All About NYC - 2

April showers bring May flowers. ဆိုပေမဲ့ မေလ မရောက်ခင် ဧပရယ်လမှာပဲ ပန်းတွေ ဖူးပွင့်ကြတာ မေစီလျှော့ပင်းမောလ်မှာပါ။ အပတ်စဉ် သောကြာနေ့ တိုင်း  ရုံးချုပ်မှာ နေ့ လည်စာကျွှေးတာကို ၁၅ မိနစ်လောက် လမ်းလျှောက်ရမှာ ပျင်း၊ အပတ်တိုင်း တဆိုင်တည်းသောဆိုင်က အစားအသောက်တွေကိုပဲ  ကျွှေး၊ စားပြီးရင် ရေငတ်၊ အကြောတက်လို့  MSG အချိုမှုန့် ပါတယ်ထင်လို့  အပတ်တိုင်း သွားမစားဖြစ်ဘူး။ ရုံးချုပ်မှာ မဖြစ်မနေ သောကြာနေ့  နေ့ လည်စာ သွားစားတဲ့အခါ LGA (LaGuardia Airport  လဂွာရီရာပရောဂျက်) မှာ အတူတွဲလုပ်ဖူး လက်ပေါက်ကပ်တဲ့ ဂျူးမကြီးက မေစီက နှင်းဆီဂါဝန်လေးက အရမ်းလှတာပဲ။ ဘဟီတာ အိန္ဒိယသူလေးကို သွားဖို့ တိုက်တွန်းနေလို့  မေးကြည့်တော့ မေစီပန်းပြပွဲ ဆိုတာ သိရတယ်။

သွားကြည့်တော့ တကယ်လှတယ်။ ဒါနဲ့  စနေနေ့ မှာ နောက်ထပ်တခေါက် ထပ်သွားတယ်။ ချယ်ရီပင်တွေ မတွေ့တော့ဘူး။ ပန်းဒီဇိုင်နာတွေ သူ့ ရက်နဲ့ သူ အလှဆင်ပါတယ်။ နာရီဝက်တကြိမ်ကျ ဂိုက်က လေဆာလိုက်နဲ့ ထိုးပြကာ ပန်းတွေအကြောင်း ရှင်းပြပါတယ်။ ပန်းပွဲ လာတဲ့သူတွေ၊ ဒစ်စကောက်ချလို့  လျှော့ပင်းကြသူတွေနဲ့  ကြိတ်ကြိတ်တိုး စည်ပါတယ်။ မေစီရဲ့  Secret Garden အလှကို ငေးမောကြရအောင်။

   
               n                     

ပန်းတွေအများကြီးကို တနေရာတည်းမှာ တစုတစည်းတည်း တွေ့ လိုက်ရတော့ OMG ! That is amazing. Unbelievable ! တွေ ဖြစ်ကုန်ကြတာပေါ့။ ဒစ်စကောင့်တွေချလို့  ပန်းတွေကြည့်ရင်း လျှော့ပင်းတဲ့သူတွေရော၊ ဈေးမဝယ်ဘဲ ပန်းတွေလာကြည့်၊ ဓာတ်ပုံလာရိုက်တဲ့သူတွေရော အားလုံးကို မေစီက ဝဲကမ်းပါတဲ့။ အရှေ့ ဖက်ကမ်းခြေ နယူးယောက်ပြည်နယ် နယူးယောက်မြို့ ၊ ပင်စယ်ဗေးနီးယားပြည်နယ် ဖီလာဒဲဖီးယားမြို့ ၊ အနောက်မြောက်ဖက် အီလီနွိုက်ပြည်နယ် ချီကာဂိုမြို့ ၊ မီနီဆိုးတားပြည်နယ် မီးနီးပိုလစ်မြို့ ၊ အနောက်ဖက် ဆန်ဖရန်စစ်စကိုမြို့  မေစီလျှော့ပင်းမောလ်မှာ နှစ်စဉ်ဧပြီလတွေတိုင်း ကျင်းပတဲ့ The Secret Garden ပန်းပြပွဲက တကယ့်ကို အံ့မခန်းပါဘဲ။ တော်တော်အကုန်အကျခံပြီး ပန်းဥယျာဉ်လုပ်ထားတာပဲ။ အဲဒီပိုက်ဆံတွေကိုသာ လိုအပ်တဲ့နေရာမှာ လှုဒါန်းလိုက်ရင်...။

