၂၀၂၄ ဩဂုတ် ၁၇ စနေနေ့ စျေးပွဲတော်မှာ အမေ့မုန့်ဖက်ထုပ်ရောင်းတယ်။ ဝလာလို့ အကင်္ီျကြယ်သီးပြုတ်တာမသိဘဲ ထမီစွန်တောင်ဆွဲပြီး စျေးပွဲတော်နှစ်ခေါက်၊ ယိုးဒယားဘုန်းကြီးကျောင်းတခေါက် ရွာရိုးကိုးပေါက် တရက်ကွက်လုံးကို ပတ်နေတယ်။ ဓာတ်ပုံရိုက်ပေးတဲ့ အမနဲ့ကိုယ် နှစ်ယောက်စလုံးက မျက်မှန်မပါရင်မမြင်။ အပီအပြင် ဓာတ်ဖမ်း နောက်နေ့ဓာတ်ပုံပြန်ကြည့်တော့မှတွေ့။
စန်းထွန်း
သြဂုတ် ၃၁၊ ၂၀၂၄။
၂၀၂၄ ဇှုလှိုင် ၂၈ တနင်္ဂနွေနေ့ Central Park ထဲ လမ်းသွားလျှောက်တယ်။ ရှဥ့်တွေကို အစာကျွှေးရတာ ပျော်စရာ။ အပြန် ဘုန်းကြီးကျောင်းအလှူဝင်တီးတယ်။ လမ်းလျှောက်လို့ လောင်ကျွှမ်းတဲ့ကယ်လိုရီက ၂၀၀ အဝတီးတာကကယ်လိုရီ ၄၀၀။ အင်း ငါလေးကတော့ ပိန်ဦးမယ်။
စန်းထွန်း
သြဂုတ် ၂၈၊ ၂၀၂၄။
၂၀၂၄ ဇှုလှိုင် ၂၇ စနေနေ့ ည ၆ နာရီ Bronx မှာရှိတဲ့ Yankee ကွင်းမှာ Manchester City vs AC Milan ပွဲသွားကြည့်တယ်။ ကိုယ်တွေက မန်ယူအမာခံတွေ ကြည့်ချင်တာက မန်ယူပွဲ ကြည့်ရတာက မန်စီးတီးပွဲ ။ မန်ယူက လော့အိမ်ဂျလစ်နဲ့ တောင်ကာရိုလိုင်းနားပြည်နယ်တွေမှာပဲ ပွဲရှိတယ်။ မနှစ်က မန်ယူ နယူးဂျာစီမှာလာကန်တုန်းက မသိလိုက်ဘူး။ ခုပွဲလက်မှတ်က စျေးသက်သာတယ် တရာကျော်လေးပဲ။ ညနေ ၄ နာရီခွဲ ကွင်းစဖွင့်တော့ အိမ်ကနေ ၃ နာရီခွဲလောက်ထွက်တယ်။ မြို့ထဲရောက်တာနဲ့ မန်စီတီး၊ အေစီမီလန် ပရိသတ်တွေကို ရထားမှာစတွေ့ရပြီ။ ရထားတစီးက လူအပြည့်မို့ ခဏလေးပဲရပ်တယ်။ ကိုယ်တွေလည်း လူနည်းမယ်ထင်တဲ့ ဟိုဖက်အပေါက်ပြေးလိုက် ဒီဖက်အပေါက်ပြေးလိုက်နဲ့။ ရထားဝန်ထမ်းက နောက်မှာရထားတစီး နှစ်မိနစ်အတွင်းလာလိမ့်မယ်လို့ပြောမှ အပြေးရပ်တယ်။ မန်စီတီးက ဟာလန်းပရိတ်သတ်များတယ်။ ကလေးတွေဆို ဟာလန်းအကင်္ီျနဲ့ချည်းပဲ။ ရထားပေါ်ကတက်တာနဲ့ ယန်းကီးကွင်းမှာ လူများလိုက်တာ ကြိတ်ကြိတ်တိုး။ RedBull ကွင်းမှာဆို ရေဘူးအခွံကို