ရက်ကွက်ထဲမှာတော့ဗျာ - ၁၄

ဆောင်းဦးကာလ ရောက်ပြီမို့ သိသိသာသာ အေးလာပါပြီ။ သစ်ပင်တွေကလည်း အဝါရောင်၊ အနီရောင်ပြောင်းလို့ သြကာသလောကတခုလုံး ဝါရွှေနွယ်သွေးခင်းနေပါတယ်။ သာယာလှပသော ဆောင်းဦးကို ရွှေဖရုံးသီးတွေ၊ ရိုးပြတ်တွေနဲ့ ဒီလို ကြိ ုဆိုကြပါတယ်။


ဒီလိုအချိန်အခါသမယမှာ The Lady လို့ တင်စားကြသော ဒီမိုကရေစီအိုင်ကွန် အမေစု စတိတ်ကို ရောက်ရှိလာပြီလို့ စူပါဗိုက်ဆာ ဂျရတ်က သတင်းပေးပါတယ်။ နယူးယောက်၊ ဝါရှင်တန်ဒီစီ၊ ဖို့ဝိန်း၊ လော့အိန်ဂျယ်လစ်မြိ ု့တွေဆီကို အမေစု သွားရောက်မယ်လို့ သိပေမယ့် ကန်တက်ဂီပြည်နယ် လူဝီဗီလ်တက္ကသိုလ်ကို လာရောက်လာမယ်လို့ ဘယ်လိုမှ မျှော်လင့်မထားခဲ့ပါ။ ဗွီအိုအေက သိရချိန်တုန်းက လူဝီဗီလ်မှာ နေထိုင်သော စန်းထွန်းတယောက် ဘယ်နှယ့်နေမလဲလို့ မှန်းကြည့်ကြပါ။

လူဝီဗီလ်ကနေ နှစ်နာရီအဝေးမှာရှိတယ့် လက်စင်တန်မြိ ု့က ကန်တက်ကီတက္ကသိုလ်မှာ နိုဘယ်ဆုရ ဘုန်းတော်ကြီး ဒက်စမွန်တူးတူးနဲ့ အမေရိကန်သမ္မတဟောင်း ဂျင်မီကာတာ လာရောက်ဟောပြောတုန်းက အမေစုအကြောင်း ပြောသွားကတည်းက တွေ့ဖူးချင်နေတာပါလို့ ဂျရတ်က ဆိုပါတယ်။ လူဝီဗီလ်တက္ကသိုလ် မက်ကွန်နယ်စင်တာက နိုင်ငံခေါင်းဆောင်၊ စာရေးဆရာ၊ သမိုင်းပညာရှင်တွေကို ဖိတ်ကြားပြီး မိန့်ခွန်းပြောတယ့် အစဉ်အလာရှိပါတယ်။ Waiting List တင်ထားပေမယ့် အမေစုကို လေးစာကြတယ့် အမေရိကန်တွေ တအားများတာကြောင့် လက်မှတ်ရဖို့ မလွယ်ပါဘူး။



အံမယ် တရုတ်ကြီး ပီတာလည်း အမေစုအကြောင်း သိတယ်။ ပိုက်ပါရဂူ အင်္ဂလိပ်လူမျိုး အဲရစ်ဆင်ကလည်း အမေစုကို သိတယ်။ သူ့လေသံက တခြားအာရှသားတွေနဲ့မတူ  ဘိလပ်သံ ပီသလို့တဲ့။ တို့များလို ငါးပိလေသံ မဟုတ်ဘူး သူ့မိန့်ခွန်းတွေများ နားထောင်ရတာ သိပ်ကောင်းသဗျား။ နိုင်ငံရေး စိတ်မဝင်စားတယ့် စီနီယာ ဝီလီယမ်ဂရင်းရယ် မန်နေဂျာဟောင်း ဒေးဗစ်ရှနယ်က မသိပေမယ့် မန်နေဂျာသစ် ကယ်လီဖနယ်လီကတော့ သိတယ် နေအိမ်အကျယ်ချူပ် ၁၅နှစ် ကျတယ့် အမျိုးသမီးတဲ့။ ကန်တက်ကီတက္ကသိုလ်မှာ သမ္မတဟောင်း ဘီလ်ကလင်တန် လာပြောတုန်းက ကန်တက်ကီတက္ကသိုလ်ကျောင်းသား သူ့သူငယ်ချင်းတွေဆီက လက်မှတ်ရတာမို့လို့ လူဝီဗီလ်တက္ကသိုလ်ကျောင်းသားအသိရှိရင် လက်မှတ်ရနိုင်ပါတယ်တဲ့။ ရုံးထဲ လူဝီဗီလ် တက္ကသိုလ်ကျောင်းသားရှိမရှိ မောင်းထုရမယ့်ပုံပဲ။ လက်မှတ်ရဖို့ အခွင့်အရေးနည်းလို့ ဖို့ဝိန်းကိုသာ ချီတက်ပါတဲ့။

အရင် ရက်ကွက်ပို့စ်တွေတုန်းက မြိ ု့ခံပြိ ုင်ဖက်နှစ်သင်းဆိုပြီး ဖြီးထားတာ အမှန်က တပြည်နယ်ထဲက တက္ကသိုလ်ပြိ ုင်ဖက်တွေ ပိုမှန်ပါတယ်။ CARDINALS အတိုကောက် CARDS လို့ ခေါ်ကြတယ့် အနီရောင်အသင်းက University of Louisville  (UofL) လူဝီဗီလ်တက္ကသိုလ်အသင်းဖြစ်ပြီး WILDCATS အတိုက်ကောက် CATS လို့ခါ်ကြတယ့် အပြောရောင်အသင်းက  University of Kentucky  (UK ) ကန်တက်ကီတက္ကသိုလ်အသင်းပါ။ တက္ကသိုလ်ပေါင်းစုံ ဘက်စကက်ဘောပြိ ုင်ပွဲမှာ UK က ချန်ပီယံပါ။ ဘက်စက်ဘောရာသီချိန်ဆို တမြိ ု့လုံးရဲ့ အိမ်တွေ၊ ကားတွေမှာ အနီရောင်၊ အပြာရောင်အလံလေးတွေ ပလူပျံနေတတ်ပါတယ်။
တကယ် ေဆာ်မဲ့ပံု...:)

ဖို့ဝိန်းကို လှမ်းမေးတော့ အကြီးဆုံးခန်းမကြီးကို ငှားထားပြီး ဝင်ခွင့်ဖရီးပါတယ့်။ ကိုယ့်မြိ ု့ကို လာရဲ့သားနဲ့ တွေ့ဖို့ခက်လို့ ဖို့ဝိန်းမှာ သွားတွေ့ရတယ့်အဖြစ်။ အမေစုကို တီဗွီမှာ မြင်ဖူးပြီး အပြင်မှာ တခါမှ မမြင်ဖူးဘူး။ တခါလောက်တော့ မျက်စိနဲ့ တပ်အပ်မြင်ဖူးချင်တယ်။ ကန်တက်ဂီပြည်နယ် လူဝီဗီလ်ကနေ မြောက်ဖက်စူးစူး အင်ဒီယားပြည်နယ် ဖို့ဝိန်းအထိ မိုင် ၂၅၂မိုင်ဝေးပြီး ၄နာရီခွဲ မောင်းရမှာပါ။ ဘတ်ဂျက်မရှိလို့ ရှေ ့လက အလုပ်ဖြ ုတ်ခံရတယ့် ရာမားလည်း ဝါရှင်တန်ဒီစီဖက်မှာ အလုပ်ရလို့ အလုပ်သစ်မတက်မှီ ကြားနှစ်ပတ်ကာလ စင်စင်နာတီက ဆူနမ်ဆီကို ရောက်နှင့်နေပါတယ်။ စက်တင်ဘာ ၂၂  စနေနေ့ စာမေးပွဲပြီးတာနဲ့ အိုဟိုင်းရိုးပြည်နယ် စင်စင်နာတီကို ချီတက်ပါတယ်။

