တနေ့တာ..

ပစ်ပစ် တဂ်စာ ကျွှေးလာတော့ စားရချီသေးတာပ။ ၂၀၁၂ ရဲ့ ပထမဆုံး တဂ်ပို့စ်လေးပါ။

အိပ်ယာကနိုးနိုးချင်းအရင်ဆုံးဘာလုပ်သလဲ...
မနက် ၇ နာရီ နိုးစက်နိုးတာနဲ့ဖုန်းနဲ့ပရိတ်တရားဖွင့်၊ ကွန်ပျူတာ ဖွင့်တယ်..ပြီးရင် မျက်နှာသစ်၊ သွားတိုက်..ရေနွေးအိုးတည်..ဘုရားသောက်တော်ရေကပ်၊ သစ်သီးကပ်ပြီး ၁၀ မိနစ်လောက် တရားထိုင်နိုင်အောင် ကြိုးစားနေပါတယ်..

မနက်စာကို  ဘယ်လိုအစားအစာ  စားရတာကြိုက်ပါသလဲ...
ကော်ဖီနဲ့ မြန်မာမုန့်(ကောက်ညှင်းပေါင်း၊ ဘိန်းမုန့်၊ မုန့်ဖက်ထုပ်၊ မုန့်ဟင်းခါး) စားရတာ ကြိုက်တယ်..မေ ရှိရင်တော့ သားတို့၊ သမီးတို့ ဘာစားမလဲ မေးရင် အိပ်ယာထဲကနေ မျက်စိမဖွင့် စားချင်တာကို မှာလိုက်ကြတယ်..မေ မရှိရင် မောင်နှမတွေ နင်သွားဝယ်၊ ငါသွားဝယ် ကပ်သတ်နေကြတာနဲ့ တခါတလေ မုန့်ငတ်တယ်..

မကြီးလက်ရာ ကောင်းခြင်းပေါင်း

.လောလောဆယ်နေ့တိုင်းစားဖြစ်နေတဲ့   မနက်စာ...
 Argio ကို သွား မနက်စာစားဖို့တောင် ဘီးစီးနေလို့ ဘီစကစ်၊ ပန်းသီးကိုက်ရင်း ရေနွှေးကြမ်းလေးနဲ့ မျောချနေရပါတယ့် အဖြစ်..

နေ့လည်စာကို   ဘယ်လိုနေရာမျိုးမှာစားရတာကြိုက်ပါသလဲ...
ဘယ်နေရာပဲဖြစ်ဖြစ် မိသားစုတွေ၊ သူငယ်ချင်းတွေနဲ့ သိုက်သိုက်ဝန်းဝန်း စားရတာ ကြိုက်တယ်..

အခုလက်ရှိအစားချင်ဆုံးဟင်းကိုပြောပြပါ...
ချဉ်ပေါင်ကြော်..မစားရတာ ၁နှစ် ရှိတော့မယ်.. မြန်မာဟင်းဆို ဘာဖြစ်ဖြစ် ပြီးရော..

အလုပ်မှာကော်ဖီ  ဘယ်နှစ်ခွက်  သောက်ပါသလဲ...
မနက် တခွက်..နေ့လည် အိပ်ငိုက်ရင် နောက်ထပ် တခွက်..

ညနေစာကို ဘယ်မှာစားတတ်ပါလဲ...
အရင်တုန်းကတော့ အိမ်မှာ မိသားစုဝင်တွေစုံစုံညီညီနဲ့ စကားတွေ လုပြောရင်း စားတတ်တယ်.ခုတော့..အခန်းထဲမှာ နေ့လည် Argio က သယ်လာတဲ့ အရွက်တွေ ထည့်ပြီး ခေါက်ဆွဲပြုတ်ကို ကွန်ပျူတာကြည့်ရင်း စားတယ်..

ညနေစာစားရင်းနဲ့  အများဆုံးစဉ်းစားဖြစ်တတ်တဲ့  အကြောင်းအရာ...
ဖေ၊ မေ၊ မကြီး ချက်ကျွှေးတဲ့ ဟင်းတွေကို သတိရမိတာ..

အလုပ်ဆင်းတဲ့အချိန်မှာခံစားချက်...
မပြီးသေးတဲ့၊ အရေးကြီးတဲ့ အလုပ်တွေကို မနက်ဖြန် လုပ်မယ်လို့ တေးလိုက်တယ်..

အိမ်ပြန်ရောက်ရောက်ချင်းဘာအရင်လုပ်တတ်သလဲ...
အိမ်အဝကနေ ဗိုက်ဆာလိုက်တာဗျို့လို့ အော်ပြီး မီးဖိုချောင်ထဲ တန်းဝင်သွားတယ်..:P..ခုတော့ အခန်းပြန်ရောက်ရောက်ခြင်း ကွန်ပျူတာ တန်းဖွင့်တာ..

ဒုတိယလုပ်မိတာလေး...
မြန်မာဆိုလို့ တယောက်တည်းရှိတဲ့ နေရာမှာ ကွန်ပျူတာ၊ ဘလော့သာ စန်းထွန်းရဲ့ သူငယ်ချင်း၊ မိတ်ဆွေပါ..အင်တာနက်ကွန်နက်ရှင်း ဒေါင်းရင်ဖြင့် ဘာလုပ်ရမှန်းမသိ ယောင်ချာချာ..

