လွန်ခဲ့တဲ့သုံးနှစ်က သူပြောပြဖူးတဲ့ ရုပ်ရှင်ကို မထင်မှတ်ဘဲ ကြည့်ဖြစ်တဲ့အခါ သူ့ကို ထူးထူးခြားခြား သတိရမိတယ်။ သင်တန်းတခုကို သုံးလလောက် အတူတူတက်ခဲ့လို့ သူ့အကြောင်း နည်းနည်းပါးပါး သိရုံကလွဲလို့ ဘာအမှတ်တရမှလည်းမရှိ။ ရုပ်ရည်က သာမန်ပေမဲ့ စိတ်ဓာတ်က လူကြီးလူကောင်းဆန်ကာ စကားပြောလို့ အတော်အဆင်ပြေတဲ့သူ။ သူ့ချစ်သူရည်းစား၊ မိန်းမကတော့ အတော်ကံကောင်းတဲ့သူပဲလို့ ကိုယ်တို့တညီတညွှတ်တည်း မှတ်ချက်ပြုရသူ။ ချစ်မြတ်နိုးတာလည်းမဟုတ်၊ ရင်ခုန်တာလည်းမဟုတ်၊ မျှော်လင့်တာလည်းမဟုတ်၊ တွယ်တာတာလည်းမဟုတ်၊ အကြောင်းတိုက်ဆိုင်လို့ သဘောကျနှစ်သက်သူတယောက်ကို သတိရမိတင်ထင်ပါရဲ့။ ရှားရှားပါးပါး ကိုယ်သဘောကျ လေးစားအားကျရတဲ့သူတယောက်။ သေသေချာချာ ပြန်တွေးမိရင်တောင် သူ့မျက်နှာကို ဝိုးတဝါးလေးပဲ မျက်မိနေတော့တယ်။
စန်းထွန်းဇွန် ၂၃၊ ၂၀၂၂။
 |
| 06/18/2022 Saturday Central Park ထဲက နှင်းဆီ |
No comments:
Post a Comment