ရပ်ကွက်ထဲမှာ‌တော့ဗျာ - ၁

Compro Feb  Entry  ကျောင်းသား ၅၃ယောက်မှာ ရှားရှားပါးပါး မိန်းကလေး ၅ ယောက်ပဲ ပါပါတယ်။  ဒီကျောင်းသားတွေအကြာင်း Lady First ဆိုပြီး ပို့စ်ရေးဖူးပါတယ်။ အာဖရိက အီသီးယိုးပီယားနိုင်ငံအပေါ် Eritrea နိုင်ငံလေးက ဒီဗွီပေါက်လို့ စတိတ်ကို ရောက်နေတဲ့ အာရိယန်၊ နီပေါက ဆူနမ်၊ ရာမား၊ ဗီယက်နမ်က မိုင်း။ ဆူနမ်၊ ရာမား၊ မိုင်းနဲ့ စန်းထွန်းက ရထားကြီးလို အမြဲအတွဲတွဲ။ ကျောင်းမှာ ကြီးလေးကြီးကတော့  အီသီယိုးပီးယား၊ နီပေါ၊ တရုတ်၊ ဂျော်ဒန်။ ကြားသိရသလောက်လေး ဖောက်သည်ပြန်ချရင်တော့...



နီပေါနိုင်ငံလေးက အိန္ဒိယ၊ တရုတ်၊ ဘူတန်နိုင်ငံကြားမှာ ရှိပြီး ကမ္ဘာ့အမြင့်ဆုံးတောင် ဧရဝတ်တောင်၊ ဘုရားရှင် မွေးဖွားတော်မူရာ လုမ္ဗနီဥယျာဉ် ရှိပါတယ်။ တိုင်းပြည်ရဲ့ အဓိကဝင်ငွေက ကမ္ဘာလှည့်ခရီးသည်လုပ်ငန်းကနေ ရတာပါ။ အိန္ဒိယနဲ့ တရုတ်ကြားမှာ ရှိတော့ မျက်နှာတွေကလည်း အိန္ဒိယနဲ့ တရုတ်ကြားက ရုပ်ထွက်တယ် ။ ဓားကောက်ကြီးတွေကိုင်တဲ့ ဂေါ်ရခါးလူမျိုးဆိုတာ နီပေါတွေပါ။ နီပေါအလံလေးကလည်း ထူးခြားပါတယ်။


အောက်တိုဘာ ၈ ရက်နေ့က ကျင်းပတဲ့ နီပါလီ Dashain ပွဲတော်မှာ ရိုးရာဝတ်စုံ ဝတ်လာတဲ့ ရာဘင်နဲ့အမ်းထရူး
ဗုဒ္ဓဂါယာမှာ နီပေါနိုင်ငံက ဘုရားရှင် မွေးဖွားတော်မူရာ လုမ္ဗနီဥယျာဉ်နဲ့ တထေရာတည်းတူတာကို တည်ဆောက်ထားပြီး ဘုရားရှင် အိန္ဒိယမှာပဲ မွေးဖွားသရောင် ဆောင်ထားပါသတဲ့။ အိန္ဒိယနိုင်ငံက သူတို့နိုင်ငံရဲ့ ပိုင်နက်နယ်မြေကို တဖြည်းဖြည်း ဖဲ့ယူနေတာဆိုပြီး အစာမကြေလေရဲ့။ အိမ်နီးနားချင်း ဘူတန်နိုင်ငံလေးကို အိန္ဒိယက စစ်တပ်ပို့ပေးပြီး ထိန်းချုပ်ထားတာလို့လည်း နှိမ်တတ်သေးရဲ့။

ဟိန္ဒူဘာသာနိုင်ငံဖြစ်လို့ တော်တော်များများက ဗုဒ္ဒဘာသာနဲ့ ဆင်တူပေမဲ့ နတ်၊ သရဲတွေ ပိုဇောင်းပေးသလားလို့။ ရာမားကိုးကွယ်တာက Ganesha လို့ ခေါ်တဲ့ မျက်နှာက ဆင်မျက်နှာရှိတဲ့ နတ်(မဟာပိန္နဲ)ပါ။