ရန်ကုန်တက္ကသိုလ်က အဓိပတိလမ်းလို ကိုယ်တို့ တက္ကသိုလ်မှာလည်း တော်ဝင်လမ်း ရှိတယ်။ လမ်းမကြီးကနေ တော်တော်လေးဝင်ရလို့  တော်ဝင်လမ်းလို့  အမည်တွင်တာပါ။ အဲဒီတော်ဝင်လမ်းမ အလယ်ခေါင်မှာ "ကျောင်းခေါ်ချိန် ၇၅ % မပြည့်လျှင် စာမေးပွဲဖြေဆိုခွင့် လုံးဝမပြု"ဆိုတဲ့ ဆိုင်းပုဒ်ကြီး ချိတ်ထားတဲ့ ကုက္ကိုပင်ကြီးတပင် ထီးထီးကြီးရှိတယ်။ "အဓိပတိလမ်း မရှိပေမဲ့ တော်ဝင်လမ်းရှိတယ်...သစ်ပုတ်ပင် မရှိပေမဲ့ ကုက္ကိုပင်ရှိတယ်...အင်းလျားကန် မရှိပေမဲ့ သာဓုကန်ရှိတယ်...ဦးချစ်ဆိုင် မရှိပေမဲ့ အောင်ရှိတယ်...ကဲ..ဘာလိုသေးလဲ..."။ ကုိုယ့်သူငယ်ချင်းတယောက် ကျောင်း Address Book မှာ ရေးထားတဲ့ ကဗျာလေး။ ဘာလိုလိုနဲ့  ကိုယ်တို့ ကျောင်းပြီးတာ ဆယ်နှစ်တောင် ရှိပါရောလား။ အချိန်ကုန်တာ မြန်လိုက်တာ..။


ကိုယ်တို့ အုပ်စုထဲမှာ ကိုယ်ပိုင်ကားစီးနိုင်တဲ့သူ မပါတော့ အတန်းလစ်ကြပြီဆိုရင် ဘတ်စ်ကားစီးဖို့  ကျောင်းထိပ်ကို တမျှော်တခေါ်ကြီး လမ်းလျှောက်ရတယ်။ ကျောင်းဖယ်ရီတွေက နေပူကြဲကြဲ အရိပ်အာဝါသမရှိတဲ့ တော်ဝင်လမ်းမှာ လမ်းလျှောက်နေတဲ့ ကျောင်းသားတွေကို လမ်းထိပ်အထိ ခေါ်သွားပေးတတ်တယ်။ နေကပူ၊ ဖယ်ရီကားကမကြုံ၊ ကိုယ်ပိုင်ကားတစီးတလေများ ဖြတ်သွားရင် လမ်းကြူံလိုက်ဖို့  ကိုယ့်အသိတွေများ ဖြစ်မလားလို့  လှည့်ကြည့်ရတာ အမော။ မဟုတ်ရင် သက်ပြင်းကို ဟူးကနဲမှုတ်လို့  ငါ့မှာသာ ကိုယ်ပိုင်ကားရှိလို့ ကတော့ လမ်းလျှောက်နေတဲ့သူတွေကို တင်သွားမယ်လို့  တယောက်ကပြောရင် အဲဒီအချိန်ဆို နင် တော်ဝင်လမ်းလျှောက်ရတဲ့ဒုက္ခကို မေ့နေတော့မှာ။ လမ်းကြုံခေါ်ဖို့ မပြောနဲ့  ကားကို ဝူးခနဲနေအောင် မောင်းထွက်သွားမှာလို့  ဝိုင်းပြောကြတယ်။

