တောင်ကိုရီးသွား တောလား - ၃

တော်ဝင်နန်းတော်ထဲက မနိုင်စိန်၊ ကဲစိန်လေးများ..

Happy Traveling!

စန်းထွန်း

ဧပြီ ၄၊ ၂၀၂၆။

တောင်ကိုရီးသွား တောလား - ၂

Unexpectedly met in Haeundae, Busan after 14 years!

ရန်ကုန်ကွန်ပျူတာတက္ကသိုလ်၊ စင်္ကာပူအမျိုးသားတက္ကသိုလ် အတူတူတက်ခဲ့သူတွေ..စင်္ကာပူကို လေယာဉ်တစီးထဲ အတူတူသွားခဲ့သူတွေ..Engineering canteen က ဟော့ပေါ့သေးသေးလေးတပွဲကို ၂ ယောက်ခွဲစားတဲ့သူတွေ..ဗရုတ်သုတ်ခမျိုးစုံနဲ့ လွမ်းမောတမ်းတစရာ ပင်ပန်းလွန်းတဲ့ ကျောင်းသားဘဝ နေ့ရက်များကို ဖြတ်သန်းခဲ့သူတွေ ..

Happy Traveling!

စန်းထွန်း

ဧပြီ ၁၊ ၂၀၂၆။

တောင်ကိုရီးသွား တောလား - ၁

၂၀၂၅ ဧပြီ မမျှော်လင့်ဘဲ တောင်ကိုရီးယားသွားဖို့ ဖန်လာတယ်။ ၂၀၂၄ ကနေဒါသွားတဲ့အဖွဲ့က ဂျပန်သွားမယ်လိုက်မလားမေးတော့ လိုက်မယ် လိုက်မယ်။ ရုံးကို ခွင့်တင်တော့ တလလောက်ပဲကြိုတင်တော့ မန်နေဂျာက နောက်ဆို ၂ လကြိုတင်ပါတဲ့။ ငါလည်းတင်ချင်ပါတယ် မိသားစုကိစ္စရှိလို့ပါလို့ ပြောလိုက်တော့ ဘာမှမပြောတော့ဘူး။ လုပ်နေတဲ့ပရောဂျက် ၂ ခုကို တတ်နိုင်သလောက်ပြီးအောင် လုပ်ပေးပါတဲ့။ မတ်လ ၃၀ လာဂွာရီးယားလေဆိပ်ကနေ မနက် ၅ နာရီထွက် Atlanta လေဆိပ်မှာ အင်ချန်သွားမဲ့လေယာဥ်ဆီ အသည်းအသန်ပြေး။ အင်ချွှန်မှာ ဆိုက်ရောက်ဗီဇာယူ။ ဖုန်းကဒ်ဝယ်တော့ ရထားကဒ်လက်ဆောင်ရတယ်။ ဆိုးလ်မြို့ထဲကို အမြန်ရထားစီး ဟိုတယ်က union station လိုမျိုး ဘူတာနားမှာ။ ဟိုတယ်ကိုလိုက်ရှာ လက်ကေ့အိတ်ထား ပိုက်ဆံလဲ မြေအောက်ရထားစီးပြီး မြောင်ဒုန်းမှာ ဆံပင်ညှပ် ဆေးဆိုးနေတဲ့ အစ်မတွေဆီကိုသွား။ ကိုယ်ရောက်တော့ ဆိုင်ပိတ်တော့မယ်ဆိုတော့ ဆံပင်မညှပ်လိုက်ရဘူး။ မြောင်ဒုန်းအတော်စည်။ နောက်နေ့ Gyeongbokgung နန်းတော်ဆီသွားပြီး ကိုရီးယားဝတ်စုံလေးတွေနဲ့ ဓာတ်ပုံရိုက်ကြတယ်။ ကြိုက်တဲ့ဝတ်စုံလိုက်ရတာ နာရီဝက်လောက်ကြာတယ်။ တောက်တောက်ပပ ဘလင်းဘလင်းတွေမကြိုက် ရိုးရှင်းတာပဲကြိုက်တာဆိုတော့။ ဝတ်စုံက ၂ နာရီရတာ ၂ နာရီမကြာပါဘူး တနာရီလောက်နဲ့တင်ပြီးမှာ။ ဓာတ်ပုံလှည့်ပတ်ရတာ ၂ နာရီကျော်ကြာတယ်။

Happy Traveling!

စန်းထွန်း

မတ် ၂၈၊ ၂၀၂၆။

ပြည်တော်ပြန် - ၂

My blessings လေးတွေ ပြန်လာပါပြီ..တကူးတကလာတွေ့ လက်ဆောင်ပေးနဲ့ ချစ်ခြင်းမေတ္တာတွေ ရရှိပါတယ်..ဘာမဆိုစားဝင် ဘာနေရာမဆိုအိပ်ပျော်တဲ့ အမေကတော့ အိမ်ရောက်တာနဲ့ မီးဖိုချောင်ထဲတန်းဝင်ပြီး သမီးအကြိုက်တွေ ချက်ကျွှေးတယ်..ရန်ကုန်မှာ တချက်မှမနားခဲ့ရ ပစ္စည်းတွေထည့်လိုက်သိမ်းလိုက် အလုပ်ရှုပ်၊ လေယာဉ်ပေါ်မှာ မအိပ်နိုင်တဲ့ အဖေကတော့ အိမ်ရောက်တာနဲ့ အိပ်ယာထဲ ပစ်လဲတော့တာပဲ..ထမင်းမစားရတာ ၂ ရက်ရှိပြီမို့လို့ သယ်သွားတဲ့ ပေါင်မုန့်တွေကို မစားချင် ထမင်းပဲစားချင်တာတဲ့..ချမ်းမှာစိုးလို့ ဒေါင်းဂျက်ကက် ယူသွားတာ တော်သေးတယ်

JFK airport, Terminal 8

October 23, 2025. Thursday. 

Yiruma in NYC

Yiruma World Tour Live in New York

Carnegie Hall, New York City

October 19, 2025. Sunday

South Korean composer and pianist, Yiruma returns to America following his 2018 North America tour.

သောကြာနေ့ကမှ ဖေ့ဘွတ်မှာ ဖျပ်ခနဲမြင်လို့ ချက်ချင်းလက်မှတ်ဝယ်..အကြိုက်ဆုံး pianist ၂ ယောက် (Joe Hisaishi & Yiruma) ရဲ့လက်သံကို မျက်ဝါးထင်ထင်မြင်တွေ့ နားဆင်ချင်တဲ့ ဆန္ဒပြည့်ပါပြီ..ဘယ်သူမှ ဗွီဒီယိုမရိုက်ကြဘူး..အားလုံးက ငြိမ်သက်စီးမျော..River flows in you တီးတော့ မနေနိုင်တော့ဘူး ဗွီဒီယိုရိုက်တော့တာပဲ..ပွဲပြီးတော့လဲ လက်ခုပ်သံတွေမစဲလို့ ပြန်ထွက်လာပြီး Kiss the Rain & 3 songs ထပ်တီးပြတယ်..One memorable night at Carnegie Hall.