Elephant God လို့ သွားခေါ်မိရင် စိတ်ဆိုးတတ်သေးရဲ့။ ရာမား နင်ဘာလို့ ကိုးကွယ်တာလဲဆိုတော့ သူ့ရုပ်လေးက ချစ်စရာကောင်းလို့တဲ့ မှတ်ကရော ။ အာဘီဆစ်ကတော့ ကားပေါ်မှာ ဂီနေးနတ်ရုပ်လေးတင်ထားပြီး ကားမောင်းတိုင်း ခရစ်ယာန်တွေ ဘုရားသခင် စောင်မပါစေဆိုပြီး  လုပ်သလိုမျိုး လုပ်တတ်လေရဲ့။ ရာမားဆီက ဂီနေးနတ်ရုပ်ကို ဓာတ်ပုံသွားရိုက်တာ စာအုပ်တွေနဲ့ ကွယ်နေလို့ နည်းနည်းရွေ့ပြီး ရိုက်လိုက်တယ်။ ဆူနမ်ရောက်လာတော့ နတ်ရုပ်ကို အလယ်ကိုရွေ့ပေးဆိုတော့ သူရွေ့ပေးလို့ မရဘူးတဲ့။ အမျိုးသမီးတွေ ရာသီလာနေချိန်မှာ နတ်ရုပ်ကို ထိလို့ မရဘူးတဲ့။ ဟေ ဟုတ်လား  ဒုက္ခပဲ ငါ ခုနကပဲ ရွေ့လိုက်တယ်။ လက်အုပ်လေးချီပြီး ‌ဆောရီးနော်၊ ခုနက မသိလို့ ထိလိုက်တာ ခွင့်လွှတ်‌နော်၊ ဘွာတေး ဆိုပြီး တောင်းပန်ပြီး အမြန်လစ်ခဲ့ရတယ်။

နီပေါမှာလည်း အိန္ဒိယနိုင်ငံလို ဇာတ်နိမ့်ဇာတ်မြင့် (cast) ခွဲခြားတာတွေ ရှိပါတယ်။ ဇာတ်ခြင်းတူမှ ယူလို့ရပါတယ်။ ရာမားတို့က ဗြဟ္မ အဆင့်အမြင့်ဆုံး။ Sanskrit နဲ့ ရေးထားတာတွေ သူတို့မျိုးနွယ်တွေပဲ  ဖတ်တတ်တယ်။ နတ်တွေနဲ့ လူတွေကြား ဆက်သွယ်ပေးနိုင်တဲ့ မျိုးနွယ်မို့လို့တဲ့။ ရာမား မိသားစု နာမည်က ခနာ။ ဒီတော့ သူတို့က မိသားစုနာမည် ခနာပါတဲ့ ကောင်လေးမှန်သမျှ သူတို့အကိုတော်တယ်ဆိုပြီး လက်ထပ်လို့ မရဘူး။ ခနာကလွဲရင် ကျန်တဲ့ ဇာတ်တူတဲ့ ကောင်လေးကို လက်ထပ်လို့ ရပါသတဲ့။

ဆူနမ်ကတော့ ဂူရုန်းမျိုးနွယ်။ စစ်သားမျိုးရိုး။ ဂူရုန်းမျိုးနွယ်တိုင်းရဲ့ နာမည်မှာ ဂူရုန်းပါပါတယ်။ ဆူနမ်ဂူရုန်း၊ အမ်းထရူးဂူရုန်း ၊ ကယ်ဗင်ဂူရုန်း ၊ အဲရွန်ဂူရုန်း ။ မွန်ဂိုအနွယ်တွေမို့ ရုပ်ကလည်း မြန်မာနဲ့ တူပါတယ်။ လူမျိုးစုကြီးဖြစ်ပြီး စစ်သားကောင်းတွေမို့ ဂူရုန်းတွေက  သူတို့မျိုးနွယ်ကို ဂုဏ်ယူတတ်ပါတယ်။ ဆူနမ့် အဘိုးက ဒုတိယကမ္ဘာစစ်အတွင်း အင်္ဂလိပ်စစ်တပ်မှာ စစ်မှုထမ်းတုန်းက မြန်မာပြည်ကို ရောက်ခဲ့ဖူးပါတယ်။ ဆူနမ့်အဖေက အိန္ဒိယစစ်တပ်မှာ စစ်မှုထမ်းခဲ့ပြီး ခုနီပေါမှာ စစ်မှုထမ်းနေတယ်။ အမ်းထရူးဂူရုန်းကတော့ သူ့အဖေတာဝန်ကျတဲ့ စင်္ကာပူကို လိုက်နေတော့ အယ်ဂျူးနစ်က မူလတန်းတက်ဖူးတယ်။ ဘရူနိုင်းလည်း ရောက်တယ်။ ဂူရုန်းတွေကတော့ ဂူရုန်းအချင်းချင်းပဲ ယူလို့ရပါတယ်။

