ဒီစီသွား တောလား - ၃

၂၀၂၄ မတ် ၂၃ စနေနေ့ National Gallery of Art ပြတိုက်က ပန်းချီကားလေးတွေပါ။

စန်းထွန်း

ဧပြီ ၁၇၊ ၂၀၂၄။

ဒီစီသွား တောလား - ၂

၂၀၂၄ မတ် ၂၃ စနေနေ့ မိုးက တော်တော့ကို ရွာနေတာ။ အိမ်ဖြူတော်ဆီ လမ်းလျှောက်ပြီး white house tour ဆီ ဝင်တန်းစီတာ booking confirmation မပါလို့ မဝင်ရဘူး။ white house tour က ကိုယ့်ပြည်နယ်ရဲ့ လွှတ်တော်အမတ်ဆီကနေ တင်ရတယ်။ နိုင်ငံခြားသားဆိုရင်တော့ သံရုံးကနေ တင်ပေးရတာ။ မြန်မာသံရုံးက ဘယ်လိုလုပ်ပြီး တင်ပေးမှာလဲ။ မိုးနည်းနည်းစဲတော့ ၄၅ မိနစ်လမ်းလျှောက်ပြီး National Gallery of Art ဆီသွားတယ်။ National History Museum ရှေ့မှာ တန်းစီနေကြတာ လူတန်းကြီးက အရှည်ကြီး။ National Gallery of Art ကိုယ်တန်းစီပြီး မကြာခင်ဘဲ လူတန်းကြီးက အရှည်ကြီးဖြစ်သွားတယ်။ ပန်းချီပန်းပုလက်ရာတွေကတော့ အံ့မခန်း ကြည့်လို့ကိုမဝဘူး။ ၂ နာရီကြည့်တာ ၂၀ ရာခိုင်နှုန်းလောက်ပဲ ကြည့်ပြီးသေးတယ်။ ဘယ်လောက်ကြီးသလဲ စဥ်းစားကြည့်တော့။ အပြန်ကျတော့ ပိုဝေးပေမဲ့ National Mall ကနေ ပတ်ခေါ်လာတော့ Capital ၊ Washington Monument ၊ White House ဘယ်မှာဆိုတာ သေသေချာချာ သိသွားတော့တယ်။ တခုချင်းစီ ရောက်ဖူးပြီး ခုမှချိတ်ဆက်သွားတော့တယ်တဲ့။ ၂၀၁၃ ဒီစီမှာ အလုပ်လုပ်တုန်းကဆိုရင် သောကြာနေ့ညနေဆို ကယ်ပီတယ်ကနေ National Mall အထိလမ်းလျှောက်။ အနီးအနားဘူတာကနေ ရထားစီးပြီးအိမ်ပြန်။ ပိတ်ရက်ဆို ဒီစီလာ ပြတိုက်တွေ တနေကုန်ပတ်။ ရာသီဥတုက တော်တော်ဆိုးတယ် မှောင်မည်းလေတိုက်။ တိုးကားတွေ ချပေးတဲ့ ကျောက်တိုင်ဖက် အိမ်ဖြူတော်ဖက်ခြမ်းက အတော်ဝေးတယ်။ ၂၀၁၇ တုန်းက ရိုက်ထားတဲ့ဓာတ်ပုံပြပြီး အဲ့ဒီတုန်းက ကျောက်တိုင်ဖက် အိမ်ဖြူတော်ဖက်ခြမ်းကနေ ရိုက်ခဲ့တာ။ အဲ့ဒီတုန်းက ခြံစည်းရိုးနားကနေ ကပ်ရိုက်ခဲ့တာ။ ခုဆို ခြံစည်းရိုးနား ကပ်လို့မရဘူး ကားလမ်းတခုရှိနေတယ်။ နောက်ဖက်ခြမ်းကတော့ အိမ်ဖြူတော်နဲ့ အတော်နီးတယ်။ ကိုယ်တို့ နှစ်တိုင်းဆန္ဒပြတဲ့နေရာပေါ့။ ပန်းခြံမှာထိုင်နေတုန်း ရဲက ခြံနားမကပ် ကားလမ်းမပေါ် မတက်ခိုင်းဘူး ပန်းခြံထဲပဲ နေခိုင်းတယ်။ အဲ့ဒီဖက်က လူအမြဲစည်ကားတယ်။ ညနေ ၅ နာရီထိုးတော့ ဟိုတယ်ဆီပြန်နားတယ်။ မိုင်းဖန် နင့်ဟိုတယ်က ဘယ်မှာလဲ ငါလာခဲ့မယ်လို့ မတ်ဆေ့ပို့တာ မပြန်ဘူး။ မိုင်းဖန်းက Zoom ကိုသွားတယ် မိုးရွာလို့ ကိုယ်လည်း ပြတိုက်သွားတယ်။ပင်ပန်းလို့ ည ၉ နာရီကျော်တာနဲ့ အိပ်တော့တာပဲ။

Happy Traveling!