လွှင့်ပစ်တယ်။ ဒီမှာတော့ ရေဘူးကိုတောင် မစစ်ဘူး။ ကွင်းကြီးက အကြီးကြီး အကျယ်ကြီး ထိုင်ခုံမနည်းရှာရတယ်။ လေးထပ်အပေါ်ဆုံးမှာ နေရိပ်တဲ့ဖက်ကကျလို့ တော်သေးတယ်။ ပွဲကကြည့်ကောင်းတယ်။ ရှေ့ကအေစီမီလန်ပရိတ်သတ် အန်တီကြီးကတော့ မီလန်တဂိုးသွင်းတိုင်း ထကတော့တာပဲ။ ကိုယ်တို့ကတော့ ဘယ်သူသွင်းသွင်း လက်ခုပ်တီးနေတော့တာပဲ။ ဘောလုံးပွဲ လူ ၄၆၁၁၂ လာကြည့်တယ်။
စန်းထွန်း
သြဂုတ် ၂၄၊ ၂၀၂၄။
၂၀၂၄ ဇှုလှိုင် ၁၆ အင်္ဂါနေ့ မနက် ၈ နာရီခွဲ တိုးဂိုက်လာခေါ်မဲ့ဟိုတယ်က ဟိုတယ်ကနေ ဘတ်စ်ကားစီးရင်တောင် နာရီဝက်။ နာရီဝက်ဘတ်စ်ကားစီးရမယ်ဆိုတာကို နာရီဝက်လမ်းလျှောက်ရမယ်လို့ ထင်နေတာ။ street car စီးဖို့ ဟိုဖက်ဒီဖက်ရှာနေတာနဲ့ ကားလွတ်။ နောက်ဆုံးတော့ Uber ငှားစီးလိုက်ရတယ်။ နီးနီးလေးပဲကို မီးပွိုင့်ကားလမ်းပိတ်တာနဲ့ ၈ နာရီခွဲကွက်တိရောက်တယ်။ ၄ နေရာလောက်ဝင်ခေါ်ပြီး CN Tower ကိုလိုက်ပို့တယ်။ တယောက်တည်းလာတဲ့ ဂျာမန်မကြီးကို ဓာတ်ပုံရိုက်ပေးတယ်။ အင်္ဂလိပ်လိုလည်းမကျွှမ်း ဓာတ်ပုံကလည်း ဂျီးများ။ သူရိုက်ချင်သလို ကိုယ့်ကိုရိုက်ပြပေး အဲ့လိုရိုက်ပေးလို့ သဘောကျနေလေရဲ့။ တိုရွန်တိုတမြို့လုံးကို လမ်းလျှောက်နေတာတဲ့။ နွေရာသီဆို ကနေဒါနဲ့ စပိန်ကိုလာလည်တယ်တဲ့။ ဆန်ခရိုမန်တိုကနေ တယောက်တည်းလာတဲ့ အန်ကယ်ကြီးက အဖေ့ကို ဓာတ်ပုံရိုက်ခိုင်းတယ်။ မိုးတွေတအားရွာနေလို့ တိမ်တွေကို မြင်ရတယ်။ Magnet ၅ ခုထပ်ဝယ်တယ်။ ပထမဆုံးနေ့က ရောက်ခဲ့တဲ့ တိုရွန်တိုဆိုင်းဘုတ်နဲ့ ဓာတ်ပုံရိုက်မလို့ကို မိုးတအားရွာနေလို့ ကားထဲကထွက်ဖို့ကို မလွယ်ဘူး။ Underground city လိုက်ပြတယ် မြို့ထဲတမိုင်ကျော် မြေအောက်ကဆိုင်ခန်း လျော့မင်းမောလ်ကို လိုက်ပြတယ်။ တိုရွန်တိုက တအားအေးလို့ ဆောင်းတွင်းဆို မိုင်းနပ် ၁၄ အေးလွန်းလို့ မြေအောက်ထဲမှာပဲ တွေ့ကြတာတဲ့။ နှစ်ပေါင်း ၂၀၀ ကျော်သက်တမ်းရှိတဲ့ စျေးကြီးကိုလိုက်ပို့တယ်။ တရုတ်ဘူဖေးတဘူးဝယ်တယ်။ ခရူသင်္ဘောကတော့ ရာသီဥတုဆိုးလို့ ဖျက်လိုက်တယ်။ အဲ့ဒါကိုယ့်အတွက် ကံကောင်းသွားတယ်။ ခရူသင်္ဘောသာစီးရရင် ညနေ ၄ နာရီလောက်မှပြီးမှာ ညနေ ၆ နာရီလေယာဥ် ဘယ်လိုမှမမှီဘူး။ Viator tour ကိုမေးကြည့်တော့ နေ့လည်တနာရီလောက်ပြီးမှာဆိုလို့ ဘွတ်လိုက်တာ။ ဘူတာနားမှာရပ်ပေးတာ ဘူတာပတ်ပတ်လည်လျှောက် ဘူတာကပိတ်။ street car စီးဖို့ ဟိုဖက်လမ်းကူးလိုက် ဒီဖက်လမ်းကူးလိုက်နဲ့။ နောက်ဆုံးတော့ လမ်းကြားလေးထဲကနေ Uber စီး ဟိုတယ်ထဲဝင် လက်ကေ့အိတ်တွေယူ လေဆိပ်သွား။ လမ်းပိတ်တာ တအားဆိုးလို့ တနာရီကျော်ကြာတယ်။
လေဆိပ်ကြီးက အကျယ်ကြီး လူတွေကလည်း အများကြီး။ လူများလို့ ဟမ်းကယ်ရီအိတ်တောင် သေချာမစစ်ဘူး လုံခြုံရေးကောင်တာဖြတ်။ လေယာဥ်လက်မှတ်မှာ ဇုန်နံပါတ်မပါလို့ သွားမေးကြည့်တော့ ကိုယ်တို့က Stand By ခုံနံပါတ်မရသေးဘူး။ ညနေ ၅ နာရီမှ ခုံနံပါတ်ရတယ် ဟမ်းကယ်ရီအိတ်က ကြီးနေလို့ ဖရီးချက်ကင်ပေးတယ်။ ခဏနေတော့ ဂိတ်ပြောင်းလို့ ပြေးရပြန်တယ်။ ည ၆ နာရီက ၆း၂၀၊ ၆း၄၀၊ ၇း၃၀ အချိန်တွေရွေ့။ ကိုယ်တို့လေယာဥ်က လာဂွာရီးရား ဘေးကလေယာဥ်က နူဝါ့။ လေယာဥ်အချိန်တူတော့ ခရီးသည်တွေလည်း အုတ်အုတ်ကျက်ကျက်။ နောက်ဆုံးတော့ နူဝါ့လေယာဥ်က ည ၈ နာရီဖြစ်သွားတယ်။ ကိုယ်တို့လေယာဥ်က ဖျက်သိမ်းသွားတယ်။ customer service ဆီပြေးတန်းစီ နယူးယောက်၊ နယူးဂျာစီလေဆိပ် အကုန်ရတယ် ငါတို့တော့ ဒီညလေယာဥ်နဲ့လိုက်မှဖြစ်မယ် ကူညီပေးပါ။ နူဝါ့လေယာဥ်ရှိတယ် နင့်အိတ်ချက်ကင်ထားလို့ မရဘူးတဲ့။ ချက်ကင်ထားပေမဲ့ အိတ်ကငါ့ဆီမှာ လေယာဥ်ပေါ်တက်ခါနီးမှ ပေးရမှာလို့ အိတ်ကိုပြတော့မှ နူဝါ့လေယာဥ်ကိုရအောင်လုပ်ပေးလုပ်တယ်။ ကိုယ့်ရှေ့ကအန်တီကြီးကတော့ သူ့အိတ်ကချက်ကင် လေယာဥ်ဗိုက်ထဲရောက်နေပြီမို့လို့ ပြောင်းပေးလို့မရဘူး