်တယ်။ ဝိုင်းက စကားပြောလို့ကောင်းတယ်။ ကိုယ်က ဖုန်းနဲ့လူနဲ့တခြားစီ ချက်ခြင်းဘယ်တော့မှ ပြန်မရဘူး unavailable စန်းစန်း။ ကိုယ့်ထက်ဆိုးတာက မိုင်းဖန် invisible and unavailable အမြဲတမ်း offline နဲ့နေပြီး ဘယ်တော့မှပြန်မဆက်ဘူး။ ညစာကို ဂျက်ဆင်ဟိုက်က Momo crave မှာ မိုမိုသွားစားတယ်။ နီပါလီလူမျိုးတွေဟာ မိုမိုသိပ်ကြိုက်တယ်။ မိုမိုဆိုတာ ဟင်းခတ်အမွှေးအကြိုင် မဆလာပါတဲ့ဖက်ထုပ်။ အဲ့ဒီဆိုင်က မိုမိုက အကောင်းဆုံးပဲတဲ့။ ကျူးဘားက ပြန်ရောက်တဲ့နေ့တုန်းကလည်း အဲ့ဒီဆိုင်မှာ ညစာသွားစားကြတယ်။ ဆူနမ်နဲ့မို့ လိုက်စားတာ ကိုယ့်ဘာသာ နောက်တခေါက် သွားစားမလားမေးရင် မစားဘူး။ ဝိုင်းနဲ့ကိုယ်က ကုလားစာ မဆလာ အနံ့ပြင်းတဲ့ဟာတွေ မကြိုက်ဘူး။ ဝိုင်းက ကြေးအိုးကြိုက်တယ် တလတခါ မြန်မာအစ်မကြီးက ကြေးအိုးချက်ရင် သွားဝယ်ပြီး ဘရိုင်ယန်ပါ့ခ်ပန်းခြံမှာ ထိုင်စားကြတယ်။ အုန်းနို့ခေါက်ဆွဲနဲ့ ပလာတာလည်း စားဖူးတယ် ကောင်းတယ်လို့ပြောတာပဲ။