စာမရတာရယ်၊ အလုပ်ပင်ပန်းတာရယ်ပေါင်းပြီး စာမေးပွဲခန်းမမှာ ဆူနမ်က အန်လို့တဲ့။ ရာမားရှိနေလို့သာပါပဲ။ တယောက်တည်း မေ့လဲနေရင် ဒုက္ခ။ တွေ့တိုင်း ကျန်းမာအောင်နေ၊ အားရှိအောင်စား၊ ကိုယ့်ကိုကိုယ် ဂရုစိုက်ဖို့ မှာရတာ။ ကိုယ်လည်း အတူတူပါပဲ။ အလုပ်တဖက်နဲ့ စာလုပ်ရတော့ အနားကပ်ပြီး တွန်းပေးမယ့် ပရက်ဖော်ဆာ မရှိ။ စာမေးပွဲနီးမှ အသည်းအသန်ခဲမှန်ကြတော့ စိတ်ဖိစီးကြတာပါပဲ။


ဝါရှင်တန်ဒီစီက လုံခြံ ုမှုမရှိဘူးလို့ ဆူနမ်တို့က ဆိုပါတယ်။ ညဖက်အပြင်ထွက်လို့ လမ်းသရဲလေးတွေက ပိုက်ဆံတောင်းလို့ ပိုက်ဆံမပေးရင် လူကို အန္တရယ်ပေးတယ်တဲ့။ နောင်နှစ်တော့ ဒီစီသွားတောလားဖြစ်မယ် ထင်တယ်။ မွန်၊တမီးလ်ဒုက္ခသည်မိသားစုက အကိုကြီး ၇နှစ်အရွယ်သူ့သားလေးကို ကုန်စုံဆိုင်ရှေ့ ခဏစောင့်နေခိုင်းပြီး ကုန်စုံဆိုင်ထဲ မေ့ကျန်နေတယ့် ပစ္စည်းဝင်ဝယ်ပါတယ်။ ငါးမိနစ်တောင်မကြာ ပြန်ထွက်လာတော့ ရဲက စောင့်နှင့်နေပါတယ်။ ကလေးတွေအနီးမှာ မိဘတွေမရှိလို့ ticket ပေးသွားပါတယ်။ ရုံးကို သွားမေးတော့ ဒဏ်ငွေဆောင်မလား၊  အမေရိကန်ဥပဒေတိုင်း ထိန်းကျောင်းနည်းသင်တက်မလားမေးတော့ အလုပ်ပျက်မခံချင်လို့ ဒဏ်ငွေဆောင်လိုက်ပါတယ်။

မနက်ရုံးသွားရင် ဟိုင်းဝေးအမြန်လမ်းမှာ မိုင်၈၀နဲ့ မောင်းတတ်တယ့် စန်းထွန်းကို ၇၅မိုင်လောက်ပဲ မောင်းဖို့ ပီတာနဲ့ဝီလီယမ်ဂရင်းက သတိပေးပါတယ်။ ပထမဆုံးတစ်ကဒ်ထိရင် ဒဏ်ငွေက ၃၀၀လောက်ဆောင်ရနိုင်ပါတယ့်။ ကားလေးပွတ်မိတာလေးကို ၉၀၀ ပေးလိုက်ရတယ့် စန်းထွန်းတယောက် ဒဏ်ငွေဆိုတာ တကယ်လန့်ပါတယ်။ အာမခံကို သုံးလိုက်ရင် တလငါးဆယ်တက်ပြီး သုံးနှစ်ပေးရမှာမို့လို့ ကိုယ့်ဘာသာပေးလိုက်တာ အကောင်းဆုံးလို့  ဝိုင်းအကြံပေးကြတာကြောင့် အာမခံမသုံးလိုက်ပါဘူး။


စန်းထွန်းကားအားမခံက ဈေးအနည်းဆုံးကို ဝယ်ထားလို့ ဘာမှcoverသာ မဖြစ်တာ တလတရာ ပေးရသဗျား။ ကားမောင်းလိုင်စင်က တနှစ်အောက်ဖြစ်တာရယ်၊ ပထမဆုံး ကားအာမခံဖြစ်တာရယ်၊ ကန်တက်ကီပြည်နယ်ရဲ့ အကြီးဆုံးမြိ ု့ဖြစ်တာရယ်ကြောင့် ဈေးကို ကြီးတာပါ။ စန်းထွန်းအာမခံကို ဝိုင်းဖတ်ကြပြီး စန်းစန်း သိလား နင့်အာမခံက သူများကားကို သွားတိုက်မိရင်၊ အဆောက်အဦးတံခါးတို့၊ ချုံပုတ်တို့ကို သွားတိုက်မိရင် အာမခံက လျှော်တယ်ဟ။ တူရကီလေး မူဆာဖာ မိုးသီးကြွေချိန်တုန်းက သူ့ကားအမိုး မဆိုသလောက်လေး ချိုင့်သွားတာ အာမခံဆီက လျှော်ကြေးရတယ်။ Collision ဟုခေါ်ကြသော ထိုအရာ ကျွနု်ပ်အာမခံတွင် မပါ။

နာမည်ဆိုးဖြင့် ကျော်ကြားသော တန်နက်စီပြည်နယ် မန်ဖစ်မြိ ု့တွင် နေထိုင်သော အတန်းဖော် ဘင်္ဂလားဒေ့ရှ်လူမျိုး ဆိုင်ဖူးတယောက် ညဖက်ကားမောင်းရင်း သတ်မှတ်ထားတာထက် ပိုမောင်းမိလို့ ရဲက ဖမ်းပြီး တစ်ကဒ် ၂၀၀ ရေးပါတယ်။ ယာဉ်မောင်းလိုင်စင်မှတ်နေချိန် ကားရှေ့မီးသီး ပျက်နေတာတွေ့လို့ ဒဏ်ငွေ ၁၀၀ ထပ်တိုးလိုက်တယ်။ မီးဖွင့်လိုက်တော့ ကလေးက ကလေးထိုင်ခုံမှာ ခါးပတ်လည်း မပတ်၊ ထိုင်လည်းမနေဘဲ ကြမ်းပြင်မှာ ဆော့ကစားနေတာ တွေ့လိုက်ရတဲ့ခဏ...တရားရုံးကိုသာ တန်းသွားပါတဲ့။ ဆိုင်ဖူးခမျာ ရှေ့နေငှားကာ ထုချေရင်း တရားစွဲခံနေရလေရှာသည်။ ကုန်လိုက်သည်မှာ သောက်သောက်လဲ။ ဆူနမ့်ဆီက သတင်းကြားလိုက်ရတယ့် ခဏ စန်းထွန်းတကောင် တသောသောနဲ့ ရယ်မောလို့။ ကိုယ်သာ ဆိုင်ဖူးနေရာမှာသာဆိုရင် ရယ်မောနိုင်မယ် မထင်။


တနင်္ဂနွေနေ့လည်မှာတော့ အိုဟိုင်းရိုးပြည်နယ် စင်စင်နာတီကနေ မိုင်၂၀၀ ၃နာရီခွဲ မောင်းရတယ့် အင်ဒီယားနားပြည်နယ် ဖို့ဝိန်းဆီ ချီတက်ပါတယ်။ ဟိုင်းဝေးလမ်းတွေရဲ့ အမြန်လမ်းတွေမှာ မိုင်ကုန်မောင်းကာ၊ တချို့မြိ ု့ငယ်လေးရဲ့ မြိ ု့လယ်ကောင်ကို ဖြတ်ကာ၊ ဟိုင်းဝေးလမ်းတွေ ချိတ်ဆက်ထားတဲ့လမ်းတွေမှာ ကားတစီးတလေမှတောင် မတွေ့ဘဲ တစီးတည်း ထီးထီးကြီး မောင်းကာ၊ ရိတ်သိမ်းထားတဲ့ ပြောင်းဖူးလှိုင်းတွေ၊ ရိုးပြတ်ဝါတွေ၊ ရောင်စုံခြယ်ထားတဲ့ သစ်ပင်တွေကို ဖြတ်သန်းကာ ခရီးနှင်ပါတယ်။

