Canadian Rockies Mountain သွား တောလား - ၁၀

၂၀၂၄ စက်တင်ဘာ ၂၂ Marble Canyon ဆီသွားလည်တယ် တော်တော်လှတယ်။ ကိုရီးယားတိုးကားနဲ့ဆုံတယ်။ စက်တင်ဘာ ၂၃ ဟိုတယ်ကနေထွက်ပြီး Canmore မြို့ post office ဆီဝင်ပြီး ထိုင်ဝမ်အမက postcard ပို့ချင်တယ်။ ကိုယ်က magnet တခုဝယ်တယ်။ နေ့လည်တနာရီ ထိုင်ဝမ်အမကို လေဆိပ်ဆီပို့ပေးပြီး လျှော့ပင်းမောလ်မှာ သွားပတ်တယ်။ နေ့လည်နဲ့ညစာပေါင်းစားတယ် ဂျပန်ဆိုင်မှာ။ ကိုယ်တို့လေယာဥ်မှ ညသန်းခေါင်မှဆိုတော့ အေးဆေး။ Global Entry member ကိုမလာခင်ကမှ လျှောက်ထားတာဆိုတော ကဒ်မရသေးလို့ TSA check in ကိုပုံမှန်လိုဝင်ရတယ်။ အမတွေက Global Entry member ဝင်ထားလို့ ဖိနပ်လည်းမချွှတ်ရ စောင့်လို့မစောင့်ရ။ အမတွေမှာ lounge ဝင်ခွင့်ကဒ်တွေရှိလို့ lounge သွားနားတယ်။ အဖေလိုချင်တဲ့ magnet ရှာမတွေ့ဘူး။ Calgary ကနေ Toronto ငါးနာရီလောက်စီးရတယ်။ တိုရွန်တိုမှာတွေ့တဲ့ magnet ၂ ခုဝယ်လိုက်ရတယ်။ လေဆိပ်မှာဆိုတော့ စျေးကလည်းကြီး ဒီဇိုင်းကလည်းမလှ။ Banff မှာဝယ်ခဲ့ရင်အကောင်းသား။ အဖေက အဆင်ပြေပါတယ်လို့ပြောပါတယ်။ Toronto ကနေ LaGuardia လေဆိပ်ကို တနာရီလောက်စီးရပါတယ်။ နယူးယောက်ကို မနက် ၉ နာရီခွဲလောက် ပြန်ရောက်တယ်။ နေ့တဝက်ပဲ ခွင့်ယူထားတော့ ရုံးပြန်တက်တယ်။ အိပ်ရေးမဝလို့ ခေါင်းကိုက်တယ်။ အိမ်ကနေအလုပ်လုပ်ရလို့ ခိုးအိပ်မယ်လို့ ကြံစည်သော်ငြား အလုပ်တွေပိနေလို့ ခိုးမအိပ်လိုက်ရဘူး။ ညကျတော့ ည ၈ နာရီကနေအိပ်လိုက်တာ မနက် ၈ နာရီအထိ တရေးပဲ။ ဒီခရီးစဥ်ဟာ ကိုယ့်အကြိုက်ဆုံးခရီးစဥ်ထဲပါသွားပြီ။ ပထမအကြိုက်ဆုံးခရီးက ပီရူး၊ ဘိုလီးဘီးယား၊ ချီလီ။ ဒုတိယအကြိုက်ဆုံးခရီးက အလာစကာ။ တတိယအကြိုက်ဆုံးခရီးက ကနေဒါရော့ကီးတောင်။

Happy Traveling!

စန်းထွန်း

နိုဝင်ဘာ ၃၀၊ ၂၀၂၄။

Canadian Rockies Mountain သွား တောလား - ၉

၂၀၂၄ စက်တင်ဘာ ၂၂ မနက်စောစော ဟိုတယ်ကနေထွက်ပြီး Canmore Post office မှာ ထိုင်ဝမ်အမက ပို့စကဒ်ပို့တယ်။ ကိုယ်က magnet တခုထပ်ဝယ်တယ်။ ပြီးတော့ Johnston Canyon ကိုသွားလည်တယ်။ ရေတံခွန်တွေ စမ်းချောင်းလေးတွေနဲ့ အင်မတန်သာယာတယ်။

P.S - နိုဝင်ဘာ ၂၄ မှာကျရောက်တဲ့ ကိုယ်ရဲ့ ၄၂ နှစ်ပြည့်မွေးနေ့မှာ ကိုယ်က နီပေါမှာ ရှိနေမှာပါ။ မွေးနေ့ဆုတောင်းပေးတဲ့သူတွေ ကျေးဇူးပါနော်။ ပြန်ရောက်မှပဲ နီပေါသွားတောလားပို့စ်တွေ တင်ပါဦးမယ်။

Happy Traveling!