ညမအိပ်ခင်ကော်ဖီသောက်တတ်ပါသလား...
မသောက်တတ်ပါ..ကော်ဖီပြင်းရင် ရင်တုန်တတ်လို့ ညဖက်ကိုတော့ ဝှောင်ဝှောင်ရှေးတယ်..ဒီရောက်မှ တပတ်တခါပဲ ကော်ဖီသောက်ဖြစ်တယ်..ကော်ဖီပြတ်ရော..အဲ ရေနွှေးကြမ်းတော့ အမြဲသောက်တယ်..ရေအေးတောင် သောက်လို့မရ..
ရေနွှေးကြမ်းဂျိုးတက်နေလို့ ဝါကျင်ကျင်ဖြစ်နေတဲ့ ဖန်ခွက်ကို ကြည့်ပြီး ဆူနမ်က dirty. clean the glass ဆိုလို့ ရေနွှေးကြမ်းကြိုက်တဲ့ မိုင်းနဲ့ စန်းထွန်း ရယ်လိုက်ရတာ..ဆေးတုန်း ခဏဖြူပြီး ပြန်ဝါကျင်သွားတာကို ရေနွေးကြမ်း မသောက်တဲ့ ဆူနမ်က ညစ်ပတ်တယ် ထင်နေတာ..

ညအိပ်ယာထဲဝင်ဝင်ခြင်းအချိန်ဘာအရင်ဆုံးလုပ်ပါသလဲ...
ပုဆိန်ဦးချ ဘုရားကန်တော့ပြီး အိပ်တော့တာပဲ..မနက် ၁ နာရီခွဲ စာကြည့်ပြီးချိန်ဆို မျက်လုံးစင်းပြီး အိပ်ချင်နေပြီ..

အိပ်မပျော်တဲ့ညတွေမှာ  ဘာလုပ်သလဲ...
ပရိတ်တရားဖွင့် နာလိုက်တယ်..

တအားစိတ်ဓါတ်ကျလာတဲ့အခါမျိုး     စိတ်အားငယ်တဲ့အခါမျိုးတွေမှာ  ဘာလုပ်တတ်သလဲ...
ခြေထောက်တွေ နာတဲ့ အထိ လမ်းလျှောက်တယ်..ငိုတယ်..

အပြင်သွားတဲ့အခါ  အမြဲတမ်းသတိထားပြီးယူတတ်တဲ့ပစ္စည်း...
ကျောင်းသားကဒ်၊ သော့ ၊ ဖုန်း ၊ ပိုက်ဆံအိတ်.

မိသားစုဝင်တွေထဲမှာ   အချစ်ရဆုံးသောလူ...
ဖေ၊ မေ၊ မကြီး ၊ မောင်မောင်..

သူစိမ်းတွေအထဲမှာ   မိမိအယုံကြည်ရဆုံးသူ...
ကိုယ့်ရဲ့သူငယ်ချင်းကောင်းတွေ..

အလုပ်ထဲမှာကိုယ်အခင်ဆုံးသူ...
ရုံးကလူတွေအကုန်လုံး ခင်ဖို့ ကောင်းတယ်..အခင်ဆုံးကတာ့ မလေးတရုတ်မ ထိန်ထိန်နဲ့ချစ်စရာကောင်းတဲ့ သမီးလေး Sophie Wynn ရဲ့ မေမေ မယမုံနာ..

ကိုယ်မှာရှိတဲ့ပစ္စည်းတွေထဲကအကြိုက်ဆုံးပစ္စည်းလေးတခု..
လိုချင်တာက Canon EOS 550..ဝယ်နိုင်တာက Canon IXUS 300..ပိုက်ဆံရှိရင် ကင်မရာ အကြီးကြီး ဝယ်မယ်လို့ အမြဲကြုံးဝါးပေမဲ့ ပိုက်ဆံကလည်း အမြဲမရှိလေတော့  ကင်မရာအကြီးကြီးနဲ့ရွှေပြည်တော် မျှော်တိုင်းဝေး..
Emporio Armani ဖုန်းကိုတော့ လူတိုင်းဆီမှာ မတွေ့မိလို့ အကြိုက်ဆုံး..
နောက်တခုက ကိုယ့်ဘလော့ဂ်...ပင်ပန်းလွန်းတဲ့ နေ့ရက်တွေ၊ မြန်မာစကားငတ်တဲ့ အချိန်မှာ ဘလော့ဂ်လေးရယ်၊ မအားတဲ့ကြားထဲက အချိန်ပေး လာလည်သူတွေကြောင့်သာ ရှေ့ဆက်ဖို့ အားတင်းရင်း..

လက်ဆောင်ရထားတဲ့အထဲကအကြိုက်ဆုံးပစ္စည်းလေးတခု...
တကူးတက စဉ်းစားပြီးမှပေးတဲ့ လက်ဆောင်မို့လို့ အကုန်ကြိုက်တယ်..

ကိုယ့်ပတ်သက်ဖူးတဲ့သူတွေထဲမှာကိုယ့်ကို   နားလည်ခွင့်လွှတ်ပေးနိုင်ဆုံးသူ...
ဖေ၊ မေ..

အခုလောလောဆယ်အဖြစ်ချင်ဆုံးဆန္ဒ...
စာမေးပွဲ လွတ်လွတ်ကျွှတ်ကျွှတ်အောင်ပြီး အလုပ်မြန်မြန် ရချင်ပါတယ်..


ပျော်ရွှင်ဖွယ် တနေ့တာ ပိုင်ဆိုင်ကြပါစေ။

စန်းထွန်း
ဇန်နဝါရီ ၇၊ ၂၀၁၂။