၁ ပေါင် ...

ကိုယ်ဟာ ဝလည်းမဝ ပိန်လည်းမပိန်တဲ့သူ။ စာမေးပွှဲတွေ နီးလာရင် သူများတွေက အအိပ်ပျက် အစားပျက်လို့ ပိန်ကြပေမဲ့ ကိုယ်ကတော့ အိပ်ရေးပျက်လို့ မျက်တွှင်းဟောက်ပက် ဖြစ်တာကလွှဲရင် လုံးဝကိုမပိန်တာ။ အအိပ်ပျက်ပေမဲ့ အစားအသောက်မှ မပျက်တာကိုး။ ဂုဏ်ထူးတန်းနှစ်မှာ အူအတက်ယောင်တော့ ဆရာဝန်က ခွှဲမလား ဆေးသောက်မလားမေးတော့ ဆေးသောက်ဖို့ ရွေးလိုက်တယ်။ အရည်ကြီးပဲ ၁၀ ရက်လောက် သောက်ရတော့ သိသိသာသာ ပိန်ကျသွှားတယ်။ ပိန်ညောင်ညောင်လေး ဖြစ်သွှားတဲ့ကိုယ့်ကို မြင်ရတဲ့အခါ သူငယ်ချင်းတွေက စိတ်မကောင်း ဖြစ်ကြတယ်။ တသက်နဲ့တကိုယ် အဲဒီတခါပဲ ပိန်ဖူးတယ်။ စင်္ကာပူရောက်တော့ အစ်မတွေက ဗိုက်ပူနေတယ် ဝိတ်ချဖို့ပြောတော့ ဗိုက်ပူတာကို လက်ခံပေမဲ့ အရမ်းဝနေတာမှ မဟုတ်တာ ဝိတ်ချဖို့ မလိုဘူးထင်လို့ လုံးဝဝိတ်မချဘူး။ ငယ်ငယ်တုန်းက ကျောင်းရဲ့ အားကစားအသင်းမှာ ပါတယ် ထုပ်ဆီးထိုး၊ အာလူးကောက်၊ အပြေး ပြိုင်လို့ရသမျှ အကုန်ဝင်ပြိုင်တယ်။ ပုသိမ်၊ ရန်ကုန်ရောက်တော့ အားကစားကို လုံးဝမလုပ်ဖြစ်တော့တာ စင်္ကာပူရောက်မှ ပြန်လုပ်ဖြစ်တယ် ဆိုပါတော့။ စင်္ကာပူကျောင်း တက်နေတုန်းကတော့ အားကစားမလုပ်ဖြစ်ဘူး လုပ်ဖို့အချိန်လည်းမရှိဘူး။ ကျောင်းကနေ ည ၁၁ ခွှဲ နောက်ဆုံးဘတ်စ်ကား၊ နောက်ဆုံးရထားနဲ့အိမ်ပြန် ပိတ်ရက်တွေမှာလည်း ကျောင်းမှာ ပရောဂျက်တွေ လုပ်ရတော့ တကယ်ဘီးစီးတယ်။ ကျောင်းပြီးလို့ အလုပ်ရှာ အလုပ်ဝင်ပြီးတော့မှ အားကစားလုပ်ဖြစ်တယ်။ တပတ် ၂  ခါလောက် အိမ်နားက Trail ၊ ဘောလုံးကွှင်းမှာ သွှားပြေးတယ်။ ပြေးရတာ ပင်ပန်းပေမဲ့ ရေချိုးပြီးချိန်မှာ ပေါ့ပါးလတ်ဆပ်သွှားတာကို သဘောကျတာကိုး။