ခရိုနီတစ်ယောက် ဒေါ်လာအုပ်လိုက်ကိုင်ပြီး မော်ဒယ်မလေးတွေနဲ့  ကာရာအိုကေမှာ သုံးဖြုန်းနေတဲ့သတင်း ဖတ်ရတော့ ငါသာ သူ့ လိုချမ်းသာရင် ကာရာအိုကေမှာ သုံးပစ်မဲ့အစား လှုပစ်လိုက်မှာလို့  တွေးမိတယ်။ တကယ်လို့  ကိုယ်သာ ခရိုနီဖြစ်ခဲ့ရင် လှုဒါန်းဖို့ မေ့ပြီး အဲဒီလို သုံးဖြုန်းနေမလားဘဲ။ ခရိုနီမဖြစ်သေးတော့ မသိသေးပါ။ အသိအစ်မက သူ့ မွေးနေ့ မှာ ယိုးဒယားဘုန်းကြီးကျောင်းသွားလှုမယ်၊ အားရင်လိုက်ခဲ့လေလို့  ဖိတ်ခေါ်တာနဲ့  ယိုးဒယားဘုရင်ကိုယ်တိုင် ဖွင့်လှစ်ပေးပြီး ဆုတောင်းပြည့်တယ်ဆိုတဲ့ ယိုးဒယားဘုန်းကြီးကျောင်း Wat Buddha Thai Thavorn Vanaram ကို ရောက်ခဲ့ပါတယ်။ ကျောင်းမှာရှိတဲ့ သင်္ကန်းနဲ့ လှုဖွယ်တွေယူ၊ ရေစက်ခွက်ချ ဘုရားစာရွတ်ဖတ်တာကို နားထောင်တော့ နမောတသ ဘဂဝတော အရဟတော သမ္မာသမ္ဗုဒ္ဓ ကိုပဲ သုံးခါတိတိ လိုက်ဆိုနိုင်တယ်။ စာအိတ်နဲ့ ဝထ္ထုငွေကို လုံးဝအကပ်မခံဘူး အလှုခံဗုံးထဲသွားထည့်တဲ့။ နောက်တော့ ဆွမ်းဟင်းတွေကို မီးဖိုချောင်ကနေ ဆရာတော်တွေဆီ လက်ဆင့်ကမ်းကြတယ်။ အမျိုးသားတွေကပဲ ဆွမ်းဟင်းတွေကို ဆရာတော့် သပိတ်ထဲ ကပ်ကြတယ်။ ဆရာတော်တွေက သပိတ်နဲ့ ပဲ ဆွမ်းဘုဉ်းပေးကြတယ်။


ဝထ္ထုငွေကို ကပ္မိယကနေတဆင့် ကပ်ရပြီး သိမ်နားကနေ ဆွမ်းစားဆောင်ထိ ဆွမ်းခံကြွတာကို သပိတ်ထဲ ဆွမ်းဟင်းတွေ လောင်းလှုရတဲ့ မှော်ဘီဝါးနက်ချောင်း ဗောဓိရိပ်ငြိမ်တောရကို သတိရမိတယ်။စားဖိုဆောင်မှာ ဟင်းတွေမှ အများကြီး။ ထိုင်းတွေက ဖော်ရွေတယ်။ နောက်နှစ်ပတ်မှာ ကျင်းပတဲ့ Songkarn ထိုင်းသင်္ကြန်မှာ ကားလမ်းမကို ပိတ်ပြီး နိဗ္ဗာန်ဈေးပွဲတော်၊ မော်ဒယ်ရှိုးပွဲတွေ ကျင်းပလို့  လာလည်ဖို့  ဖိတ်ပါတယ်။ မြန်မာဘုန်းကြီးကျောင်းတွေမှာလည်း နှစ်သစ်ကူးသင်္ကြန်ပွဲတွေရှိပေမဲ့ အဲဒီအချိန် ဝါရှင်တန်ဒီစီ ချယ်ရီပွဲတော်ဆီ ရောက်နေမှာမို့  ထိုင်းသင်္ကြန် မကြုံလိုက်ဘူး။ အပေါ်ထပ်က မြဘုရားကျောင်းဆောင်ဆီ တက်ဖူးကြတယ်။ ထိုင်းဘုရားကျောင်းတွေထုံးစံအတိုင်း စလစ်မွှန်းချွှန်းတွေနဲ့  လေက တဟူးဟူး အပေါ်ထပ်မှာ ပုရိတ်ကြီး ၁၁ သုတ် ရွှတ်ဖတ်ပူဇော်ကြတယ်။ Laughing Buddha ၊ မဟာပိန္နဲ၊ တရုတ်နတ်၊ ကွမ်ရင်မယ်တော် ရုပ်ထုတွေရှိတယ်။ ဆုတောင်းပြည့်ရင် ဆင်ရုပ်နဲ့ ကြက်ဥ လာလှုကြလို့ ဆုတောင်းပြည့်သွားသူတွေရဲ့  ဆင်ရုပ်လေးတွေ တွေ့ ရပါတယ်။ ကိုယ်လည်း ဆုတစ်ခု တောင်းခဲ့တယ်။ ဆုတောင်းပြည့်ရင် ထုံးစံအတိုင်း ဆင်ရုပ်နဲ့  ကြက်ဥ သွားလှုဦးမယ်။

