The eye...


မင်း မျက်လုံးက အညိုရောင်နော်...

ဟု ဆိုလာသောအခါမှ မှန်ယူပြီး အသေအချာ ကြည့်မိသည်။ အနက်ရောင်ဟု ထင်ခဲ့သော မျက်လုံးများသည် အညိုရောင် ဖြစ်နေခဲ့သည်။  အနက်ရောင်တွင် အညိုရောင် မျက်ဆံများကြောင့် လုံးဝ ညိုညိုကြီးတော့ မဟုတ်။ ညိုတိုတိုဟု ဆိုရမည်။ မျက်လုံးအညိုရောင်သည် ဖေ့ဆီမှ ဖြစ်ပြီး မျက်အိမ်ကြီးကြီးသည် မေ့ဆီမှ အမွေရလိုက်ဟန် တူသည်။

မျက်လုံး နက်နက်ဝိုင်းဝိုင်းများကို နှစ်သက်သောသူသည် အနည်းငယ် ပိတ်သယောင်ထင်ရသော မျက်လုံးများကို နှစ်သက်သွားသောအခါ ထိုမျက်လုံးများသည်လည်း ဆွဲဆောင်မှုတမျိုးရှိကြောင်း သိသွားခဲ့သည်။ ကိုယ်တို့  နယ်မြို့ လေးတွင် ပြာလဲ့လဲ့ မျက်လုံးပိုင်ရှင် အန်ကယ်ကြီးကို မူရင်းနာမည်တော့မသိ တမြို့ လုံးက ကြောင်မျက်လုံးဟုသာ ခေါ်ကြသည်။

နိုင်ငံရပ်ခြားသို့  ရောက်သောအခါ ခံစားချက်မဲ့နေသော မျက်လုံးဗလာများကို ကြုံရသည်။ မြန်မာ၊ ထိုင်း၊ လာအို၊ ကမ္ဘောဒီးယား၊ ဖိလစ်ပိုင်၊ အင်ဒိုနီးရှား၊ မလေးရှားတို့ ၏ မျက်လုံးများသည် ပုံသဏ္ဍန် တူညီသည်။ ထိုမျက်လုံးများတွင် စပ်စုတတ်သော၊ ကူညီတတ်သော၊ သနားကြင်နာတတ်သော၊ နွေးထွေးသော ခံစားချက်များကို တွေ့ ရသောကြောင့် ဖြစ်သည်။ ဗီယက်နမ်၊ တရုတ်၊ ဂျပန်၊ ကိုရီးယားတို့ သည် အသားအရောင်၊ မျက်လုံးသဏ္ဍန် တူညီသည်။ ဘင်္ဂလားဒေ့ရ်ှမှစ၍ အရှေ့ အလယ်ပိုင်းအထိ မျက်လုံးသဏ္ဍန် တူညီသည်။

နီပေါလူမျိုးများ၏ မျက်လုံးများသည် မြန်မာဖြင့် ဆင်တူသော်လည်း အညိုရောင်ဖြစ်သည်။ အပြာနု၊ အပြာရင့်၊ မီးခိုးရောင်၊ အစိမ်းရောင် ရောင်စုံမျက်လုံးများကို တွေ့ ရသည်။ ထိုမျက်လုံးများသည်လည်း ဗလာမျက်ဝန်းဖြစ်သည်။  မည်သည့်ခံစားချက်ကိုမှ ထိုမျက်ဝန်းများတွင် မတွေ့ ရတတ်။

ပင်လယ်ပြာရောင် မျက်လုံးများက လှပသော်လည်း  ရွှေရောင်မျက်ခုံးများကြောင့် အလှဖျက်သလို ခံစားမိသည်။ အပြာရင့်ရင့် မျက်ဝန်းများကို မျက်ခုံးခုံးနက်နက်၊ မျက်တောင်နက်နက်များက အနားသတ်ပေးထားသောအခါ လှလိုက်တာဟု ငေးနေခဲ့ဖူးသည်။ ဥရောပမှ မျက်ခုံး၊ မျက်ဝန်း နက်နက်၊ ရွှေညိုရောင်ဆံကေသာကိုတော့ အရှေ့ တိုင်းနှင့် အနောက်တိုင်းကို ပေါင်းစပ်ထားသည့်အလှဟု တွေးခဲ့ဖူးသည်။

မျက်လုံးအရောင်စုံတွေကြား ရောက်သောအခါ မျက်ဝန်းနက်နက်လေးများကို ပိုတမ်းတမိသည်။ နိုင်ငံမတူသော်လည်း မျက်လုံးအရောင်၊ ပုံသဏ္ဍန်တူသော မျက်ဝန်းနက်နက်များက ကိုယ့်လူမျိုးကြားထဲ ရောက်နေသယောင် ခံစားမိစေသည်။

စပ်စုတတ်သော၊ ကူညီတတ်သော၊ သနားကြင်နာတတ်သော၊ နွေးထွေးသော မျက်ဝန်းနက်နက်လေးများကို ကိုယ် တကယ် လွမ်းနေခဲ့ဖူးသည်။

စန်းထွန်း
ဇွန် ၁၅၊ ၂၀၁၂။

12 comments:

လွင်ပြင်လှိုင်းငယ် said...