စတိတ်ရောက်တော့ ကျောင်းက အစားအသောက်တွေကို မစားနိုင်တာနဲ့ လေးပေါင်လောက် ကျသွှားတယ်။ တီချယ်ဆို ဆယ်ပေါင်ကျတာတဲ့။ တီချယ်ဆိုတာ တက္ကသိုလ် တတိယနှစ်တုန်းက ကိုယ်တို့ကို OS (Operating System) သင်တဲ့၊ ဒေါင်းတင်မောင်းတင် OS အဝင် ဒေါကြီးမောကြီး OS အပြီးလို့ ချစ်စနိုးကဗျာစပ်ခဲ့ကြတဲ့၊ ခပ်ချောချောတီချယ်က ယူအက်စ်ကျောင်းမှာ ပထမဆုံးမြန်မာကျောင်းသူ ကိုယ်က တတိယမြောက်မြန်မာကျောင်းသူ။ ကန်တက်ကီပြည်နယ်မှာ အင်တန်းရှစ်ဆင်းတော့ အချိန်ပြည့်အလုပ် ပိတ်ရက်မှာ အဆိုင်းမင့် တလခွှဲတခါ စာမေးပွှဲဆိုတော့ ဘာအားကစားမှ မလုပ်ဖြစ်ဘူး။ ကန်တက်ကီ အိမ်ရှင်တွေကတော့ ပြေးစက်မှာ ပြေးကြတယ်။ ကိုယ့်ကိုလည်း သူတို့စက်မှာ ပြေးခွှင့်ပြုတယ် ကိုယ်လား လှုပ်ကိုမလှုပ်ချင်တာ။ မေရီလန်းပြည်နယ်ရောက်တော့ အိမ်နားက မက်သရူးဟက်ဆန် Trail လမ်းက သာယာလွန်းတော့ သွှားပြေးတယ် လမ်းလျှောက်တယ်။ နယူးယောက်ရောက်တော့ အိမ်နားမှာ Trail မရှိတာနဲ့ မပြေးဖြစ်ဘူး။ Gym တွေရှိပေမဲ့ ကိုယ်က Trail မှာ ပြေးရတာကို သဘောကျတာကိုး။ ဒါပေမဲ့ တလ ၂ ခါ လောက်တော့ တောင်တက်ဖြစ်တယ်။ နယူးဂျာဆီပြည်နယ်ကိုရောက်တော့ တောင်တွေ တက်ဖြစ်နေပေမဲ့လည်း မပြေးဖြစ်ဘူး။ အပေါ်ထပ်က တရုတ်မလေးက ပန်းခြံမှာ လမ်းသွှားလျှောက်ရအောင် အဖေါ်လိုက်ခဲ့ပါလား ခေါ်လို့ အိမ်ကနေ ၁၅ မိနစ်လောက် လမ်းလျှောက်ရတဲ့ ပန်းခြံလေးကို သိသွှားတယ်။ အဖေ၊ အမေ လာလည်တော့ ညနေတိုင်း အဲဒီပန်းခြံမှာ လမ်းလျှောက်ဖြစ်တယ်။ Prednisone ဆေးမြင့်လိုက်လို့ ၁၀ ပေါင် ဝိတ်တက်သွှားတယ်။ အမေချက်တဲ့ ဟင်းတွေကလည်း အရမ်းစားကောင်းတော့ အသားကုန်တီး။ ဝိတ်ချဖို့ဆိုတာ မဖြစ်နိုင်။

အဲဒီလေ့ကျင့်ခန်းသာလုပ် တကိုယ်လုံး ဝိတ်ကျတယ်တဲ့
credit to - model Thandar Haling Facebook

ဆိုဒ်ဇီးရိုးဘောင်းဘီတွေ မတော်တော့လို့ ဆိုဒ် ၂ ဖြစ်သွှားပြီ၊ ဗိုက်တွေပူ ပေါင်တွေကြီးလာတော့ ဝိတ်ချဖို့လိုပြီဆိုတာ လက်ခံသွှားတယ်။ ချစ်အစ်မကြီးက 5K ပြေးရအောင်ဆိုတော့ ပြေးမယ်ပေါ့ ပြေးကြည့်တော့မှ ၁ မိုင်ပြေးဖို့တောင် အနိုင်နိုင်။ 5K ပြေးဖို့ ဘယ်လိုပြင်ဆင်ရမလဲဆိုတာတွေ ဖတ်ကြည့်တော့မှ ဖိနပ်က အရေးကြီးတယ်ဆိုလို့ အပြေးအတွှက် သီးသန့်ရောင်းတဲ့ဆိုင်ကနေ အပြေးဖိနပ်၊ ဘရာ၊ ခြေအိတ်၊ ဖုန်းကိုလက်မောင်းမှာ ပတ်တဲ့ဟာတွေဝယ်။ ၁ မိုင်ကနေ ၂ မိုင်၊ ၃ မိုင် ပြေးနိုင်လာပေမဲ့ ပစ်လဲချင်လောက်အောင် ဟတ်ဟတ်ထိုး မောတယ်။ မမောမပန်း ကြာကြာပြေးနိုင်တဲ့ နည်းတွေကို ရှာဖွေဖတ်ကြည့်တော့ ပြေးတဲ့ပုံစံ၊ အသက်ရှူတာက အရေးကြီးတယ်။ အဲဒီအတိုင်း လိုက်လုပ်ကြည့်တာ သိပ်မမောတော့ဘူး ဒါပေမဲ့ ၁ မိုင်ပြေးပြီးရင် ၂ မိနစ်လောက် နားနေရတုန်း။ ၃ မိုင်ကို မနားဘဲ တောက်လျှောက်ပြေးနိုင်ဖို့ကို ကျင့်နေတုန်း တောက်လျှောက်ပြေးနိုင်လာရင် ပြေးတဲ့အမြန်နှုန်းမြင့်ရမှာ step by step ပေါ့။ ခုတော့ ၃ မိုင်ကို မိနစ် ၅၀ လောက် ပြေးရတယ် တပတ် ၃၊ ၄ ခါ ပြေးတယ်။ MapMyRun Apps မှာ ဘယ်နှစ်မိုင်ကို ဘယ်လောက်နှုန်းနဲ့ ပြေးတယ် ကြာချိန်ဘယ်လောက် ဘယ်လောက်ကယ်လိုရီ လောင်ကျွမ်းတယ်ဆိုတာတွေက Motivate ဖြစ်စေတယ်။ လုပက်စ်ကြောင့် အနာရွှတ်တွေရှိနေတဲ့ အဆုတ်ဟာ အများကြီးကောင်းလာတယ်။ အဆုတ်ဆရာဝန်က ပြေးတာကောင်းတယ် မောတော့ အသက်ပိုရှု အဆုတ်က အောက်ဆီဂျင်ပိုရတယ်တဲ့။ ပြေးတော့ ပင်ပန်းပြီး အိပ်ပျော်တယ်။ တနေ့ ၃ မိုင် တပတ် ၄ ခါဆိုတော့ တပတ် ၁၂ မိုင် တလ ၄၈ မိုင် အနည်းဆုံးတလ မိုင် ၄၀ လောက် ပြေးဖြစ်တယ်။

