ရက်ကွက်ထဲမှာတော့ဗျာ - ၁၅

မမအိုင်အိုရာ အညွှန်းကောင်းလို့  ပထမဦးဆုံးသော ကိတ်မုန့် လက်ရာ။ ကြက်ဥ ၃လုံး၊ ဆီ ဖန်ခွက်တဝက်၊ ရေ ဖန်ခွက်တခွက်နဲ့  ၂ဒေါ်လာတန် အဲဒီတံဆိပ်အမှုန့် ကို ရောသမမွှေ။ ဖုတ်မယ့်ဗန်းကို ထောပတ်သုတ်၊ ၃၅၀ ဒီဂရီနဲ့  ၄၅မိနစ်လောက် ထားလိုက်ရင် အရသာရှိလှတဲ့ ကိတ်မုန့် လေး ရပါပြီ။ မမအိုင်အိုရာ လေသံအတိုင်း ပြောရရင် စူပါအီးဇီး..း )



နိုဝင်ဘာ ၁၀ မှာ ဖြေရမယ့် ကွန်ပျူတာဂရပ်ဖစ် ဘာသာအတွက် မှတ်စုထုတ်ရင်း စာအုပ်တခြား၊ အဖုံးတခြား ဖြစ်နေတဲ့ စာအုပ်အဖုံးလေးကို မြင်မိတော့ ဓာတ်ပုံရိုက်လိုက်တယ်။ စာတော့ မသိဘူး..စာအုပ်တော့ ကြေနေပြီး D ။ ဆူနမ်နဲ့  ရာမား ပေးထားတယ့် မိုင်သောင်းချီအဝေးကနေ သယ်လာတဲ့ ဗလာစာအုပ်။ နီပေါနိုင်ငံရဲ့ အမှတ်သင်္ကေတ ကမ္ဘာ့အမြင့်ဆုံးး ဧဝရက်တောင်၊  အတန်း၊ ခုံနံပါတ်၊ ဘာသာ၊ ကျောင်းနာမည်တွေ ရေးဖို့  နီပေါနိုင်ငံ မြေပုံလေးရယ်။


အလုပ်ဝင်တာ ခြောက်လပြည့်လို့  အမြဲတမ်းဝန်ထမ်းခန့် ဖို့  မေးကြည့်တာ စန်ထရယ်အင်ဂျင်နီယာဌာနကို ဘတ်ဂျက်ဖြတ်ထားလို့  မခန့် နိုင်ပါဘူးတယ့် ခင်ည။ အခုက ကျောင်းသားဗီဇာ F1 ။  Curricular Practical Training  (CPT)  အလုပ်အချိန်ပြည့်လုပ် Distance Education (DE) Courses တွေ တက်နေရတဲ့ W2 အလုပ်လုပ်ခွင့်ပါမစ်ကို ကျောင်းက စပွန်ဆာပေးထားတာပါ။ အဲဒါက ၂၀၁၃ ဒီဇင်ဘာဆို ကုန်ပြီ။ စတိတ်မှာ ဆက်နေချင်ရင် အလုပ်ရှင်က H1B စပွန်ဆာပေးတယ့် အလုပ်ကို ရှာနေရပါပြီ။ အင်တာဗျူးတွေမှာ H1B စပွန်ဆာပေးလား မေးလိုက်ရင် ဆောရီးတွေကများလို့  စန်းထွန်းတယောက် ဆယ့်တစ်ကျပ်ကျ အဲ စိတ်ဓာတ်ကျနေတာပေါ့ ခင်ညာ။ စလုံးမှာ အီးပီ၊ အက်စ်ပတ်စ်တို့ ကို အလုပ်ရှင်က လျှောက်ပေးသလိုမျိုးပေါ့။ အလုပ်တူရင်တောင် ဂရင်းကဒ်၊ စီးတင်းဇင်တွေက လစာပိုများတယ်။ နိုင်ငံခြားသားဆိုတာ နိုင်ငံသားနဲ့  အခွင့်အရေး ကွာတယ်။