နောက်နေ့ညလေယာဥ်ပဲရမယ်တဲ့။ ကိုယ်တို့ကတော့ ကံကောင်းစွာနဲ့ ခုံ၃ခုံလည်းရှိ အိတ်ကလည်း ချက်ကင်လုပ်မထားလို့ တော်သေးတယ်။ ည ၈ နာရီ နူဝါ့လေယာဥ် ကောင်းကင်ပေါ်တက်တော့မှပဲ စိတ်ဒုန်းဒုန်းချနိုင်တော့တယ်။ တညအိပ်ရရင် မလွယ်ဘူး ဟိုတယ်ခ၊ တက္ကစီခ၊ စားစရိတ်နဲ့။ ညနေ ၄ နာရီကနေ ၈ နာရီအထိ ဟိုဖက်ဂိတ်ပြေးလိုက် ဒီဖက်ဂိတ်ပြေးလိုက်နဲ့ ဖက်ဖက်ကိုမော။ နူဝါ့ကို ည ၁၀ နာရီရောက်တယ်။ Uber စီးတော့ Tesla ကား ဒရိုင်ဘာလေးက အမည်း ငယ်ပြီး နှုတ်ဆက်စကားတောင် မပြောဘူး။
Happy Traveling!
စန်းထွန်း
သြဂုတ် ၂၁၊ ၂၀၂၄။
 |
| ဂျာမန်မရိုက်ပေးတဲ့ပုံ သူ့ကိုလည်း အဲ့လိုရိုက်ပေးရတယ် |
၂၀၂၄ ဇှုလှိုင် ၁၅ တနင်္ဂလာနေ့ Quebec City ကနေထွက်လာပြီး နေ့လည် ၁၂ နာရီ Rockport မြို့က Thousand Islands ဆီရောက်တယ်။ နေ့လည်စာဘူဖေး ကတိုက်ကရိုက်စား နေ့လည် ၁ နာရီ ခရူသဘေင်္ာစီးတယ်။ တနာရီစီးရတယ် မြင်ကွင်းက အင်မတန်သာယာတယ်။ ညနေစောင်း အလာတုန်းက မဝင်လိုက်တဲ့ Kingston မြို့ထဲမောင်းပြပြီး စစ်တက္ကသိုလ်၊ ကောလိပ်၊ ထောင်တွေအကြောင်း ရှင်းပြတယ်။ အငြိမ်းစားတွေ၊ ကျောင်းသားတွေ၊ စစ်သားတွေ၊ ထောင်ဝန်ထမ်းတွေ နေတဲ့မြို့။ ညနေ ၆ နာရီကျော်လောက် ပထမစုရပ်မှာချပေးတယ်။ တိုးကားက Montreal ကိုအရေးတကြီးပြန်ရမှာမို့လို့ တခြားတိုးကားနဲ့ ထည့်ပေးလိုက်တယ်။ လျော့ပင်းစင်တာမှာ ချပေးတော့ အနားက ၃ မြေအောက်ရထားစီးတယ်။ မြေအောက်ရထားမှာ လူလည်းမရှိဘူး။ ပြီးတော့ ၂ ရထားစီးတယ် Eastbound Westbound မှားမလို့ တော်ပါသေးရဲ့။ ကိုယ်တို့နောက်မှာထိုင်းတဲ့ ကလေးတွေနဲ့ အရမ်းဆူတဲ့ အိန္ဒိယမိသားစုနဲ့တွေ့တော့ ဝမ်းသာအားရလက်ပြကြတတယ်။ ဘူတာကနေတက်ပြီး street car လို့ခေါ်တဲ့ကေဘယ်ကားစီးတယ်။ ရထားလက်မှတ်ကို ပြန်သုံးလို့ရတယ် ၂ နာရီအတွင်း ၃ ခါသုံးလို့ရတယ်။ ပထမအခေါက်က တည်းတဲ့ဟိုတယ်ပဲ။
Happy Traveling!
