၂၀၂၂ သြဂုတ် ၂ အင်္ဂါနေ့ ညနေ ၅-၆ နာရီအထိ ယူအန်ရုံးရှေ့ ဆန္ဒပြကြတယ်။ မန်နေဂျာကို တနာရီခွင့်ယူလို့ရမလား နောက်နေ့အစားဖြည့်ပေးမယ်လေလို့ပြောတော့ ရပါတယ်တဲ့။ ဒါပေမဲ့ နောက်ဆို တစ်ရက်နှစ်ရက်လောက်ကြိုပြော ဒါမှအဖွဲ့ကနေ backup စီစဥ်ထားလို့ရမှာ။ သွားနာနေလို့ အရေးတကြီးခွင့်ယူတာလို့ ပြောလိုက်တော့ ဘာမှမပြောတော့ဘူး။ ဆန္ဒသွားပြတာများသိရင် လည်ပင်းညှစ်မလား မသိဘူး။ ၂၀၂၂ သြဂုတ် ၆ စနေနေ့ ကွင်းက စိန့်ဂျိမ်းဘုရားကျောင်းမှာ ၈၈၈၈ အမှတ်တရ စျေးရောင်းပွဲလုပ်တယ်။ ကိုယ်တို့ SMS အဖွဲ့က PRF အတွက် ခုံရပြီး အလှုခံတယ်။ Spring Myanmar Society (SMS) က OFP အသိအမှတ်ပြု Fundraiser ပါ။ နယူးယောက်မှာ အခြေစိုက်ပြီး ကမ်းပိန်းတော်တော်များများမှာ ပါဝင်ပြီး ထောက်ပို့ငွေတွေ ကောက်ပေးတယ်။ ဘယ်လောက်ရတယ်၊ ဘယ်လောက် ဘယ်ကိုလှုတယ်ဆိုတာ စာရင်းရှင်းတမ်းနဲ့ အမြဲတမ်း ပွင့်လင်းမြင်သာမှုရှိရှိ ထုတ်ပြန်ပေးတယ်။ People's Revolution Supply Family (PRF) ထောက်ပို့မိသားစုပရိုဂရမ်က ကာကွယ်ရေးဝန်ကြီးဌာနက စီစဥ်ဆောင်ရွက်တာဖြစ်ပြီး PDF တယောက်ကို တလ $၂၀ နဲ့ စားဝတ်နေရေး ထောက်ပို့လို့ရပါတယ်။ တလ $၂၀ ကနေ $၅၀၀၀ အထိ ထောက်ပို့လို့ရပါတယ်။ အဆင်မပြေတဲ့လတွေမှာ ရပ်နားလို့ရပြီး အဆင်ပြေတဲ့လတွေမှာ ဆက်လက်ထောက်ပံ့၊ ပိုပြီးထောက်ပံ့လို့ ရပါတယ်။ လစဥ်ဒေါ်လာ ၇ သိန်းကျော်ရတဲ့ သိပ်ကောင်းတဲ့ ပရိုဂရမ်လေးပါ။ နိုင်ငံတော်တော်များများမှာရှိတဲ့ OFP Fundraiser တွေကနေ ထောက်ပို့လို့ရပါတယ်။ PRF ထောက်ပို့တပ်သားဝင်ချင်ရင် အောက်လင့်ခ်ကနေ သက်ဆိုင်ရာနိုင်ငံတွေက OFP Fundraiser တွေကို ဆက်သွယ်လိုက်ပါ။
https://www.facebook.com/SpringMyanmarSociety/
https://ofp.crphmyanmar.org/
အရေးတော်ပုံ အောင်ရမည်!!!
စန်းထွန်း
ဇန်နဝါရီ ၁၁၊ ၂၀၂၃။