စန်းထွန်း

နိုဝင်ဘာ ၂၃၊ ၂၀၂၄။

Canadian Rockies Mountain သွား တောလား - ၈

၂၀၂၄ စက်တင်ဘာ ၂၁ Banff မြို့လေးကို သွားလည်တယ်။ မြို့လေးက သေးသေးလေး စည်လိုက်တာ ကြိတ်ကြိတ်တိုး။ ဟိုတယ်ခစျေးကြီးလွန်းလို့ နာရီဝက်အဝေးက Canmore တည်းတယ်။ မြို့ထဲက visitor center မှာ သွားလည်ရမဲ့နေရာတွေ သွားမေးတယ်။ Banff မြို့လေးကို အပေါ်စီးကနေမြင်ရတဲ့ ရှုခင်းတအားလှတဲ့ Tunnel Mountain ပေါ်တက်တယ်။ ဆင်းလာတဲ့သူတယောက်မေးကြည့်တော့ ၄၅ မိနစ်လောက်တက်ရတယ်၊ ရှုခင်းတအားလှတယ်တဲ့။ တက်လိုက် မောလို့နားလိုက်နဲ့ တောင်ထိပ်ရောက်သွားတယ်။ ပြန်ဆင်းတော့ ခုနကပြောသွားတဲ့သူ တက်လာတာနဲ့ဆုံတယ်။ ဟယ် နင်ပြန်တက်လာပြီနော် ၂ ခေါက်ရှိပြီ။ ပေးထားတဲ့ National Park fee တန်အောင်တက်တာတဲ့။ အမတွေက မြို့ထဲကိုကားနဲ့ဆင်း ကိုယ်နဲ့ကယ်လီက ခြေထောက်နဲ့ဆင်းတာ ၁၀ မိနစ်လောက်ပဲ။ ကိုယ်တို့က အရင်ရောက်နေလို့ အမတွေကို ပြန်စောင့်ရတယ်။ Bow မြစ်ဘေးတလျှောက်က ဟိုက်ကင်းထရေးမှာ လမ်းသွားလျှောက်တယ်။ ပြီးတော့ ဗီယက်နမ်ဆိုင်မှာ ဝင်စားတယ်။ Lake Minnewanka မှာ sunset ကြည့်ဆိုလို့ သွားကြည့်တာ နေဝင်တာတော့ မတွေ့ခဲ့ရဘူး။ ရေကန်ကတော့ အတော်လှတယ်။ Fairmont Banff Spring မှာရေသွားစိမ်ဖို့ ကားပါကင်ကျပ်လို့ သုံးပတ်လောက်ရှာယူရတယ်။ ရေကအတော်ပူတယ် ပူလို့ထထိုင်လိုက် အေးလို့ပြန်စိမ်လိုက်နဲ့။ hot spring package ဝယ်ထားတာ national park hot spring တွေမှာ စိမ်လို့ရတယ်။ ဒါတောင် Jasper hot spring က ပိတ်ထားလို့မစိမ်တာ။ ရေပူစိမ်တာ သိပ်ကြိုက်တယ် Costca Rica နိုင်ငံမှာတခါ၊ အလာစကာပြည်နယ် Fairbank မြို့က Chena hot spring မှာတခါ စိမ်ဖူးတယ်။ ဂျပန်သွားပြီး ရေပူစမ်းစိမ်ချင်တယ်။ ထိုင်ဝမ်ကအမက လက်ဆောင်ပေးဖို့ နာမည်ကျော် ice wine ဝယ်တယ်။ ကိုယ်ကတော့ magnet တခုဝယ်တယ် အဖေက သူ့သူငယ်ချင်းတွေ လက်ဆောင်ပေးဖို့ magnet ၂ ခုမှာတယ်။ သူလိုချင်တဲ့ပုံစံမတွေ့လို့ ထရန်စစ်တိုရွန်တိုမှာ ဝယ်တော့မယ်။ မကြာခင်အိမ်ပြန်တော့မှာဆိုတော့ ဘီယာ၊ ဝိုင်သောက်ပြီး celebrate လုပ်ကြတယ်။ လိပ်ပြာလုံစွာနဲ့ သောက်နေတယ်ဆိုပြီး ဗော်လန်တီယာဂရုထဲ ပို့လိုက်သေးတယ်။

Happy Traveling!

