၂၀၂၄ ဖေဖေါ်ဝါရီ ၅ အာဏာသိမ်းတာ ၃ နှစ်ပြည့် တိုင်းစကွဲမှာ ဆုံကြတယ်။ ကိုရီးယားဘာဘီကျူစား စကားပြောတာ မဝသေးလို့ ကော်ဖီဆိုင်သွားထိုင်ကြတယ်။ ည ၁၀ နာရီခွဲ ကော်ဖီဆိုင်ပိတ်တော့မယ်လို့ လာပြောတော့မှထွက်။ ဂျပန်ဆိုင်ဝင်ပြီး စျေးဝယ်ကြတယ်။ အိမ်ကို ညသန်းခေါင်ကျော်မှရောက်တယ်။
စန်းထွန်း
ဇွန် ၁၄၊ ၂၀၂၄။
 |
| လူစုံတက်စုံ |
 |
| ဆူစွာကြိတ် စွာစိလန် |
 |
| ကိုရီးယားဘာဘီကျူ |
 |
| စကားပြောတာ မဝသေးလို့ ကော်ဖီဆိုင် ချီတက်ကြ..ကော်ဖီဆိုင် ည ၁၀ နာရီခွဲ ဆိုင်ပိတ်မယ်လို့ လာပြောမှဆိုင်ကခွာတဲ့ မနိုင်စိန်တွေ |
အပြန်လမ်းမှာ ဆွဲကြိုးဝယ် ပိုက်ဆံလဲဖို့လိုလို့ money exchange ရှာလဲ။ နေ့လည်စာစား ၁၅ မိနစ်လောက် စောင့်ရတယ်။ ဒါတောင် လေဆိပ်သွားတော့မှာမို့လို့ မြန်မြန်လုပ်ပေးပါပြောလို့။ ဟိုတယ်ပြန် ဆင်းကဒ်ကို ပြန်သုံးလို့ရအောင် ဆိုဖီ့ယာ့အတွက်ဆိုပြီး ဟိုတယ်မှာထားခဲ့တယ်။ လက်ကေ့အိတ်ယူ ဟိုတယ်က တက္ကစီဘွတ်ပေးတယ်။ လေဆိပ်က မြို့ထဲနဲ့သိပ်မဝေးဘူး။ ချက်ကင်ဝင်တော့ လက်ကေ့အိတ်တွေ ဝင်သွားပြီဆိုတာ သေချာမှ သွားခိုင်းတယ်။ လေယာဥ်လက်မှတ်မှာ ဂိတ်နံပါတ်လဲမပါ သူများတွေတန်းစီနေလို့ မေးကြည့်တော့ ဒူဘိုင်းကို မကြာခင်ထွက်မဲ့လေယာဥ်။ နိုင်ငံခြားသွားအလုပ်လုပ်မဲ့ လူငယ်တွေအများကြီးပဲ။ လေ့လာကြည့်လိုက်တော့ ဘယ်ဂိတ်ဆိုတာကို နာရီဝက်အလိုမှ ထွက်တော့မဲ့လေယာဥ်နံပါတ်နဲ့ ဆိုင်းဘုတ်မှာ ကြေငြာပေးတယ်။ ဆင်းကဒ်ထည့်ဖို့ ဖုန်းကိုလုပ်တာ အပ်မရှိလို့အဆင်မပြေဘူး။ တရုတ်မလေးတယောက်ကို မေးကြည့်တော့ သူ့နားကွင်းနဲ့ ကော်ထုတ်ပေးတယ်။ ရွှေညဏ်တော်စူးတာ မြန်မာအတိုင်းပဲ။ လေယာဥ်က နာရီဝက်လောက် နောက်ကျတယ်။ ဘတ်စ်ကားစီးပြီး လှေကားနဲ့တက်ရတယ်။ အထုပ်ကြီးတွေဆိုရင် အဆင်မပြေဘူး။ မြန်မာနိုင်ငံမှာ အရင်တုန်းက လေယာဥ်ပျံဆင်းရသလိုပဲ။ ခက်မန်ထူ၊ ဒိုဟာ၊ နယူးယောက် ၁၈ နာရီ စီးရတယ် အပြန်က ပိုကြာတယ်။
အသွားတုန်းက လက်ကေ့တအိတ်၊ ကျောပိုးအိတ်၊ ဆူနမ့်လက်ကေ့အိတ် အကြီးကြီး။ အပြန်ကျတော့ လက်ဆောင်တွေ ထည့်လာတဲ့ duffle အိတ် ပိုလာတယ်။ သွားသမျှခရီးထဲမှာ နီပေါခရီးကတော့ လက်ဆောင်အဝယ်ဆုံးပဲ။ လက်ဆောင်ဝယ်လာတာ များလှပြီထင်နေတာ ခွဲတမ်းချလိုက်ရော လောက်တောင်မလောက်ဘူး။ အရေးထဲ နီပေါကနေ တကူးတကဝယ်လာတဲ့ မလိုင်လုံးကို မစားရက်လို့ တနေ့တလုံးစားနေတာ။ အရမ်းချိုတယ်ဆိုပြီး အဖေတို့က သူတို့အသိကို ပေးလိုက်လို့ ပြန်တောင်းရသေးတယ်။ တခြားဟာတော့ ပေးနိုင်တယ် မလိုင်လုံးတော့ မပေးနိုင်ဘူး။ ဆူနမ်က နီပေါသွားရင်လိုက်ခဲ့ သူ့ဇာတိ ပိုခရာ၊ ဂူရုန်းရွာကို လိုက်ပို့မယ်တဲ့။ နီပေါခရီးမှာ ချစ်ဖို့ကောင်းတဲ့ ညီအမတွေနဲ့ သိကျွှမ်းခွင့်ရခဲ့တယ်။ ခုမှစတွေ့တာဆိုပေမဲ့ တကယ့်ကိုခင်မင်ရင်းနှီးချစ်ခင်။ မသိရင် နှစ်ရှည်လများ ခင်ခဲ့ကြတဲ့သူတွေလို့ ထင်ရတယ်။ မသိတဲ့သူဆို စကားမပြောတဲ့ကိုယ်တောင် စကားတွေပြော ညီအစ်မတွေနဲ့ အရမ်းကိုပျော်နေခဲ့တာ။ နီပေါကို ထပ်သွားချင်သေးတယ် Annapurna base camp trekking လုပ်ဖို့နဲ့ Mount Kailash ကေလာသတောင် (သို့) မြင့်မိုရ်တောင်ကို သွားချင်လို့။
Happy Traveling!
စန်းထွန်း
ဇွန် ၇၊ ၂၀၂၅။
 |
| အနီရောင်က ကိုယ့်အိတ် အမည်းရောင်က ဆူနမ့်အိတ် |
 |
| ခဲရောင်အိတ်က လက်ဆောင်အိတ်..များလှပြီထင်နေတာ လက်ဆောင်ခွဲတမ်းချလိုက်တော့ လောက်တောင်မလောက် |
 |
| ပြန်လိုက်တောင်းရတဲ့ မလိုင်လုံး |
 |
| လေယာဥ်ပေါ်ကနေ နေထွက်လာတာကို မြင်ရတာ အင်မတန်လှတယ် |
 |
| ဘတ်စ်ကားစီးပြီး လှေကားလေးနဲ့ တက်ရတယ်..အထုပ်ကြီးရင် အဆင်မပြေ |