ကို်ယ့်လိုပဲ ယိုးဒယားဘုန်းကြီးကျောင်း မရောက်ဖူးသေးလို့ လိုက်တဲ့ ကြီးကြီး၊ ဘဘတို့ နဲ့  အလ္လာဘသလာဘ ပြောကြတော့ သာယာဝတီသုံးဆယ်ကတဲ့။ ဒါဆို မကြီးသူဋ္ဌေးကိုများ သိမလားမေးကြည့်တော့ မသိဘဲဘယ်နေပါ့မလဲ တလမ်းတည်းနေတာတဲ့။ သူတို့ သမီးအငယ်ဆုံးက အန်ဂျီအိုမှာ လုပ်နေတာ၊ ဘယ်တက္ကသိုလ်ထွက်လဲ၊ ဆယ်တန်းဘယ်နှစ်အောင်တာလဲ မေးမြန်းကြည့်တော့ လား..လား...ပထမနှစ်တုန်းက တလလောက် အတူတူထိုင်ခဲ့ဖူးတဲ့ အသားဖြူဖြူ၊ ဆံပင်ရှည်ရှည်ပိုင်ရှင် ရွှေဇင် ဖြစ်နေတယ်။ ကိုယ်က အဲဒီတုန်းက လန်ဒန်တက္ကသိုလ်တစ်ခုက လာဖွင့်တဲ့ ပထမနှစ်ဒီပလိုမာသင်တန်းတက်နေတော့ ကျောင်းသိပ်မတက်ဖြစ်ဘူး။


သွားတက်တဲ့ တလလောက်က အတူတူထိုင်တာက အဲဒီဆံပင်ရှည်မလေး ရွှေဇင်၊ ကျောင်းသိပ်မလာတဲ့ ငါ့ကို ဘာလို့ အီးစီခန့် ကြပါလိမ်လို့ ဆိုတဲ့ ခပ်ဟော့ဟော့ ဝတ်တတ်တဲ့ ထက်ထက်ခိုင် ခုတော့ သြဇီ ရောက်နေတယ် ကြားတယ်၊ အသားဖြူဖြူထောင်ထောင်မောင်းမောင်း ဘူတာရုံလမ်းနားက လေးလေးခိုင်၊ အသားညိုညို  ရခိုင်မလေး မြရည်ညို (အဲဒီနာမည်ကို သိပ်သဘောကျတာ)၊ ခင်ခင်ဝင်း အဲဒီတစ်ယောက် နာမည်ကို ရင်းနှီးနေပေမဲ့ ခုထိမျက်စိထဲ မမြင်သေးဘူး။ အစပိုင်းကတော့ ကျောင်းတက်မလိုနဲ့  နောက်တော့ လန်ဒန်ကျောင်းကိုပဲ ကေအမ်ဒီမှာ တက်ရတယ်။ ဒုတိယနှစ်ကျတော့ ရိုးကော ကျောင်းခေါ်ချိန်တွေ ခိုးထိုးပေးလို့ မရတော့ ဒုတိယနှစ်ကျပဲ ကျောင်းတကယ်တက်ဖြစ်တော့တယ်။ ရွှေစင်တို့ အုပ်စုနဲ့  အခန်းမတူတော့သလို ဝေ၊ အိကေ၊ အေးသက်လှိုင်၊ မြတ်မွန်၊ သစ်သစ်၊ သဇင်၊ ခိုင်ဇာ  သူငယ်ချင်းအသစ်တွေရပြီး သူတို့ နဲ့  ကျောင်းပြီးတဲ့အထိ တတွဲတွဲ။ ရွှေစင်တို့ အုပ်စုက ပထမနှစ်ကနေ နောက်ဆုံးနှစ်အထိ တတွဲတွဲ ခုထိလည်း တွဲတုန်း။ ကယ်လီဖိုးနီးယားရောက်နေတဲ့ ခင်ခင်ဝင်းက နယူးယောက်က ရွှေစင့်အဖေ၊ အဖေတို့ ကို ဖုန်းလှမ်းဆက်ပြီး နေကောင်းလားလို့  သတင်းမေးတာ ကြားရတော့ သူငယ်ချင်းတွေဆိုတာ ဘယ်နေရာရောက်ရောက် နွေးထွေးတာပဲလို့  တွေးမိတယ်။

