ဝိုင်းက သစ္စာဖောက်လို့စတယ် သစ္စာဖောက်တာ မဟုတ်ဘူးအေ့ သင်တန်းသားတွေနဲ့ ဆရာ့ကို အားနာလို့။ ဝိုင်းက ဝမ်းအီးဆက်တက်တယ် အတန်းထဲမှာ ကိုယ်တို့နှစ်ယောက် အညံ့ဆုံး။ ဘာပဲဖြစ်ဖြစ် ညံ့ဖော်ညံ့ဖက်နှစ်ယောက်ဆိုတော့ အဖော်ရှိတယ် အားရှိတယ်။ ခုတော့ အတန်းထဲမှာ သူအညံ့ဆုံးဖြစ်နေလို့ အားငယ်စိတ်ဓာတ်ကျလို့ သင်တန်းပြီးရင် ဆက်မတက်တော့ဘူးတဲ့။ ကိုယ်က ဒီဇင်ဘာ ၃ ရက်နေ့မှာ စန္ဒရားသင်တန်း စတက်မယ်။ ဝိုင်းက ကိုယ့်စန္ဒရားသင်တန်း လာတက်မယ်တဲ့။ ဝိုင်းက စန္ဒရားတီးတတ်တယ် အီတလီသူနေခဲ့တဲ့အိမ်တိုင်းမှာ စန္ဒရားရှိတယ်။ ယူကျုကနေ တစ်နှစ်လောက် ကိုယ့်ဘာသာသင်ပြီး တီးတတ်တယ်။ မကြီးက စန္ဒရားတီးသင်နေတာ ခြောက်လလောက်ရှိပြီ သီချင်းကို လက်နှစ်ဖက်နဲ့ တီးတတ်တယ်။ ဗွီဒီယိုဖိုင်ပို့ပြီး ကြွားတတ်တယ်။ ဝိုင်းက ဂျင်ဂဲဘဲလ်သီချင်းနုတ် မကြီးဆီကတောင်း မကြီးက ဝိုင်းဆီက ဘီသိုဗင်သီချင်းနုတ်တောင်း တီးထားတဲ့လက်သံလေးတွေပို့နဲ့ ဟုတ်နေကြတယ်။ ကိုယ့်မှာတော့ ဘာမှကြွားစရာမရှိလို့ အသာလေးငြိမ်နေရတယ်။ တီးတတ်ရင်တော့ ကြွားဥ◌ီးမှာ။ ခံတပ်ပြတိုက်က စိတ်ဝင်စားဖို့ကောင်းတယ် အကုန်လုံးတော့ လိုက်ကြည့်တယ်။ ပြောင်းဖူးဝင်္ကပါထဲမှာ ဓာတ်ပုံသွားရိုက်တယ်။ ခံတပ်သမိုင်းကြောင်းကို ဝိုင်းက အချိန်ယူဖတ်နေလို့ ဓာတ်ပုံရိုက်ထား ပြီးမှဖတ် ခုဟိုသစ်ပင်လှလှနှစ်ပင်မှာ ဓာတ်ပုံသွားရိုက်မယ်။ အဲ့ဒီသစ်ပင်နှစ်ပင်ရှေ့မှာ တန်းစီရိုက်နေကြတယ်။ ဓာတ်ပုံအရိုက်ဆုံးကတော့ ကိုယ်တို့နှစ်ယောက်ပေါ့။ အမလေး … ခံတပ်သမိုင်းကြောင်းထက် ဓာတ်ပုံရိုက်လို့ကောင်းတဲ့ မေပယ်ပင်နှစ်ပင်ကို ပိုစိတ်ဝင်စားတယ်။ လမ်းတလျှောက် ရှုခင်းတွေတအားလှတော့ ဓာတ်ပုံရိုက်လို့ မဆုံးတော့ဘူး။ ဟိုတယ်နားက Denny ၊ Tacol Bells မစားချင်လို့ စူပါမားကက်မှာ ကြက်တာရာကီနဲ့ ထမင်း၊ ပန်းသီးတအိတ် ဝယ်စားကြတယ်။ နောက်နေ့ ဘယ်တွေသွားလဲဆိုတာကတော့ နောက်ပို့စ်မှပဲ တင်ပါတော့မယ်။
Happy Traveling !
စန်းထွန်း
ဒီဇင်ဘာ ၁၊ ၂၀၁၉။
 |
| Walkaway over Hudson |
 |
| တံတားပေါ်ကနေ မြင်ရတဲ့ ဟက်ဆန်မြစ် |
 |
| နွေရာသီတုန်းက Walkaway over Hudson တံတားနဲ့ ဒီတံတား ဖြတ်ကျော်ပြီး ဟိုက်ကင်းထွက်ခဲ့ဖူးတယ် |
 |
| အယ်ဆိုင်မားရောဂါအတွက် လမ်းလျှောက်ချီတက်နေကြတာ |
 |
| ခံတပ်ဆီအဝင်လမ်း |
 |
| ခံတပ်ထက် မေပယ်ပင်ကို ပိုကြိုက်တယ် |
 |
| Corn Maze ပြောင်းဖူးဝင်္ကပါ |
 |
| အပြာရောင်ကောင်းကင်နောက်ခံမှာ အဝါရောင်သစ်ရွက်လေးတွေ |
 |
| Fort Ticonderoga |
 |
| ရှေးတုန်းကလိုဝတ်၊ သေနတ်ဖောက်ပြ၊ အဝတ်တွေချုပ်ပြီး ရှေးတုန်းက ဘယ်လိုနေထိုင်ကြလဲဆိုတာ သရုပ်ပြတယ် |
 |
| ဆောင်းဥ◌ီးရာသီချိန်မှာ ဗာမွန်ပြည်နယ်ဟာ သိပ်လှတာပဲလို့ ကိုယ်ပြောရင် မင်းယုံလိုက်ပါ... |
No comments:
Post a Comment