၂၀၂၄ ရေခြားမြေခြား ခရီးသွား - ၁၅

၂၀၂၄ ဧပြီလ ချယ်ရီပွင့်ချိန် မိုင်းဖန်နဲ့ မိသားစု၊ မိတ်ဆွေ ၂၀ ကျော် ဒီစီလာတယ်။ ဆူနမ်က ညစာကျွှေးဖို့ ဖုန်းဆက်တာ ဘယ်လိုမှဆက်လို့မရဘူး။ ကိုယ်ကတော့ မျှော်လင့်ပြီးသားမို့လို့ တွေ့ချင်လည်းတွေ့မယ် မတွေ့ချင်လည်း မတွေ့ဘူးလို့ တွေးပြီးသား။ ဇွန်လ ဗာဂျီးနီးယားကမ်းခြေသွားမယ် အပြန်ဗာဂျီးနီးယားပြည်နယ်ကိုဝင်ပြီး ဆူနမ်တို့နဲ့ တွေ့မယ်။ မင်းလာတွေ့မလား ဒါမှမဟုတ် ရှေ့နှစ်သူနယူးယောက်လာတဲ့အခါမှ တွေ့မလားတဲ့။ ရှေ့နှစ်နယူးယောက်မှာ တွေ့ဖို့ဆိုတာမသေချာဘူး။ သေချာတဲ့ဇွန်လ ခွင့်ယူပြီးတော့ကို ငါလာတွေ့မယ်။ ၂၀၁၂ မတ် ကန်တက်ကီပြည်နယ် လူဝီဗီမြို့ကို အလုပ်ရလို့ပြောင်းသွားကတည်းက မိုင်းနဲ့မတွေ့တာ ၁၂ နှစ်ရှိပြီ။ အဲ့ဒီတုန်းက ဆူနမ်နဲ့မိုင်းက အိုဟိုင်းရိုးပြည်နယ် စင်စင်နာတီမြို့မှာနေတုန်း။ နောက်တော့ မိုင်းက ယောကျာ်းယူဖို့ ဗာမွန်ပြည်နယ် ဗာလင်တန်မြို့ကို ပြောင်းသွားတယ်။ ရာမားဆို မိုင်းနဲ့မတွေ့တာ ၁၃ နှစ် ကျောင်းကထွက်ပြီးကတည်းက။ မိုင်းနဲ့ရာမား မိန်းကလေးတစ်ယောက်စီ မွေးထားတယ်။ မိုင်းရဲ့ကလေးက ၈ နှစ် ရာမားရဲ့ကလေးက ၄ နှစ်။ မိုင်းမှာလည်း လုပက်သွေးလေးဖက်နာရှိတယ်။ မသက်သာလို့ Benlysta ဆေးထိုးတယ် ဆေးထိုးပြီးတော့ သက်သာတယ် ကိုက်ခဲတာမရှိဘူး။ လွန်ခဲ့တဲ့ ၁၀ နှစ် ၂၀၁၄တုန်းက ကိုယ့်ဆရာဝန်က ကိုယ့်ကိုအဲ့ဆေး ထိုးချင်တယ်။ အဲ့တုန်းက FDA Approved မဖြစ်သေးဘူး စမ်းသပ်ကာလပဲရှိသေးတယ်။ အာမခံကမပေးတာ့ ၂ သောင်းလောက်ကုန်မှာ။ ဝိုင်းကတောင် ပိုက်ဆံကုန်ချင်ကုန်ပစေ ပိုက်ဆံလိုရင် သူချီးမယ်။ ကောင်းရင် ထိုးသာထိုးလို့ပြောတယ်။ မကြီးသူငယ်ချင်းရဲ့ သူငယ်ချင်းအမက ဆေးအကြောင်းနားလည်တယ်။ မထိုးနဲ့ စမ်းသပ်ခံယုန်လို ဖြစ်နေမယ်လို့ ပြောတာနဲ့ မထိုးဖြစ်တာ။ ခုတော့ FDA Approved ဖြစ်ပြီး အာမခံနဲ့ ၁၀ ပဲပေးရတယ်။ ၂၀၂၄ ဇွန် ၁၉ ရက်နေ့ ညနေ ၅ နာရီခွဲ ဘတ်စ်ကားနဲ့ ဒီစီသွားတယ်။ ည ၁၀ ခွဲ ဒီစီရောက်ပေမဲ့ ဗာဂျီးနီးယားကို မတ်ထရိုရထားက တနာရီကျော်စီးရလို့ ည ၁၂ နာရီမှရောက်တယ်။ ဘူတာမှ ဆူနမ်နဲ့ရာမား လာကြိုးတယ်။