မစားရတာကြာပြီဖြစ်တဲ့ ချဉ်ပေါင်ကြောင်၊ ဘာလချောင်ကြော်၊ ငါးပိထောင်း၊ ခရမ်းချဉ်သီးငါးပိချက်၊ ဆိတ်သား၊ ငါးသလောက်ပေါင်းတွေ ဝယ်ပါတယ်။ ရွှေပန်းပွင့်တံဆိပ် စွန်တန်၊ ချဉ်ဇော်ခါးသီး ရယ်ဒီမိတ်ထုတ်ကို ရေနွေးနဲ့ ဖျော်တာတောင် အမေရိကန်တွေက ပိုးကောင်နံ့ ရပါသတဲ့။ သစ်တိုသီးငါးပိချက်ကိုလည်း အကောင်သေလို့ ပုပ်နံ့ရသလိုတဲ့။ ငါးပိထည့်ချက်တယ့်နေ့က ဆူနမ်က နံ့လို့ပါတဲ့။ ရယ်ဒီမိတ် မုန့်တီချက်တာ အနံ့ဆိုးတယ်တဲ့။ ရုံးကို ပုဇွှန်ကြော်ယူသွားတာ အနံ့ရှိလို့ မိုက်ခရိုအပူပေးပြီး ချက်ချင်းဖွင့် မစားသေးဘဲ ငါးမိနစ်လောက်ထား အေးသွားတော့ အနံ့သိပ်မထွက်ဘူး ဒီတော့မှ စားတဲ့ တရုတ်ကြီး ပီတာက။ အမေရိကန်တွေက အနံ့တော်တော် sensitive ရှိတယ်။ ကျောင်းစရောက်ရောက်ခြင်း အမေရိကန်ယဉ်ကျေးမှု သင်ခန်းစာ သင်ရစဉ်တုန်းက အင်တာဗျူးမှာ အရည်အချင်းတူနေရင် လက်မြောက်ခိုင်းပြီး အနံ့မနံတယ့်သူကို ရွေးတယ်ဆိုတဲ့ ကာတွန်းလေးကို သွားသတိရတယ်။ အဲဒါ အမှန်ဗျား။


အိမ်ရှင်အမေရိကန်မက UofL မှာ မိန့်ခွန်းပြောနေတယ့် လေဒီကို တီဗွီမှာ တွေ့လိုက်တယ်။ Great Job ! ဆိုပြီး မတ်ဆေ့ပို့လာပါတယ်။  စက်တင်ဘာ ၂၅ မနက်မှာတော့ ဖို့ဝိန်းမြိ ု့ခံတွေသာမက အနီးအနားပြည်နယ်ကနေ ချီတက်လာကြတယ့် လူတွေဟာ အမေစုကို ကြိ ုဆိုဖို့ Memorial Coliseum Hall ကို စုဝေးကြပါတယ်။ ထောင်နဲ့ချီတယ့် မြန်မာတွေဟာ မနက်၉နာရီမတိုင်ခင်ကတည်းက ရောက်ရှိနေကြပါတယ်။ အမေစုကို လေးစားကြတယ့် အမေရိကန်အများအပြား တက်ရောက်ပါတယ်။ ဖို့ဝိန်းမြိ ု့တော်ဝန် Tom Henry၊ ဆီးနိတ်တာ အမတ် Dan Coats၊ ပါဒူးတက္ကသိုလ်က Vicky Carwein တို့က အမေစု မိန့်ခွန်းမပြောခင် နှုတ်ခွန်းဆက်စကားဆိုပါတယ်။

မိန့်ခွန်းပြောပြီး မေးထားတာတွေ ဖြေဆိုပါတယ်။ စကားလုံးတိုင်းဟာ အမျှော်အမြင်ကြီးမှု၊ ညဏ်ပညာတွေ ပြည့်ဝပါတယ်။ ဒါကြောင့်လည်း နိုင်ငံတကာက လေးစားမှုကို ခံရတာ။ လူတယောက်ကို လူဆိုး၊ လူကောင်း၊ လူတော်ဆိုတာထက် သင်ယူလို့ရတယ့်သူရယ်၊ သင်ယူလို့မရတယ့်လူရယ်လို့ပဲ မြင်ပါတယ်တဲ့။ ကိုယ်ရောက်ရှိတယ့်နေရာမှာ တတ်နိုင်သလောက် သင်ယူဖို့။ ကိုယ့်ကိုစောင့်ရှောက်ထားတယ့်နိုင်ငံကို ကျေးဇူးသိဖို့၊ ကိုယ်စွမ်းအား၊ ညဏ်စွမ်းအားတွေ ထည့်ဝင်ဖို့၊ အမေရိကန်နိုင်ငံသားခံယူထားပေမယ့် မြန်မာဆိုတာ ဖြတ်တောက်မှာ မဟုတ်တယ့်အကြောင်း၊ နိုင်ငံခြားမှာ နေပေမယ့်လည်း အမိနိုင်ငံတော် ဘက်စုံဖွံ့ဖြိ ုးတိုးတက်ဖို့ ကိုယ်ကွျှမ်းကျင်တယ့်ဘာသာရပ်တွေနဲ့ ကိုယ်တတ်စွမ်းနိုင်သလောက် အကျိုးပြ ုဖို့။


နိုင်ငံရေးမှာ အမြတ်ထုတ်ချင်တယ့် လူတွေကိုတော့ နိုင်ငံရေဆိုတာ လူထုအကျိုးဖြစ်တာကြောင့် နာမည်ကြီးချင်လို့ လုပ်တာမလုပ်ဘဲ လူထုအတွက်ဖြစ်ရမယ်။ မလုပ်ချင်လည်း လုပ်ရမယ်၊ ဆုံးရှုံးသွားလည်း လုပ်ရမယ်၊ ချီးမွမ်းတာလည်း ခံရမယ်၊ ကဲ့ရဲ့တာလည်းခံရမယ်၊ ဝေဖန်ခံရမယ်၊ ကိုယ့်လိပ်ပြာကို လိပ်ပြာခုံရုံးမှာ စစ်ဆေးခံနိုင်ရမယ်တဲ့။ ရခိုင်အရေး၊ ကချင်အရေးမှာ မဝေဖန်တဲ့အတွက် သူ့ကို ဝေဖန်မယ်ဆိုရင် ခံယူဖို့အသင့်ပါတဲ့။ တဖက်ကို ပြင်းပြင်းထန်ထန် ဝေဖန်ရှုံ့ချရင် ပြသနာတွေ ကြီးလာမယ်။ ညှိနှိုင်းဆွေးနွေးအဖြေရှာရမယ်။ လုပ်ရဲတာ သတ္တိမဟုတ်ဘူး။ ခံရဲမှ သတ္တိတဲ့။ ဘယ်နေရာရောက်ရောက် ကိုယ့်ယဉ်ကျေးမှု၊ ဘာသာစကားကို မမေ့ကြဖို့ မှာပါတယ်။

နိုင်ငံရပ်ခြားသွားကြမယ့် မြန်မာတွေကို မှာဖို့စကားများများ မရှိပါဘူး။ ကြိ ုးစားဖို့၊ သင်ယူဖို့နဲ့ ညီညွှတ်ကြဖို့။ အမေစု ဒီစကားပြောတော့ အမေစုကြိ ုဆိုရေးအဖွဲ့ ဖွဲ့တာတောင် နှစ်ဖွဲ့ကွဲတယ့် ရွှေမြန်မာတွေ ရယ်လိုက်ကြတာ မှန်လိုက်တာဆိုပြီးတော့လေ။ မြန်မာစကားပြောတတ်ပြီး မြန်မာစာမရေးတတ်လို့ သူ့အစ်မကို ရေးခိုင်းရတယ်ဆိုတယ့် သမီးလေးရဲ့ မေးခွန်းကို ဖတ်ရတော့ မိဘတွေ ပြန်မေးလိုက်လေ သမီးကို ဘာလို့မြန်မာစာ မသင်ပေးသလဲလို့ဆိုတော့ အားလုံးပွဲကျကြတယ်။ အနာဂတ်ရဲ့မျိုးဆက်သစ်တွေ မြန်မာစာတတ်အောင် မြန်မာအင်အားများတယ့် ဖို့ဝိန်းလိုနေရာမျိုးမှာ မြန်မာစာသင်ကြားရေးကျောင်းတွေထောင်ဖို့ တိုက်တွန်းပါတယ်။

အမေစုနဲ့ ဓာတ်ပုံတခါလောက် တွဲရိုက်ချင်ပေမယ့် လူတိုင်းကလည်း တွဲရိုက်ချင်နေတာ။ ခုလို အဝေးကနေ မြင်ပြီး မိန့်ခွန်းနားထောင်ရတာကိုက ဟုတ်လှပြီ။ အဲဒီနေ့ကတော့ မြန်မာဝတ်စုံ ဝတ်လေ့ဝတ်ထမရှိသော စန်းထွန်းတယောက် မြန်မာဝတ်စုံကို နှစ်သက်မြတ်နိုးစွာ ဝတ်ဆင်နေခဲ့သည်။ လက်ကမ်းစာစောင်ထဲက အမေစုအကြောင်းကို ဖတ်ချင် ဖတ်လို့ရအောင် ကူးပေးလိုက်ပါတယ်။

စန်းထွန်း
စက်တင်ဘာ ၂၉၊ ၂၀၁၂။

Aung San Suu Kyi

Aung San Suu Kyi was elected in April 2012 as a Member of Parliament in the Burmese national government. She also serves as the Chairperson and General Secretary for the National League of Democracy in that country.