အခုမှပဲ မျက်ဝန်းအကြောင်းသိခွင့်ရတော့တယ်။ကျေးကျေးပါ

AH said...

ထပ်တူထပ်မျှ ခံစားရတယ်... မျက်ဝန်း နက်နက်လေးတွေ......

Anonymous said...

အပြစ်ကင်းစင်တဲ့ ... ၊ မာယာတွေ မရှိတတ်တဲ့ ...

မျက်ဝန်းလေးတွေကို ကြည့်နေရတာကပဲ ...

အတိုင်းအတာ တစ်ခုအထိ ပြည့်စုံနေခဲ့ပါတယ် ။

သိ င်္ဂါ ရ said...

အပြစ်ကင်းစင်တဲ့ ... ၊ မာယာတွေ မရှိတတ်တဲ့ ...

မျက်ဝန်းလေးတွေကို ကြည့်နေရတာကပဲ ...

အတိုင်းအတာ တစ်ခုအထိ ပြည့်စုံနေခဲ့ပါတယ် ။

စံပယ်ချို said...

သတိတရလာခဲ့တော့လဲမျက်ဝန်းလေးတွေအကြောင်းသိခဲ့
ရပါတယ်စန်းထွန်းရေ

ကိုကိုမောင်(ပန်းရနံ့) said...

မှန်ထောင်ကြည့်လိုက်ဦးမယ်။ ကိုယ့်မျက်လုံးက ဘယ်လို မျက်လုံး အမျိုးအစားထဲပါလဲလို့။

မျက်လုံးသုတေသနလုပ်နေတာ ထင်တယ်။ စုံနေတာဘဲ။

Anonymous said...

ဒါဆို..သများမျက်လုံးက
ဆိုးပေဘူးဘဲ :P


ချစ်ခြင်းအားဖြင့်
မိစံ

ပစ်ပစ် said...

အထွန်းရေ
စပ်စုတဲ့ သနားကြင်နာတဲ့
နွေးထွေးတဲ့ ကူညီတတ်တဲ့
မျက်ဝန်းလေးနဲ့ အထွန်းကို
ကြည့်သွားတယ်နော်... :)

ကိုရင် said...

မျက်လုံးဋီကာပေါ့.. မှတ်သွားတယ်ဗျာ..
သူကြီးမင်းကတော့ ကြည့်မနေပါနဲ့.. မျက်တွင်းနက်တဲ့အထဲ ပါတယ်နေမယ်.. :D

မီးမီးငယ် said...

စန်းထွန်းရေ..
ခုလောလောဆယ်တော့၊
အိပ်ငိုက်နေတဲ့၊
မျက်ဝန်းလေးတွေဘဲဖြစ်နေတယ်။
မျက်တွင်းနက်နက်ဟောက်ပက်လေးပေါ့။

Nyi Linn Thit said...

ဟုတ်တယ်ဗျာ..၊ မျက်လုံးရဲ့ ပုံသဏ္ဍန်ထက် အဲဒီ မျက်လုံးတွေထဲမှာ မြင်ရတဲ့ နွေးထွေးမှု၊ ခင်မင်ရင်းနှီးမှု၊ ကူညီတတ်မှုတွေကို ပိုပြီး လိုလားတောင့်တတယ်..။

ဟန်ကြည် said...

မျက်လုံးဆိုတာ စိတ်ရဲ့ပြတင်းပေါက်ကိုး စန်းထွန်းရဲ့...အမူအယာကို ညာလို့ရမယ် မျက်လုံးကိုတော့ ညာလို့မရနိုင်ဘူးလို့ ကျမ်းတစ်စောင်မှာ ဖတ်ဖူးတယ်...ဦးဟန်ကြည်တို့ အာရှသားတွေရဲ့ မျက်လုံးတွေထဲမှာ စာနာမှု၊ ကြင်နာမှုတွေပါတာ သဘောကျပေမယ့် စပ်စုချင်စိတ်တွေပါနေတာတော့ ဘ၀င်မကျချင်ဘူး...ဒါပေမယ့်လည်း စပ်စုရင်းကနေ ကူညီဖြစ်သွားတာကျတော့ အားပေးသား...လောလောဆယ်တော့ စပ်စုပြီး အတင်းတုတ်တာတွေချည်းတွေ့နေလို့ ဒေါကတော့ ခပ်ကန်ကန်ရယ်း)