ယိုးဒယားသွား တောလား - ၂

၂၀၂၂ ဧပြီ ၂၅ တနင်္လာနေ့ နေ့လည် အဖေတို့ ဘာမင်ဂရပ်ဆေးရုံကနေ မိနစ် ၂၀ လမ်းလျှောက်ပြီး ကိုယ့်ဟိုတယ်ဆီ ပြန်လာတယ်။ ခဏနားပြီး မြေပေါ်ရထားနဲ့ ဘန်ကောက်မှာ အမြင့်ဆုံး King Power Mahanakhon မှာရှိတဲ့ Skywalk ဆီ သွားကြတယ်။ ဘန်ကောက်ရထား စီးရတာ အဆင်ပြေတယ်။ ယိုးဒယားတွေ ဆင်တွေ အလေးထားပုံရတယ် ဆင်ရုပ်ကို နေရာတော်တော်များများ တွေ့ရတယ်။ အပေါ်တက်ခါနီး အစားအသောက် မယူရဆိုလို့ အဒေါ်ပေးလိုက်တဲ့ မုန့်ဖက်ထုပ်တွေ အစားပြေစားဖို့ ယူလာတာ။ လွှင့်ပစ်ရမှာ နှမျောတော့ အလယ်က အုန်းသီးထန်းညက်တွေ ဖောက်စားပြီ' မုန့်သားတွေလွှင့်ပစ်။ လက်မှတ်ဝယ်ပြီး locker ပေးတော့မှ အဲ့လိုမှန်းသိရင် မုန့်ဖက်ထုပ်တွေ မလွှင့်ပစ်ပါဘူးဆိုပြီး နှာမြောတသဖြစ်။ အပေါ်မတက်ခင် ဓာတ်ပုံရိုက်။ ခြေထောက်မှာ အိတ်စွပ်ပြီး မှန်ပေါ်မှာ လမ်းလျှောက်ရတာ အတော်ကြောက်ဖို့ ကောင်းတယ်။ တုန်ချိတုန်ချိ မထိရဲမနင်းရဲ ဖြစ်နေတာများ ဘေးကကြည့်တဲ့သူ အူတက်။ တူတော်မောင်က ကြောက်လို့ မျက်စိဇွတ်မှိတ်ပြီး အပေါ်တက်ပြေးလို့ လာပါအတင်းခေါ်။ ခဏနေတော့ မကြောက်မရွံ့ လမ်းနှစ်ပတ်လောက် ပတ်လျှောက်ပြလို့ well done၊ good job၊ bravo ဝိုင်းအော်။ လေတိုက်လို့ အပေါ်မှာခဏနေပြီး အောက်ထပ်မှာ တပတ်ပတ်ကြည့်။ မြင်ကွင်းက လန်ဒန်က Shan Tower လိုပါပဲ။ ရေဆာလို့ အအေးဝယ်သောက်။ မြဘုရားက ဘယ်နားလောက်မှာဆိုပြီး ခန့်မှန်းကြည့်  ဝန်ထမ်းကိုမေး ဘယ်နားမှာလည်းလို့ပြခိုင်း။ ဘန်ကောက်က တော်တော်ကြီးတယ် သန့်ရှင်းတယ်။ အေးအေးဆေးဆေး အနားယူ ညနေ နေဝင်ချိန်ဆို ပိုလှမှာ။ ဒါပေမဲ့ နေဝင်ချိန်အထိ မစောင့်နိုင်တော့ဘူး။ Temple of Dawn or Wat Aarun ဘုရားကို ရထားစီး ဘုတ်စီးပြီး သွားလည်တဲ့အကြောင်းကတော့ နောက်ပို့စ်မှပဲ တင်ပါတော့မယ်။ ဒီပို့စ်တင်တဲ့အချိန် အော်ရီဂွန်ပြည်နယ်က ပို့လန်း၊ ဝါရှင်တန်ပြည်နယ်က ဆီရေတယ်ကို ခရီးသွားနေချိန်ပါ။ ပေါ့လန်း ဆီရေတယ်သွား တောလားပို့စ်တွေကတော့ နောက်မှပဲ တင်ပါတော့မယ်။ လာမည် ကြာမည် မျှော်။

Happy Travelling!

စန်းထွန်း

အောက်တိုဘာ ၈၊ ၂၀၂၂။