The daughter of General Aung San, founder of the Burmese army and a principal in the negotiations for Burmese independence from Britain, Aung San Suu Kyi was among the leaders of the democracy movement in Burma in 1988 and was one of the founders of the National League for Democracy that year. She was placed under house arrest by the ruling junta in 1989 and remained in custody until being released in 2010.

In her 2010 book Freedom from Fear, Aung San Suu Kyi asserts, "It is not power that corrupts but fear. Fear of losing power corrupts those who wield it and fear of the source of power corrupts those are subject to it." In that same work, she observes, "If ideas and beliefs are to be denied validity outside the geographical and cultural bounds of their origin, Buddhism would be confined to north India, Christianity to a narrow tract in the Middle East and Islam to Arabia." She has also offered the hopeful suggestion that "we will surely get to our destination if we join hands."

Aung San Suu Kyi earned her bachelor's in Philosophy, Politics and Economics from St. Hugh's College, Oxford and her doctorate in Oriental and African Studies at the University of London. She has received international recognition for her efforts on behalf of democracy in Burma including the Nobel Peace Prize. Last week she received the Congressional Gold Medal. Perhaps the most meaningful of the honors in that Burmese people refer to her as Daw Aung San Suu Kyi, using the title of respect and honor bestowed on women of importance in their family and their culture.

ရက်ကွက်ထဲမှာတော့ဗျာ - ၁၃

သူများတွေ လွယ်လွယ်ကူကူ ကားမှတ်တင်နိုင်ပေမဲ့ ပင်ပန်းမဲ့ဇာတာပါသူ စန်းထွန်းတယောက်ကတော့ Jefferson Country ရုံးကို ၆ခေါက်တိတိသွားပြီးမှ မှတ်ပုံတင်နိုင်ခဲ့လေတယ်။ ဆူနမ်နဲ့ မိုင်းဖန်ကို မနက်ဖြန် ငါ ကားမှတ်ပုံတင် သွားလုပ်မယ်ဆိုတော့ စာရွက်စာတမ်းတွေ စုံပြီလား မေးရာက ဇာတ်လမ်းစပါတယ်။ ငါ့မှာ ဘယ်သူကနေ ဘယ်သူ့ကို ရောင်းတယ်ဆိုတဲ့ စာချုပ်(စတိတ်မှာ Title တိုင်တယ်ဟု ခေါ်သည်) ရှိတယ်ဆိုတော့ အရင်ပိုင်ရှင်က လက်မှတ်ထိုး နိုတရီလုပ်ထားသလားတဲ့။ အမ်..ပိုင်ရှင်လက်မှတ်ပဲ ထိုးထားတယ်။ နိုတရီမလုပ်ထားဘူးဟ။

စန်းစန်း နင်မှတ်မိလား ကျောင်းမှာ နင်ကားဝယ်တုန်းက အရောင်းအဝယ်စာချုပ်မှာ ဂင်္ဂါက အရင်ပိုင်ရှင်။ ဂင်္ဂါကိုယ်တိုင်လိုက်ပြီး တိုင်တယ်မှာ လက်မှတ်ထိုးပေးရတာ။ ဂင်္ဂါမပါဘဲ နင့်ကို ရောင်းမယ်ဆိုရင် ဘဏ်ကို သွားပြီး ဂင်္ဂါက ငါ့ကို ရောင်းဖို့ တာဝန်လွှဲအပ်တယ်ဆိုတဲ့ စာချုပ်ကို လက်မှတ်ထိုးပြီး နိုတရီလုပ်ရတယ်။ စတိတ်မှာတော့ ဘဏ်ကိုသွားပြီး အိုင်ဒီပြ စာချုပ်ပေါ်က နာမည်နဲ့၊ အိုင်ဒီက နာမည်တူမတူ ဘဏ်ကစစ်၊ သူတို့ရှေ့မှာ လက်မှတ်တိုး၊ ဘဏ်က နိုတရီတံဆိပ်တုံးထုပေးပြီး နိုတရီလုပ်နိုင်ပါတယ်။ ကိုယ်အကောက်ဖွင့်ထားတဲ့ဘဏ်တွေဆိုရင် အခမဲ့ နိုတရီလုပ်ပေးပြီး တခြားဘဏ်ဆိုရင်တော့ ၂ဒေါ်လာ ပေးရပါတယ်။

အဲဒီတော့မှ ဂင်္ဂါမပါဘဲ ငါ နင့်ကို ရောင်းလို့ရပြီး တိုင်တယ်မှာ လက်မှတ်ထိုးလို့ရတယ်။ ပိုင်ရှင်ကိုယ်တိုင်ပါရင် နိုတရီမလုပ်ဘဲ မှတ်ပုံတင်လို့ရတယ်။ ပိုင်ရှင်မပါရင်တော့ နိုတရီလုပ်ရမယ်။ ကန်တက်ဂီပြည်နယ် ဂျက်ဖာဆန်ရုံးဆိုဒ်ကို ဝင်ကြည့်တော့ မှတ်ပုံတင်ဖို့ တိုင်တယ်ရယ်၊  ရောင်းသူ၊ ဝယ်သူ နှစ်ဖက်စလုံးက လက်မှတ်ထိုးပြီး နိုတရီလုပ်ထားတဲ့ Application For Kentucky Certificate of Title or Registration Form ရယ်၊ အာမခံရယ် လိုအပ်ပါတယ်။ ဒီတော့ တိုင်တယ်ကို အင်ဒီယားနားပြည်နယ်ကို ပြန်ပို ့။


သူ့နာမည်အမည်ပေါက်ဆိုရင် ချက်ချင်းလုပ်ပေးလို့ ရပေမဲ့ ကားဝယ်ပြီး တိုင်တယ်မချိန်းထားတော့ သူကိုယ်တိုင် သွားလုပ်ပေးလို့မရ။ အရင်ပိုင်ရှင်က လုပ်ပေးမှ ရမှာပါ။ ကံကောင်းတာက အရင်ပိုင်ရှင်က အဲဒီမြိ  ု့မှာပဲ ရှိနေသေးတာပါ။ အကယ်လို့များ တခြားပြည်နယ်ကို ပြောင်းသွားပြီး လိပ်စာမသိခဲ့ရင်...။ ကားဝယ်ပြီးတာနဲ့ ကိုယ့်အမည်ပေါက်လုပ်ထားတော့ ကိုယ့်ကြိ ုက်တဲ့အချိန် ရောင်း။ ရုံးဖွင့်ချိန်မှာ သွားပြီး တိုင်တယ်နိုတရီလုပ်ပေးဖို့ကို သူ့အလုပ်အားချိန်မတိုက်တော့ အဆင်မပြေပြန်ဘူး။

ရောင်းသူလက်မှတ်ထိုး၊ ဝယ်သူနေရာမှာ စန်းထွန်းရဲ့ အချက်အလက်တွေဖြည့်ပြီး နိုတရီထုပေးခွင့်ရှိတဲ့ ဘုန်းဘုန်းက တံဆိပ်တုံး ထုပေးလိုက်တယ်။ အမေရိကန်တွေဆီမှာ ဒီလိုလုပ်လို့ မရပါဘူး။ မြန်မာ့နည်း မြန်မာ့ဟန်နဲ့ပေါ့။ နိုတရီတံဆိပ်တုံးထုပေးတဲ့သူက တာဝန်ကြီးပါတယ်။