စန်းထွန်း
သြဂုတ် ၁၇၊ ၂၀၂၄။
၂၀၂၄ ဇှုလှိုင် ၁၄ နေ့လည်စာကို ပြင်သစ်ဆိုင်မှာ စားတယ်။ Magnet ၆ ခုဝယ်တယ်။ ညနေစောင်း Quebec City ရောက်တယ်။ ပြင်သစ်လွတ်လပ်ရေးနေ့ ကျင်းပနေလို့ မြို့ထဲမှာလမ်းတွေပိတ်လို့ old town ကနေ တောင်ကုန်းလေးအတိုင်း လမ်းလျှောက်တက်ရ။ လမ်းတလျှောက် ဆိုင်ခန်းသေးသေးလေးတွေ၊ ကျောက်သားတွေနဲ့ ဆောက်ထားတဲ့အိမ်ကလေးတွေနဲ့ ဥရောပမြို့လေးထဲ ရောက်သွားသလိုပဲ။ Fairmont Le Chateu Frontenac ဟိုတယ်က ရဲတိုက်ကြီးလို ခမ်းနားတယ်။ မြို့ကိုကွေ့ပတ်စီးဆင်းနေတဲ့ စိန့်လောရင့်မြစ်ကို အပေါ်စီးကနေမြင်ရပြီး မြင်ကွင်းတအားလှတယ်။ ကမ္ဘာပေါ်မှာ ဓာတ်ပုံအရိုက်ခံရဆုံး ဟိုတယ်တဲ့။ ဟိုဝယ်ဝင်ပေါက် ရှာမတွေ့လို့ မေးကြည့်တော့ အလံထောင်ထားတဲ့နေရာကနေဝင်တဲ့။ ဟိုတယ်ထဲဝင်ကြည့်ပြီး ရှူးပေါက်။ ဘုရားရှိခိုးကျောင်းထဲဝင်လည် ငြိမ်းအေးနေတာပဲ။ စျေးဆိုင်ခန်းတွေဝင်ကြည့် ကြိုက်တာလည်းမတွေ့။ တောင်ပေါ်ကနေဆင်းချလိုက်တော့ လမ်းမှားနေမှာစိုးလို့ လာလမ်းအတိုင်း ပြန်ဆင်းတော့လည်း အတူတူပဲ။ အညောင်းအညာဖြေပြီး တိုးကားလာတာစောင့်။ ညစာစားတဲ့ ဘူဖေးဆိုင်က အတော်ကြီးပြီး အတော်စုံတယ်။ တချို့တွေက ဟိုတယ် upgrade လုပ်ပြီး မြို့ထဲမှာ တည်းကြတယ်။
Happy Traveling!
စန်းထွန်း
သြဂုတ် ၁၄၊ ၂၀၂၄။
၂၀၂၄ ဇှုလှိုင် ၁၄ တနင်္ဂနွေနေ့ Montreal မြို့က Olympic Center ဝင်လည်တယ်။ တောအုပ်ကြီးထဲရောက်သွားသလိုခံစားရတယ်။ ပင်ဂွင်းတွေနေတဲ့နေရာမှာ အေးစိမ့်နေလို့ မြန်မြန်လျှောက်ရတယ်။ ပြီးတော့ Montreal Botanic Garden ကိုသွားလည်တယ်။ ပန်းခြံကြီးက အကျယ်ကြီးပဲ Chinese garden နဲ့ Japanese garden လည်ခဲ့တယ်။ ဇွန်လနှင်းဆီပန်းတွေ ပွင့်တဲ့အချိန်ဆို အတော်လှမှာ။ ခုတောင်ပွင့်နေသေးတဲ့ နှင်းဆီအနည်းအကျဥ်းလေးတောင် အတော်လှတယ်။ မြောက်ပိုင်းပိုကျပြီး အေးလို့လားမသိဘူး ဒီဖက်ကပန်းကလေးတွေက အရောင်ပိုစုံပြီး ပိုလှသလိုပဲ အလာစကာမှာလိုပဲ။
Happy Traveling!
သြဂုတ် ၁၀၊ ၂၀၂၄။
