All About DC - 1

ပိတ်ရက်ဆို အိမ်မှာလည်း မနေချင်၊ ဆူနမ်တို့ဆီ သွားရင်လည်း သူတို့သုံးယောက် ငြင်းကြခုန်ကြတာကို ဘာသာစကားမတူတော့  ကိုယ်က ဝင်မငြင်းခုန်နိုင်၊ သူတို့ကြည့်တယ့် ရုပ်ရှင်တွေကို ကိုယ်က မကြိုက်၊  အလုပ်သစ်က ဘယ်တော့ဘယ်မှာ ရမယ်မှန်းမသိ၊ ဒီစီမှာ ရမယ်မှန်းကလည်း မသေချာ၊ ဒီစီမှာ ရှိနေတုန်းလေး လည်လည်သွားထားမှဆိုပြီး သောကြာနေ့ညနေ ရုံးဆင်းချိန်မှာ ဒီစီတခွင်ပြဲပြဲစင်ကာ ဟိုရိုက်ဒီရိုက်ထားသမျှ လက်ရာတွေနဲ့ ဆားချက်ပါမယ် း) ။

တခေါက်ရောက်ဖူးရင် တော်ပြီ၊  ပြတိုက်တွေ၊ အဆောက်အဦး ဒီဇိုင်းတွေ၊ သစ်ပင်တောတောင်တွေထက် အိမ်မှာတနေကုန် ရုပ်ရှင်ကြည့်ဖို့ စိတ်အားထက်သန်တယ့် သူငယ်ချင်းတွေဆိုတော့ စိတ်မတူ ကိုယ်မတူ။ ကိုယ်က နေရာစုံနှံ့ချင် သူတို့က လမ်းမလျှောက်နိုင်။ သူတို့ကို ငဲ့ရတာနဲ့ခရီးမတွင်ဘူး။ သူတို့ကလည်း ခြေရှည်တယ့် ကိုယ့်နောက်ကို မလိုက်ချင်ကြဘူး။ တချို့ကိစ္စတွေဆို မိသားစု၊ သူငယ်ချင်းတွေနဲ့ ပျော်စရာကောင်းပေမယ့် တချို့ကိစ္စတွေမှာတော့ တကိုယ်တည်းက ပိုပျော်ဖို့ကောင်းတယ်။

မနှစ်က ဒီဇင်ဘာ ဒီစီသွားတောလား ၁၊ ၂၊ ၃၊ ၄၊ ၅  တွေထဲမှာ ဒီစီရဲ့အထင်ကရ နေရာတွေကို မြင်ဖူးကြမှာပါ။ ကိုယ်တို့ရုံးရဲ့ မျက်နှာချင်းဆိုင်က ဂျပန် အမေရိကန် မန်မိုရီယမ်၊ ဘေးမှာက ယူနိုက်တက်စတိတ် ကယ်ပီတယ်၊ ကယ်ပီတယ်ကနေ ဝါရှင်တန်မိုးနူးမတ်ကျောက်တိုင်အထိ ကွင်းပြင်ကြီး၊ ဘေးတဖက်တချက်စီမှာ ပြတိုက်တွေ။

ဒီစီ နွေရာသီပန်း

Japanese American Memorial

Japanese American Memorial

သောကြာနေ့ နေ့လည်စာ စားတတ်တယ့် ထိုင်ခုံလေး၊ ရှေ့ကျောက်တိုင်ထက် ခေါင်းလောင်းဆီက ၄၅ မိနစ်၊ မိနစ် ၆၀ ဆို
သာယာတယ့် ခေါင်းလောင်းထိုးသံ ကြားရတယ်...Robert A Taft Memorial and Carillon

Library of Congress

United States Capitol ‌ဘေး

ခွေးကျောင်းကြသူများ

Washington Monument

တိမ်တွေကြားက နေခြည်ဖြာနေတာ လှတယ်ထင်လို့

အနီရောင် မိသားစု...း)

Smithsonian Institution & Museum

 လေယာဉ်ပျံက ကောင်းကင်မှာ ခြေရာချန်ခဲ့တယ်

ဒီစီတခွင် စက်ဘီးနဲ့လည်

ဝါရှင်တန်မိုးနှုးမတ်ရဲ့  နေဝင်ချိန်

ည ၇ နာရီထိုးပြီ ဗိုက်ကလည်း တဂွီဂွီမြည်လာပြီမို့ Smithsonian ဘူတာကိုမြင်တာနဲ့ အိမ်ပြန်ခဲ့တယ်။

စန်းထွန်း
သြဂုတ် ၁၃၊ ၂၀၁၃။