ကိုင်း စာရွက်စာတမ်းတွေ ပြည့်စုံပြီဆိုတော့ မှတ်ပုံတင်ဖို့ ချီတက်စမ်းမယ်။ ရုံးနားက ဂျက်ဖာဆန်ရုံးခွဲလေးမှာ မှတ်ပုံတင်တော့ ကန်တက်ဂီပြည်နယ်က ကားမဟုတ်တဲ့အတွက် အင်စပက်တာဆီမှာ စစ်ဆေးပြီးမှ မှတ်ပုံတင်နိုင်ပါမယ်တဲ့။ အင်စပက်တာရှိတဲ့ ရုံးမှာ သွားအင်စပက်တော့ ဗင်နံပါတ်လို့ အတိုကောက်ခေါ်ကြတဲ့ Vechicle Indentification Number ကားရှေ့မှန်နောက်က ဒက်ရှ်ဘုတ်မှာ မရှိလို့ အင်စပက်လို့ မရပါဘူးတဲ့။ ဗင်နံပါတ်ကို ဘယ်လိုရအောင်လုပ်ရမလဲဆိုတော့ ကန်တက်ဂီပြည်နယ်ရဲ့ မြိ  ု့တော် ဖရန့်ဖွက်က ရုံးဆီကို တိုင်တယ်၊ ကန်တက်ဂီပြည်နယ်ဖောင်၊ အာမခံ ကော်ပီတွေနဲ့အတူ ဗင်နံပါတ်ဘာကြောင့်မရှိတော့ရတဲ့ အကြောင်း စာရေးပြီး နောက်ထပ် ဗင်နံပါတ်အသစ်ထုတ်ပေးဖို့ စာရေးတောင်းရတယ်။


ဗင်နံပါတ်မရှိတော့တာ အရေးကြီးတဲ့ကိစ္စဖြစ်ပါသတဲ့။ အခိုးခံရတဲ့ ကားတွေဆိုရင် ဗင်နံပါတ်ကို ဖျောက်ဖျက်လေ့ရှိတာကြောင့် Stolen Car ဖြစ်နိုင်ပါတယ်တဲ့။ ရုံးကလူတွေရယ်၊ အိမ်ကလူတွေရယ်၊ ဆူနမ်တို့ကို ပြောပြတော့ ကြားရတဲ့သူတိုင်း ခေါင်းကြိမ်းကြတယ်။ အခိုးခံရတဲ့ကား မဟုတ်တာ သေချာပါတယ်။

နှစ်ပတ်ကြာတဲ့အထိ ဘာသတင်းအစအနမှ မရတော့ ချီတက်ရပြန်တယ်။ ဖရန့်ဖွတ်ကရုံးကို ဂျက်ဖာဆန်က ဝန်ထမ်းတွေ ဖုန်းဆက်ပြီး မေးမြန်းရတယ်။ ဖုန်းခေါ်တာ ဆယ့်ငါးမိနစ်လောက် စောင့်ဆိုင်းပြီးမှ ဖရန့်ဖွတ်ရုံးက အကြောင်းပြန်လာပါတယ် ဗင်နံပါတ်အသစ်ကို မနေ့က စာတိုက်နဲ့ ပို့လိုက်ပါပြီ။ နောက်သုံးရက်ဆိုရင် စာတိုက်ပုံးကို စစ်ကြည့်ဖို့ မမေ့ပါနဲ့တဲ့။

စာအိတ်ကို ဖွင့်ကြည့်လိုက်တော့ ဗင်နံပါတ်မတွေ့ရ။ ဂျက်ဖာဆန်ရုံးကို သွားမေးတော့ သူတို့မဆိုင် အင်စပက်တာကို မေးကြည့်ပါတဲ့။ အင်စပက်တာကို မေးကြည့်တော့ သူလည်းမသိဘူး ဂျက်ဖာဆန်ရုံးကို သွားမေးလိုက်ဦးမယ်တဲ့။ တော်သေးတယ် အင်စပက်တာရုံးခန်းလေးက ဂျက်ဖာဆန်ရုံးရှေ့မှာမို့လို့။ ဂျက်ဖာဆန်ရုံးက ပြန်လာတော့ ဗင်နံပါတ်ကို မြိ ု့လယ်ရုံးချုပ်ကြီးမှာ သွားထုတ်ပါတဲ့။ မြိ ု့လယ်..တလမ်းမောင်းလမ်းတွေနဲ့ ကားရပ်ဖို့နေရာရှာရခက်တဲ့၊ ရပြန်ရင်လည်း Parallel Parking ထိုးရတဲ့ မြိ ု့လယ်။

ဘားကုတ်နားက ဗင်နံပါတ်
ဆူနမ်နဲ့မိုင်းဖန်က တညီတညွှတ်တည်းဆိုတယ် ကားမောင်းမသွားပါနဲ့တဲ့။ တက္ကစီသာ စီးပါတဲ့။ အိမ်ရှင်ကို အကူအညီတောင်းတော့ လိုက်ပို့ပေးတယ်။ တလမ်းမောင်းလမ်းတွေနဲ့ အကြွေစေ့ထည့်ပြီး ပါကင်းခပေးရတဲ့ မြိ ု့လယ်ကို ချောချောမောမော ရောက်ပေမဲ့ လမ်းပြင်နေလို့ မြစ်ကိုကျော်ဖြတ်ပြီး တဖက်ကမ်းက အင်ဒီယားနားပြည်နယ်ထဲဝင်ပြီး ကွေ့ပတ်မောင်းခဲ့ရလေတယ်။ ဗင်နံပါတ်အသစ်ရပြန်တော့ နဂိုရှိတဲ့ အပေါက်နဲ့ မတော်လို့ အိမ်ရှင်ဆီက မူလီရယ်၊ ပလာရာတွေတောင်းပြီး တပ်ဆင်ရပြန်တယ်။ မှန်နောက်မှာဆိုတော့ ပလာရာတွေနဲ့မဆံ့ အသေးဆုံးပလာလေးကို အင်အားသုံးပြီး အပေါက်ဖောက်ရတာ တအားခက်တယ်။ ကလေးလက်ဆိုတော့ လူးကပ်လက်က ဆံ့ပေမဲ့ အားကမရှိ။ တနာရီလောက် ခွျှေးတပြိ ုက်ပြိ ုက်ကျ၊ အိမ်မှာရှိတဲ့ ကလေး၊ လူကြီး၊ တက္ကဆက်ကနေ အလည်ရောက်နေတဲ့ ကလေးတွေအဘွားပါ သူယူလာတဲ့ အပ်ချုပ်စက် ပလာယာတွေနဲ့ တော်လိုတော်ညား ရှာပေးနဲ့ အိမ်ရှိလူကုန် အလုပ်များကြလေတယ်။

နောက်တခေါက်သွားတော့ အင်စပက်တာကြီးက မှတ်မိနေတယ်။ မမှတ်မိဘဲနေမလား တပတ်တခေါက်ရောက်ပြီး ဗင်နံပါတ်မရှိတဲ့ ငတိမလေးပေကိုး။ ဗင်နံပါတ်က အိုကေပေမဲ့ ကားရှေ့မီး စင်ကနယ်က မှိန်နေလို့အင်စပက်လို့ မရပါဘူးတဲ့။ ရုံးကလူတွေ၊ အိမ်ကလူတွေ၊ ဆူနမ်တို့က စိတ်ဝင်စားကြတယ်။ ဒီလိုအဖြစ်မျိုး ဒီတခါပဲ ကြားဖူးလို့တဲ့။ ရုံးကလူတွေ၊ အိမ်ကလူတွေကို မေးကြည့်တော့ AutoZone မှာ မီးလုံးဝယ်ပြီး လဲခိုင်းလို့ ရပါတယ်တဲ့။ ကားအမျိုးအစား ပြောပြပြီး ညာဖက်စင်ကနယ် ရှေ့မီးပေးပါဆိုတော့ အူတူတူငတိမလေးကို ကြည့်ပြီး ရောင်းတဲ့အန်ကယ်ကြီးက သေချာအောင် ကားဆီလိုက်ပြခိုင်းတယ်။ ရှေ့နောက်စင်ကနယ်အကုန်ပြခိုင်းတယ်၊ စက်ဖုံးဖွင့်ခိုင်းတော့ ဟဲ..ဟဲ..ဒီကားက အသစ်ဗျ..မသိဘူးဆိုတော့ အန်ကယ်ကြီးမျက်နှာပေးက ငါထင်သားပဲတဲ့။ မီးလုံးရောင်းရင်လည်း ကိုယ့်ဘာသာ တပ်ဖို့ခက်လိမ့်မယ် ဝပ်ရှော့ဆီသာသွားပါတဲ့။ မီးလုံးမရောင်းလိုက်ဘူးဗျား။ ဝယ်ရှော့ဆိုင်လိပ်စာတွေ၊ ဖုန်းနံပါတ်တွေ ပေးလိုက်တယ်။ ရုံးချိန်နဲ့ တိုက်နေလို့ စနေ့နေ့မှ သွားပြင်လိုက်တယ်။ မီးလုံးက ၁၀ ပဲကျပြီး ပြင်ခက ၃၀ တဲ့ ဂစ်..ဂစ်..ဂစ်...။