ဇွန် ၂၀ Juneteenth အားလပ်ရပ် ဆူနမ်တို့ရုံးက မပိတ်ဘူး။ ရာမားကလေးက အစပိုင်းကတော့ ရှက်လို့စကားမပြောဘူး။ နောက်ကျတော့ လာဆော့တယ် များလိုက်တဲ့စကားဆိုတာ။ အစကတော့ မိုင်းက ရာမားအိမ်ကိ လာတွေ့မလို့။ နောက်တော့ လာဖို့အဆင်မပြေတာနဲ့ Tyson Center ဆီသွားတွေ့တယ်။ ဆူနမ်နဲ့ရာမားပဲဆိုရင် လာတွေ့မှလာတွေ့မှာ။ နယူးယောက်ကနေ လာတွေ့တဲ့ ကိုယ့်ကိုအားနားလို့ လာတွေ့တယ်။ မိုင်းလာမတွေ့ရင် ငါ့သူငယ်ချင်း ငါ့ကိုသစ္စာဖောက်တယ်ဆိုပြီး ဖေ့ဘွတ်တင်လိုက်မယ်ဆိုပြီး ရယ်ရသေးတယ်။ အရင်အတိုင်း မပြောင်းမလဲ Chopstick လိုပိန်တုန်း၊ ပန်းရောင်ကြိုက်တုန်း၊ ဗီယက်နမ်လေသံမပြောင်းမလဲ။ ဘာလင်တန်မြို့ရဲ့ သူဌေးရပ်ကွက်မှာနေတဲ့ မီလျံနာလို့ မိုင်းကနောက်လို့ ရယ်လိုက်ရတာ။ မပြောင်းမလဲအရင်လို ပေါတုန်းပဲ။ အရင်တုန်းကလိုပဲ အုပ်စုထဲမှာအချမ်းသာဆုံးမိုင်းက ငမွဲကိုယ်တွေကို မုန့်ကျွှေးမြဲ။ ကျောင်းတုန်းကလို စကားတွေလုပြောကြ ပြောစရာတွေ မကုန်လို့ မိုင်းဖန်ရဲ့ဟိုတယ်ဆီသွားပြီး ညသန်းခေါင်အထိ ပြောကြတယ်။ ၂ နှစ်တခါ ဆုံကြရအောင်တဲ့။ မိုင်းကို ဘီယာမသောက်ဖို့ ကိုယ်ကပြော။ ကိုယ့်ကိုတော့ ပိုရင့်ကျက်လာတယ်လို့ပြောတယ်။ ၁၂ နှစ်ဝေးနေပေမဲ့ ပြန်တွေ့တဲ့အခါ ရင်ဘတ်ချင်း၊ စိတ်ချင်းနီးပြီး ကျောင်းတုန်းကလို ခံစားရတယ်။ ဆုံခွင့်ရရင် သူငယ်ချင်းတွေနဲ့ ထပ်ဆုံချင်ပါသေးတယ်။

စန်းထွန်း

ဇွန် ၂၉၊ ၂၀၂၄။

တူတော်မောင် - ၁၅

တူတော်မောင်ကို ဆရာမက တတန်းကျော်တက်ခွင့်ပြုလို့ လေးတန်းကျောင်းသားကြီး ဖြစ်နေပြီ။ မနှစ်က နောက်ဆုံးနှစ် report card ခေါ်ပေးတော့ အတန်းပိုင်ဆရာမက သူက စာကောင်းကောင်းလိုက်နိုင်တယ်။ knowledge လဲကြွယ်တယ်။ အတန်းကျော်ချင်ရင်ကျော် စာလိုက်နိုင်တယ်ဆိုပြီး ထောက်ခံချက်ပေးတယ်။ ဆရာမ အဲ့လိုထောက်ခံပေးတာ တတန်းလုံးမှာ ကျောင်းသားနှစ်ယောက်ပဲရှိတယ်။ နွေနှစ်လကို သူ့အမေက သင်္ချာနဲ့ အင်္ဂလိပ်ပြန်သင်ပြီး ဝင်ခွင့်ဖြေခိုင်းတော့ အောင်တယ်။ သင်္ချာက ၅၀ ဖိုးစစ်တာ ၄၄.၅၊ အင်္ဂလိပ်စာက ၅၀ ဖိုးစစ်တာ ၃၈ ရတယ်။ ဝင်ခွင့်က ၃၀ ရရင် ကျော်လို့ရတာဆိုတော့ ကျော်လိုက်တာ။ တစ်နှစ်စရိတ်သက်သာလည်း မနည်းဘူး။ စာလိုက်နိုင်လား ခက်လားမေးတော့ လိုက်နိုင်တယ်တဲ့။ သားက ငယ်ငယ်လေးနဲ့ မျက်မှန်တပ်ရတယ်။ ကြီးကြီးတို့ဆို ၈ တန်းလောက်မှာ တပ်ရတာ။ သူ့မျက်မှန်က ဒီဂရီမပါဘူး စလင်ဒါအတွက် တပ်ရတာတဲ့။ အမဲရပ်ပါအဆိုတော်ပုံကို ဆွဲထားတာ အတော်တူတယ်။ XXX tentacion rapper 20 years old, dead on June  18, 2018 တဲ့။ ကိုယ်တွေမသိဘူး သူကဘယ်လိုသိ။ အရင်တုန်းက လူပုံမဆွဲတတ်ဘူး။ ပန်းချီသင်တန်းတက်ပြီးတော့ တိုးတက်လာတယ်။ အမေစုပုံဆွဲရင် စျေးပွဲတော်မှာ ရောင်းပေးမယ်လို့ ပြောထားတယ်။

စန်းထွန်း

မေ ၂၆၊ ၂၀၂၄။

၂၀၂၄ ရေခြားမြေခြား ခရီးသွား - ၁၄

၂၀၂၄ ဇွန် ၁၆ တနင်္ဂနွေနေ့ Pier 26 မှာ Kayak သွားလှော်တယ်။ အဖေတို့ကတော့ ပီတိဂေဟာမှာ ကျင်းပတဲ့အမေစုမွးနေ့ပွဲကိုသွားတယ်။ အသိညီမလေးကို စောင့်နေတုန်း photography reels တွေထဲကလို timer နဲ့ရိုက်တာ ဓာတ်ပုံတွေက ထွက်ချင်သလိုထွက်။ ဖရီးပေမဲ့ အသက် ၁၈ နှစ်အထက် ရေကူးတတ်မှ လှော်လို့ရတယ်။ အစပိုင်းကတော့ နည်းနည်းကြောက်သလိုပဲ။ နောက်တော့ ကြိုက်သွားလို့ နှစ်ခေါက်လောက် ပတ်လိုက်တယ်။ မိနစ် ၂၀ ပဲခွင့်ပြုပေမဲ့ တနာရီလောက် လှော်ဖြစ်သွားတယ်။ ရေတွေစိုပေမဲ့လည်း နေပူလေတိုက်နေတော့ အခြောက်မြန်ပါတယ်။ တရုတ်တန်းကို ဘတ်စ်ကားစီးပြီး ကွေ့သယိုသွားစားတယ်။ ဗော်လန်တီယာအုပ်စုက ညီမလေးနဲ့ စကားတွေပြော။ တရုတ်တန်းကိုပတ် ၁ ကျပ် ၂၅ ပြားတန်ကိတ် သွားစားတယ်။ ချီကာဂိုက Cloud လိုအလူမီနီယမ်အလုံးကြီးတွေ့တော့ ဓာတ်ပုံဝင်ရိုက်တယ်။ ဟက်ဆန်မြစ်ဘေးအတိုင်းလျှောက်ပြီး Little Island ဝင်လည်တယ်။ မြစ်ဘေးတလျှောက် ပြေးတဲ့သူ၊ လမ်းလျှောက်တဲ့လူ၊ ပစ်ကနစ်ထွက်တဲ့သူ၊ နေစာလှုံတဲ့သူနဲ့ အတော်စည်ကားတယ်။ ပင်ပန်းနေလို့ ဓာတ်ပုံမရိုက်ချင်တော့ဘူး။ Chelsea Market က Loccitane က ၂၅ နှစ်ပြည့် လက်ဆောင်တွေပေးနေတယ်ဆိုလို့ သွားယူတာ လက်ဆောင်ကုန်သွားပြီမို့လို့ sample တွေပဲရတယ်။ စက်ဘီးအဝါ၊ ဘူးအဝါတွေနဲ့ ဓာတ်ပုံရိုက်။ Loccitane ကိုသုံးဖူးတယ် အမွှေးနံ့တွေ ကိုယ်လိမ်းတာတွေ ကြိုက်ပေမဲ့ မျက်နှာအတွက် skincare ကတော့ ကိုရီးယားမှ ကိုရီးယားပဲသုံးတယ်။ ရထားသံလမ်းဟောင်းကို ပန်းခြံလုပ်ထားတဲ့ High Line အတိုင်းလမ်းလျှောက်တယ်။ ၃၄ လမ်း မိုးမျှော်တိုက်က The Edge မျှော်စင်ကို မြင်ရတယ်။ ၂၃ လမ်းလျှောက်မှာ စျေးတန်းကြီး စည်ကားလိုက်တာ။ ငုံ့ကြည့်လိုက်တော့ ဂေးပွဲတော် လိင်တူခြင်း စုံမက်တာကို ဘာမှမဖြစ်ပေမဲ့ ဖော်ချွှတ်သမတွေလို ဝတ်စားထားတာကို မနှစ်သက်ဘူး။ ၃၄ လမ်း The Wave အဆောက်အဦးနားက 7 train စီးပြီး အိမ်ပြန်တာ ည ၆ နာရီပြန်ရောက်တယ်။ ခုလိုသူငယ်ချင်းနဲ့ အပြင်ထွက်မလည်တာ တစ်နှစ်ကျော်ပြီ။ ဝိုင်း အီဂျစ်သွားပြီးကတည်က ဆိုပါတော့။ ဝိုင်းကို သတိရသား။

စန်းထွန်း

ဇွန် ၂၂၊ ၂၀၂၄။

photography reels တွေကြည့်ပြီး timer နဲ့ရိုက်တာ ဂလိုတွေထွက်

မုန့်ဖုတ်ခြင်း အနုပညာ..

ငှက်ပျောသီးတွေ ပိုနေလို့ အမေက ငှက်ပျောသီးကိတ်လုပ်တယ်။ အဖေက မုန့်ဖုတ်စက်ရှင်း၊ ကိုယ်က ကြီးကြပ်။ ဒုတိယအကြိမ် မုန့်ဖုတ်တာဆိုပေမဲ့ နည်းနည်းလေး ညှော်နံ့ထွက်တာနဲ့ သမီးရေ မီးများနေပြီလား မီးလျှော့ပါဦးနဲ့ တောသားမြို့တက် ဖြစ်နေကြတာ။ နာရီဝက် မကျက်သေးလို့ နောက်ထပ်နာရီဝက် ထပ်ဖုတ်။ မုန့်နံ့လေးမွှေးနေတာပဲ စားကြပါဦး။

Happy Juneteenth!

စန်းထွန်း

ဇွန် ၁၉၊ ၂၀၂၄။

နွေဦးတော်လှန်ရေး - ၄၀

၂၀၂၄ မေ ၈ စနေနေ့ မနက်ဖက် မျက်စိဆေးခန်း သွားပြတယ်။ Lupus အတွက် Hydro plaquenil 200 mg တနေ့နှစ်ကြိမ်သောက်လာတာ ၁၀ နှစ်ရှိပြီ။ မျက်စိသူငယ်အိမ်မှာ ပြောင်းလဲလာတာတွေ မြင်ရတော့ Retina Specialist နဲ့ ပြရတယ်။ မျက်စိသူငယ်အိမ်ဆရာဝန်က အရပ်ဘယ်လောက်လဲ ၅ ပေ ၂ လက်မ ပေါင်ချိန်က ၁၃၇ ပေါင်။ ညည်း အိုဗာဝိတ်ဖြစ်နေတယ်လို့ ပြောလို့ရင်နာသွားပြီး ဝိတ်ချတော့မယ်လို့ ဆုံးဖြတ်လိုက်တယ်။ တနေ့ 300 mg ပဲသောက်သင့်တယ် Lupus ဆရာဝန်ကို စာရေးပေးလိုက်တယ်။ ဒီတော့ Lupus ဆရာဝန်က ပထမနေ့ ၂ လုံး နောက်နေ့ တလုံး သောက်ခိုင်းတယ်။ မျက်စိသူငယ်အိမ်ဆရာဝန်က Toxicity စစ်ခိုင်းလို့ မျက်စိဆေးရုံမှာ သွားစစ်တော့ ကောင်းတယ်။ တစ်နှစ်မှတစ်ခါ စစ်လို့ရတယ် မျက်စိဆရာဝန်ကတော့ ၆ လတခါ စစ်ခိုင်းတယ်။ ဆေးခန်းကအပြန် စတိုးဆိုင်မှာ ပစ္စည်းပြန်ပေး၊ စာကြည့်တိုက် စာအုပ်ပြန်အပ်၊ ၄၁ လမ်းက MUJI ဆိုင်ဝင်။ ပြီးတော့ စာကြည့်တိုက်ရှေ့က ပန်းခြံမှာနား။ ခရစ်ရှစ်နားနတ်ပွဲ လှည့်တာနဲ့ကြုံတယ်။ သူ့သီချင်းက လွယ်လွယ်လေး သီချင်းတပုဒ်လုံး ဟာရေး..ဟာရေး..ဟာရေး..ဟာရေး..ခရစ်ရှစ်နား။ အဝါရောင်တွေဝတ်ပြီး ခရစ်ရှစ်နားကို ယုံကြည်တဲ့သူတွေ လပြည့်နေ့တွေဆိုရင် ဂျက်ဆင်ဟိုက်ဘူတာမှာ ဗုံတီးပြီး သီချင်းဆိုကြတယ်။ သီချင်းကမြူးပြီး တခါတလေ ယုံကြည့်တဲ့အဖြူတွေတွေ့တယ်။ ခိုတွေကလည်း လူကိုမကြောက်ဘူး အေးဆေးပဲ။ အမေစုမွေးနေ့ ဆန္ဒပြပွဲက ၃၂ လမ်းက Greeley Square ပန်းခြံမှာ။ ပြီးတော့ ကိုရီယားဆိုင်၊ ရေခဲမုန့်ဆိုင်မှာ သွားတယ်။ ရေခဲမုန့် ၃ ပွဲမှာပြီး ၁၀ ယောက်လုစားကြတာ ပျော်စရာ။ မောင်နှမတွေလိုဖြစ်နေကြတော့ တယောက်နဲ့တယောက် တွေ့တာနဲ့ ဆူမယ်၊ စွာမယ်၊ ကြိတ်မယ်။ ရယ်ရလွန်းလို့ ပါးတောင်ညောင်း။ မနက် ၈ နာရီကတည်းက ထွက်သွားတာ အိမ်ကို ည ၁၀ နာရီမှ ပြန်ရောက်တယ်။

အရေးတော်ပုံ အောင်ရမည်!