နောက် နေဝမျိုးနွယ် အာဘီဆစ်၊ ဆူဘ။ သူတို့မျိုးနွယ်ကတော့ ပွဲတော်ဘယ်လောက်ကြိုက်လဲဆိုရင် တနှစ်မှာရှိတဲ့ ပွဲတော်အရေအတွက်က ၃၆၅ ထက် ပိုတယ်တဲ့။ ရာမားကို အာဘီဆစ်နဲ့ စတိုင်း ရာမားက ဘယ်လိုပြန်ပြောလဲဆိုရင် အာဘီဆစ်ကို ယူရင် သူသေပါလိမ့်မယ်တဲ့။ ဘာဖြစ်လို့လဲဆိုတော့ အာဘီဆစ်တို့မျိုးနွယ်စုက ပွဲတော်တွေများလို့ သူ မီးဖိုချောင်ထဲက ထွက်ရမှာမဟုတ်တော့လို့တဲ့။ ရာဂျာလို အိန္ဒိယနဲ့တူတဲ့ လူမျိုးကတာ့ အဆင့်အနိမ့်ဆုံး။

နီပေါ အစားအသောက်ကတော့ ဟင်းတိုင်း အာလူးနဲ့ မဆလာပါတယ်။ စန်းထွန်းကတော့ မတီးနိုင်ပေမဲ့ မိုင်းကတော့ အကုန်စားနိုင်လေရဲ့။ ဟိန္ဒူဘာသာဝင်တွေမို့ အမဲသား မစားကြဘူး။ ဒါပေမဲ့ ကျွှဲသားကတော့ ပေါ်ပြူလာဖြစ်တယ်တဲ့။ ကုန်းတွင်းနိုင်ငံမို့ ပုဇွန်၊ ကဏ္ဏန်း၊ ခရု ရှားပါတယ်။ မိုင်းနဲ့စန်းထွန်းကတော့ ဂျပန်စာဆို အသေကြိုက်ပေမဲ့ ဆူနမ်နဲ့ ရာမားကတော့ အနံ့တောင် ခံလို့မရ။

နီပေါမှာလည်း ပြသနာမျိုးစုံ။ အရင်တုန်းက ဘုရင်စနစ် ရှိပေမဲ့ ၂၀၀၁ ခုနှစ်မှာ တမိသားစုလုံး လုပ်ကြံခံရပါတယ်။ ဆေးကြောင်နေတဲ့ သားတော်က တမိသားစုလုံးသတ်ပြီး နောက်ဆုံးမှာတော့ သေနတ်ကို နားထင်မှာတေ့ပြီး သူ့ဘာသာ အဆုံးစီရင်သွားတယ်လို့ သတင်းမှာ ဖော်ပြပေမဲ့ ဘယ်သူမှ မယုံပါဘူးတဲ့။ ဘုရင်ရဲ့ ညီတော်ကို သံသယရှိပေမဲ့ ရေငုံနှုတ်ပိတ်နေရတယ်။ သံသယဖြစ်တဲ့အကြောင်းပြောရင် ထောင်ထဲ ဆွဲထည့်မှာတဲ့ဗျား။

၂၀၀၈ ခုနှစ်မှာတော့ ဘုရင်စနစ်ချုပ်ငြိမ်းကာ ပြည်ထောင်စုသမ္မတနိုင်ငံတော် ထူထောင်ပါတယ်။ ဝန်ကြီးတွေရဲ့ သက်တမ်းဟာ ၆လကနေ ၁နှစ်လောက်ပဲ ခံပါသတဲ့။ ဝန်ကြီးတွေ လုပ်ပုံကိုင်ပုံမကြိုက်ရင် ဖြုတ်ချလိုက်၊ ဝန်ကြီးနောက်တယောက် တက်လာလိုက်၊ တက်လာတဲ့ဝန်ကြီးကလည်း ရတဲ့အချိန်လေးအတွင်းမှာ စားလို့ရတာ အကုန်စားလိုက်၊ ပြုတ်သွားလိုက်၊ နောက်တယောက် တက်လာလိုက်။ ဒီလိုနဲ့ သံသရာလည်နေတာ။ ဒီလိုမျိုး မတည်ငြိမ်တဲ့ အစိုးရ၊ ပြည်သူ့အတွက်မကြည့်တဲ့ အုပ်ချုပ်သူများကြောင့် တိုင်းပြည်က မွဲသထက် မွဲနေပါသတဲ့။ တတ်သိနားလည်တဲ့သူတွေကလည်း ထောင်ထဲမှာပါတဲ့။ တိုင်းပြည်တပြည်တိုးတက်ဖို့ဆိုတာ ခေါင်းဆောင်ကောင်းက အရေးကြီးသနော်။

