၂၀၂၄ နိုဝင်ဘာ ၂၄ နေ့လည့စာ ဖက်ထုပ်စွပ်ပြုတ်စားပြီးတော့ Patan (Lalitpur) ဆီသွားလည်တယ်။ နီပေါစရောက်တုန်းက တည်းတဲ့နေရာ။ ရှေးဟောင်းစေတီပုထိုး၊ သစ်သားပန်းပုလက်ရာတွေ အင်မတန်လက်ရာမြောက်တယ်။ Durbar Square စည်တယ်။ နီပေါအမျိုးသမီးတွေဆွဲတဲ့ ပုတီးလုပ်တာ ဝင်ကြည့်တယ်။ နီပေါလူမျိုးတွေ ဖော်ရွေတယ် မြန်မာနဲ့တူတယ်။ တိုင်းရင်းသားဆေးဆိုင်ကို လိုက်ပြတယ်။ ဒေါင်းမြီးတွေ့လို့ ဘာလုပ်တာလဲမေးတော့ Shiva နတ်ကို ပူဖော်ဖို့တဲ့။ ခြင်းတောင်းခေါင်းပေါ်မှာထမ်းပြီး စျေးရောင်းတဲ့သူတွေ့တယ်။ မြန်မာပြည်လိုပဲ လမ်းကူးချင်တဲ့နေရာ ကူးတယ်။ ညနေ ၃ နာရီခွဲလောက်ကျတော့ ဆူနမ်ညွှန်းတဲ့ spa ဆီသွားတယ်။ ညနေ ၄ နာရီ ဘွတ်ကင်လုပ်ထားတာ ၂ နာရီအနှိပ်ခံတယ်။ နှိပ်တာအရမ်းကောင်းတယ် အိပ်ပျော်သွားပြီး ပေါ့ပါးသွားတယ်။ Spa ကို တက္ကစီငှားခိုင်းပြီး ပထမဟိုတယ်မှာ လက်ကေ့အိတ်ဝင်ယူ ဒုတိယဟိုတယ်ဆီသွားတယ်။ Tamal တိုးရစ်နေရာဆိုတော့ ဆူညံပွက်လောရိုက်နေတာပဲ။ ဆူနမ်က live music ရှိတဲ့ ဘားကိုညွှန်ပေမဲ့ ကိုယ်က ည ၁၀ နာရီဆို အိပ်ယာထဲ ပစ်လှဲချင်နေပြီ။ ကာရာအိုကေဆိုသံတွေ ဆူညံနေလို့ noise cancelling headphone တပ်အိပ်ရတယ်။ စျေးပေါတဲ့ဟိုတယ်မို့လို့ ရေပူရတယ်ပြောပေမဲ့ ရေပူမရဘူး။
Happy Traveling!
စန်းထွန်း
မေ ၂၄၊ ၂၀၂၅။
 |
| တိဗက်ဗုဒ္ဓဘာသာ ဘုရားဆင်းတုတော် |
 |
| သစ်သားတွေ ထွင်းထုထားတာ အင်မတန်လက်ရာမြောက်တယ် |
 |
| ဒေါင်းအတောင်က Shiva နတ်ကို ပူဇော်ပသဖို့ |
 |
| ခြင်းထောင်းခေါင်းထမ်းပြီး စျေးရောင်းတယ် |
 |
| နီပေါအမျိုးသမီးတွေဝတ်တဲ့ ပုတီး |
No comments:
Post a Comment