အင်စပက်တာကြီးက စင်ကနယ်တွေ ပြခိုင်း၊ ဘရိတ်နင်းခိုင်း၊ ရှေ့မီးလင်းခိုင်း၊ ဟွန်းတီးခိုင်း၊ မိုင်တွေ မေးပြီး ပေး ငါးကျပ်... အောင်မြင်စွာ မှတ်ပုံတင်နိုင်ပါပြီတဲ့။ အိမ်လိပ်စာပြောင်းချင်ပြောင်းမှာမို့ မွေးလ နိုဝင်ဘာအထိပဲ မှတ်ပုံတင်ပါတယ်။ ဘာကြေး၊ ညာကြေး၊ အခွန်တွေနဲ့ ၁၅၀ကျော် ကျလေတယ်။ ဒါတောင် ဈေးအပေါဆုံး ပလိတ်နံပါတ်ပြားမို့လို့။ ဘတ်စကက်ဘောအသင်းတွေပါတဲ့၊ ရောင်စုံလှလှလေးတွေပါတဲ့ ပလိတ်ပြားဆို ဈေးကမသေး။ ဤသို့ဖြင့် ၆ ခေါက်တိတိ သွားပြီးသည့်နောက် အောင်မြင်စွာ မှတ်ပုံတင်နိုင်ခဲ့လေသည်။

ရှေ့က အပေါက်၂ပေါက်မှာ အသေအချာ မူလီနဲ့ တပ်ရမှာ..ကွျှနု်ပ်လက်ဖြစ် ဗင်နံပါတ်...
တခုကျန်သေးတယ်။ ကားမောင်းလိုင်စင်လဲဖို့။ ပြည်နယ်တခုမှာ တလနေပြီးရင် အဲဒီပြည်နယ်ရဲ့ လိုင်စင်ပြောင်းရမှာပါ။ မက်ဆာချူးဆက်ပြည်နယ်မှာတော့ လိုင်စင်ချိန်းတာ လွယ်တယ်။ အိုင်အိုဝါလိုင်စင်ပြ ရဲဌာနမှာ လက်ဗွေနှိပ်ပြီး မက်ဆာချူးဆက်ပြည်နယ်လိုင်စင် ထုတ်ပေးတယ်။ အိုဟိုင်းရိုးပြည်နယ်မှာတော့ ကားမှတ်ပုံတင်တာနဲ့ အိုဟိုင်းရိုးပြည်နယ်ကားမောင်လိုင်စင် မဟုတ်ရင် ရေးဖြေစာမေးပွဲပြန်ဖြေ။ အိုဟိုင်းရိုးကားမောင်းလိုင်စင်ရပြီးမှ ကားမှတ်ပုံတင်နိုင်တယ်။ ကန်တက်ဂီပြည်နယ်မှာတော့ ကားမှတ်ပုံတင်ဖို့ ကန်တက်ဂီပြည်နယ်ကားမောင်းလိုင်စင် ပြောင်းစရာမလို။ ကန်တက်ဂီပြည်နယ်လိုင်စင်ပြောင်းဖို့ ရေးဖြေ၊ ကားမောင်း ၂မျိုးလုံး ဖြေဆိုရသည်။ ကျောင်းမှာတုန်းက ကားမောင်းလိုင်စင်ရဖို့ ၆ကြိမ်အတိ မောင်းပြခဲ့ရသော စန်းထွန်းတယောက် မောင်းဖြေဖို့ ကြောက်လှလေသည်။ ကယ်လီဖိုးနီးယားပြည်နယ်မှာ မိုင်၈၀မောင်းပြီး ကားမောင်းလိုင်စင်ဖြေဆိုရတယ်လို့ ကြားတယ်။

ရုံးမှာ ကားတစီးရောင်းဖို့ စာကပ်ထားတယ်။ အိမ်စီးကားဆိုတော့ သန့်သန့်လေး။ အေဂျင့်ဖိုးလည်း ပေးစရာမလို။ ဝယ်ချင်သူတွေကို သတင်းပေးလိုက်နော်ဆိုတော့ နိုး..နိုး..  စန်းထွန်းအဖြစ်ကိုကြည့်ပြီး ကန်တက်ဂီပြည်နယ်ဆိုရင် ဝှောင်ဝှောင်ရှေးပါတော့မယ်တဲ့။


ဘောစတွန်သွားတောလား ၄ ပို့စ်တုန်းက လွန်ခဲ့သော ၁၀နှစ်က အမေရိကန်တွေရဲ့ အိမ်မက်ကားကို ပဟေဋ္ဌိ လုပ်ပါတယ်။ ကိုအွတ်ထောင်က ကားကတော့ ကားဒီလက် ကားကြီး.. မီးခွက်ကြည့်ရတာတော့ ၁၉၈၅ နောက်ပိုင်း၊ Sedan de Ville ထဲကဖြစ်လောက်မယ်... အဲ.. နှာယောင်ကြီး ရှေ့ကို ချွန်ထွက်လာတော့ ၁၉၉၃ နောက်ပိုင်းလောက် ထင်တာပဲ.. မှန်ရင်တော့ တစ်ဆင့်တိတိ ဆုပေးပါ :P ဆိုပြီး ရမ်းတုတ်ပါတယ်။ သူ့အဖြေ မှန်ပါတယ်။ အဲဒီကားက CADILLAC (ကက်လက်) ပါတဲ့ ခင်ဗျား။ စနေနေ့ညမှာ ကက်လက်လေးစီးပြီး လျှောက်လည်ရရင် သေပျော်ပါပြီဆိုတဲ့ သီချင်းလေးတောင် ရှိတယ်တဲ့။ ဈေးကြီးသလို တသက်လုံး အမုန်းစီးရမယ်တဲ့။ ကိုင်း..ကိုအွတ်ထောင်ကို တဆင့်တိတိ ချီးမြှင့်လိုက်မယ်..:P ။


တက္ကဆက်က ကလေးတွေအဘွားကို မက္ကဆီကိုနဲ့ နီးနီးလေးဆိုတော့ တဂျိမ်းဂျိမ်း သွားလည်နေမှာပေါ့လို့ စပ်စုတော့ နယ်စပ်ကို နေ့လည်ဖက်အလည်သွားပြီး မက္ကဆီကိုဖက်ကို ခြေတလှမ်းတောင် မချပါဘူးတဲ့။ အမေရိကန်မှန်းသိရင် ပြန်ပေးဆွဲလို့ အန္တရာယ်အရမ်းများပါတယ်တဲ့။ တက္ကသိုလ်တခုဆိုရင် ခြံဝန်းခတ်ထားပြီး ကလေးတွေကို နယ်စပ်မသွားအောင် တင်းကျပ်ထားပါတယ်တဲ့။ တောင်ပိုင်း တက္ကဆက်ပြည်နယ်က ပူပြီး နှင်းမကျပါဘူး။ အဲ မုန်တိုင်းတော့ များတယ်။ လွန်ခဲ့တဲ့ ၇နှစ်က ကက်ထရီနာမုန်တိုင်းတိုက်လို့ နယူးအော်လင်းမှာ လူတွေအများကြီး သေခဲ့ပြီး ၇နှစ်ပြည့်ဖို့ ရက်ပိုင်းအလို အိုင်ဆက်မုန်တိုင်း ဝင်နေပြန်တယ်။ မုန်တိုင်းဆိုရင် နာဂစ်ကတည်းက မီးမီးကြောက်ကြောက်။