ကျောင်းရောက်ပြီး နောက်တနေ့မှာပဲ ကျောင်းက Wal Mart ကို လိုက်ပို့ပေးပါတယ်။ ကျောင်းကားက လူပြည့်သွားလို့ အာဘီဆစ်ဟာဒါက သူ့ကားနဲ့ လမ်းကြံကြုံလိုက်ဖို့ ခေါ်ပါတယ်။ ၂နာရီကြာရင် ပြန်တွေ့မယ်လို့ ချိန်းလိုက်ပါတယ်။ Wal Mart ရောက်ပြီး ရှော့ပင်းလိုက်တာ  (၂နာရီ မပြည့်ခင်) သတိရတဲ့အချိန်မှာ ကျောင်းကားရော၊ အာဘီဆစ်ကားရော မရှိတော့ဘူး။ Customer Service ကို တက္ကစီဘယ်လိုခေါ်ရလဲသွားမေးတော့ ဒီမြို့မှာ တက္ကစီ မရှိပါဘူးတဲ့။ မိုင်းနဲ့စန်းထွန်း ပန်လမ်လက်ရော။ ပစ္စည်းတွေ မပါရင် လမ်းလျှောက်ပြီး ပြန်လို့ရပေမဲ့ ခုက ဝယ်ထားတာက ဆပ်ပြာပုံးကြီးတွေ။ ရာသီဥတုကလည်း နှင်းထုက ၂လက်မ။

နှစ်ကောင်သား ကားပါကင်နားမှာ အသိလေးများ တွေ့မလားလို့ လာသမျှလူတွေကို အလစ်မပေး လိုက်ကြည့်ရင်း လဒမှိုင် မှိုင်နေရှာပါတယ်။ ရောက်ပြီး နောက်တရက် ဘယ်လိုလုပ် အသိရှိပါ့မလဲနော်။ ကျောင်းက လုံခြုံရေးကို ဖုန်းလှမ်းခေါ်တော့ ကိုယ်တို့ရဲ ့Admission Representative ကြီးက နောက်၁၅မိနစ်လောက်မှာ လာကြိုပေးမယ်တဲ့။ ကျောင်းက Computer Science Department မှာ အလုပ်လုပ်နေတဲ့ အမတယောက်က လမ်းကြုံလိုက်မလား လာမေးတော့ ဝမ်းသားအားရပေါ့။ တော်သေးတယ် ကျောင်းသားကဒ် ကယ်ပေလို့။ ကျောင်းသားကဒ်ပြူးပြူးကြီး ဆွဲထားတာလေ။ အာဘီဆစ် ဒီကောင် တွေ့လို့ကတော့ အသေပဲ။ ဒီကတည်းက အာဘီဆစ်နဲ့ ကျောင်းတော်က ရန်စ။

အာဘီဆစ်က အစအနောက်သန်ပါတယ်။ သူ့ကို နိုင်အောင် ဘယ်သူမှ ပြန်မပြောနိုင်ဘူး။ ဆူနမ်တို့တွေမက စန်းထွန်းပါ ခံရတာပါ။ ကိုယ်တခွန်းပြောလိုက်ရင် သူက ဆယ်ခွန်း။ တနေ့တော့ ဆူနမ်က စန်းစန်း အာဘီဆစ်ကို နိုင်ချင်ရင် တခွန်းသင်ပေးမယ်။ အဲဒီတခွန်း ပြောလိုက်ရင် အာဘီဆစ် လက်မှိုင်ချသွားမယ်။ ဟေ ဟုတ်လား။ ဖဲ့ချင်ဇောနဲ့ သင်လို့လားမသိ ခဏလေးနဲ့ ရသွားရော။ ထမင်းစားဆောင်သွားတဲ့တလျှောက် ဆူနမ်တို့ကို ဆိုပြရသေးတယ်။ ထမင်းစားနေတုန်း အာဘီဆစ်လာစတော့ ဆူနမ်တို့က စန်းစန်းပြောလိုက်တဲ့။ နင်တော့ သေပြီဆိုတဲ့ မျက်နှာထားတဲ့ စန်းထွန်း ကြက်တူရွေးနှုတ်တိုက် ရွတ်လိုက်ပုံက