ဆူနမ်က မြန်မာစာစားဖူးချင်တာ ကိုယ်က ဘရွှတ်ကလင်းက မြန်မာဆိုင်မှာ တခါမှမစားဖူးဘူး။ တနင်္ဂနွေနေ့ အိုင်အိုဝါပြည်နယ်က ပုံ့ပုံ့ နယူးယောက်လာမယ်။ ကိုယ်တို့မြန်မာဆိုင်မှာ သွားစားမှာမဟုတ်ဘူး အဲ့ဒါကိုဆူနမ်က အံ့သြလို့တဲ့။ ဝိုင်းကလည်း သူ့ဗီယက်နမ်သူငယ်ချင်းလာရင် ဗီယက်နမ်ဆိုင်မှာ သွားမစားဘူးတဲ့။ မြန်မာအစားအစာတွေ နေ့တိုင်းစားနေတာ တခြားအစားအစာတွေ စားမှာပေါ့ မဟုတ်ဘူးလား။ ကိုယ်အိမ်နဲ့ သုံးဘူတာအဝေးမှာ မြန်မာဆိုင်အသစ်ဖွင့်တယ်။ စားကောင်းတယ်လို့ပြောကြတာနဲ့ ဆူနမ်လာရင် သွားစားမယ်လို့ စိတ်ကူးထားတယ်။ ဆူနမ်က ဆောင်းတွင်းဆို ဟိုက်ပါနိတ်မုဒ် ဘယ်မှမသွားချင်ဘူး အိမ်မှာပဲနေချင်တာတဲ့။ ကျေးဇူးတော်ပိတ်ရက်ကျရင် နယူးယောက် လာဖြစ်မလား မသိဘူးလို့တော့ ဝိုင်းကိုပြောနေတယ်။ ဆူနမ်က ဂျက်ဆင်ဟိုက်နီပေါဆိုင်မှာ မှာထားတယ် ကိုယ်ကရုံးကအပြန် ဝင်ယူတယ်။ နယူးယောက်မှာ ဆူနမ်က နီပေါစာပဲစားတယ်။ တခြားအစားအစာ မစားဘူး ဝိုင်းက အံ့သြလို့။ တနင်္ဂနွေနေ့မနက်စာကို နီပေါဆိုင်မှာစားပြီး ဘတ်စ်ကားဂိတ် လိုက်ပို့တယ်။ ဝိုင်းက ဆူနမ့်ကို လာတွေ့တယ်။ ပြီးတာနဲ့ ဂရမ်းစင်ထရမ်ဆီ လမ်းလျှောက်ပြီး ပုံပုံ့ကို သွားကြိုတယ်။ အဲ့ဒီနေ့က မိုးတွရွာနေတာနဲ့ ဘယ်မှမသွားတော့ဘဲ အိမ်ကိုတန်းပြန်ကြတယ်။ တရုတ်ဆိုင်မှာ ‌စေ◌ျးဝင်ဝယ်ပြီး ဧည့်သည်ပုံ့ပုံ့က အိမ်ရှင်ကိုယ့်ကို ဖွယ်ဖွယ်ရာရာ ချက်‌ကျွှေးတယ်။ နောက်နေ့ ယူအန်ကိုသွားလည်တယ် ယူအန်မှာလုပ်နေတဲ့ ပုံ့ပုံ့အစ်မသူငယ်ချင်းက လိုက်ပြတယ်။ ပုံ့ပုံ့နဲ့ကိုယ့်ကို တူတယ်ညီအစ်မလားလို့ မေးကြပြောကြတာ လေးယောက်ရှိပြီ။ ယူအန်ရောက်မှတော့ ဦးသန့်နဲ့ ဓာတ်ပုံမရိုက်ဘဲ ဘယ်နေပါ့မလဲ။ မကြီးလာတုန်းက ယူအန်တိုးနဲ့သွားလည်ဖူးတယ်။ ကိုယ်က ယူအန်ကို ဒုတိယအကြိမ်မြောက်ရောက်တာ။ ရှေ့နှစ် အဖေတို့လာလည်ရင် ယူအန်လိုက်ပို့ဦးမယ်။ နောက်နေ့ Met လို့အတိုကောက်ခေါ်ကြတဲ့ မက်ထရိုပိုလစ်တန်ပြတိုက်ကို သွားလည်ကြတယ်။ ဝင်ကြေးက ၂၅ ကျပ် နယူးယောက်သားတွေဆို အလကား။ မနက်ပြတိုက်ဖွင်င့်တဲ့အချိန်ကနေ  ညနေပြတိုက်ပိတ်တဲ့အထိ နေ့လည်စာဆန်းဒွတ်လေးပဲစားပြီး တနေကုန်ကြည့်တာတောင် ဂရိနဲ့ဗုဒ္ဓ နှစ်ခန်းပဲပြီးတယ်။ အတော်ကောင်းတဲ့ပြတိုက် ဆောင်းတွင်းရောက်ရင် ထပ်သွားဦးမယ်။ အဲ့ဒီပြတိုက်မှာ နာမည်ကြီးမင်းသားမင်းသမီးတွေ ထူးခြားဆန်းပြား အဝတ်အစားတွေဝတ်ပြီး ပွဲတက်ကြတဲ့ Met Gala ဆိုတာနာမည်ကြီးပဲ။ ပုံ့ပုံ့နယူးယောက်မှာရှိနေတုန်း ကိုရီးယားဆိုင်၊ တရုတ်ဆိုင်မှာ သွားစားတယ်။ မြန်မာဆိုင်မှာ သွားမစားဘူးဆိုတာကို ဆူနမ်က အံ့‌‌တွေ◌ြသလို့။ ကိုယ်တို့ကလည်း နယူးယောက်မှာရှိနေတုန်း ဆူနမ် နီပေါစာပဲစားတာကို အံ့တွှေ◌ြသလို့။

Happy Traveling !
စန်းထွန်း
စက်တင်ဘာ ၂၈၊ ၂၀၁၉ ။

ကိုနီအိုင်လန် ကျူးဘားကမ်းခြေတွေလို မလှဘူး
ပန်းလေးတွေမြင်တိုင်း ဓာတ်ပုံမရိုက်ဘဲ မနေနိုင်ဘူး
ကိုနီအိုင်လန်ဟာ မေရီလန်းပြည်နယ် အိုရှင်းစီးတီးနဲ့တူတယ်
တိမ်အုပ် နေရောင်ပျောက် လေတိုက်တာနဲ့ အေးတော့တာပဲ
စင်ယော်ငှက်တွေက အကြီးကြီးပဲ
ကိုယ်တို့နှစ်ယောက်ကို ရုပ်ဆင်တယ် ညီအစ်မလားလို့မေးတာ လေးယောက်ရှိပြီ
ယူအန်ရောက်မှတော့ ဦးသန့်နဲ့မရိုက်ဘဲ ဘယ်နေပါ့မလဲ
လိုက်ပို့ပေးတဲ့ အစ်မကြီးနဲ့
အစည်းအဝေးခန်းမ
တပတ်တခါ တနာရီ ကြားရက်တွေမှာ အားရင်အားသလို ဖုန်း‌ပြောကြတယ်
ချယ်ရီပင်တွေနဲ့

No comments: