၂၀၂၃ အောက်တိုဘာ ၂၈ စနေနေ့ မနက် ၉ နာရီ ဂရမ်းစင်ထရယ်ဘူတာကနေ မြောက်ဖက် Poughkeepsie ဘူတာအထိ ၂ နာရီလောက် စီးရတယ်။ သစ်ရွက်တွေ အရောင်ပြောင်းချိန်ဆိုတော့ ဟိုက်ကင်းထွက်ကြတာ ရထားအပြည့်ပဲ။ Cold Springs မှာအများကြီးဆင်းသွားကြတယ် Beacon မှာလည်း ဆင်းကြတော့ ဂိတ်ဆုံးအထိစီးတဲ့သူနည်းတယ်။ ဘူတာကနေ Walkaway Over Hudson တံတားကိုမြင်နေရပေမဲ့ လမ်းကတော့ နာရီဝက်လောက် လျှောက်ရတယ်။ တစ်နှစ်တစ်ခါရောက်ပေမဲ့ လမ်းမွေ့နေလို့ ဟိုက်ကင်းထွက်တဲ့အဖွဲ့နောက် လိုက်ရတယ်။ တံတားပေါ်မှာ လမ်းလျှောက်တဲ့သူ၊ စက်ဘီးစီးတဲ့သူ အများကြီးပဲ။ နေ့လည်စာစားပြီးတာနဲ့ လမ်းစလျှောက်တယ်။ တံတားတဝက်လောက်ပဲ လျှောက်နိုင်မင်ထင်တာ အဆုံးအထိလျှောက်နိုင်ကြတယ်။ အပေါ်စီးကနေ မြစ်ကိုမြင်ရတဲ့ရှူခင်းက အတော်လှတယ်။ ဟိုဖက်ကမ်းက နယူးဂျာစီပြည်နယ်။ စက်ဘီးသမားတွေ အများကြီးပဲ။ အမောဖြေ၊ ရေသောက်၊ အိမ်သာသွား ခဏနားပြီး ပြန်လျှောက်လာတယ်။ မြန်မာသံကြားလို့ အံ့သြရသေးတယ်။ ဟိုက်ကင်းသွားရင် အဖြူများပြီး အာရှသားမတွေ့သလောက် ရှားတယ်။ ဓာတ်လှေကားနဲ့ဆင်းပြီး ဟက်ဆန်မြစ်ဘေးတလျှောက်လမ်းလျှောက်။ ဝိုင်းနဲ့ဆို တံတားနှစ်ခုကို ပတ်လျှောက်တာ။ ညနေ ၄ နာရီရထားနဲ့ ပြန်ခဲ့တယ်။ Cold Springs မှာ တက်တဲ့သူတွေများလို့ ရထားတစီးလုံးအပြည့်ပဲ။ လူသွားလမ်းမှာ မတ်တပ်ရပ်လို့ ရထားပေါ်တက်လို့မရလို့ ဘူတာမှာ တော်တော်များများ ကျန်ခဲ့ကြသေးတယ်။ ဒီလောက်ကျပ်ပိတ်သပ်တဲ့ရထား ဒီတခါပဲမြင်ဖူးသေးတယ်။
Happy Traveling!
စန်းထွန်း
ဇန်နဝါရီ ၁၇၊ ၂၀၂၄။
 |
| Grand Central Station |
 |
| ဝက်ဝံတောင် Bear Mountain |
 |
| Walkaway Over Hudson, Poughkeepsie |
 |
| New Jersey ပြည်နယ်ဖက်ခြမ်း |