"အာဘီဆစ် ခီးနား ခီနား တမီးမိုင်လိုင် မန်ပါချာ"

အားလုံးက တိတ်ဆိတ်သွားပြီး စန်းထွန်းကို တအံ့သသြကြည့်ကာ
အာဘီဆစ်။    ။"စန်းစန်း နင် အဓိပ္ပာယ် သိလား"
စန်းစန်း။    ။"သိဝူး Bad Guy မလား"
အင်ဒရူး။     ။ Let me explain. Kena means why. TamiMili means don't I. ManParchar means love.
ဂင်္ဂါ။     ။It means Why .Why do I love you.
စန်းစန်း။     ။Why do I love you. It means...........I love you. Grrrrrrrrrrrrrrrrrrr. ဆူနမ်.

ဆူနမ်နဲ့ရာမားကို လက်သီးနဲ့ ထုရင်း အားလုံးကလည်း တသောသော၊ တအုန်းအုန်း ရယ်မောလို့။

ဒီကတည်းကစလို့ တယောက်ယောက်ကို ညစ်ချင်ရင် ဆူနမ်နဲ့ ရာမားက မျက်စပစ်လိုက်လို့ စန်းထွန်းကလည်း "ခီနား ခီနား တမီးမိုင်လိုင် မန်ပါချာ" လို့ အသံပြဲကြီးနဲ့ ဟစ်လိုက်ရင်ပဲ ဘသားချောတွေခမျာ နောက်လှည့်မကြည့်ဘဲ  တချိုးတည်း သုတ်ချေတင်တော့တာပဲ။


ဆရာဂင်္ဂါ ကားမောင်းသင်ရင် ရာမား ချောတာ၊ ဟင်းချက်ကောင်းတာ၊စိတ်သဘောထားကောင်းတာ၊  ဂင်္ဂါနဲ့ ဇာတ်တူတာ၊ အသက်ငယ်တာကို ပြောပြီး ယောက်ျားကောင်းရစေချင်လို့ လက်မလွတ်သင့်ကြောင်း၊ ကျောင်းကနေ မထွက်ခွာခင် ချိတ်ထားသင့်ကြောင်းနဲ့ စန်းထွန်းက အောင်သွယ်ပေးတတ်ပါတယ်။ ရာမားကလည်း ကြုံရင်ကြုံသလို ပထဝီ၊ သမိုင်း၊ နိုင်ငံရေး၊ ဘောလုံးအကြောင်းတွေနဲ့ လေပေးဖြောင့်တတ်တဲ့ စန်းထွန်းနဲ့ဂင်္ဂါကို အောင်သွယ်တတ်ပါတယ်။ ရာမားနဲ့စန်းထွန်း နှစ်ယောက်ပေါင်းကာ အချွှန်နဲ့မတိုင်း အရှောင်အတိမ်း ဂျက်စီဂျိမ်း အဲလေ ဂျက်စီဂါးဂါးက မိန့်မိန့်ကြီးပြုံးကာ ရေငုံနှုတ်ပိတ်နေလေရဲ့။ ကြိုက်တယ်ပြောလို့ရင် စလို့ဆုံးမှာမဟုတ်။


ဘလော့ကြွလာ မိတ်သဟာများကိုလည်း ခီးနာ ခီးနာ တမီးမိုင်လိုင် မန်ပါချာ လို့...

စန်းထွန်း
အောက်တိုဘာ ၉၊ ၂၀၁၁။

24 comments:

Baby taster said...

ဒုတိယ ကမာၻစစ္မွာ ျမန္မာျပည္ကို အဂၤလိပ္နဲ႔ ေ၇ာက္လာတဲ့ နီေပါလ္တပ္က ေဂၚရခါးတပ္ပါ။
ဒါေၾကာင့္ ျမန္မာမွာ ရွိတဲ့ ေနပါလီ(ေနေပါလ္ လူမ်ိဳး)
ကို ေဂၚရခါးလို႔ေခၚျပီး ေနေပါလ္မွာ ရွိတဲ့ေနေပါလ္လူမ်ိဳးကိုေတာ့ ေနပါလီလို႔ပဲ ေခၚတယ္
ထင္တယ္ ေခြ်းမေလး း)
ဆင္မ်က္ႏွာနဲ႔ နတ္ဘုရားကို မဟာပိႏၷဲလို႔ ျမန္မာက
ေခၚၾကျပီ ေတာ္မ်ားမ်ား ျမန္မာေတြလည္း ကိုးကြယ္
ၾကပါတယ္။ ဇာတ္ႏွိမ့္ ဇာတ္ျမင့္ေတာ့ လူေတြရဲ့
စိတ္ဓာတ္နဲ႔ပဲ ဆိုင္မယ္ထင္တယ္။ အသိတရား
မဖြင့္ျဖိဳးၾကလို႔ပဲ ယူဆမိတယ္ း) Gurung ေတြကလည္း တျခားေကာင္ေလးေတြ ၾကိဳက္ရင္
ယူလို႔ ရပါတယ္ အၾကိဳက္မေတြ႔ၾကလို႔ေနမွာပါ း)