ချစ်ကွန်းကို သိလား သမီးတို့ ထက် ငယ်တယ်၊ တော်တယ်၊ ကွန်ပျူတာကပဲလေ၊ ခု စင်္ကာပူမှာလို့ ပြောတော့ သိဘူးလို့ ။ နောက်မှ ကေအမ်ဒီမှာ သီဟန်တို့ စူပါဗိုက်ဆာ၊ ရွှေစင့်ဦးလေး (ဦးလေးဆိုပေမဲ့ တူမထက် ငယ်တယ်) ဆိုတာ သတိရသွားတယ်။ ကိုယ့်ကိုဖိတ်တဲ့အစ်မက မကြီးငယ်သူငယ်ချင်းနဲ့  ဆေးဖက်ကျွှမ်းကျင်တက္ကသိုလ်မှာ တဆောင်တည်းနေပြီး ကျောင်းအတူတူတက်ခဲ့တဲ့ သူငယ်ချင်းညီအစ်မတွေ။ မကြီးနဲ့  သူ့ ငယ်သူငယ်ချင်းက သူငယ်တန်းကနေ ရှစ်တန်းအထိ ဟိုင်းကြီးကျောင်း၊  ၉  တန်း၊ ၁၀ တန်းကို ပုသိမ် ထ ၂  ကို အတူနေ အတူတက်ခဲ့တာ။ ရန်ကုန်မှာ တက္ကသိုလ်တွေ မတူပေမဲ့လည်း တရွာတည်းသားတွေဆိုတော့ ဆွေမျိုးလိုပါပဲ။ ကိုယ့်မှာ အဲဒီလို ငယ်သူငယ်ချင်း မရှိဘူး။ မကြီးငယ်သူငယ်ချင်းရဲ့  သူငယ်ချင်းဆိုတော့လည်း သိနေတာပေါ့။ ဆယ့်ငါးနှစ်လောက်ကြာမှ နယူးယောက်မှာ ပြန်ဆုံတော့ ညီမလေးတစ်ယောက်လို စောင့်ရှောက်တယ်။


နယူးယောက်က နာမည်ကြီးဘလော့ဂါနဲ့ ဘယ်လိုသိတာတုန်း။ ဘလော့ဒေးအမှတ်တရရေးတော့ ဖေ့ဘွတ်ကဘလော့ဂါစာရင်းမှာပါဖို့  ဖိတ်ခေါ်လို့ သိတာ။ ငါလည်း ဘလော့ရေးတယ် --- နာမည်နဲ့ ။ ဟင် ဟုတ်လား သမီးက ဘလော့သိပ်မဂင်းလို့  သိပ်မသိဘူး။ သူနဲ့  ငါက အိုင်အလ်ဘီစီမှာ အင်္ဂလိပ်စာတက်ကတည်းက သူငယ်ချင်း၊ ငါ နယူးယောက်ရောက်ပြီး သိပ်မကြာဘူး သူလည်း ရောက်လာတာပဲ။ ဟိုးတလောက မီးပြတိုက်ကို သွားတုန်းကတောင် သူပါတယ်။ ဒါနဲ့  နေပါဦး ကြည်ကြည်စိမ်းနဲ့  မေဝါလွင်ကို ဘယ်လိုသိတာတုန်း။ လန်ဒန်တက္ကသိုလ်ပထမနှစ် ဒီပလိုမာသင်တန်း အိုင်ဒီစီအက်စ် IDCS (International Diploma in Computer Studies) Section 13 ကေအမ်ဒီမှာ တက်တုန်းက တခန်းတည်း အတူတူတက်ခဲ့တာ။ အဲဒါ့ ငါ့သူငယ်ချင်းတွေ သူတို့ အိမ်က ငါ့စားအိမ်သောက်အိမ်ပဲ။ အဲဒီနေ့ က ကမ္ဘာကြီးဟာ ကျဉ်းကျဉ်းလေးပါလားလို့  သဘောပေါက်သွားတယ်။