စန်းထွန်း

ဇွန် ၁၅၊ ၂၀၂၄။

ရေခဲမုန့် ၃ ပွဲမှာပြီး ၁၀ ယောက် လုစားကြရတဲ့ဘဝ

အေကေမိုးရဲ့ သူမတူ အကျဥ်းသားစာအုပ် ဖတ်ချင်ဟန်ဆောင်

မကြီးမငယ် ပူစီပေါင်းမှုတ်

ပန်းရလို့ပျော်နေတာ

ငြိမ်းချမ်းစွာ ဆန္ဒပြကြသူများ၊ ဆူစွာကြိတ်များ

၂၀၂၄ ရေခြားမြေခြား ခရီးသွား - ၁၃

၂၀၂၄ မေ ၂ တနင်္ဂနွေနေ့ အဖေ့အတွက် ချည်သားအင်္ကီျတွေဝယ်ဖို့ စျေးဝယ်ထွက်ကြတယ်။ ၃၄ လမ်း Uniqlo ဆိုင်သွားတာ ဆိုင်ကပိတ်ထားတယ်။ မေစီစတိုးဆိုင်ဝင် ငါးထပ်မှာရှာတာ တလွှာလုံးပတ်ပြီးတော စျေးအသက်သာဆုံးဟာ ရှာဝယ်တယ်။ Fitting room ထဲက အန်တီကြီးက L ဆိုဒ်နဲ့မှ တော်မယ်လို့ပြောလို့ ဝတ်ကြည့်လိုက်တော့ အမှန်ပဲ L ဆိုဒ်နဲ့တော်တယ်။ L ဆိုဒ်သွားပြန်ရှာ အထဲဝင်မဝတ်တော့ဘူး အပေါ်ကနေဝတ်ကြည့်တာနဲ့ တော်နေလို့ယူခဲ့တယ်။ ကောင်တာမှာ နင့်ကိုဘယ်သူကူညီပေးလဲလို့မေးတော့ အန်တီကြီးကူညီပေးတယ်။ အဲ့ဒါဆို အန်တီကြီးကိုသွားရှာတဲ့ ဝန်ထမ်းတွေမေးကြည့်တော့လဲ မတွေ့ဘူး။ နောက်ဆုံးသူ့ဘော်ဒါ လူမည်းမလေးက ဖုန်းဆက်ခေါ်တော့မှ အိမ်သာထဲရောက်နေလို့ လာမယ်တဲ့။ အန်တီကြီးက ကောင်တာမှာ ငွေရှင်းတာလုပ်တယ်။ အဲ့လိုလုပ်မှ သူကော်မရှင်ရမှာတဲ့။ ၄၂ လမ်းက MUJI ဆိုင်ကိုလိုက်ပြတော့ ကြိုက်ကြတယ်။ စျေးချရင် ဒါမျိုးလေးဝယ်ပေးတဲ့။ ၃၆ လမ်းကိုဖြတ်တော့ နယူးယောက်က ကိုယ့်ပထမဆုံးရုံးကို ပြလိုက်သေးတယ်။ ၂၀၁၃ ဖုန်းအင်တာဗျူး အောင်ပြီးတော့ နယူးယောက်ကို လူတွေ့အင်တာဗျူး လာဗျူးပါဆိုလို့ ဒီစီကနေ နေ့ချင်းပြန် ဘတ်စ်ကားစီးပြီးသွား။ နှစ်ပတ်အကြာ အလုပ်အော်ဖာရ နောက်နှစ်ပတ်အကြာ နယူးယောက်ကို ပြောင်းလာခဲ့တာ ဆယ်နှစ်ရှိပြီ။ ဆယ်နှစ်ဆိုတာ ခဏလေးလိုပါလား။ ဇူလှိုင်ဆို ဝိုင်း အီဂျစ်ကို ပြောင်းသွားတာ တစ်နှစ်ပြည့်ပြီ အချိန်ကုန်တာ မြန်လိုက်တာ။ မေ ၃ မှာ မောင်မောင်ဆုံးတာ ၅ နှစ်ပြည့်ပြီ။ သတိရတိုင်း နာကျင်ဝမ်းနည်းရတုန်း။ နယူးယောက်စာကြည့်တိုက်ပန်းခြံမှာ အနားယူအပန်းဖြေ။ ၅၂ လမ်းက Uniqlo ဆိုင်အသွား လမ်း ၅၀ ရောက်တော့ လမ်းပိတ်ထားတယ်။ Fifth Ave ကနေ Sixth Ave အထိလျှောက် ၅၂ လမ်းဆီသွားတော့ လမ်းပိတ်ထားပြန်တယ်။ ရဲကိုမေးကြည့်တော့ ဘူတာလဲပိတ်ထားတယ်တဲ့။ နောက်ဆုံးတော့ အိမ်ပဲပြန်လိုက်တော့တယ်။ အွန်လိုင်းကနေ ၆ ထည်ဝယ်လိုက်တာ ၃ ထည်ကြိုက်ပြီး ၃ ထည်ပြန်ပေးတယ်။ အမေကတော့ ချည်သားလေးတွေ ကောင်းလိုက်တာ၊ တန်လိုက်တာနဲ့ appreciate လုပ်တယ်။ appreciation, gratitude and acceptance ဆိုတာတွေ Anabelle Yee၊ မချောသုခိတာ၊ Ken Honda၊ တခြား spiritual & energy သင်ဆရာ၊ မြင်ဆရာ၊ ကြားဆရာတွေဆီကနေ ၂၀၂၀ လောက်မှ သိလာတာ။ လိုက်နာကျင့်သုံးဖို့ ကြိုးစားနေတုန်း။ အမေကတော့ အဲ့ဒါတွေ မွေးရာပါ ပါလာပြီး အမြဲကျင့်သုံးတယ် အတုယူစရာပဲ။

