No Air...

enjoying the beauty of nature from this chair.

ညသန်းခေါင်ယံ ရုတ်တရတ် လန့် နိုးလာခဲ့သည်။ အိမ်မက်ဆိုးမက်သောကြောင့် မဟုတ် အသက်ရှုမဝသောကြောင့် ဖြစ်သည်။ မြေအောက်ထပ်အလုံပိတ်အခန်းမို့ လို့  လေတွေ ကုန်ခမ်းသွားတာလား။ နှာခေါင်းဝ လက်ကလေးတေ့တော့ ကာဗွန်ဒိုင်အောက်ဆိုဒ်ကြောင့် နွေးနေသော လေငွေ့ ငွေ့ လေးကို ခံစားမိသည်။ သို့ သော် ရင်ထဲအသက်ရှုမဝ မွန်းကြပ်နေသည်။ လေဝင်ပေါက်များ ပိတ်ထား၍သလား။ လေဝင်ပေါက်ကို သွားစစ်ကြည့်တော့ တဟူးဟူး လေတိုးဝင်နေသံကြားရုံမက အေးစိမ့်သွားသည်။ ပြတင်းပေါက်များ ပိတ်ထား၍သလား။ ပြတင်းပေါက်ကို သွားဖွင့်တော့ လေနုအေးလေးကို တိုးဝှေ့ သွားသည်။ ဒါဆို အဲဒီလေတွေ ဘယ်ရောက်သွားပါလိမ့်။

လေ..လေ..လေ..
အသည်းအသန်လိုအပ်နေသည်။ အသက်ရှုမဝလို့  သေသွားရင်..။  တကယ်ကြောက်မိသွားသည်။ ကိုယ့်ရည်မှန်းချက်တွေ၊ အိမ်မက်တွေ၊ မျှော်လင့်ချက်တွေ မပီပြင်သေးဘူး။ ကိုယ်တွေ့ ချင်တဲ့သူတွေ၊ ကိုယ်ပြောချင်တဲ့စကားတွေ၊ ကိုယ်လုပ်ချင်တွေအရာတွေ..။ ဘုရားရေ...။


လေယာဉ်ပျံသံတွေ နားမခံနိုင်သည့်အဆုံး ပြတင်းပေါက်ပိတ်လိုက်သည်။ သေခြင်းတရားဆိုတာ ရှောင်လွဲလို့ မှ မရတဲ့အတူ ရင်ဆိုင်လိုက်မည်။ နွေးထွေးစေတဲ့ ဆေးတွေလိမ်း နွေးနွေးထွေးထွေးဝတ် အိပ်ပျော်အောင် ကြိုးစားရင်း အိပ်ပျော်သွားသည်။ မနက်မိုးလင်းတော့ အိပ်ရေးဝလို့  လန်းဆန်းတက်ကြွနေသည်။ အခန်းထဲက လေသည် အရင်အတိုင်းဖြစ်သည်။ အရင်အတိုင်းမဖြစ်သည်က ကိုယ့်ရဲ့ စိတ်။

အလုပ်ဝင်ကာစ မသိနည်းပညာတဲ့ဝေါဟာရတွေ၊ မရင်းနှီးသေးတဲ့ သူတွေ၊ မကျွှမ်းဝင်သေးတဲ့ အလုပ်တွေကို နားလည်သဘောပေါက်အောင် ကြိုးစားနေရချိန်။ ကိုယ့်ရှေ့ ကတယောက်ကို တလနဲ့  ဖြုတ်ထားတယ်လို့  ကြားသိတဲ့အချိန်။ နေရာသစ်၊ အလုပ်သစ်၊ လူသစ်ဆိုတော့ စိတ်ဖိစီးတယ်နဲ့  တူပါရဲ့ ။

so called Lavendar...

ခန္ဓာကိုယ်ကျန်းမာအောင်စား၊ ကျန်းမာအောင်နေဖို့ လိုသလို စိတ်ကျန်းမာဖို့ လဲ လိုအပ်သည်။ ကဲ ဒါဆို စိတ်ကျန်းမာအောင် ဘယ်လိုနေရမလဲ။ အလုပ်မှာ ပျော်ရွှင်ဖို့ ကလည်း အရေးကြီးသည်။ ကိုယ်တွေရဲ့  အချိန်တော်တော်များများသည် အလုပ်၌ ကုန်ဆုံးသည်။ ကိုယ်ဝါသနာပါတဲ့ အလုပ်တွေ လုပ်ရတာ ကိုယ့်ကိုကိုယ် ယုံကြည်စိတ်ချမှုတိုးသည်။ အလုပ်ပင်ပန်းလျှင် တွေးလိုက်ပါ အလုပ်သာ မရှိဘူးဆိုရင် တော်တော်ပျင်းဖို့  ကောင်းနေမှာလို့ ။

