၂၀၂၂ အောက်တိုဘာ ၉ ရက်နေ့ မနက်စောစော မနက်စာစားပြီးတာနဲ့ ဘော်တနစ်ပန်းခြံဆီ လမ်းလျှောက်သွားတယ်။ မနစ် ၄၀ လောက် လျှောက်ရတယ်။ သစ်ပင်တွေ နေပြောက်မထိုးနိုင်လောက်အောင် ထူထပ်နေပြီး တောတောင်ထဲ ရောက်သွားသလို ခံစားရတယ်။ နယူးယောက်ဘော်တနစ်ပန်းခြံမှာ ဇွန် ၁ ဆို အတော်ပွင့်နေပြီ။ နောက်တပတ်လောက်ဆိုရင် ဘာပွင့်ဖတ်မှမရှိတော့ဘူး။ အရင်တုန်းက စနေနေ့မနက် ၉ နာရီ ၁၁ နာရီအထိ ဝင်ခအလကား။ ဒီတော့ ချယ်ရီပွင့်ချိန်၊ နှင်းဆီပွင့်ချိန်ဆို သွားနေကျ။ ခုတော့ ဖရီးမရတော့ဘူး တယောက် ၂၅ ကျပ်ဆိုတော့ မသွားဖြစ်တော့ဘူး။ ပေါ့လန်းမှာ အောက်တိုဘာလကြီး နှင်းဆီပန်းတွေ ဝေနေလို့ အံ့သြရတယ်။ အရောင်အသွေးအစုံနဲ့ အတော်လှတာ။ နှင်းဆီပြိုင်ပွဲလည်းရှိတယ်။ ဟိုအပွင့်နဲ့ရိုက်မယ် ဒီအပွင့်နဲ့ရိုက်မယ်နဲ့ ဓာတ်ပုံရိုက်လို့ မဝနိုင်ဘူး။ ဘော်တနစ်ပန်းခြံ အနှံ့လည်ပြီးတော့ ဂျပန်ပန်းခြံကို သွားလည်တယ်။ အဲ့ဒီဓာတ်ပုံတွေကိုတော့ နောက်မှတင်တော့မယ်။ မတ် ၂၃ ရက်နေ့ အဖေနဲ့အမေ စတိတ်ကိုလာလည်တော့ အလုပ်များနေလို့ အပတ်တိုင်းပို့စ်တွေ မတင်ဖြစ်ဘူး။ ပို့စ်အသစ်တွေ မတင်ရင် အဟောင်းတွေကိုသာ ရှာဖွေဖတ်သွားပါနော်။ လာချောင်းတဲ့အတွက် ကျေးဇူးပါ။
Happy Travelling!
စန်းထွန်း
ဧပြီ ၅၊ ၂၀၂၃။
No comments:
Post a Comment