စန်းထွန်း

မေ ၁၂၊ ၂၀၂၄။

34th St Herald Square

34th St Empire State Building

42nd St New York Public Library

flowers at Rockefeller Center, 50th St

50th St St. Paul Church

၂၀၂၄ ရေခြားမြေခြား ခရီးသွား - ၁၂

၂၀၂၄ မေ ၂၆ တနင်္ဂနွေနေ့ နယူးဂျာစီပြည်နယ် ဗုဒ္ဓပူဇနိယပွဲတော်ရှိတယ်။ အိမ်ကနေ မနက် ၇ နာရီထွက် နယူးယောက် Penn Station ဘူတာကို ၈ နာရီလောက်ရောက်။ ၈ နာရီ ၂၀ ရထားနဲ့ နယူးဂျာစီပြည်နယ် အက်ဒီဆင်ဘူတာကို ၉ နာရီ ၃၀ လောက်ရောက်တယ်။ ဘူတာမှာ မမီးလာကြိုတယ် အဲ့ဒီကနေ ဘုန်းကြီးကျောင်းကို နာရီကျော်လောက် မောင်းရတယ်။ ၁၀ နာရီ ဘုန်းကြီးကျောင်းရောက်တော့ ဘုန်းကြီးကျောင်းဘေးက စာသင်ကျောင်းကားဝင်းမှာလည်း ကားတွေအပြည့်။ စတုဒီသာ အလကားကျွှေးတာဆိုတော့ လူအများကြီးလာတယ်။ မခိုင်နဲ့တွေ့ မုန့်စျေးတန်းပြေး မုန့်တွေတန်းစီစား။ မမီးနဲ့မခိုင်က ဘုန်းကြီး ၂၅ ပါး သိမ်ဆင်းလောင်း။ နယူးယောက်ကနေ ကား ၈ နာရီလောက် မောင်းရတဲ့၊ နိုင်အာဂရာရေတံခွန်နား Buffalo မြို့ကနေလာတဲ့ ကရင်အဖွဲ့က အကြော်စုံနှစ်တိုင်း လာလှူတယ်။ တန်းစီရမှာ အရှည်ကြီးမို့ တန်းမစီရတဲ့ မုန့်ဟင်းခါး၊ ခေါက်ဆွဲသုပ်၊ မကျည်းဖျော်ရည်၊ ဖရဲသီးစားတယ်။ ချဥ်ပေါင်ကြော်နဲ့ ထမင်း၊ ဟင်းကတော့ လူတန်းကြီးအရှည်ကြီးပေမဲ့ တန်းစီတယ် ဗိုက်ဆာနေပြီကိုး။ ဖျာ၊ ခုံတွေနဲ့ ကလေးတွေက ဆော့လို့ ပျော်ပွဲစားလာထွက်နေသလိုပဲ။ လူတအားစည်တယ် နေလည်းပူလို့ အပင်အောက်မှာနေရတယ်။ ညနေ ၂ နာရီ ပြီးတာနဲ့ ပြန်တယ် ရထားနှစ်ဆင့် အိမ်ကို ည ၆ နာရီလောက်မှ ပြန်ရောက်တယ်။ ပင်ပန်းပေမဲ့ ချစ်တဲ့သူတွေနဲ့ တွေ့ရ၊ မုန့်တွေလည်း တဝစားခဲ့ရလို့ ပျော်ပါတယ်။

