ကချင်ပြည်နယ်နှင့် ရခိုင်ပြည်နယ်ဆီသို့ ပန်းခရမ်းပြာ၏ အိမ်မက်များ...

အသိတယောက် အကူအညီတောင်းလို့ ဘလော့ကနေ ကြေငြာမောင်းခတ်လိုက်ပါတယ်။ ကိုယ်တိုင်ကတော့ အဲဒီနေ့မှာ ကုမ္ပဏီကိုယ်စားပြု The Rack Pack အသင်းကနေ  ရင်သားကင်ဆာတိုက်ဖျက်ရေး လမ်းလျှောက်ပွဲမှာ ချီတက်နေမှာမို့လို့ သွားရောက်အားပေးနိုင်မှာ မဟုတ်ပါဘူး။ အမ်..နယူးယောက်နဲ့ ကန်တက်ကီက သိပ်မဝေးပါဘူး။ မိုင်၈၀၀ ကား ၁၃နာရီခွဲပဲ မောင်းရတယ်..  း )  ။

မြန်မာအစားအသောက်လည်း စားရ ကိုယ်ကြိုက်တယ့် အဆိုတော်တွေရဲ့ သီချင်းလည်း နားထောင်ရ မြန်မာပြည် တကယ်လိုအပ်နေတယ့်နေရာတွေမှာ လှုဒါန်းမယ့် သိပ်ကောင်းတယ့် အစီအစဉ်လေးပါ။

နေ့ရက်။ ။ အောက်တိုဘာလ ၂၈ ရက်(တနင်္ဂနွေနေ့)၊ ၂၀၁၂ ခုနှစ်
အချိန် ။ ။ နံနက် ၁၁ နာရီမှ နေ့လည် ၁နာရီအထိ
ရန်ပုံငွေ ရိုးရာအစားအစာမျိုးစုံဈေးရောင်းပွဲ

နေ့လည် ၁ နာရီခွဲမှ ညနေ ၅ နာရီ အထိ
စာရေးဆရာမဒေါ်သန်းမြင့်အောင် (ဒု-ဥက္ကဋ္ဌ၊ နာရေးကူညီမှုအသင်း - ရန်ကုန်)၊ တေးရေး ကိုရဲလွင် (မဇ္ဈိမလှိုင်း)၊ တေးရေး၊ တေးဆို ဆောင်းဦးလှိုင်တို့၏ ပြည်ပရောက်မိသားစုများနှင့်တွေ့ဆုံဆွေးနွေးဖျော်ဖြေပွဲ နှင့် နယူးယောက်မြို့ခံ Exit Band ၏တီးခတ်သီဆို ဖျော်ဖြေမှုအစီအစဉ်

နေရာ။ ။ Aviation Career & Technical Education High School
45-30 36th Street
Long Island City, NY 11101

ရန်ပုံငွေများကို ကချင်ပြည်နယ်နှင့်ရခိုင်ပြည်နယ်ရှိ လူမှုရေးလုပ်ငန်းများအတွက် နာရေးကူညီမှုအသင်း - ရန်ကုန် နှင့် ၈၈ မျိုးဆက် ကျောင်းသားများအဖွဲ့တို့ကတဆင့်လှူဒါန်းသွားမှာဖြစ်ပါတယ်။

စန်းထွန်း

အောက်တိုဘာ ၁၃၊ ၂၀၁၂။