ညဖက်ကို အစားအသောက် နည်းနည်းလျှော့ ဆရာမကြီးဒေါက်တာဒေါ်ခင်နွှယ်ဝင်းညွှန်တဲ့ အရွက်ပြုတ်ရည်သောက်။ အိမ်ကနေ ဘူတာရုံကို ၁၀ မိနစ်၊ ဘူတာရုံကနေ ရုံးကို ၁၀ မိနစ်၊ တနေ့ မိနစ် ၄၀ အနည်းဆုံးလမ်းလျှောက်ရတယ်။ နေ့လည်ထမင်းစားပြီးရင် Wall Street ၊ Trinity Church ဖက် မိနစ် ၂၀ လောက် လမ်းလျှောက်တယ်။ ပြောမနာဆိုမနာ သူငယ်ချင်းက ဓာတ်ပုံထဲမှာ နင့်ဗိုက်ပူနေတယ်ပြောလို့ မနက်တိုင်း လေ့ကျင့်ခန်းလုပ်တော့ ဗိုက်ပူတာ နည်းနည်းလျှော့သွှားတယ်။ ဆရာမကြီးဒေါက်တာဒေါ်ခင်နွှယ်ဝင်းကလည်း ပြောပါတယ် အဲဒီလေ့ကျင့်ခန်းသာလုပ် တကိုယ်လုံး ဝိတ်ကျတယ်တဲ့။ လုပ်ကြည့်တော့ လွှယ်တယ်ထင်ရပေမဲ့ တကိုယ်လုံးနာတယ် ခုတော့ ၃ ခါပဲလုပ်နိုင်သေးတယ် များများလုပ်လေ ကောင်းလေ။ ၂ လကြာပြီးတဲ့အခါမှ ၁ ပေါင်ကျတယ် ဒါတောင် မနက်ဖက်တိုင်းတာမို့လို့ ညဖက်မတိုင်းရဲဘူး။ သူများတွေများ ကြက်ဥပြုတ်၊ အသီးအရွှက် diet တွေနဲ့ တပတ်မှာ ၁၀၊ ၁၅ ပေါင်ကျတာတွေ မြင်ရတော့ တကယ်အားကျမိတယ်။ ကိုယ်ကတော့ ဝိတ်ကျဖို့ အင်မတန်ခက်တဲ့သူ  မှန်းထားတဲ့ ၁၀ ပေါင်ကျဖို့ဆိုရင် ၂ နှစ်လောက် အချိန်ယူရမလားမသိ။ ဘာပဲဖြစ်ဖြစ် ၁ ပေါင်ကျတာကိုက ဝမ်းသာစရာပါပဲလေ။

စန်းထွန်း
စက်တင်ဘာ ၁၀၊ ၂၀၁၇။