၂၀၂၂ အောက်တိုဘာ ၉ ဂျပန်ပန်းခြံမှာ လူတွေတန်းစီနေကြလို့ ဘာတွေလဲလို့ စပ်စုကြည့်တော့ art exhibition ရှိလို့တဲ့။ တယောက် ၂၅ ကျပ်ဆိုတော့ ဝင်မလား မဝင်ဘူးလား တိုင်ပင်ကြပြီး ဝင်ကြည့်ဖြစ်သွားတယ်။ တော်တော်လေးကျယ်ပြီး တော်တော်လေး သေသေချာချာ လုပ်ထားတယ်။ ဂျပန်ထုံးစံအတိုင်း ရိုးရှင်းပြီး လှပတယ်။ ပန်းချီကားတွေကတော့ မော်ဒန်လက်ရာဆိုတော့ သိပ်နားမလည်။ ဒါလေးဆို ဂါဝန်ချုပ်ဝတ်ရင် လှမှာလောက်ပဲ တွေးတာ။ ရှေးပန်းချီကားတွေဆိုရင်တော့ အတော်သဘောကျတယ်။ အမှတ်တရဆိုင်လေးထဲဝင်ပြီး အမွှေးတိုင်ထွန်းတာ ဝယ်ရင်ကောင်းမလား။ လမ်းမှာကွဲရင် ဒုက္ခပဲဆိုပြီး မဝယ်တော့ဘူး။ ပန်းခြံတခွင် အနှံ့လည်ပြီး ဟိုတယ်ဆီ ပြန်တဲ့လမ်းမှာတွေ့တဲ့ တရုတ်စားသောက်ဆိုင် ဝင်စားတယ်။ ဆက်ဆံရေးကမကောင်း၊ အစားအသောက်ကလည်းမကောင်း။ ဟိုတယ်ပြန် ကျောပိုးအိတ်ယူ မြို့လယ်ခေါင်က တရုတ်ပန်းခြံကို သွားလည်တယ်။ ဝင်ကြေး ၂၀ လောက် ပေးရတော့ ဝင်မလား မဝင်ဘူးလား ဆွေးနွေးပြီး ဝင်ဖြစ်သွားတယ်။ ကျောပိုးအိတ်တွေကို အဝမှာထားခဲ့ပြီး ဝင်ကြည့်တယ်။ ပန်းခြံလေးက သေးပေမဲ့ တော်တော်လေး စနစ်တကျလုပ်ထားတယ်။ ပန်းခြံကနေ ရထားဘူတာကို နာရီဝက်လောက်ပဲဝေးတယ်။ လမ်းတလျှောက် အိမ်ခြေမဲ့တွေများပြီး လိုက်တောင်းနေလို့ သုတ်ခြေတင်ခဲ့ရတယ်။ အော်ရီဂွန်ပြည်နယ် ပို့လန်းမြို့ ယူနီယမ်ဘူတာကနေ ဝါရှင်တန်ပြည်နယ် ဆီရေးတယ်မြို့ ကင်းဘူတာဆီ Amtrak ရထားနဲ့ ၃ နာရီခွံလောက် စီးရပြီး တယောက် ၂၈ ကျပ်ကျတယ်။ ညနေ ၃ နာရီ ၅၆ မိနစ်ထွက်မဲ့ ရထားက ဆယ့်ငါးမိနစ်လောက် နောက်ကျတယ်။ ထွက်ခါနီး ၁၅ မိနစ်အလိုမှ ဂိတ်နံပါတ် ဘုတ်မှာပေါ် ရထားတွဲလည်း ၂ တွဲလောက်ပဲဖွင့်တယ်။ ရထားက တော်တော်ကျယ်ပြီး အတော်သက်တောင့်သက်တာ ရှိတယ်။ ဆီရေတယ်မြို့ကို ည ၉ နာရီလောက်မှရောက်တယ်။ ရထားက ကနေဒါနိုင်ငံ ဗန်ကူဘားမြို့ကို ဆက်သွားမှာတဲ့။ ဆီရေတယ်မြို့က တော်တော်ကြီးတယ်။ ၂၀၁၈ ဇူလှိုင် အလာစကာကနေအပြန် လေယာဥ်ဖျက်သိမ်းလိုက်လို့ ဆီရေတယ်မှာ တညအိပ်လိုက်ရတယ်။ အဲဒီတုန်းက Sleepless in Seattle ဆိုပြီး အထင်ကရ Needle တာဝါတိုင်၊ ကမ်းနားတလျှောက် လည်ဖူးတယ်။ ဘူတာကနေ ဟိုတယ်ကို ၁၅ မိနစ်လောက်ပဲ လျှောက်ရတယ်။ ဟိုတယ်နားက တရုတ်ဆိုင်မှာ clay pot မှာစားတယ်။ မိနစ် ၂၀ လောက် စောင့်ရတယ် ထမင်းနဲ့ ဝက်နံရိုး ငါးဆားနယ်အမှုန့်ဖြူး boy choy အရွက်စိမ်နဲ့း ဂျင်လေးပုံလို့။ စားဖူးသမျှထဲမှာ အကောင်းဆုံး clay potပဲ။ ခုထက်ထိ တသသမှတ်မိနေတုန်း ဝိုင်းနဲ့ပြောနေတုန်း။ နောက်နေ့သွားလည်တဲ့ Mt.Rainer အကြောင်းကတော့ နောက်တပတ်မှပဲ တင်ပါတော့တယ်။
Happy Traveling!
စန်းထွန်း
ဧပြီ ၁၁၊ ၂၀၂၃။
 |
| Portland Japanese Garden, Portland, Oregon State |
 |
| Lan Su Chinese Garden, Portland, Oregon State |
 |
| Union Station, Portland, Oregon State |
No comments:
Post a Comment