နယူးယောက်မြေအောက်ရထားလိုင်က တနေ့ ကို လူသန်းချီ သယ်ယူပို့ ဆောင်ပေးနေတော့ အလွန်ရှုပ်သလို ပြုပြင်ရတာလည်း များတယ်။ ပိတ်ရက်တွေဆို ရထားလမ်းပြင်နေလို့  ဘယ်နေရာကနေ ဘယ်နေရာအထိ ရထားမရှိဘူး၊ ဖရီးရှယ်တယ် စီးရင်စီး၊ မစီးရင် တခြားရထား ပြောင်းစီးရတယ်။ ရှေ့ မှာ လမ်းပြင်နေလို့  ဒီဘူတာက နောက်ဆုံးပါ...အောက်ရထားလိုင်းကို ပြောင်းစီးပါလို့  ကြေငြာရင် ပြောင်းရပြန်ရော။ ရထားမြေပုံကို ဖုန်း၊ အိုင်ပတ်မှာ ဆောင်ထားရတယ်။ E ရထားစီးနေရင်း ဒီရထားက F လိုင်းက သွားမှာပါလို့  ကြေငြာရင် မြေပုံထုတ်၊ ဘယ်ဘူတာမှာ ဆင်းရမလဲ၊ ဘယ်ရထားထပ်ပြောင်းစီးရင် သွားမဲ့နေရာ ရောက်မလဲ၊ Local ( ဘူတာစဉ်တိုင်းရပ်တဲ့ရထား)  စီးနေရင်း ခုရထားက Express ( ဘူတာကြီးတွေပဲရပ်တဲ့ရထား) လို့ ကြေငြာရင် ပြန်ပြောင်းစီး။ နယူးယောက်ရထားဋီကာတွေကို စာဖွဲ့ ရရင် ပို့ စ်တစ်ခု ရမယ်။


ရုံးတက်ရုံးဆင်းချိန်ဆိုရင် တခါတလေ တံခါးပိတ်လို့ မရဘူး။ လူတွေ ဒီလောက်ကျပ်နေတာတောင် နောက်မကျချင်တဲ့သူတွေက အတင်းတက်ကြတာကိုး။ တံခါးအားလုံးပိတ်လို့ မရရင် ရထားက မထွက်နိုင်။ ဒီတော့ ဒီလေး delay ဖြစ်။ ရထားမောင်းတဲ့သူက စိတ်တို Use all available doors. Stand clear closing door. If you block the door, the train can't move. If there is no room, please wait for next train, right behind us. လို့ အော် တံခါးကိုဆောင့်ပိတ်။ နယူးယောက်မြေအောက်ရထားမောင်းတဲ့သူတွေ အော်ဟစ်တာ ရန်ကုန်ဘတ်စ်ကားစပယ်ရာတွေနဲ့ တူတယ်။ ရန်ကုန်က ဘတ်စ်ကားစပယ်ရာတွေလို မိန်းကလေးကို ခါးမပွေ့ ချီတာတစ်ခုပဲ။ တချို့ ရထားမောင်းတဲ့သူတွေက သဘောကောင်းတယ် အသံလေးက ချိုနေတာပဲ Express ရထားက ဘယ်နှစ်မိနစ်ဆိုရင် ရောက်ပါလိမ့်မယ်၊ ဒီဘူတာကနေ ဘယ်ရထားလိုင်းတွေ ပြောင်းစီးလို့ ရတယ်ဆိုတာက ကြေငြာတယ်။ တချို့ ကျတော့လည်း လှုရွှင်တော်အသံနဲ့  အသံကြားတာနဲ့  ပြုံးမိတယ်။

မနက် ၈ နာရီခွဲ ရုံးတက် ည ၇ နာရီ မှ ရုံးပြန်ရတာ နှစ်ပတ်ရှိပြီ။ အိမ်ပြန်တဲ့အချိန်ဆို ရထားမှာ လူရှင်းနေတယ်။ အဲဒီနေ့ ညနေက မိုးရွာနေတယ်။ Dear passengers, there is a big rainbow on the right side. လို့  ရထားမောင်းတဲ့သူက ကြေငြာတော့ ရထားပြတင်းပေါက်ကနေ ကောင်းကင်ကို အားလုံး လှမ်းကြည့်ကြတယ်။ လှလိုက်တဲ့ သက်တန့်လေး။  သက်တန့် မတွေ့ ရတာတောင် တော်တော်ကြာပြီ။ နောက်ဆုံးတွေ့ ခဲ့တာ ၂၀၁၃ မေ မန်မိုရီယမ်ဒေးပိတ်ရက် နိုင်အာဂရာရေတံခွန်မှာ။ ကောင်းကင်ဆီကနေ မဟုတ်ဘဲ ရေတံခွန်နားမှာ သုံးခုတွေ့ ခဲ့တာ။