စန်းထွန်း

နိုဝင်ဘာ ၁၆၊ ၂၀၂၄။

Tunnel Mountain Submit

Banff town

Lake Minnewanka

Fairmont Banff Springs Hotel

Canadian Rockies Mountain သွား တောလား - ၇

၂၀၂၄ စက်တင်ဘာ ၂၀ Banff National Park ကိုသွားလည်တယ်။ Lake Louise & Moraine shuttle bus က တရက်ကြိုဘွတ်ရတာ နောက်ကျသွားလို့ နေ့လည် ၃ နာရီမှရတယ်။ မနက် ၁၁ လောက်သွားပြီး Ski Resort မှာထိုင်စောင့်ကြတယ်။ Gondola စီးမလို့ဟာ မိုးရွာနှင်းကျလို့ မြင်ကွင်းကမလှ။ ရာသီဥတုမကောင်းလို့ တောင်ထိပ်မှာလည်း hiking trail တွေပိတ်ထားလို့ မစီးတော့ဘူး။ မိုးရွာလိုက် နေနည်းနည်းပွင့်လာလိုက် နှင်းဖွဲဖွဲလေးကျလိုက်နဲ့ အတော်အေးတယ်။ အအေးကြောက်တဲ့ကိုယ်က လက်အိတ်၊ ဦးထုပ်၊ အထပ်ထပ်ဝတ်ထားတယ်။ ထိုင်ဝမ်ကလာတဲ့အမကတော့ နှင်းတွေ့ရလို့ပျော်တယ်။ ဆွစ်ဇာလန်မှာ နှင်းခဏကျတာကြုံဖူးတယ်တဲ့။ Ski Resort မှာ နေ့လည်စာစားဖို့ကြည့်နေတုန်း ဝန်ထမ်းကောင်မလေးက ခေါက်ဆွဲပြုတ်စားနေတာတွေ့လို့ ဝယ်မလို့လိုက်ရှာတာ မတွေ့ဘူး။ ကားထဲက ခေါက်ဆွဲခြောက်ဗူးတွေသွားယူပြီး ဆိုင်ကရေနွေးထည့်ပြီး စားလိုက်ကြတယ်။ ဆိုင်ကိုအားနာပေမဲ့ တတ်နိုင်ဘူး အေးလို့ ပူပူလေးစားချင်တာ ဆန်းဒွတ်တွေ၊ ပါစတာတွေ စားနိုင်ဘူး။ shuttle bus က နာရီဝက်လောက်စီးရတယ်။ နာမည်ကျော် Lake Louise မှာလူတွေအများကြီးပဲ။ တိမ်အုံ့နေလို့ နေကတခြားဖက်ကမို့လို့ ဓာတ်ပုံရိုက်လို့မလှဘူး။ လမ်းနည်းနည်းလျှောက်ပြီး Lake Moraine shuttle bus စီးတယ်။ နည်းနည်းပိုဝေးတယ်။ Lake Moraine ကပိုလှတယ် အေးလိုက်တာ လက်တွေကျင်တက်တယ်။ တောင်ထိပ်ပေါ်တက်နေတုန်း နှင်းကျလာတယ်။ ထိုင်ဝမ်အမကို အမကံကောင်းတယ် နှင်း၂ခါတောင် တွေ့ရတယ်။ နယူးယောက်မှာတောင် နှင်းမကျတာတော်တော်ကြာပြီ။ ၂၀၁၅ နှင်းမုန်တိုင်း နှင်း ၈ - ၁၂ လက်မအထိ ကျပြီးကတည်းက တနှစ်မှာတခါနှစ်ခါလောက်ပဲ နှင်းကျတော့တယ်။ နှင်းမကျတဲ့နှစ်များလာပြီ ကမ္ဘာကြီးပူနွေးလာတာ သိသာလာတယ်။ Lake Louise ဆီပြန် အဲ့ဒီကနေ Ski Resort ကို shuttle bus ထပ်စီး။ Lake Louise & Moraine အင်မတန်လှပါတယ်။ အခါအခွင့်သင့်ရင် သွားလည်ဖို့ တိုက်တွန်းပါတယ်။

Happy Traveling!

စန်းထွန်း

နိုဝင်ဘာ ၉၊ ၂၀၂၄။

Lake Moraine

Lake Louise

Lake Moraine