ဒီတခါ အဘီဆစ္ခ့္ကို ေျပာလိုက္ေလ အာဘီဆစ္ခ့္ သီမီလိုင္ မို မန္ေပါရ္ေခ်ာ ေသာ္ေရာေပါနီ အာလူ ခါနူေသာ ေဒါရ္လာခ္ေခ်ာလို႔ း)

San San Htun said...

ေယာကၡမၾကီး
ဟုတ္တယ္..သူတို ့ကို နီပါလီ Nepali လို ့ေခၚတယ္။ ဘာသာၿပန္ေပးေလ း)

ေဘဘီ said...

အဘီဆစ္ခ့္ သီမီလိုင္ မို မန္ေပါရ္ေခ်ာ
ေသာေရာ္ေပါနီ အာလူ ခါနူေဒါရ္ လာခ္ေခ်ာတဲ့
အဘီဆစ္ခ့္ ရွင့္ကို က်မခ်စ္ေပမဲ့ အာလူး စားရမွာေတာ့
ေၾကာက္တယ္လို႔ း) ေခြ်းမေလးက ေျပာတယ္ေလ အာလူး မပါရင္ မျပီးဘူးဆို ဟင္းတိုင္း း)

ကိုရင္ said...

သူ႔စာလည္း လာဖတ္၇ေသးတယ္..
လာဖတ္တဲ့သူ ခါးနာ ခါးနာ ဆိုေတာ့..
ငါ့နွယ္ မဟုတ္ေသးပါဘူး ..:D

mstint said...

ဗဟုသုတေလးေတြရသြားတယ္ စန္းစန္းေရ။ ေက်းဇူးပါ။
လူတစ္ေယာက္ခံယူခ်က္တစ္မ်ိဳးေနာ္။ ကိုယ့္အယူအဆနဲ႔ ကိုယ္ေပါ့ေလ။ Lady First ပို႔စ္ေလးပါ ဝင္ဖတ္သြားတယ္။
ဒီေခတ္ႀကီးမွာေတာ့ သူ႔အလုပ္ကိုယ့္အလုပ္ခြဲေနလို႔ မရဘူးေလ။ ဦး နယ္ဘက္တာဝန္မက်ခင္ကာလမွာ မီးဖိုေခ်ာင္မွာလိုအပ္တဲ့ ဆန္ ဆီလိုမ်ိဳးကအစ ဦး ကိုယ္တိုင္သြားဝယ္ၿပီး ျဖည့္ေပးေလ့ရွိခဲ့တာ း)
စိတ္ဓာတ္အစဥ္ၾကည္လင္ေအးျမပါေစကြယ္။

ေမတၱာျဖင့္
အန္တီတင့္

မဒမ္ကိုး said...

တာမီးက မလိုင္ေတာ႕ၾကိဳက္တယ္ မန္မန္ေတာ႕ခ်ားေတာ႕ပါ၀ူး း)

ခင္တဲ႕

မဒိုးကန္

Anonymous said...

ခီးနာ ခီးနာ တမီးမိုင္လိုင္ မန္ပါခ်ာ too, sis!
Mon Petit Avatar

ညိမ္းႏိုင္ said...

ဟား...ဟား...စန္းထြန္းပို႔စ္ေလးေတြက ရီလည္းရီရ....
ဗဟသုတုေတြလည္းအားႀကီးရသဗ်...၊စေနေန႔က ကုလား
က ကၾကတာကိုလည္း တဟားဟားနဲ႔ ဖတ္သြားတယ္...၊
အေတာ္ဗရုတ္က်တဲ့စန္းထြန္းတို႔အုပ္စု.....။ခိနား....ခိနား.....:P

ဟန္ၾကည္ said...