Niagara Falls

နိုင်အာဂရာရေတံခွန်နားမှာ အမေရိကန်နဲ့  ကနေဒါကို ပေါင်းကူးထားတဲ့ တံတားက Rainbow Bridge တဲ့။  သက်တန့် ဒီဇိုင်းအတိုင်း ဆောက်ထားတာမို့ လို့  အဲဒီနာမည်ပေးတာတဲ့။ နိုင်အာဂရာသွားတုန်းက သတိမထားမိဘူး။ ဟိုတပတ်စနေနေ့ က လမ်းလျှောက်အဖွဲ့ နဲ့   မက်ဟန်တန်နဲ့ ကွင်းကြားက ရုစဗဲ့အိုင်လန်ကျွှန်းကိုသွားရင်း renowned Japanese-American sculptor, landscape architect, and designer Isamu Noguchhi နာမည်ကျော် ဂျပန်အမေရိကန် ပန်းပု၊ အာခိတက်၊ ဒီဇိုင်နာ နာဂူချီပြတိုက်ကို သွားလို့  ဒီဇိုင်းစာအုပ်ကို ဟိုလှန်ဒီလှန်ကြည့်ရင်း တွေ့ ခဲ့တာ။ တံတားအများစုက ထောက်တိုင်တွေ ရှိပေမဲ့  သက်တန့် တံတားမှာ မရှိဘူး။ သက်တန့် လေးလို  ကွေးကွေးခုံးခုံးလေးနဲ့  အင်မတန်လှတယ်တဲ့။ အဲဒီတော့မှ သတိထားမိတယ် လှသား။ ခြင်္သေ့ကျွှန်းက Handerson Wave တံတားကလည်း လှိုင်းသဏ္ဌန်ဆောက်ထားတာ လှတယ်။

Rainbow Bridge between Canada (left side) and USA (right side)
Henderson Wave Bridge, Singapore
credit to TravelerFolio.com

သဘာဝအလှတရားကို ခံစားတတ်တဲ့ ရထားမောင်းသူလိုပဲ ကောင်းကင်မှာ သက်တန့် လေး တွေ့ ခဲ့ရင် မမြင်သေးတဲ့ သူငယ်ချင်းတွေ၊ မိတ်ဆွေတွေ၊ မိသားစုတွေကို အသိပေးလိုက်ပါ။ စိုးရိမ်သောကဗျာပါဒတွေ ကင်းစင်းပြီး သက်တန့် ကြည့်နေတဲ့အခိုက်အတန့် လေးမှာ စိတ်ကြည်နူးရတယ်မလား။ နယူးယောက်တခွင် ဖလမ်းဖလမ်း ဂျလမ်းဂျလမ်းသမျှကို နောက်အပတ်မှ ဆက်ရအောင်။

"A thing of beauty is a joy forever."

စန်းထွန်း
မေ ၁၅၊ ၂၀၁၄။

1 comment:

Thu said...

ပထမဆုံးပန်းဂါဝန်အနီလေးကလှလိုက်တာနော်။
ကွန်ပျုတာကျောင်းသူချင်းဆိုတော့ဘဝတူတယ်။
ကျွန်တော်တို့မန်းလေးတအုံကွန်ပျုတာဆို ရန်-မန်းလမ်းကနေ၃မိုင်လောက်ဝင်ပြီးမှရောက်တယ်။ကျောင်းပြေးရင်လဲ လိုက်လိုက်ဖမ်းလို့ပြေးရတာလဲ.တခါတလေကိုယ့်ဘာသာကိုယ်တိုက်ပွဲထဲမှာပြေးနေရသလိုကိုမှတ်တာ..ဟိဟိ
အမတို့တွေကတော်ကျတယ်နော်။သူများနိုင်ငံမှာနေရာတစ်နေရာရနေပြီ။အသူတို့ကတော့ :'(