မြို့ အသစ်၊ အလုပ်အသစ်၊ လူအသစ်တွေနဲ့  အသားကျဖို့  ခြောက်လလောက် အချိန်ယူရတယ်။ ဟော..အသားကျလို့  ဒီကုမ္ပဏီ၊ ဒီမြို့ ၊ ဒီလူတွေကို ကြိုက်ပါတယ်ဆိုကာမှ ရေစက်ကုန်လို့  ခွဲရပြန်ဦးမယ်။ ဘယ်ဆီဘယ်ဝယ်မှန်းမသိ။ ဆောင်းဦးကာလမှာ သစ်ရွှက်တွေက အဝါရောင်၊ လိမ္မော်ရောင်၊ အနီရောင်တွေပြောင်းတာ တော်တော်လှတယ်။ ရာသီဥတုကလည်း သိသိသာသာ အေးလာပြီ။ အခုတော့ အပင်တွေက ရိုးတံကျဲကျဲ  ဆောင်းလေအဝှေ့ မှာ သစ်ရွှက်ကြွေတွေက ဝေ့ဝဲလို့ ။

တုပ်ကွေးရာသီချိန်မို့  တုပ်ကွေးကာကွယ်ဆေးတွေ စတိုးဆိုင်ကြီးတွေ၊ ရုံးတွေမှာ အခမဲ့ ထိုးပေးနေပါတယ်။ တုပ်ကွေးဖြစ်တာကို ကာကွယ်ပေးပြီး တကယ်လို့  ကွေးခဲ့ရင်လည်း ကွေးချိန် တိုပါတယ်တဲ့။ အဲ နည်းနည်းတော့ ဟပ်ချိုးတယ်။ မတည့်တာကတော့ အတော့်ကို ဖြစ်နိုင်ချေ နည်းပါတယ်တဲ့။ အလကားဆို လက်မလွှတ်တယ့် စန်းထွန်းတယောက် ကာကွယ်ဆေးထိုးပါတယ်။ ပုရွှတ်ဆိတ်ကိုက်သလောက်သာ နာပေမယ့် နောက်နှစ်ရက်ကတော့ လက်မောင်း နာတယ်။ နမိုးနီးယားကာကွယ်ဆေးလည်း ထိုးလို့ ရတယ်။ အိမ်ရှင်ရယ်၊ ပီတာရယ်က အားမပေးတာနဲ့  မထိုးလိုက်တော့ဘူး။



တုပ်ကွေးကာကွယ်ဆေးကို ဘယ်အချိန်လောက်ကစပြီး အမေရိကန်မှာ သုံးနေတာလဲဆိုတော့ ငါ ငယ်ငယ်ကတည်းကတဲ့။ အိမ်ရှင်က ၃၈ နှစ်။ မြန်မာပြည်မှာ တုပ်ကွေးချိန်ဆို ဟိုင်းကြီးတနယ်လုံးက ကလေးတွေ နယ်လုံးကျွှတ် ကွေးကြတာ သတိရတယ်။ တုပ်ကွေးပြင်းရင် အသက်ပါသွားနိုင်တယ်။ ဒန်းကီး(တုပ်ကွေး) ဖြစ်စေတဲ့ ခြင်၊ ပိုးဟပ်၊ ကြွက်၊ အကောင်ပလောင်တွေဆို စလုံးတွေက သိပ်ကြောက်ကြတာ။ ရွှေမြန်မာတွေကတော့ လာထား တုတ်နဲ ရိုက်၊ တစ်ရှူးနဲ့  ဖမ်း ။  ခြင်ကိုသာမက ကိုယ့်ကိုကိုယ်ပါ ဆော်တတ်တယ့် သူတွေမလား ဒီလောက်တော့ အပျော့။ တွေးမိတယ် အဲဒီတုပ်ကွေးကာကွယ်ဆေးသာ မြန်မာတနိုင်ငံလုံးက ကလေးတွေကို အခမဲ့ထိုးပေးနိုင်ရင် ဘယ်လောက်များ ကောင်းမလဲနော်။


အရင်ပို့ တုန်းက လာဗင်ဒါလို့ နာမည်ပေးထားတဲ့ မြက်ပင်တွေ ခုတော့ အသီးသီးနေကြပြီ

ရှေ့တပတ်ကတော့ ဆူပါဗိုက်ဆာကို စိတ်ဆိုးလွန်းလို့  နေ့ လယ်စာလည်း မစားနိုင်၊ အသားတွေ အဆတ်ဆတ်တုန်၊ ခေါင်းတွေကိုက်။ တူရကီလေး မူဆာဖာ အလုပ်မရှိလို့  အလုပ်တောင်းတာ သူက တူရကီကို မကြာမှီ ပြန်တော့မှာ ပရောဂျက်တန်းလန်းဖြစ်နေမှာမို့ လို့  အလုပ်မပေးနိုင်ပါဘူးတဲ့။ ပြီးတော့ ပိုက်ဆံလေလွင့်တယ်လို့ ပြောလိုက်သေးတယ်။ အလုပ်မပြီးရင် သူ့ အပြစ်၊ အလုပ်မရှိတာက သူ့ အပြစ်မဟုတ်ဘဲ ပြောခံရတော့ မူဆာဖာ ဒေါသအမျက်ခြောင်းခြောင်းထွက်။ ဒါပေမယ့် သူက ဂျရတ်ကို ဘာမှမပြောဘူး။ ကိုယ့်အဖြစ်ကလည်း မူဆာဖာနဲ့  ထူးမခြားနား။ မဟုတ်မခံ ဆတ်ဆတ်ကျဲ စန်းထွန်းကတော့ မူဆာဖာလို ငြိမ်ခံမနေဘူးဗျ။ သွားချဲပစ်လိုက်တယ်။ မန်နေဂျာကိုပါ သွားတိုင်ပစ်လိုက်တယ်။ ကိုယ်မှန်လို့ ကတော့ ဘူလီ လာမလုပ်နဲ့ ။ လုံးဝ ခံဘူး။ ခုတော့ ဂျရတ်တယောက် စန်းထွန်းကို မော်မကြည့်ရဲဘူး။ အဲ.. ငုံ့ တော့ ကြည့်ရတယ်း ) ။



အိမ်ရှင်မိဘတွေက လယ်လုပ်ကြတာမို့  သူတို့ နိုင်ငံက စိုက်ပျိုးနည်းစနစ်ကို စပ်စုကြည့်ပါတယ်။ ဒီနှစ် ဒီလယ်ကွက်မှာ ပြောင်းစိုက်ရင် နောင်နှစ်မှာ မြေပဲ၊ ဝါဂွမ်း အလှည့်ကျ စိုက်ပျိုးနည်းစနစ်ကို သုံးပါတယ်။ လယ်ကွက်ထဲကမြေကို သုတေသနဌာနကို ပို့ လိုက်ရင် မြေဆီလွှာမှာ ဘာဓာတ်တွေ၊ ဘယ်လောက်အချိုးအစား ရှိနေတာမို့ ဘယ်အပင်စိုက်သင့်တယ်လို့  ညွှန်ကြားပါတယ်။ သဘာဝဘေးဒဏ်ကြောင့် အသီးအနှံမအောင်ရင် အစိုးရက ရင်းနှီးစိုက်ပျိုးသမျှ ကျသလောက်ကို ပြန်ပေးပါတယ်တဲ့။ ရှုံးလို့  လယ်သမားတွေ လယ်မစိုက်တော့ရင် ဘယ်သူတွေ စိုက်ပျိုးကြမလဲနော့။ လယ်သမားတွေရဲ့ ထုတ်ကုန်တွေ ဈေးကွက်ထဲမြန်မြန်ဆန်ဆန် ရောက်ဖို့ လည်း ကူညီပါတယ်။ ကုန်စည်စီးဆင်းမှု မကောင်းလို့  အသီးအနှံတွေ ပုပ်သိုးပြီးမှ ဈေးကွက်ထဲရောက်ရင် စိုက်ပျိုးသမျှ အလကားပါပဲ။ စတိတ်က အသီးအနှံတွေက ကြီးပေမယ့်လည်း နူးညံ့တယ်။ ဒီမျိုးစေ့က အရသာ၊ ဒီမျိုးစိတ်က အနံ့ ၊ ဒီမျိုးစိတ်က ရောဂါခံနိုင်မှု အကောင်းဆုံးဆိုတာတွေယူပြီး မျိုးစိတ်ကို ပြုပြင်ပါတယ်။

