တောင်တက်ခြင်း အနုပညာ - Butter Hill Mountain

Butter Hill Mountain

August 31, 2025. Sunday.

တောင်ပြေပြေလေး တက်ကြပြန်ပြီ.. ၃.၅ မိုင်ပေမဲ့ တောင်အတက်အဆင်းက မတ်လို့ အရင်အပတ် ၆.၅ မိုင်တက်တာထက် ပိုပင်ပန်းတယ်..ကျောက်တုန်းပြောင်ပြောင်ချောချောကြီးတခုကို လေးဖက်ထောက် ကုတ်ကပ်ဖက်တက်ခဲ့ရတယ်..ကျောက်တုံးအစွန်းမှာရပ်တော့ အမြင့်မကြောက်တဲ့သူတောင် ကြောက်မိတယ်..

တောင်တက်နေတုန်းကတော့ အိမ်မှာအေးဆေးနှပ်မနေဘဲ ဘာလို့အပင်ပန်းခံပြီး တောင်တက်နေတာပါလိမ့်လို့ တွေးမိတယ်..တောင်ထိပ်ရောက်ရော မြင်ရတဲ့ရှုခင်းတွေကြောင့် လှလိုက်တာ တက်ရကျိုးနပ်တယ် နောက်ထပ်တောင်တက်ဦးမယ် ဖြစ်ကုန်ရော..

Happy Hiking!

စန်းထွန်း

ဒီဇင်ဘာ ၁၇၊ ၂၀၂၅။

တောင်တက်ခြင်း အနုပညာ - Harriman State Park

6.5 miles hiking, 3.35 hours, 1,451 ft

Harriman State Park, New York’s second largest state park

August 24, 2025. Sunday

သွားတုန်းကတော့ Elk Pen and Island Pond Mountain Loop Trail သွားမယ်ဆိုပြီး သွားချင်တာတွေ သွားလိုက်တာပဲ..တောင်တက်လမ်းက ပြေပြေလေးဆိုပြီး ညာခေါ်တဲ့သူနဲ့..ဓာတ်ပုံကလဲ မြန်မြန်တင်ရသေးတယ်..တော်ကြာ ဂျပန်က ပြန်မရောက်သေးဘူးလား..ဟိုက်ကင်းက ပြန်မလာသေးဘူးလား မေးမှာကို သိနေတယ်နော်

Happy Hiking!

စန်းထွန်း

ဒီဇင်ဘာ ၁၄၊ ၂၀၂၅။

လမ်းလျှောက်ခြင်း အနုပညာ - Forest Park

6.4 miles walking in Forest Park

July 19, 2025. Saturday

Kew Gardens ဘူတာကနေ လမ်းလျှောက်ရင် ၁၀ မိနစ်ပဲဝေးတယ်..သစ်ပင်တွေ အများကြီး ထူထပ်အုပ်ဆိုင်းနေပြီး နေပျောက်မထိုးနိုင်..လူနည်းတယ် လမ်းလျှောက်လို့ အင်မတန်ကောင်းတယ်..Central Park ထက်ကောင်းတယ် hidden gem လေး highly recommended ပါ..

Happy Hiking!

စန်းထွန်း

ဒီဇင်ဘာ ၆၊ ၂၀၂၅။

Mt.Tammany သွားတောလား

၂၀၂၅ မေ ၁၁ နယူးဂျာစီပြည်နယ်က Mt Tammany တောင်သွားတက်တယ်။ ၂၀၂၁ ရောက်လောက်မှာ မခိုင်နဲ့တက်တုန်းက မမီးအောက်မှာစောင့်နေတော့ အကြာကြီးစောင့်နေရမှာစိုးလို့ ခဏလေးနဲ့ ပြန်လှည့်လာခဲ့တယ်။ တနေ့တော့ ဒီတောင်ထိပ်အထိ တက်မယ်လို့ စိတ်ကူးထားတာ ဖြစ်လာတယ်။ အင်မတန်သာယာလှပတယ်။ တနေရာ မြွေအော်သံ ရွှီးဆိုတဲ့ အသံအကျယ်ကြီး အကျယ်ကြီးကြားရတယ်။ ကလေးမလေးကအော် မြွှေကအော် ကိုယ်ကမြွှေမြင်ချင်လို့ ပြူးပြဲရှာ။ တောင်တက်ပြီးတော့ ပန်ဆယ်ဗေးနီးယားပြည်နယ်ထဲကဆိုင်မှာ သွားစားတယ်။ နေ့လည်ထမင်းစားချိန်နဲ့ ညနေစာင်းအချိန်ကြားဆိုတော့ အလုပ်သမားတွေမရှိလို့ အကြာကြီးစောင့်ရတယ်။ အပြန်ဂျော့ဝါရှင်တန်တံတားမှာ ကားအကြာကြီးစောင့်ရတယ်။ သူငယ်ချင်းမိတ်ဆွေတွေနဲ့ တောင်အတူတူတက်ရတာ ပျော်စရာကောင်းတယ်။ တောင်တက်နေရရင် ပျော်နေတော့တာပဲ။

Happy Hiking!