Issac မုန်တိုင်း လူဝီဇီနားပြည်နယ် နယူးအော်လင်းမြိ ု့ကို ဦးတည်နေစဉ်...
ဟိုလာ (မင်္ဂလာပါ)လို့ နှုတ်ဆက်တော့ ကောင်းသောနေ့လေး ဖြစ်ပါစေ စပိန်လို  ပြန်ပြောတယ်။ တက္ကဆက်မှာ မက်ဆီကန်တွေ အများကြီးမို့လို့ စပိန်လို ထမင်းစားရေသောက်တော့ ပြောတတ်တယ်တဲ့။ ဟီး..ကိုလံဘီယာ ကျောင်းနေဖက် ဒန်နီယံသင်ပေးထားလို့ ဟိုလာ၊ ဂရပ်ရှပ် (ကျေးဇူးတင်ပါတယ်)၊ သရက်ရှ် သရက်ရှ် (သုံးသုံး) ပဲ တတ်တယ်။ ကိုလံဘီယာလည်း မက္ကဆီကိုလို ဒိန်ဂျားတဲ့။ အမေရိကန်တွေကို ပြန်ပေးဆွဲတယ်။ ဆေးခြောက်ကို အလွယ်တကူဝယ်လို့ရတယ်။ အမ်..ဒန်နီယံက ကိုလံဘီယာကမ်းခြေတွေက ရေငုပ်ဖို့အရမ်းလှတယ်၊ လူတွေကလည်း ဖော်ရွေတယ်လို့ပဲ ပြောတယ်။ အဲဒါတွေ ပြောဘူး။  သူက ကိုလံဘီယမ်ကိုး ဒါမျိုးတွေ မကြံ ုဖူးလို ့နေမယ်တဲ့။

အိမ်ရှင်နဲ့ လူနီအင်ဒီးယန်းတွေအကြောင်း စပ်စုကြည့်တော့ ကယ်လီဖိုးနီးယားပြည်နယ်ရှေ့ဖက် နီဘားဒါး သဲကန္တာရဖက်မှာ နင့်မျက်နှာနဲ့ဆင်တဲ့ မျက်နှာပေါက်တွေ တွေ့ရင် လူနီအင်ဒီးယန်းတွေလို့ မှတ်လိုက်ပါတဲ့။ မက်ဆီကန်တွေလည်း မျက်လုံးနက်နက်၊ ဆံပင်နက်နက်တွေ အာရှတွေနဲ့ဆင်တယ်။ နိုဝင်ဘာလရဲ့ စတုတ္တမြောက် ကြသပတေးနေ့ကို လူနီအင်ဒီးယန်းတွေက ဘယ်လိုစိုက်ပျိုးစားသောက်တတ်အောင် သင်ပေးခဲ့တာ၊ ဆောင်းဦး ကောက်ရိတ်သိမ်းချိန်၊ အမေရိကားတိုက်ကို ရှာဖွေတွေ့ရှိခဲ့လို ဘုရားသခင်ကို ကျေးဇူးတင်တဲ့အထိမ်းအမှတ် ကျေးဇူးတော်နေ့ပွဲတော်ကို ကျင်းပကြပါတယ်။

ဒေသခံ လူနီအင်ဒီးယန်းများ...
ကလေးတွေဘွားဘွားက အသက်၆၀ပြည့်ပြီမို့ အငြိမ်းစားယူပါပြီ။ အလုပ်လုပ်စဉ်တုန်းက လစာထဲက ဖြတ်ပြီး ပင်စင်အတွက် အစိုးရက စုဆောင်းပေးတယ်။  စုဆောင်းငွေတွေကို စီးပွားရေးတွေမှာ အစိုးရက ရင်းနှီးမြ ုပ်နှံတယ်။ ၁၉၅၀-၁၉၆၀ Baby Boomer အချိန်တုန်းက ကလေးတွေ အများကြီးမွေးကြပေမဲ့ အခုတော့ အမေရိကန်မိသားစုတခုမှာ ကလေး၂ယောက်ပဲ ယူကြတာ များပါတယ်။  Baby Boomer အချိန်တုန်းက မွေးခဲ့တဲ့သူတွေ အခုအချိန်မှာ အငြိမ်းစားယူကြပြီမို့ အငြိမ်းစားယူကြတဲ့ အရေအတွက်ကများပြီး အလုပ်လုပ်နေတဲ့ လူငယ်လူလတ် အရေအတွက်က နည်းလို့ အစိုးရက အငြိမ်းစားတွေကို သူတို့စုဆောင်းထားသလောက် မထောက်ပံ့နိုင်ပါဘူးတဲ့။ အလုပ်လုပ်တုန်းက တလငါးထောင်ရရင် အငြိမ်းစားယူရင်လည်း တလငါးထောင်  ထောက်ပံ့ရမှာ ခုအစိုးရက လေးထောင်ပဲ ထောက်ပံ့နိုင်ပါတယ်တဲ့။ လူလတ်ပိုင်း အမေရိကန်တွေ သူတို့အငြိမ်းစားယူချိန် အစိုးရဘက်ဂျတ်နည်းနေမှာကို စိတ်ပူမိတယ်တဲ့။

နောက်ပြသနာတခုက နယ်စပ်ကနေ တရားမဝင်ခိုးဝင်လာသူတွေ။ မက္ကဆီကိုနိုင်ငံက ဆင်းရဲလွန်းလို့  စတိတ်ကိုလာပြီး အလုပ်လုပ်ဖို့က မက်ဆီကန်တွေရဲ့ရည်မှန်းချက်။ ရတဲ့လစာလေးကို နေထိုင်ရေးအတွက် မရှိမဖြစ်လိုအပ်တာပဲသုံးပြီး ပိုတာကို မက္ကဆီကို ပြန်ပို့ကြတယ်။ နိုင်ငံခြားကို ထွက်ငွေများတော့ နိုင်ငံအတွင်း ဝင်ငွေလည်ပတ်စီးဆင်းမှုကို ထိခိုက်စေတယ်။ အခြေအနေပေးရင် မိသားစုကို ခေါ်၊ ရိုမန်ကက်တလစ်ဘာသာဝင်တွေမို့ ကလေးတွေ အများကြီးမွေး။ တရားဝင်နေထိုင်တဲ့ဖြစ်ဖြစ်၊ တရားမဝင်နေထိုင်တဲ့သူဖြစ်ဖြစ် နိုင်ငံအတွင်း ကလေးမွေးရင် ကလေးဟာ အဲဒီနိုင်ငံသားအော်တိုဖြစ်တာ အမေရိကန်တနိုင်ငံတည်း ရှိပါတယ်။

အမေရိကန်နိုင်ငံသားကလေးတွေရဲ့ အုပ်ထိန်းသူကို အစိုးရထောက်ပံ့တာကြောင့် အမေရိကန်မှာ ကလေးမွေးဖို့က မက်ဆီကန်တွေရဲ့ မျှော်လင့်ချက်။ အရီဇိုးနား၊ တက္ကဆက်တို့လို မက္ကဆီကိုနဲ့ နယ်စပ်ချင်းထိဆက်နေတဲ့ ပြည်နယ်တွေမှာ တရားမဝင်ခိုးဝင်နေထိုင်သူတွေ များပါတယ်။ ကိုယ်ဝန်၈လနဲ့ မက်ဆီကန်မိန်းမတယောက် သေနတ်နဲ့အပစ်ခံရပြီး သေရမှာ မကြောက်မလန့် စတိတ်ကိုခိုးဝင်ဖို့ ကြိ ုးစားတာ အမေရိကန်အတွက်အတွက်တော့ မိုက်မဲရှုးသွပ်လိုက်တာလို့ မြင်ပါတယ်။ အသက်ရှင်သန်ဖို့အရေး မငတ်မွတ်အောင် ရုန်းကန်နေသူတွေအတွက်တော့ သေမထူးနေမထူး စွန့်စားမှုတရပ်ပေါ့။

မက်ဆီကန် ရိုးရာဝတ်စုံ...အိမ်ကို အဝါရောင်တောက်တောက် ဆေးသုတ်ထားရင် သေချာတယ် မက်ဆီကန်တဲ့ဗျား...
အစိုးရဆီက ထောက်ပံ့စာ စားပြီး အလုပ်မလုပ် ကလေးတပြွတ်ပြွတ်မွေးနေတဲ့  မက်ဆီကန်တွေ၊ လူမည်းတွေအတွက်  အလုပ်လုပ်ပြီး အခွန်ထမ်းနေတဲ့ အမေရိကန်တွေ မပြောနဲ့ ကိုယ်တွေတောင် မကျေနပ်ဘူး။ မက်ဆီကန်တွေဟာ နိုင်ငံသားဖြစ်သွားလည်း စပိန်စကားပြော၊ အမေရိကန်လို မကျင့်၊ မက်ဆီကန်အသိုင်းအဝန်းမှာ ကျင်လည်၊ အမေရိကန်နိုင်ငံအတွက် သစ္စာစောင့်သိမှုမရှိ၊ အရေးကြံ ုရင် မက္ကဆီကိုနိုင်ငံဖက်မှာ ရပ်တည်ကြမဲ့လူတွေလို့ မြင်ပါတယ်။