မွှေးထုံအီလို့  ပျားပိတုန်းတကောင်က ဝတ်ရည်သောက်သုံးလို့ 


သမ္မတရွှေးကောက်ပွဲအတွက် အမေရိကန်တဝှမ်း မဲဆွယ်ပွဲတွေ ပြင်းထန်နေပါတယ်။ ရီဘာပလင်ကန် သမ္မတလောင်း ရွမ်နီနဲ့  ဒီမိုကရက်တစ် လက်ရှိသမ္မတ အိုဘားမားတို့  စကားစစ်ထိုးပွဲတွေ၊ သူတို့  သမ္မတဖြစ်ရင် ချမှတ်မဲ့ စီးပွားရေး၊ နိုင်ငံရေး ပေါ်လစီတွေ၊ ပြိုင်ဘက်ရဲ့အမှားတွေထောက်၊ သာသာနဲ့ နှာနှာလေးနှက်ကာ မဲဆန္ဒရှင်တွေကို ဆွဲဆောင်နေပါတယ်။ မဲအရေအတွက်က သိပ်မကွာနိုင်တော့ အကြိတ်အနယ် ရှိလှပါတယ်။ တိုင်းပြည်ရဲ့အနာဂတ်ဆိုတော့ အမေရိကန်ပြည်သူတွေလည်း စိတ်ဝင်တစားရှိလှပြီး ပြည်သူတွေကို အကောင်းဆုံးလုပ်ပေးနိုင်မယ်ထင်တယ့် သမ္မတကို ရွေးချယ်ကြတော့ပါမယ်။



ရီဘာပလင်ကန် အမာခံ တက္ကဆက်က လာတယ့် အိမ်ရှင်က အရင်က အိုဘားမားကို မဲပေးခဲ့ပေမယ့် ခုတော့ ရွမ်နီတဲ့။ သမ္မတရွှေးကောက်ပွဲဆိုတာ မမြင်ဘူးတဲ့ စန်းထွန်းတယောက် စတိတ်မှာ မဲပေးခွင့်မရှိပေမယ့်လည်း သမ္မတလောင်းတွေ အကြိတ်အနယ်မဲဆွယ်ကြတာ နားဆင်ရင်း တို့ ရွှေမြန်မာပြည်ကြီးလည်း တနေ့ နေ့တော့...

စန်းထွန်း
အောက်တိုဘာ ၂၈၊ ၂၀၁၂။

17 comments:

စံပယ်ချို said...

သူ့ရာသီနဲ့သူ အပင်လေးတွေကြည့်ရတာပဲ
စန်းထီန်းဆီလာရတာ ကျေနပ်ပါပြီ
သဘောကျတယ် အဲလိုအပင်တွေကိုလေ
မဲပေးခွင့်ရှိတာပဲ သွားပေးလိုက်ပါဒါလဲဗဟုစုတတမျိုးရ
တာပဲလေနော် နောက်ပြီးပိုစ့်လေးလဲရေးပေါ့
ဂျက်တိုလဲ သိရတာပေါ့
ချစ်တဲ့ sis jasmine
အာဘွားးးးးးးးးးး

စံပယ်ချို said...

စန်းထွန်းလို့ရေးတာပါ
ညကအိပ်ရေးမ၀လို့ထင်တာပဲ စန်းထီန်းတဲ့
ကိုယ်တိုင်ကြည့်ပြီးရယ်လိုက်ရသေးတယ်

ချော(အစိမ်းရောင်လွင်ပြင်) said...

