၂၀၂၂ မတ် ၂၂ ဘူတာဆီအသွား လမ်းမကြီးနား ပေါက်နေတဲ့ အပင် ၃ ပင်ဟာ ပွင့်ချိန်ရောက်ပြီဆို သိပ်လှတာပဲ။ ချယ်ရီပန်းနဲ့ တူသလိုပဲ ဓာတ်ပုံမရိုက်ဘဲ မနေနိုင်ဘူး နှစ်တိုင်းရိုက်တယ် နှစ်တိုင်း ဖေ့ဘွတ်၊ ဘလော့မှာ တင်တယ်။
ရုံးနားက ဟက်ဆန်မြစ်ကမ်းဘေးမှာ နေ့လည်စာစားပြီး လမ်းလျှောက်ရင်း အောက်မက်ဟန်တန် စကိုင်းလိုင်းကို မြင်ရတဲ့မြင်ကွင်း။ ကိုယ်အနှစ်သက်ဆုံး နေရာလေးပါ။
မနက်တိုင်း အစာကျွှေးနေကျ ငှက်စာအိမ်လေး။ တိုက်ခန်းကို ပြောင်းတော့မှာမို့ ငှက်စာအိမ်လေး ထားခဲ့ရတယ်။ ငှက်စာအိမ်လေးက ချစ်စရာလေးနော်။ ငှက်စာကုန်နေပြီ အိမ်ပြောင်းမှာမို့ ထပ်မဝယ်တော့ဘူး။ ရေပဲတိုက်နေတာ အစာလာစားနေကျ ရှဥ့်တုတ်တုတ်ခဲခဲလေးက အစာလာတောင်းတယ်။ စိတ်မကောင်းပါဘူး ရှဥ့်နဲ့ ငှက်ကလေးတွေရယ် မင်းတို့ကို လွမ်းနေမှာပါ။
ကိုဂျေမီနဲ့ ကိုဖြိုးဇေယျာသော် အတွက် အတော်ဝမ်းနည်းနေတော။ သတင်းတွေဖတ်ပြီး ငိုလိုက်။ တော်လှန်ရေးကြီး အမြန်ပြီးအောင် တတ်နိုင်သလောက် ကလစ်ကြမယ်၊ လှုကြမယ်၊ စကစကို ပိုဆန့်ကျင်ကြမယ်။
စန်းထွန်း
ဇူလှိုင် ၂၅၊ ၂၀၂၂။
No comments:
Post a Comment