တူတော်မောင်က ပုံဆွဲတော်တယ်။ အရင်တုန်းက အားရင်ပုံဆွဲပေမဲ့ ခုတော့ ဂိမ်းဆော့ဖို့ အားသန်နေလို့ ပုံသိပ်မဆွဲတော့ဘူး။ တပတ်တခါလောက်တော့ဆွဲပါ သိပ်လှတာပဲ သိပ်ကြိုက်တာပဲ။ အရောင်စပ်ထားတာလေးတွေ သိပ်မိုက်တယ်။ ပုံဆွဲဖို့အိုင်ဒီယာကို ဂူဂယ်ကနေ ရှာပါသတဲ့။ အယ်ဖာဂျန်နရေးရှင်းဆိုတော့ အင်တာနက်ကောင်းကောင်း သုံးတတ်တယ်။ ပုံဆွဲရင် အာရုံစူးစိုက်ရတော့ ညဏ်ကောင်းတယ် ညဏ်ကောင်းချင်ရင် ပုံဆွဲနော်။ သူ့အမေက သူ့ကိုပုံဆွဲခိုင်းရင် သူ့အမေကိုပါ ဆွဲခိုင်းတာတဲ။ ကြီးကြီးကို ခိုင်းစရာရှိတယ် သူ့ဂိမ်းဗွီဒီယိုတွေကို ကြီးကြီးယူကျူမှာ တင်ခိုင်းရမယ်တဲ့။ ခိုင်းတတ်တာကတော့ သူ့အဘိုး ကိုယ့်အဖေအတိုင်းပဲ။ ကြီးကြီးက အသက် ၈၀ လောက်နေမှာဆိုတော့ နည်းနည်းတော့ များတာပေါ့တဲ့။ ဟဲ့ နင့်အဖီးတွေဆို your great grandfathers အသက် ၈၀ ကျော်တွေ။ တီချယ်စုသင်တန်းကို မပျော်သေးဘူးတဲ့ သားအင်္ဂလိပ်လိုသိလို့ပဲ ဂူဂယ်မှာရှာလို့ရ ဂိမ်းဆော့လို့ရတာလေ။ မြန်မာလိုရှာလို့မှ မရတာ အင်္ဂလိပ်စကားပြောမှ ကမ္ဘာပတ်လို့ရမှာ အင်္ဂလိပ်စာက သိပ်အသုံးဝင်ဝယ်လေလို့ အသေအချာရှင်းပြတော့မှ နားလည်လက်ခံ သဘောပေါက်သွားတဲ့ပုံပဲ။ လေသံတွေမာနေလို့ မကြိုက်ဘူးနော် သားကိုလေသံမာမာနဲ့ပြောရင် ကြိုက်သလားမေးတော့ မကြိုက်ဘူးတဲ့။ ဘိုဘိုမျက်လုံးလေးက ကြောက်နေတဲ့ပုံပေါက်အောင် ဆွဲတတ်တယ်ဆိုပြီး ရှာကြံချစ်နေရတယ်။ တူတော်မောင် လက်ရာလေးတွေ အမှတ်တရတင်လိုက်ပါတယ်။
စန်းထွန်း
ဇန်နဝါရီ ၂၂၊ ၂၀၂၂။
1 comment:
Love his arts!
Ma Ma Iora
Post a Comment