လှလိုက်တဲ့ ရာသီပါလားစန်းထွန်းရယ်
ဒီရှုခင်းမျိုးသာ ဦးကြင်ဥတို့ နတ်ရှင်နောင်တို့ တွေ့လိုက်ရင် ကဗျာစပ်၊ ရတုတွေ စပ်လို့ ကောင်းလိုက်မဲ့ဖြစ်ချင်း..
အဲဒီမြင်ကွင်းလေးတွေ မျက်စိနဲ့ ကိုယ်တိုင်မြင်လိုက်ချင်တာ..
ခုတော့ ပုံတွေဘဲ ကြည့်နေရတယ်။
စန်းထွန်းတောင် ကိတ်မုန့် အောင်မြင်သွားပြီ တို့မှာ မုန့်ဖုတ်မယ်ပြောနေတာ နှစ်နဲ့ချီနေပြီ
ခုထိ မစရသေးဘူး :P

ပန်းချီ said...

စုံတကာစိနေအောင် ဖတ်ရတာအားရလိုက်တာ စန်းထွန်းရေ..အလကားရတာတွေကို လက်မလွှတ်တတ်တာတော့ ကိုယ်နဲ့တူနေပြီ :D အပင်လေးတွေလည်း တကယ်လှ :)

ညိမ်းနိုင် said...

ကိတ်မုန့်ဖုတ်ရာကနေ အလုပ်အကြောင်းရော၊ကာကွယ်
ဆေးရော၊စိုက်ရေးပျိုးရေးအကြောင်ရော....၊နောက်ဆုံး
အမေရိကန်သမ္မတရွေးကောက်ပွဲနဲ့ ဂိတ်ဆုံးပါလေရော
လား....:))))။အဲ့လို အစုံသုတ်လေးတွေကို သဘောကျ
သဗျ...၊ဘာလို့ဆို ကိုယ်မရောက်ဖူးတဲ့နေရာက အကြောင်း
လေးတွေကို စုံစုံလင်လင်လေးသိရလို့....။ပြီး ပန်းပင်လေး
တွေကလည်း လှမှလှဗျား....။

မမိုး said...

စန်းထွန်း အမြန်ဆုံး အလုပ်ရှာတွေ့ပါစေ.....

sosegado said...

အဆင်ပြေပါစေ ဆုတောင်းပေးပါတယ်

ညီလင်းသစ် said...

တစ်ပုဒ်ထဲနဲ့ သိလိုက်ရတာတွေ အများကြီးပဲ..၊ ဆောင်းဦးပေါက်ကတော့ ဘယ်နေရာ ကြည့်လိုက်၊ ကြည့်လိုက် ရောင်စုံရွက်ကြွေတွေနဲ့ လှတယ်နော်..၊ H1B ပေးတဲ့ အလုပ်နဲ့ တွေ့ပါစေလို့ ဆုတောင်းပေးပါတယ် ညီမရေ...။

Anonymous said...

ဆက်ကိုဖတ်ချင်နေတာစန်းထွန်းရေ..း)
ကိတ်မုန့် လေးတစ်ယောက်ထဲဆိုတော်တော်စားယူရမယ်နော်။
အမြန်ဆုံးအလုပ်ရပါစေလို့ ......
မမအိုင်အိုရာ

san htun said...

ဂျက်
ဒါ သက်သက်မဲ့..း)

မချော
ဒီလို လှပတယ့်ရာသီမှာ ကဗျာဆရာတွေဆီက ကဗျာလှလှလေးတွေ ထွက်လာမှာ သိပ်သေချာတာပေါ့..ကဗျာမွဲလှတယ့် စန်းထွန်းခမျာမှတော့..

မပန်းချီ
အဖော်ရှိတော့ အားရှိတာပေါ့ ခင်ည..

ကိုညိမ်းနိုင်
အစုံသုတ်တဲ့..ဟင်း တူများကို..

