 |
| ဌာနက အကြီးဆုံးနှစ်ယောက်ကပေးတဲ့ ဟောလီးဒေးကဒ် |
ပထမအကြိမ် Tile ပေါက်တယ် tile ဆိုတာ ဘာမှန်းမသိလို့ ဘေးမှာထိုင်နေတဲ့သူတွေကို မေးကြည့်တယ်။ ပိုက်ဆံအိတ်၊ ဖုန်း၊ သော့တွေမှာ ကပ်ထားရင် ဖုန်းကနေ ရှာလို့ရတယ်။ ပိုက်ဆံအိတ်က ၁၅ ပေ အကျော်မှာရှိနေရင် ဖုန်းကနေ alert ပေးတယ်တဲ့။ ဒါပေမဲ့ bluetooth သုံးတော့ ဖုန်းဘတ္တရီ တအားကုန်တယ်တဲ့။ ယမ်းကိုကြွားတော့ ယမ်းက နင့်မိဘတွေလာရင် သုံးလို့ရပြီတဲ့။ ဟုတ်ပါ့ လူမှာကပ်ဖို့ မစဥ◌်းစားမိဘူး။ အဖေက လူရိပ်လူကဲသိတဲ့သူမို့ စိတ်ချရတယ် အမေ့ကိုတော့ စိတ်ပူရတယ်။ အမေ့ကို ကြိုးပါတဲ့ကျောပိုးအိတ် လွယ်ခိုင်းရမလား တွေးမိသေးတယ်။ နောက်တကြိမ် စန်းစန်းလို့ခေါ်လိုက်တော့ အံ့ြသသွားတယ် ဟမ် … ပေါက်ပြန်ပြီ။ ပါးစပ်က နားရွက်ကို ချိတ်တက်တော့မတတ် ပြုံးဖြီးနေတာပဲ။ နှိုက်လိုက်တော့ Amazon Fire HD 8 ပေါက်တယ်။ ကံစမ်းမဲနှစ်ခေါက်ပေါက်လို့ အားလုံးက သတိထားမိသွားတယ်။ ကံကောင်းလိုက်တာ ထီထိုးတဲ့။ အမေဇွန်ဖိုင်းယားကို မကြီးယူမလား မေးကြည့်မယ် မယူဘူးဆိုရင် ကလေးတွေကို လှုလိုက်မယ်။ ကလေးတွေရဲ့ wish list စာရင်းမှာ Amazon Fire HD 7 တောင်းထားတာ တွေ့လိုက်တယ်။ နောက်တော့ မကြီးကို မမေးတော့ဘူး သူကမလိုဘူး ကလေးတွေကို လှုလိုက်တော့တယ်။ ၁၃ ဂဏ္ဏန်းဟာ ကိုယ့်အတွက်တော့ လပ်ကီးနံပါတ်ပဲ။ နောက်တပတ်ကျတော့ ပရောဂျက်တခုကို တပတ်ထဲနဲ့ အပြီးလုပ်ရတယ်။ နေ့တိုင်း အစည်းအဝေးထိုင် ပြင်ဆင်တာတွေလုပ် တခြားဌာနက အမျိုးသမီးတယောက်က သဘောမကောင်းဘူး။ ကိုယ့်ဌာနက လူကြီးလူကောင်းတွေကတော့ သဘောကောင်းကြတယ်။ နေ့လည်စာထမင်းစားချိန်မရှိလို့ ထမင်းဝယ်ပေးရမလား ဘာလိုလဲ လာမေးတယ် ကူညီတယ်။ နယူးယောက်ပြည်နယ် မြို့တော်ဝန်ရဲ့ တောင်းဆိုမှုကြောင့် ဒီဇင်ဘာ ၂၃ ရက် တနင်္လာနေ့မှာ တခြားအေဂျင်စီတွေနဲ့အတူ ဝက်ဆိုဒ်လွှင့်မယ်။ သောကြာနေ့ ညနေ ၃ နာရီမှာ demo presentation ကို ကိုယ့်စက်ကနေပြတော့ ကျေနပ်ပေမဲ့ ထပ်ပြင်ခိုင်းတယ်။ သောကြာနေ့မှ လပ်တော့ကွန်ပျူတာရတယ်။ ဟောလီးဒေးပါတီမှာ နေ့လည်စာစားတုန်းက