အီလက်ထရောနစ်ခေတ်ကြီးမှာ ကွန်ပျူတာနဲ့ မျက်နှာချင်းဆိုင်ရသည့်အချိန်က များလေသည်။ ဒါ့ကြောင့်လဲ စိတ်ဖိစီးမှုများတယ် ထင်ပါ့။ သစ်ပင်ပန်းမန်တွေ စိုက်ပျိုးတာ၊ စာအုပ်ဖတ်တာ၊ လမ်းလျှောက်တာ၊ အားကစားလေ့ကျင့်တာ၊ မိသားစု၊ သူငယ်ချင်း၊ ချစ်ခင်ရတဲ့သူတွေနဲ့  အချိန်ပေးတာ၊ သီချင်းနားထောင်တာ၊ တရားထိုင်တာတွေက စိတ်ဖိစီးမှု လျှော့ကျစေပါတယ်။ နာနာ မနာနာ ပရိတ်တရားဖွင့်ထားခြင်း၊ ပရိတ်တရားဖွင့်ရင်း အိပ်ခြင်းသည် ကိုယ့်အတွက်တော့ လုံခြုံစိတ်ချမှုပေးသည်။


မလေး နေ့ လည်ထမင်းစားပြီးလျှင် လမ်းလျှောက်သည်ကို အားကျ၍ ကိုယ်လည်း နေ့ လည်ထမင်းစားပြီးချိန်နဲ့  ရုံးဆင်းချိန် ရုံးကို တပတ်ပတ် လမ်းလျှောက်လေသည်။ ကိုယ်တို့ ရုံးနားမှာတော့ စမ်းချောင်းလေး မရှိ။ ဘဲမကြီးနောက် မလိုက်သည့် ဘဲကလေးတွေကို စိတ်ပူစရာ မလိုဘေ ..:P။ လာဗင်ဒါဟု ကိုယ်နာမည်ပေးထားတဲ့ အလေ့ကျပေါက်ပင်တွေ၊ နီနီရဲရဲပွင့်အာနေတဲ့ နှင်းဆီးပန်းတွေ၊ ဆီးသီးနဲ့တူတဲ့ အသီးတွေ၊ ဆောင်းဦးကို ကြိုလင့်နေတဲ့ မြက်ရိုင်းတွေနဲ့ ။ မျက်နှာ ကွန်ပျူတာမှ ခွာလိုက်သောအခါ လှပသော သြကာသလောကကြီးကို တွေ့ လိုက်ရလေသည်။

ကိုယ်တော့ အလုပ်မှာ ဘယ်လိုဖြေရှင်းမရတဲ့ အခက်အခဲတွေကြုံရင် မျက်စိလေးမှိတ်ပြီး လေဝင်လေထွက် မှတ်ရင်း စိတ်ကို ခဏအနားပေးလေ့ရှိသည်။ သူငယ်ချင်းတွေမောင်းသည့်ကားကို စီးရသည့်အခါ  လက်ကလေးကို လေတိုးဝှေ့ သွားသည်ကို နှစ်သက်သဘောကျသည်။ မှန်အလုံပိတ်ကာ လေအေးပေးစက်ဖွင့်ရသည်ကို မနှစ်သက်ဘဲ ကားမှန်အကုန်ချကာ မောင်းလျှင် ကိုယ့်သူငယ်ချင်းများက ကောင်းချီးသြဘာပေးကြလေသည်။ ဆံနွယ်တွေ လေမှာဝေ့ကာ ခပ်ဖွဖွလေး အပြေးလေ့ကျင့်ရသည်ကို နှစ်သက်သဘောကျသလို စက်ဘီးစီးရင်း လေနဲ့ အတူ  ရွှက်လွှင့်ရသည်ကို နှစ်သက်သဘောကျသည် ။

sweet fragrance with bees...
humble grass..but beautiful in my eyes...

ကန်ရေပြင်မြေညီနား ရပ်ရင်း ညင်သာစွာ တိုက်ခတ်နေသော လေနုအေးကို မျက်စိလေးမှိတ်ကာ ခံစားရင်း သိမ်မွေ့ လွန်းသောအရာတခုကို ဖမ်းဆုပ်မိဖို့  ကြိုးစားနေခဲ့ဖူးသည်။ မျက်စိလေးမှိတ်ကာ အသက်ခပ်ပြင်းပြင်း ရှုပြီး လေနွေးနွေးလေး နှုတ်ဆက်ထွက်ခါသွားသည်ကို တခါတုန်းက ကိုယ်တကယ် ပျော်ရွှင်ခဲ့ဖူးသည်။

စန်းထွန်း
သြဂုတ် ၂၀၊ ၂၀၁၂။

8 comments:

Anonymous said...