စန်းထွန်း

မေ ၈၊ ၂၀၂၄။

၂၀၂၄ ရေခြားမြေခြား ခရီးသွား - ၁၁

၂၀၂၄ မေ ၂၅ တနင်္ဂနွေနေ့ Pier 88 ဆိပ်ကမ်းမှာ USS Bataan (LHD-5) လေယာဥ်တင်သင်္ဘောကြီး သွားကြည့်တယ်။ နှစ်တိုင်း မေ ၂၂ ကနေ ၂၈ အထိ New York Fleet Week ရေတပ်သင်္ဘောတွေ နယူးယောက်လာတယ်။ ပြည်သူတွေ လေယာဥ်တင်သင်္ဘောကြီးကို ကြည့်လို့ရတယ်။ Pier 88 မှာရှိတဲ့ လေယာဥ်တင်သင်္ဘောကြီး Intrepid museum ကို ၃၆ ကျပ်ပေးရတယ်။ မမီးကတော့ တရက်လောက် သွားကြည့်ရအောင်တဲ့။ ခုကအလကားဆိုတော့ သွားကြည့်မယ် ၁၀၀ သက်သာမယ်။ လူတန်းကြီးက အရှည်ကြီး Pier 81 လမ်း ၄၀ ကနေစတယ်။ နေကတအားပူ တရွှေ့ရွှေ့ ရေလည်းအများကြီး မသောက်ရဲဘူး။ အိမ်သာခက် နေရာပျောက်သွားမှာ။ သတ္တိရှိတဲ့သူတွေက ကြားဖြတ်တဲ့သူတွေကို နောက်မှာသွားတန်းစီလို့ ပြောတယ်။ လူတိုင်း ကိုယ့်ရှေ့မှာဘယ်သူ နောက်မှာဘယ်သူဆိုတာသိတယ် ကျော်ဖြတ်တာနဲ့သိတယ်။ နေ့လည် တနာရီကနေတန်းစီတာ ညနေ ၅ နာရီခွဲမှ သင်္ဘောပေါ်တက်ရတယ်။ ၄ နာရီခွဲတန်းစီရတော့ ၃၆ ကျပ်ပေးရတာ တန်တယ်ဖြစ်သွားတယ်။ အဲ့လိုတန်းစီရမှန်းသိရင် ၃၆ ကျပ်ပေးပြီး သွားကြည့်တယ်။ သင်္ဘောကြီးက အကြီးကြီးပဲ တိုက်ခန်းတွဲ ၂ တွဲစာလောက်ရှိမယ်။ ခရူသင်္ဘောကြီးလိုပဲ။ အိုင်ဒီကဒ်ပြတော့ နယူးယောက်ကမို့လို့ တခြားလိုင်းတန်းထဲဝင်ခိုင်းပြီး ဘယ်နိုင်ငံကလဲမေးတယ်။ မြန်မာဆိုတော့ မသိဘူး တယောက်က မြန်မာ၊ ဘားမားလို့သိတယ်။ စက်မှာရှာကြည့်တော့ မြန်မာလို့တွေ့တယ်တဲ့။ လက်ဗွေနှိပ်တယ်။ အိမ်နီးချင်းနိုင်ငံက ဘာနိုင်ငံလဲ ထိုင်းဆိုတော့ သိတယ်။ နယူးယောက်ကမို့လို့ လိုင်းတိုတဲ့ line ထဲထည့်ပေးလိုက်တော့ ကိုယ့်ရှေ့ကလူတွေထက် အများကြီးရှေ့ကျနေတယ်။ စက်နဲ့ စကန်ဖတ်တော့ အဖေ့ဒူးစွပ်က အသံမြည်လို့ ရှင်းပြရတယ်။ ဂျစ်ကားတွေ လွှင့်ထွက်မသွားအောင် သံကြိုးကြီးနဲ့ ချိတ်ထားတယ်။ ဟောကြီးကအကျယ်ကြီး။ machine gun point 5 RGP တွေအကြောင်း ရှင်းပြတယ်။ အဲ့ဒါတွေ ပီဒီအပ်လေးတွေဆီ ပို့ချင်လိုက်တာ။ လုံခြုံရေးအရ အပေါ်ဆုံးထပ်ပဲ ဓာတ်ပုံရိုက်လို့ရတယ်။ အပေါ်ဆုံးဓာတ်မှာ ဟတ်စကီးတွေ ၆ စီးလောက်ရှိတယ်။ လူတွေကယ်ဆယ်ရေးမှာ သုံးတဲ့ရဟတ်ယာဥ်၊ ပစ္စည်းသယ်တဲ့ရဟတ်ယာဥ်။ လေယာဥ်မောင်းတဲ့သူက စက်ပစ္စည်းထိန်းသိမ်းတဲ့သူတွေလည်း အရေးပါတယ်တဲ့။ အပြန်အလှန်ယုံကြည်မှုနဲ့ လုပ်ရတာပါတဲ့။ Navy၊ Marines၊ Coast Guard အဖြူဝတ်စုံလေးတွေနဲ့ တချို့က သင်္ဘောကပ်ပတိန်ဦးထုပ်၊ တချို့က sailor ဦးထုပ်၊ အညိုရောင်နဲ့ နက်ပြာရောင် ယူနီဖောင်း၊ ကမ်းခြေစောင့်တပ်က နက်ပြာရောင်။ ယူနီဖောင်းလေးတွေက လှတယ်။ အစကတော့ Pier 88 US Bataan၊ Pier 90 က ၂ စီး သင်္ဘောသုံးစီးလုံး ကြည့်ပစ်လိုက်မယ်လို့ စိတ်ကူးထားတာ။ ခုများတော့ တစီးတောင် အနိုင်နိုင်။ fleet week အတွက် bar တွေမှာ navy ယူနီဖောင်းဝတ်ထားတဲ့သူတွေဆို ဘီယာအလကားတိုက်တယ်။ ၄ နာရီခွဲတန်းစီရတာ စောင့်ရကြိုးနပ်ပါတယ်။ တခါကြည့်ပြီးပြီ တော်ပြီ နောင်နှစ်တော့ သွားမကြည့်တော့ဘူး။

To all PDF, veterans and service members, thank you for your service to our country!

Happy Memorial Day!

စန်းထွန်း

မေ ၅၊ ၂၀၂၄။

ရေငုပ်သ​ေင်္ဘာ