ဒီပို႔စ္ေလးဖတ္ၿပီး ေက်းဇူးတင္လိုက္တာ...နီေပါဆိုတာ ျမန္မာနဲ႔အိမ္နီးခ်င္း၊ ဘုရားပြင့္တဲ့ ေဒသျဖစ္ေပမယ့္ သူရို႕ရိုးရာ၊ သူရို႕ယဥ္ေက်းမႈအေၾကာင္းက လူသိနည္းေနသလို ျဖစ္ေနတယ္...စန္းထြန္းေရးထားတာဖတ္ရေတာ့မွ ေတာ္ေတာ္မ်ားမ်ားသိရေတာ့တယ္...ကိုယ္ေတြ႕ေလးေတြကို သြက္သြက္လက္လက္ ရႊင္ရႊင္ျပျပနဲ႔ ဘ၀င္က်ေအာင္ေရးတတ္တဲ့ စန္းထြန္းတစ္ေယာက္ အိုင္ယာလန္ထီႀကီး ေပါက္ပါေစဗ်ား...

San San Htun said...

ဦးဟန္ၾကည္ၾကီး မန္ ့ကို ဖတ္ရေတာ့မွ သတိရတယ္ဗ်ိဳ ့။ ဘုရား ေမြးဖြားရာ လုမၺနီဥယ်ဥ္ ရိွတယ္။ ပို ့စ္ထဲ ၿပန္ထည့္လိုက္ဦးမွ။ သိုင္းက်ဴး ဦးဟန္ၾကည္။

ေခ်ာ(အစိမ္းေရာင္လြင္ျပင္) said...

နီေပါႏိုင္ငံလည္း တို႕ႏိုင္နဲ႔ မျခားပါလားလို႔ ေတြးလိုက္မိေသး
ကိုယ္ေနထိုင္တဲ႔ တိုင္းျပည္က ရသမွ် အကုန္ယူမယ္ စားမယ္ဆိုျပီး ကိုယ္႕ဖို႕ဘဲၾကည္႔တဲ႔ အုပ္ခ်ဳပ္သူေတြက နီေပါမွာလည္း ရွိတာပါဘဲလား
ဗဟုသုတေတြရသြားတယ္ စန္းထြန္းေရ
ေပ်ာ္ရႊင္အဆင္ေျပပါေစ

San San Htun said...

မေခ်ာေရ
မဖြံ ့ၿဖိ ုးမတိုးတက္တဲ့ ႏိုင္ငံတိုင္း အဲဒီလို အုပ္ခ်ဳပ္သူေတြ ရိွတာပါ။ တိုးတက္ဖြံ ့ၿဖိ ုးတဲ့ ႏိုင္ငံတိုင္းမွာေတာ့ ေကာင္းမြန္တဲ့ အုပ္ခ်ဳပ္သူေတြ ရိွတယ္။ ႏိုင္ငံေသးတာ၊ သဘာဝသယံဇာရိွတာေတြနဲ ့ မဆိုင္ပါဘူး။

စာေမးပြဲက ေက်ာင္းသားရဲ ့ အရည္အခ်င္းကို ၿပသလို တိုင္းၿပည္ တိုးတက္မတက္ကလည္း အုပ္ခ်ဳပ္သူေတြရဲ ့ အရည္အခ်င္းကို ၿပတယ္။

Angelhlaing(May everybody be happy and healthy! said...

ဗဟုသုတေတြအတြက္ ေက်းဇူးပါ စန္းထြန္းေရ...
... မမေဘဘီေၿပာသလို အာာလူးစားရမွာေတာ့ .. ေၾကာက္လယ္လို႕..:P

သူႀကီးမင္း (တုုံးဖလား) said...

ေပ်ာ္စရာႀကီးပါလား။
ဖတ္ရင္း ေပ်ာ္သြားတယ္။ း)

ခင္မင္လွ်က္

Mg Sai said...

စကားမစပ္၊ ကိုၾကီးေက်ာ္လည္း Nepali ဘဲကိုၾကီးေရ။ နာမည္က Aroon Gurung တဲ့ ခင္ဗ်။ Post ထဲထည့္ေရးခ်င္ ထည့္ေရးရေအာင္ ဖြသြားတယ္။

San San Htun said...

ေဟ ဟုတ္လား ညီေလးရ။ Kelvin Gurung ဆိုၿပီး ကိုၾကီးေက်ာ္ကို ပို ့စ္ထဲ ထည့္ထားတာ။ ၿပန္ထည့္ဦးမွ။

ကိုၾကီးေက်ာ္ (Kelvin Gurung) said...