စန်းထွန်း..
ဖတ်လို့ ကောင်းတယ်။ သဘောကျတယ်။
ဒါနဲ့ ဟီတာဖွင့်ထားပြီးအိပ်ရင်တော့လေမလုံအောင်သတိထားနော်။ ဒီဘက်မှာ တံခါးတွေလုံအောင်ပိတ်ပြီးဟီတာဖွင့်အိပ်ကြလို့ မိသားစုလုိုက်ဒုက္ခရောက်သွားကြတာတွေခဏခဏကြည့်ရတယ်။ ကုိုယ်လည်းတခါတလေတံခါးလုံသွားရင် မူးပြီးနိုးလာတတ်တယ်။ အိပ်မောကျနေရာကနုိုးလာတယ်ဆုိုတာအကြောင်းတခုခုကြောင့်ဘဲဆိုတာကိုယ်တွေ့ မို့ လို့ အကြောင်းရှိရမယ်လို့ အမြဲတွေးမိတယ်။
ပျော်ရွှင်ပါစေ...
အိုင်အိုရာ

ဘုန်း၂တောက် said...

စန်းထွန်းက အလေ့ကျပေါက်ပင်ကို လာဗင်ဒါဆိုလို့ စင်္ကာပူက lavender ကို သွားအမှတ်ရနေသေးတယ်။ ချမ်းမြေ့ပါစေ

Unknown said...

အဆိုးတွေ အမြန်ဆုံး လွန်မြောက်ပါစေ။ ဆက်ရေးပါဦး

မိုးငွေ့........ said...

စဖတ်ဖတ်ခြင်း အသက်ရှူကျပ်သွားတယ်..အဲံလ်ိုခံစားမှုမျိုး မကြာခနခံစားဖူးတယ်...။ စိတ်ဖိစီးမှုကြောင့်လို့ထင်ပါတယ်...။ လမ်းလျှောက်အပင်တွေကြည့်လေသန့်တွေရှူပေးတာကောင်းပါတယ်..။

မီးမီးငယ် said...

စန်းထွန်းလေးရေ..
ကိုယ့်အမျိုးသားစိတ်ဖိစီးမှု့ ဖြစ်လို့ ၊
ဆရာဝန်ဆီရောက်တော့သူကရေကိုခပ်များများသောက်ခိုင်းတယ်။သောက်နိုင်သလောက်များများသာသောက်ပါတဲ့။
ကွန်ပြူတာရှေ့ မှာတောက်ရှောက်မထိုင်နဲ့ ပေါ့။
သောက်လောက်၊ပေါက်လိုက်နဲ့ အလှည့်ကျလေးလုပ်ပေးလိုက်လေ..အဟဲ။
နဲနဲလျှာရှည်ကြည့်တာပါ...။

mstint said...

ဆန်းကျယ်တဲ့စိတ်စေတသိက်ရဲ့ ကောင်းစိတ် ဆိုးစိတ်ကို ကိုယ်တိုင်ပဲ ဖန်တီးလို့ရတယ် စန်းစန်းရေ။ စိတ်ဖိစီးမှုကို လွန်မြောက်ဘို့ရာ စိတ်ပျော်ရွှင်မှုကို ကိုယ့်အနီးအနားမှာ ရှာဖွေတွေ့ရှိနိုင်ပါတယ်။ Fighting !!!
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

Nyi Linn Thit said...

ချစ်စရာကောင်းတဲ့ ရောင်စုံသြကာသ လောကကြီး အကြောင်း၊ ဝင်သက်ထွက်သက် လေတွေအကြောင်း သိနေတာကပဲ စိတ်ဖိစီးမှုကနေ တဝက် လွတ်မြောက်ပြီးနေ ပါပြီ၊ တချိန်လုံး ငြိမ်ငြိမ်လေးထိုင်ပြီး အလုပ်လုပ်ရသူတွေ အဖို့ 'ဟန်ချက်' ပျက်မသွား စေဖို့ပါပဲ ညီမစန်းထွန်းရေ..။

ညိမ်းနိုင် said...

သိပ်လှတဲ့ အက်ဆေးလေးပဲဗျ.....သိလား....၊အဲ့လိုလေး
ရေးတတ်ချင်တယ်...။