စန်းထွန်း

နိုဝင်ဘာ ၂၉၊ ၂၀၂၅။

နှင်းဝေတဲ့ဆောင်း

နယူးယောက်မှာ နှင်းမကျတာ အတော်ကြာပြီ။ အဖေတို့ကို နှင်းကျရင် ဓာတ်ပုံရိုက်လို့ မှာထားတော့ ဓာတ်ပုံရိုက်တယ်။ နှင်းကျုံးတဲ့သူ့ကို ရိုက်ခိုင်းထားတာတဲ့။ သစ်ခွပင် မသေခင် အပွင့်လေးတပွင့် ပွင့်တယ်။

စန်းထွန်း

နိုဝင်ဘာ ၂၆၊ ၂၀၂၅။

အီဂျစ်သွားတောလား - ၂၂

၂၀၂၅ ဇန်နဝါရီ ၁၅ ဗုဒ္ဓဟူးနေ့ National Museum of Egyptian Civilization ပြတိုက်ပြီးတော့ Mosque of Muhammad Ali နဲ့ Sultan Al Nasir Muhammad Mosque ဆီသွားလည်တယ်။ ဗလီ ၂ ခုက အကြီးကြီးတွေ ဘေးတဖက်တချက်ပဲ။ ဘာသာရေးအဆောက်အဦးဆိုတော့ ဖိနပ်ချွှတ်ရတယ်။ ဖိနပ်ကောင်တာလူက ဘယ်နိုင်ငံကလဲမေးတယ်။ ဖိနပ်အပ်ဖို့ အမူအယာပြတော့ ခေါင်းခါလိုက်တယ်။ ဗလီထဲက အုတ်ဂူရှိတယ်။ ဟိုနေ့က ရောက်ခဲ့တဲ့ Saladin Citadel ကိုမြင်ရတယ်။ ကိုယ်ပြန်မယ့်နေ့မို့ ဝိုင်းက အိမ်ကနေအလုပ်လုပ်တယ်။ သူလည်း မနက်ဖြန် ဗီယက်နမ်ပြန်မှာ ဗီယက်နမ်က ပြန်လာရင် အီတလီကိုပြောင်းတော့မှာ။ အီဂျစ်မှာ ကိုယ်မရောက်ခဲ့တာ Siwa ကန္တာရအိုအေဆစ်။ Siwa ကဝေးတယ် အနည်းဆုံး ၅ ရက်လောက် အချိန်ပေးရတယ်။ ကိုယ်တယောက်တည်းမို့လို့ အတော်စျေးကြီးမှာ မတန်ဘူးလို့ ဝိုင်းကပြောလို့ မသွားဖြစ်တော့ဘူး။ Alexandar the Great က အီဂျစ်ကို ဘယ်လိုမှ တိုက်လို့မရဘူး။ အဲ့ဒီခေတ်တုန်းက ရောက်ဖို့အင်မတန်ခက်တဲ့ Siwa မှာရှိတဲ့ ဘုရားကျောင်းကို ရောက်အောင်သွားပြီး blessing ရတော့မှ အီဂျစ်တွေက ခေါင်းဆောင်အဖြစ် လက်ခံသွားတယ်လို့ NetFlix documentary မှာ ကြည့်ဖူးတယ်။ လေဆိပ်မှာ date & maganet ဝယ်တာ အိမ်ရောက်တော့မှ maganet မဟုတ်မှန်းသိတော့ ဝိုင်းကို ဝယ်ခိုင်းရတယ်။ ဝိုင်းက လေဆိပ်မှာ တကူးတကဝယ်ဖို့ ကြိုးစားပေမဲ့ အဲ့ဒီနေ့က ဘာသာရေးပိတ်ရက် ဆိုင်တွေပိတ်ကြတော့ မဝယ်ခဲ့ရဘူး။ သူ့အစ်မ အီဂျစ်လာတုန်းက ဝယ်ထားတဲ့ maganet ကို ဗီယက်နမ်ကနေ ယူလာပေးမယ်။ နင် အီတလီလာတဲ့အခါ သို့မဟုတ် သူ နယူးယောက်လာတဲ့အခါ ပေးမယ်တဲ့။ အပြန်ခရီးစဥ်ကတော့ ချောချောမောမောပါပဲ။ အစက ဆူနမ်လိုက်မလို့ကို သူ့ကျန်းမာရေးကြောင့် မလိုက်တော့တာ။

Happy Traveling!

စန်းထွန်း

နိုဝင်ဘာ ၂၂၊ ၂၀၂၅။

Saladin Citadel 

Sultan Al Nasir Muhammad Mosque

Mosque of Muhammad Ali

အီဂျစ်သွားတောလား - ၂၁

၂၀၂၅ ဇန်နဝါရီ ၁၅ ဗုဒ္ဓဟူးနေ့ မနက် ၈ နာရီခွဲ Uber နဲ National Museum of Egyptian Civilization ဆီသွားတယ်။ ပြတိုက်မဖွင့်သေးလို့ ထိုင်စောင့်ရတယ်။ ပြတိုက်က စိတ်ဝင်စားစရာကောင်းတယ်။

Happy Traveling!

စန်းထွန်း

နိုဝင်ဘာ ၁၉၊ ၂၀၂၅။

National Museum of Egyptian Civilization