Gurung ေတြကေတာ့ Gurung အခ်င္းခ်င္းပဲ ယူလို ့ရပါတယ္။..............

ထုံးစံအရေတာ့ဟုတ္ပါတယ္။
မစန္းထြန္းသူငယ္ခ်င္း Kelvin Gurung လဲအေဗးလဲဘယ္ ျဖစ္ေနပါတယ္လို႕
သီတင္းထူးပါးေပးပါ။
ဟာဟာ့။
မစန္းထြန္း ေဂၚရခါး စကားသင္ခ်င္ရင္ က်ေနာ္သင္ေပးမယ္။း

San San Htun said...

ေအာင္မေလးဗ်ာ...ကိုၾကီးေက်ာ္တို ့မ်ား ေၾကာ္ၿငာဝင္ခ်က္က ၿမဝတီမွာ ေၾကာ္ၿငာေတြ ေကာင္းေနတုန္း ကိုရီးယားကား ဝင္တဲ့အတိုင္းပါလားေနာ္... းD
ဆူနမ္၊ ရာမားတို ့နဲ ့ ေပါင္းလို ့ ဒီကလည္း နီပါလီ စကားတတ္ပါတယ္ေနာ္။ ၿပန္သင္ေပးလိုက္မယ္။ ခီးနား ခီးနား Why Why။ ဂ်မ္း ဂ်မ္း Go Go။ ဟိုး ဟိုး ဟိုး...လား လား လား yes။ ဘိုကလာယို ့ hungry။ ဒြိတာ two။ ငွဲ..ငွဲ..ငွဲ း) းD းP

ကိုၾကီးေက်ာ္ (Kelvin Gurung) said...

ဟာဟား ေတာ္ေတာ္တတ္ေနပီပဲ။
ပို႕(စ) ဖတ္လို႕ေကာင္းတယ္။
နဲနဲ ရွာရွည္ၾကည့္လိုက္အံုးမယ္။
Dashain ပြဲေတာ္ဆိုတာ ဘုရားပြဲ ၁၀ ရက္တိတိလုပ္တာ။
အဲ့ဒီေန႕မွာ က်ေနာ္တို႕က (အဖိုး၊အဖြား)(ဖေဖ၊ေမေမ)၊(ဦးေလ၊အေဒၚ)၊ (အကို၊မရီး)၊ (အစ္မ၊ေယာက္ဖ)
အားလုံးကို ကန္ေတာ့ရတယ္။ကိုယ့္ထက္အသက္ၾကီးတဲ့ မိသားစု၊ေဆြမ်ိဳး အားလုံးပါပဲ။ သူဒို႕က က်ေနာ္တို့ရဲ နဖူးမွာ ဆန္ကပ္ေပးရင္းနဲ႕ ဆုေတာင္းေပးတယ္။

San San Htun said...

အကိုၾကီးေတြက အငယ္ေတြကို မုန္ ့ဖိုးေပးတယ္လို ့ ၾကားမိသလိုပဲ... းD

ကိုၾကီးေက်ာ္ (Kelvin Gurung) said...

ဟာဟား
အဲ့တာ ခ်န္ထားျပီးေျပာထားတာ။
ဟုတ္တယ္ မုန္ ့ဖိုးေပးတယ္။

ျမစ္က်ဳိးအင္း said...

ဗဟုသုတေလးေတြတိုးရတယ္။ ေပါ့ေပါ့ပါးပါးနဲ႔ ေက်ာင္းတက္ရတဲ့ဘဝက ေပ်ာ္စရာပါပဲ။

San San Htun said...

ဘယ္ကလာ ေပါ့ပါးပါ့မလဲ ကိုၿမစ္ရယ္...သူမ်ားေက်ာင္းက ၆လသင္တာကို ဒီေက်ာင္းက တလနဲ ့ ၿဖတ္တာ...လူကို ဂႊ်မ္းပစ္ေနတာပဲ...

ေမသိမ့္သိမ့္ ေက်ာ္ said...

ေက်ာင္းသားဘဝက ေပ်ာ္စရာအေကာင္းဆံုးအခ်ိန္ပါပဲ။ ျပီးေတာ့ ေလ့လာစရာေတြ အမ်ားၾကီးကို သီးသန္႔ေလ့လာသင္ယုူၾကရတာ တကယ္ကို ေက်နပ္စရာေကာင္းပါတယ္။ ဒီပို႔စ္ေလးဖတ္ျပီး အေပ်ာ္ေတြကူးစက္သြားပါတယ္။


ခင္တဲ့
ေမသိမ့္