စန်းထွန်း

ဧပြီ ၁၃၊ ၂၀၂၄။

ဒီစီသွား တောလား - ၁

အဖေက ဒီစီကို ၂ ခေါက်၊ အမေက ၃ ခေါက် ရောက်ဖူးတယ်။ ကိုယ်က ဒီစီမှာ အလုပ်လုပ်ဖူး မေရီလန်းမှာ တစ်နှစ်လောက် နေခဲ့ပေမဲ့ ချယ်ရီပွဲတော်ကို ၂၀၁၃ က တစ်ခေါက်ပဲ ရောက်ဖူးတယ်။ အဲ့ဒီတုန်းက ချယ်ရီက ဖူးတောင်မဖူးသေးဘူး။ ဆူနမ့်အမတွေက သွားမယ်ဆိုတာနဲ့ လိုက်သွားကြတာ။ ၂၀၁၄ ချယ်ရီပွဲတော်ချိန် လာဖူးတယ်။ အဲ့ဒီကတည်းက ချယ်ရီပွဲတော် မရောက်ဖြစ်တာ ခုဆိုဆယ်နှစ်ရှိပြီ။ အဖေတို့လာလည်တဲ့အချိန်ကလည်း ဇွန်၊ ဇူလှိုင် နွေရာသီဆိုတော့ ချယ်ရီပွဲတော်နဲ့ မကြုံဘူး။ မနှစ်က သူတို့ရောက်တဲ့အချိန် ချယ်ရီပွဲတော်။ jet leg ဖြစ် ၂ ပတ်လောက် အနားယူရတော့ မသွားဖြစ်ဘူး။ ဒီနှစ်တော့ ချယ်ရီတွေပွင့်မဲ့အချိန်ကို စောင့်ကြည့်နေတာ Washington Post ကမှန်းတဲ့ မတ်လ ၁၉ ရက်နေ့ ချယ်ရီတွေ အကုန်ပွင့်တယ်။ ကိုယ်က National Park ကမှန်းတဲ့ မတ် ၂၂ သွားတယ်။ မိုင်းဖန်လည်း ၂၂ ဒီစီလာတယ် အမေရိကန်ရောက်တာ ၁၃ နှစ်ရှိပြီ ပထမဆုံးဒီစီရောက်ဖူးခြင်း။ တခြားခရီးသာမသွားတာ ဗီယက်နမ်တော့ ခဏခဏပြန်တယ်။ မနက် ၁၀ နာရီ ၃၄ လမ်းကနေ Best Bus စီးတယ်။ လုံးဝမရပ်ဘဲ ၄ နာရီအကြာ ဒီစီ ယူနီယမ်ဘူတာရုံမှာရပ်တယ်။ ကိုယ်က နာရီဝက်အဝေးက Dupont Circle မှာဆင်း။ ၁၅ မိနစ်လောက်လမ်းလျှောက် ဟိုတယ်က အိမ်ဖြူတော်နဲ့ တစ်ဘလောက်ပဲဝေးတယ်။ ခဏနားပြီး ချယ်ရီပင်တွေရှိတဲ့ Tidal Basin ဖက်ကို ၄၅ မိနစ်လောက်လျှောက်ရတယ်။ လေကတိုက် ရာသီဥတုကအေး မနက်ဖြန်မိုးတအားရွာမှာဆိုတော့ ချယ်ရီတွေ အကုန်ကျွှေကြပြီး မမြင်လိုက်ရမှာစိုးလို့။ ချယ်ရီတွေ အင်မတန်လှတယ် ဓာတ်ပုံရိုက်လို့ မဝနိုင်ဘူး။ မိုင်းဖန်က မနက် ၇ နာရီကတည်းက ရောက်နေတာ။ ဆူနမ်က တရုတ်တန်းမှာ ညစာကျွှေးမလို့။ မိုင်းဖန်ကို ဖုန်းဆက်မရ မတ်ဆေ့ပို့လည်း မပြန်ဆိုတော့ ညစာမကျွှေးဖြစ်ဘူး။ အရင်အပျိုဘဝကတည်းက ဖုန်းခေါ်လည်းမပြန် မတ်ဆေ့ပို့လည်းမပြန် unavailable & unreachable ဆိုတာ သိပြီးသား။ ခုတော့ ကလေးနဲ့ လူအများကြီးနဲ့ ခရီးသွားတာဆိုတော့ ဖုန်းဘက်ထ္ထရီကုန်တာလည်းဖြစ်နိုင်၊ မအားတာလည်းဖြစ်နိုင်တယ်။ အဲ့ဒီနေ့က ၇ မိုင်လမ်းလျှောက်၊ ကားအကြာကြီး စီးရတာလည်း ပင်ပန်းတော့ ည ၉ နာရီဆိုတာနဲ့ အိပ်ကြတော့တာပဲ။ အိပ်မပျော်တဲ့ အဖေတောင် အိပ်ပျော်တယ်။ နောက်နေ့ဘယ်ကိုသွားလည်သလဲ ဆိုတာကတော့ နောက်ပို့စ်မှပဲ တင်ပါတော့မယ်။

Happy Traveling!

စန်းထွန်း

ဧပြီ ၁၀၊ ၂၀၂၄။