၂၀၂၂ နိုဝင်ဘာ ၂၁ တနင်္လာနေ့ မနက်စာကို ဆိုင်မှာသွားစားတယ်။ ဟိုးအစွန်ဆုံးက အငူလေးကိုသွားတယ်။ ငါးမျှားတဲ့သူတွေ ဇင်ယော်တွေ အများကြီးပဲ။ ဆောင်းတွင်းဆိုတော့ အေးလွန်းလို့ ကြာကြာမနေနိုင်ဘူး။ နွေရာသီ ရေလေးကူးလိုက်၊ ငါးမျှားလိုက်၊ လေတဖြူးဖြူးနဲ့ အိပ်လိုက် ဇိမ်ကျနေမှာပဲ။ ပြောသာပြောရတာ နွေပူခံလို့မရတော့ စိတ်ကူးပဲယဥ်။ ပြန်အထွက်မှာ ကားဘီးသဲထဲနစ်နေလို့ ဘေးနားက အန်ကယ်ကြီးနဲ့အန်တီကြီးက လာကူပေးတယ်။ ဂျစ်ကားမှအဆင်ပြေတာတဲ့ အန်ကယ်ကြီးက ဒီလိုလှည့် ဟိုလိုလှည့် နောက်မကြည့်ဘဲ တန်းမောင်းခိုင်း ကိုယ်တို့သုံးယောက်က နောက်ကတွန်း။ ကားလမ်းမပေါ် တက်သွားမှပဲ သက်ပြင်းချနိုင်တော့တယ်။ နေ့လည်စာစားပြီး ကျွှန်းတလျှောက်ပတ်မောင်း တွေ့တဲ့မီးပြတိုက်ဝင်လည်။ Bodie Island မီးပြတိုက်မှာ ဗွီဒီယိုရိုက်တာ အိန္ဒိယမိသားစု ကျွှပ်ကျွှပ်ညံနေလို့ သူတို့ထွက်သွားမှ ရိုက်ရတယ်။ ညနေဆည်းဆာသွားကြည့်တာ sand dune သဲသောင်ကုန်းတွေကို မောဟိုက်နေအောင် တက်ရတယ်။ ညီမတယောက်ကတော့ ငယ်တော့ ပြေးတက်နိုင်တယ်။ ကိုယ်တို့အမကြီးနှစ်ယောက်ကတော့ ဖြေးဖြေးပဲ တက်နိုင်တယ်။ ကလေးတွေက ပြေးလိုက် ဆော့လိုက် ဂျွှမ်းထိုးလိုက် ပစ်လဲလိုက် တခစ်ခစ်ရယ်လိုက်။ ကလေးတွေ ကြည့်ရတာ စိတ်ချမ်းသာတယ်။ သူများ ဘီယာသောက်ရင် လိုက်သောက်ချင်ပေမဲ့ ကိုယ်သောက်နေရတဲ့ဆေးတွေက အယ်လ်ကောနဲ့မတည့်။ ဘီယာကလည်း ခုထိခါးတုန်းပဲ။ raw oyster သွားစားတယ် ခုတော့ raw မှ raw ပဲ။ steam ပြုတ်တာတောင် မကြိုက်တော့ဘူး။ ဒေသအစားအစာ hush puppies အာလူးပြုတ်ပြီး ကြော်ထားတာ စားကောင်းတယ်။ ဆိုင်တွေက ပြုတ်ဖို့အဆင်သင့်ရောင်းတယ် ပြုတ်တော့မပြုတ်ပေးဘူး။ နောက်ဆို အဲ့ဒီကိုသွားရင် kitchen ပါတဲ့ suite ငှားမှ။ နောက်တခေါက် နွေရာသီချိန် ပြန်လာချင်တယ်။ နောက်နေ့ ဘယ်တွေသွားလည်လဲဆိုတာကတော့ နောက်ပို့စ်မှပဲ တင်ပါတော့မယ်။
Happy Traveling!
စန်းထွန်း
ဇွန် ၁၁၊ ၂၀၂၃။
 |
| Bodie Island Light House |
 |
| Frisco |
 |
| Jockey's Ridge State Park |
 |
| Hush Puppies |
No comments:
Post a Comment