မမိုး၊ ကိုဆိုဆီ၊ ကိုညီလင်းသစ်
တောင်းပေးတယ့်ဆုနဲ့  အမြန်ပြည့်စေဗျား

မမအိုင်အိုရာ
တပတ်တောင် မခံပါဘူးခင်ညာ..သာမီးက အဲဒီိလို အစားအသောက်ပျက်၊ အစားနည်းတာ..း)

ဟန်ကြည် said...

ဘလော့ရွာ နဲ့ အဆက်ပြတ်ချက်ကတော့ ရပ်ကွက်ထဲမှာဗျာတောင် အပိုင်း ၁၅ ရောက်သွားပါပကောလား...ဦးဟန်ကြည်တို့ ရပ်ကွက်ထဲမှာတော့ ဒီနေ့ သီတင်းကျွတ်လပြည့်နေ့ဆိုတော့ မူးကြ၊ ရွဲကြ၊ ဗြောက်အိုးဖောက်ကြနဲ့ ဆူလို့ ညံလို့ဗျား...

ခေတ်တွေ ခေတ်တွေပြောင်းသွားတော့လည်း ခဏကြုံ၊ ခဏခွဲနဲ့ သံသရာက လည်တာ မြန်လွန်းနေတာပေါ့ စန်းထွန်းရေ... Alvin Toffler ရဲ့ Third wave နဲ့ Future shock ကိုသာ ရှာဖတ်ကြည့်ဖို့ တိုက်တွန်းရတော့မှာပဲ...

စကားမစပ် သူရို့ဆီက ဧရ၀တ်တောင်က ဦးဟန်ကြည်တို့သိတဲ့ ဧ၀ရက်တောင်နဲ့ ခပ်ဆင်ဆင်ရယ်နော်း)

san htun said...

ဆြာဟန်
ဟုတ်ပါ့..ဧဝရက်တောင်လို့ ရေးတာ ဘယ့်လိုဖြစ်ပြီး ဧရဝတ်တောင် ဖြစ်သွားပါလိမ့်..း) ပြင်လိုက်ပြီ ဆြာဟန်..

Anonymous said...

တုတ်ကွေးကာကွယ်ဆေးထိုးတာ စလုံးမှာတော့ ၂၀ ကျော်ကျော်ပဲ GST နဲ့ ပေါင်းလိုက်ရင် ၂၅ ဒေါ်လာလောက်ကျတယ်... ကြိုက်တဲ့ ဆေးခန်းဝင်ထိုးလို့ရတယ်... တနှစ်ခံဆိုပေမယ့် ၂ နှစ်နီးပါးခံတယ် မမ

san htun said...

အမည်မသိ
စလုံးမှာ တုတ်ကွေးကာကွယ်ဆေးထိုးလို့ ရမှန်း မသိခဲ့ဘူး..ပြောပြပေးတာ ကျေးဇူးပါ ခင်ည..အမည်မသိနဲ့  မန့် ပေမယ့်လည်း နာမည်လေးတော့ ချန်ထားခဲ့ပါနော်..နို့ မို့ ကိုအမည်မသိ၊ မအမည်မသိ ခေါ်ရမှာလား မသိ..း)

အလင်းသစ် said...

ဓာတ်ပုံလေးတွေ လှလိုက်တာ... ကိုယ်တွေ ရပ်ကွက်ထဲမှာတော့ဗျာ... ပြောမပြောချင်တော့ပါဘူး... :P :P

san htun said...

မောင်မောင်တယောက် ပျောက်လှချည်လား..ကိုယ်တွေ ရက်ကွက်ထဲမှာတော့ မပြောပါနဲ့ တော့..း)

Angelhlaing(May everybody be happy and healthy! said...

တုတ်ကွေးဆိုလို့ အကိုဆူးသစ်ရေးတဲ့ ပို့စ်လေးနဲ့ ဆပ်စပ်မိသွားတယ် ... ဒါနဲ့ စကားမစပ် ဓါတ်ပုံလေးတွေ လှလိုက်တာ..ရီုက်တဲ့သူတော်လို့ ..နေမှာ..:)