သိကျွှမ်းခဲ့တဲ့ဘော့က သောကြာနေ့မှာ စန်းစန်း လပ်တော့မဖြစ်မနေ ရ,ရမယ် လိုအပ်တဲ့ဆော့ဝဲတွေ အကုန်သွင်းပေးရမယ်။ မင်းက ငါ့စာရင်းထဲမှာ နံပါတ်တစ်ဥ◌ီးစားပေးကွ။ ကြသပတေးနေ့ မနက် ၈ နာရီကနေ ည ၇ နာရီအထိ အလုပ်လုပ်ရတယ်။ နေ့လည်စာထမင်းစားချိန်မရှိဘူး ညကျတော့ စိတ်ဖိစီးလို့ တညလုံးအိပ်မပျော်ဘူး။ သောကြာနေ့ မနက် ၇ နာရီခွဲကနေ ည ၇ နာရီခွဲအထိ အလုပ်လုပ်ရတယ်။ စနေနေ့ တနေကုန်အလုပ်လုပ် ည ၆ နာရီမှာ demo ပြတော့ ကိုယ့်စက်ကနေပဲ ပြရတယ်။
 |
| ဒီဇင်ဘာ ၁၃ ၊ ၂၀၁၉ သောကြာ ရုံးက ဟောလီးဒေးပါတီမှာ ကံစမ်းမဲ နှစ်ခါပေါက်တယ်... |
ထပ်ပြင်ခိုင်းတယ် ဆာဗာပေါ်တင်ဖို့ အဆင်သင့်မဖြစ်သေးဘူး။ တနင်္ဂနွေနေ့ မနက် ၉ နာရီ ဌာနရဲ့အကြီးဆုံးက အစည်းအဝေးခေါ်တယ်။ တနင်္လာနေ့ လွှင့်ရတော့မယ် ဆာဗာပေါ်မတင်ရသေးတော့ ဘာတွေလိုအပ်နေလဲ၊ သူလုပ်ပေးနိုင်တာရှိရင် လုပ်ပေးဖို့ပေါ့။ မန်နေဂျာကသိပုံမပေါ်လို့ ဖုန်းလှမ်းဆက် အသိပေးရသေးတယ်။ ဆာဗာပေါ်တင်နေကျ ဖာနီက စာမေးပွဲနှစ်ခုဖြေဖို့ နယူးဟမ်ရှိုင်းယားက တက္ကသိုလ်မှာ။ လုပ်ပေးနိုင်တဲ့သူတွေကိုဖုန်းခေါ် network team က လူတွေကိုဖုန်းခေါ်။ ဆာဗာပေါ်မှာ SQL database install လုပ်ပြီးပေမဲ့ database မရှိသေးဘူး။ ကိုယ်ပေးထားတဲ့ script ကို run လိုက်တော့ data ဝင်သွားတယ်။ Azure Hybrid ဆာဗာနဲ့ အီးမေးလ် မချိတ်သေးလို့ firewall ကိုစစ် ဘာလို့အီးမေးလ် မပို့တာလဲ။ မနက် ၉ နာရီကနေ နေ့လည် ၁၂ နာရီ၊ နေ့လည် ၂ နာရီကနေ ည ၆ နာရီခွဲအထိ ဗြောင်းဆန်နေအောင် လုပ်ကြပေမဲ့ လုပ်လို့မပြီးသေးဘူး။ အီးမေးလ်ကအသက် ဘယ်လိုလုပ်ကြမလဲ။ ကိုယ်က SQL Server မှာ script နဲ့ အီးမေးလ်ပို့တာ ရေးဖူးတယ်။ အဲ့ဒီလိုလုပ်ရင်ကောင်းမလား စဥ◌်းစားကြတော့ ဆာဗာကမှ အီးမေးလ်မပို့တာ မဟန်ဘူး။ တော်ပါသေးရဲ့ ည ၇ နာရီ demo presentation ပြဖို့ ၁၅ မိနစ်အလို ၆ ၄၅ မှာ အီးမေးလ်ပို့လို့ ရသွားတယ်။ ဟမ်မလေး …. တော်ပါသေးရဲ့ တခြားဌာနက သဘောကျတယ်။ ည ၁၀ နာရီ အစည်းအဝေးမှာ link တွေက browser တချို့မှာ အဆင်မပြေလို့ ထပ်လုပ်ရတယ်။ အားလုံးပြီးသွားတော့ font က သူတို့လိုချင်တဲ့ font မဟုတ်ဘူး။ ကိုယ့်ရဲ့ CSS မှာ ပြသနာ ည ၁၂ နာရီထိုးပြီဆိုတော့ အစည်းအဝေး ရပ်လိုက်တယ်။ ကိုယ်နဲ့ဖာနီက ဆက်လုပ်ရတယ် ဖာနီက ကိုယ့်အမှားကို ရှာတွေ့ပြီး ပြင်ပေးတယ်။ တနင်္လာနေ့ကတော့ links ပြသနာပေါင်းများစွာနဲ့ ညနေ ၃ နာရီမှာ လွှင့်တင်လိုက်တယ်။ လွှင့်တင်လိုက်ပေမဲ့ မပြီးသေးဘူး ဝက်ဆိုဒ်က ဖုန်းမှာဆိုရင် layout design ကမလှဘူး responsive မဖြစ်ဘူး။ ကိုယ်က media queries မရေးဘူးတော့ ဖာနီက လာပြပေးတယ်။ စမ်းလုပ်ရင်းစမ်းလုပ်ရင်းနဲ့ အင်္ဂါနေ့မှာ ရသွားတယ်။ ခရစ်စမတ်အကြိုနေ့မှာ နေ့လည် ၂ နာရီကတည်းက ရုံးဆင်းလို့ရပေမဲ့ ည ၆ နာရီအထိ အလုပ်လုပ်ရတယ်။ ခရစ်စမတ်နေ့မှာ တနေကုန်အလုပ်လုပ်တယ်။ ကြသပတေးနေ့ အပ်လိုက်တော့မှ စိတ်ဒုန်းဒုန်းချနိုင်တော့တယ်။ တသက်နဲ့တကိုယ် တခါမှဒီလောက် အလုပ်မလုပ်ဖူးဘူး။ အခက်အခဲတွေကို ရင်ဆိုင်ဖြတ်သန်းနိုင်တော့ ငါလုပ်နိုင်ပါလားဆိုတဲ့ ယုံကြည်မှုတိုးတယ်။ အားလုံးရဲ့ အသိအမှတ်ပြုမှုခံရတယ်။ ခုတော့ စန်းစန်းကို သိသွားကြပြီ။ ဂျမားကို ပြောပြတော့ အလုပ်မရှိတုန်းက အလုပ်မရှိဘူးလို့ညည်း၊ အလုပ်များပြန်တော့ အလုပ်များလို့ညည်း မင်းဟာကလည်း ညည်း,ညည်းနိုင်လွန်းတယ်လို့ နောက်တယ်။ အိုး … ဒီလောက်အလုပ်များတာကတော့ လွန်လွန်းပါတယ်အေ … ညည်းမှာပဲ…ညည်းမှာပဲ…ငါ့ကိုတော့ မတားနဲ့ … ဒါလူ့သဘာဝပဲ :) :D ။ သတင်းကောင်းတခုကတော့ သူငယ်ချင်းတယောက်တိုက်တွန်းလို့ မနှစ်ကဖြေလိုက်တဲ့ စာမေးပွဲအောင်မြင်တယ်ဆိုတဲ့ သတင်းပါပဲ။ စာမေးပွဲဖြေခဲ့တယ်ဆိုတာ မေ့တောင်မေ့နေတယ်။ နယူးယောက်စီးတီးအစိုးရုံးတွေရဲ့ အလုပ်တချို့က စာမေးပွဲအောင်တဲ့သူတွေကိုပဲ အလုပ်ခန့်ပါတယ်။ ဒါလေးပဲ ကြွားစရာရှိလို့ ကြွားပါရစေခင်ညာ … သည်းခံတော် မူကြပါကုန်။
စန်းထွန်း
ဒီဇင်ဘာ ၁၉၊ ၂၀၁၉။
 |
အောင်ပြီ နာကွ ... မန်နေဂျာစာမေးပွဲတော့ အောင်ပြီ...မန်နေဂျာတော့ မဖြစ်သေးဘူး...ဌာနထဲမှာ လုပ်သက်အငယ်ဆံဆုံး...ရာထူးတိုးနိုင်ချေရှိတယ်...အသစ်တယောက်ခန့်လိုက်ရင် စီနီယာအဖြစ် ရာထူးတိုးနိုင်ချေရှိတယ်...တိန် |