ကော်လိုရာဒိုရုပ်ရှင်ရုံမှာ သေနတ်ဝင်ပစ်လို့ လူတွေ သေသွားပါတယ်။ သေနတ်တွေ လက်ဝယ်ရှိလို့ သေနတ်ပစ်မှုတွေ ဖြစ်တာ။ သေနတ်တွေ သိမ်းလိုက်ရင် ဒီကိစ္စငြိမ်းသွားမယ်ထင်တယ်ဆိုတော့ အမေရိကန်တွေကို လက်နက်သိမ်းဖို့ ဘယ်လိုမှ မဖြစ်နိုင်ပါဘူးတဲ့။ သေနတ်ရှိမှ ကိုယ်ကိုကိုယ် ကာကွယ်နိုင်မှာလို့ အမေရိကန်တွေ ယူဆပါတယ်။ ကိုယ့်အိမ်ထဲဝင်ပြီး ဓားပြတိုက်တဲ့သူကို သေနတ်နဲ့ပစ်တာ ကိုယ့်ကိုကိုယ် ကာကွယ်ရာရောက်ပြီး ထောင်မကျပါဘူးတဲ့။ အဲ အဲဒီဓားပြ ကိုယ့်အိမ်ပိုင်နက်ထဲမှာ မရှိတော့ရင်တော့ ကိုယ့်ကိုကိုယ် ကာကွယ်ရာ မရောက်တော့ဘူး။ ထောင်ကျနိုင်ပါတယ်တဲ့။ သူခိုးတယောက် ဝင်ခိုးရာက အိမ်ထဲ ၃ရက်လောက် ပိတ်မိနေလို့ အစာငတ်၊ ရေငတ်ဖြစ်နေတာ အိမ်ရှင်ကို သူခိုးက တရားပြန်ဆွဲနိုင်တာ အမေရိကန်နိုင်ငံမှာပဲ ရှိမယ်ထင်တယ်။ နိုင်ငံကို ကျူးကျော်လာသူတွေကို တိုက်ထုတ်ဖို့ သေနတ်ဆောင်ကိုဆောင်ရမယ်လို့ အမေရိကန်တွေ ယုံကြည်ထားတယ်။

အိမ်ရှင်က ပို့ကုန်သွင်းကုန် အေးဂျင့်ပါ။ သူ့ဖောက်သည်တယောက် ထောင်၃နှစ်ကျဖို့ သေချာသလောက် ရှိနေပါတယ်။ ဆေးလိပ်သောက်ရင် အခိုးအငွေ့တွေက ခန္ဓာကိုယ်ထဲရောက်တာက နည်းနည်း လေထဲလွှင့်ကုန်တာကများများ။ တရုတ်နိုင်ငံကထုတ်တဲ့ ပြောင်းတံကတော့ ခန္ဓာကိုယ်ထဲများများရောက်အောင် တီထွင်ထားပါတယ်။ ဆေးခြောက်ရှုပြီး ခန္ဓာကိုယ်မပါတော့ဘူးလို့ ဖီးလ်တက်နေအောင်လို့ပါတဲ့။ ကယ်လီဖိုးနီးယားမှာ တရားဝင်ပေမဲ့ ဒီပြည်နယ်မှာ တရားမဝင်ဘူးလို့ အိမ်ရှင်က ပြောတော့ သူများတွေလည်း ရောင်းနေတာပါပဲဆိုပြိး ရောင်းပါတယ်။ ခုတော့ တရားမဝင် ဆိုင်မှာတွေ့တာနဲ့တင် ထောင်ဒဏ်သုံးနှစ်ဆိုတော့ အစိုးရကို တရားဝင်တယ်ထင်လို့ သူရောင်းတဲ့အကြောင်း ထုချေပေးဖို့ အကူအညီတောင်းပါတယ်။ အိမ်ရှင်မကလည်း ငါနင့်ကိုပြောသားပဲ ရှေ့နေနဲ့တိုင်ပင်၊ ပစ္စည်းတွေ တရုတ်ပြည်ပြန်ပို့ဖို့ ကူညီနေပါတယ်။ သူ့ဖောက်သည်ရဲ့ အမျိုးသမီးက မွေးဖွားရင်း ကလေးသေသွားလို့ အိမ်မှာ နာရေးဖြစ်နေချိန်။ ဒီလိုကိစ္စဖြစ်တော့ ထောင်၃နှစ်လောက် ကျနိုင်တယ်တဲ့။


စကားစပ်မိပြီး ဘိန်းတွေအကြောင်းရောက်သွားတော့ အိမ်ရှင်မက ဘိန်းဟာ အရမ်းဆိုးရွား လူသတ်တဲ့ အရာပါတဲ့။ အင်္ဂလိပ်-မြန်မာစစ်ပွဲအပြီး  မြန်မာပြည်ကို အင်္ဂလိပ်တွေသိမ်းပြီး ဘိန်းကို မြန်မာပြည်မှာ စိုက်ပျိုးခဲ့တယ်။ တရုတ်ပြည်နဲ့လည်း ဘိန်းစစ်ပွဲ ဆင်နွှဲခဲ့တယ်။ တောင်တန်းဒေသတွေဟာ ဘိန်းစိုက်ပျိုးလို့ အကောင်းဆုံး။ ကမ္ဘာပေါ်မှာ ဘိန်းစိုက်ပျိုးထုတ်လုပ်မှုအများဆုံး အာဖကန်နစ္စတန်ပြီးရင်  မြန်မာပြည်က ဒုတိယလိုက်တယ်။ ရွှေတိဂြံဒေသဟာ မူးယစ်ဆေးကြောင့် နာမည်ဆိုးနဲ့ ကျော်ကြားတယ်။ စိုက်ပျိုးတဲ့တိုင်းရင်းသားတွေဟာ ဘိန်းရဲ့ ဆိုးရွားမှုကို မသိကြဘူး။ ဂျပန်က ပန်းဂျုံစိုက်ပျိုးဖို့ ကူညီပေမဲ့ ဝင်ငွေကွာတော့လည်း ဘိန်းပဲ စိုက်ကြတာပေါ့။ စိုက်ပျိုးတဲ့ တိုင်းရင်းသားတွေ နည်းနည်းပဲရပြီး ဘိန်းဖြ ူထုတ်တဲ့လူတွေကတော့ ချမ်းသာသွားကြတယ်။ အစိုးရက ဘိန်းဖြ ူထုတ်လုပ်တဲ့ လက်နက်ကိုင်အဖွဲ့အစည်းတွေကို ကာကွယ်ပေးတယ်။ နှစ်စဉ် မူးယစ်ဆေးဝါးဖျက်ဆီးပွဲတွေကို နိုင်ငံတကာအသိုင်းအဝန်း သံတမန်တွေရှေ့မှာ ကျင်းပပေမဲ့ ဘိန်းဖြ ူထုတ်လုပ်မှုက တိုးလာဆဲပဲ။

အင်း..အလုပ်ရုံဆွေးနွေးပွဲမှာ တွေ့လိုက်ရတယ်။ မြန်မာပြည်က ဘိန်းထုတ်လုပ်မှုမှာ နာမည်ကြီးပဲ။ အိန္ဒိယနိုင်ငံရဲ့ အရှေ့ဖက်မှာ။ နိုင်ငံက ကြီးသားပဲနော်တဲ့။ ထိုင်ဝမ် HTC ကုမ္ပဏီ စီအီးအိုက မြန်မာလူမျိုးဟုဆိုကာ တရုတ်တွေရှေ့ ကြွားခဲ့တုန်းက မြန်မာကွဟု မော့နေခဲ့တဲ့ မျက်နှာသည်  ဘိန်းကြောင့် အမေရိကန်တွေရှေ့တွင်  မျက်နှာငယ်နေရဖူးသည်။

စန်းထွန်း
စက်တင်ဘာ ၂၊ ၂၀၁၂။