ကိုယ့်လုပက်စ်ရောဂါဟာ ဆရာမကြီးဒေါက်တာဒေါ်ခင်နွှယ်ဝင်း ပြောတဲ့ functional medicine ကို လိုက်နာကျင့်သုံးလို့ သက်သာပျောက်ကင်းလာပါတယ်။ ဆရာမကြီးညွှန်တဲ့ ဒေါက်တာ Natasha Campbell-McBride ရဲ့ Gut and Psychology Syndrome: Natural Treament for Autisum, Dyspraxia ကို ဖတ်ကြည့်တာ အတော်စိတ်ဝင်စားဖို့ကောင်းတယ်။ ဆေးပညာအသုံးအနှုန်းတွေကိုတော့ ကျော်ခွဖတ်ရတယ်။ အစားအသောက်၊ အူလမ်းကြောင်းနဲ့ ဦးနှောက်ဆက်စပ်နေတော့ အစာအိမ်အူကို ကောင်းမွန်အောင် လုပ်နိုင်ရင် ရောဂါတော်တော်များများ သက်သာပျောက်ကင်းသွားတယ်။ ဒေါက်တာနာတာရှာဟာ အာရုံကြောအထူးကုဆရာဝန်၊ အာဟာရပညာရှင် သူ့သား အော်တင်ဇင်ရောဂါဖြစ်တော့ ဆေးကျမ်း၊ သုတေသနစာတမ်းတွေဖတ်ပြီး functional medicine နဲ့ကုတာ သက်သာပျောက်ကင်းသွားလို့ ဆေးခန်းဖွင့်ပြီး ကုသနေတယ်။ ဆရာမကြီးညွှန်တဲ့ Broken Brain documentaries ကြည့်တော့ Doctor in the House ဆိုတယ့် realithy tv show ကို သွားတွေ့တယ်။ ဒေါက်တာရောင်ဂန်ချက်တဂျီဟာ GP အဖြစ် လုပ်သက် ၁၈ နှစ် ရှိပါတယ်။ တနေ့ သူ့သား အသက်ရှုကြပ်သလိုဖြစ်ပြီး ဘာဖြစ်မှန်းမသိလို့ အရေးပေါ်ဆေးရုံ တင်လိုက်ရပါတယ်။ ဆရာဝန်ဖြစ်တယ့်သူက ဘာမှမလုပ်နိုင် မကယ်နိုင် ဆရာဝန်တွေကလည်း ချက်ချင်းရောဂါရှာဖွေလို့မရ။ နောက်တော့ ဗီတာမင်ဒီချို့တဲ့တာ အဖေဖြစ်သူ ဆရာဝန်တစ်ယောက်ဖြစ်ရဲ့သားနဲ့ သားဖြစ်သူက ဗီတာမင်ဒီချို့တဲ့လို့ အရေးပေါ်ဆေးရုံတင်ရတာကို ရင်ကျိုးမရဖြစ်မိတယ်တဲ့။ နောက်တော့ စာတွေလိုက်ဖတ်ပြီး functional medicine ကို လိုက်စားရင်း အင်္ဂလန်ပြည်သူတွေကို ကျန်းမာအောင် နေထိုင်ရေး ဟောပြောနေသူပါ။ လူနာတယောက်ကို ၁၀ မိနစ်ပဲ အချိန်ပေးနိုင်တဲ့ ဆရာဝန်ဘဝကနေ လူနာတွေအိမ်မှာ တနေ့လိုက်နေပြီး လူနာတွေ ဘယ်လိုနေထိုင် စားသောက်တယ်ဆိုတာ လေ့လာ။ ရောဂါဖြစ်စေတယ့် root course ကိုရှာ processed food ၊ wheat ရှောင်၊ ကိုယ်တိုင်ချက်ပြုတ်စား၊ soda အချိုရည်ရှောင်၊ သင့်တော်တယ့် လေ့ကျင့်ခန်းလိုက်ခိုင်း၊ အိပ်ရေးဝဝအိပ်ခိုင်း၊ စိတ်ဖိစီးမှုနည်းအောင် တရားထိုင်ခိုင်း။ နေ့စဉ်ဘာတွေစားသောက်တယ်၊ လေ့ကျင့်ခန်းဘယ်လိုဘယ်လောက်လုပ်တယ်၊ ဘယ်နှစ်နာရီအိပ်တယ်ဆိုတာ follow up လုပ်။ ဘယ်ဆေးမှမပေးဘဲ ၂ လအကြာ ပြန်လာကြည့်တယ့်အခါ ဘာတွေပြောင်းလဲသွားသလဲ။ စိတ်ဝင်စားရင် အောက်ကဗွီဒီယိုဖိုင်တွေကို အချိန်ပေးပြီး ကြည့်လိုက်ပါ။ Youtube မှာ Doctor in The House ဒါမှမဟုတ် Dr Rangan Chatterjee လို့ ရိုက်ထည့်လိုက်ရင် ဗွီဒီယိုတွေ တွေ့ပါလိမ့်မယ်။
စန်းထွန်း
ဖေဖေါ်ဝါရီ ၂၅၊ ၂၀၁၈။
ဆီးချိုရောဂါရှင် ဒေါ်တီ၊ မီးသတ်သမားဖြစ်ချင်ပေမဲ့ အပြေးစစ်ဆေးတာ မအောင်တဲ့ ဒေါ်တီ့ခင်ပွန်း။
အားကစားလေ့ကျင့်ရုံပိုင်ရှင် ဝိတ်မတဲ့သူ နာကျင်ကိုက်ခဲတဲ့ ဝေဒနာကြောင့် အကိုက်အခဲပျောက်ဆေး အများကြီးသောက်နေတဲ့သူ၊ သူ့သားမှာက အက်စမာအရေပြားရောဂါ။
တနေ့ကို ကြိမ်ဖန်များစွာ ခေါင်းထိုးကိုက်၊ ခေါင်းကိုက်ရင် သေမတတ် ဝေဒနာခံစားရတဲ့ အမျိုးသမီး၊ ခြေတဖက်မရှိပေမဲ့ ရေခဲပြင်ဟော်ကီလိုမျိုး အားကစားသမား။ လက်တွေကို အရမ်းသုံးရလို့ တနေ့မသန်မစွမ်းဖြစ်မှာကို စိတ်ပူနေတဲ့သူ။
မိဘတွေက အိုဗာဝိတ်လည်းမဟုတ်၊ fast food လည်းမစား၊ ကျန်းမာရေးနဲ့ညီညွှတ်တာတွေ စားနေရဲ့သားနဲ့ အိုဗာဝိတ်ဖြစ်နေတဲ့ ကလေးရဲ့ဗိုက်ထဲမှာ ကောင်းတဲ့ပိုးနည်းနေလို့ ကောင်းတဲ့ပိုး benefitical bacteria တွေ ဘယ်လိုပြန်ထည့်သလဲ။
No comments:
Post a Comment